نيجيريا تطلق قمرا صناعيا

[عادل أبوزيد]

لست أهذى !!!!

من لحظات قرأت هذا الخبر فى شريط الأنباء على قناة النيل للأخبار

لا أستطيع أن أصدق و لا أقوى على التعليق

[Lighthouse]

ولماذا لاتستطيع ان تصدق ؟؟

حقيقة مشكلتنا اننا لانتوقع ان يتقدم الغير فلهذا سنبقى في المؤخرة وسيسبقنا الجميع .

[Mohd Hafez]

لقد سمعته ورأيت فيديو كليب مع الخبر .. وذلك على شبكة الBBC .. ولقد أذهلني وقوف عدد من علماء نيجيريا حول جسم القمر الصناعي أثناء إغلاق بعض أجزاءه وفحصه تمهيدا لإطلاقه .. بصراحة لم أصدق عيني .. ونويت أن أتاكد منه مرة أخرى ..

[Proud Muslim]

معلش .. سؤال ..

هل اطلقته فقط .. ام صنعته ؟؟

[سقراط المصري]

إن لله وإن إليه راجعون

عباره أقولها عن أنفسنا

وهذا كان تعليقي على الخبر

[mnman]

في اية ياجماعة...احنا كدة المصريين دايمااااااااااااااااااااااااااااا بننسي..... مش من قد كاااااااااااااام شهر احتفلنا بصناعة اول أستيكة مصرية 100% عايزين اية تاني....بكرة ندخل علي البراية و القلم الرصاص و الجلاد و مين عارف مش ممكن تحصل طفرة و نصنع مسطرة ولا برجل.... الحمد لله يارب انك مديت في عمري لحد مشوفت اول استيكة مصرية 100%.....

منمان العائد....

[صعيدي]

عقبال بوركينا فاسوا وموزمبيق وتنزانيا و...........................كل بلاد العالم غيرنا

و ربنا يخليلنا راعى العلم والعلماء......................أمين

ربنا يخليلنا اللاعبين والراقصين والمطربين اللى دايما رافعين راية مصر خفاقة

بالمناسبة هى ليه نيجيريا مفكرتش تنظم كاس العالم "وش ساذج"

[se_ Elsyed]

معليش نريد مزيد من التفاصيل ...

يعني هل هو قمر تجسس ؟ ولا قمر زي النيل سات للقنوات الفضائية ؟

وبعدين ماتنسوش إن نيجيريا دولة نفطية غنية جداً ولولا الحرامية اللي ناهبين ثروة البلد والصراعات الطائفية المتى يقف وراءها المنتفعون كان زمانها فى مصاف الدول المتقدمة جداً على الأقل فى القارة الأفريقية ..

فهل تعلمون إن " ساني أباتشي " الحاكم العسكري اللي أغتصب السلطة من " مسعود أبيولا " ولغى الإنتخابات وحكم البلاد لعدة شهور ثم مات بحباية فياجرا سرق هو والنائب بتاعه خلال هذه الشهور 750 مليون دولار .....