يتزوج أربع نساء فى ليلة واحدة!!

[حشيش]

يتزوج أربع نساء فى ليلة واحدة!!

تزوج شاب سعودى أربع نساء فى ليلة واحدة، ليثبت لمطلقته أنه مازال جذاباً. أكدت صحيفة »الوطن« السعودية ان الشاب الذى ينتمى الى قبيلة »القحطانى« انفصل عن زوجته بعد علاقة فاشلة استمرت عدة شهور.

ونسبت الصحيفة الى الشاب قوله ان طليقته زعمت أنه لن يستطيع الزواج بعد طلاقهما. وأشارت الصحيفة الى أن اجمالى مهور النساء الأربع بلغ 80 ألف ريال »حوالى 135 ألف جنيه مصرى«.

http://www.alwafd.org/front/detail.php?id=...d=2080&cat=smal

وده لأنه بيشرب (حليب المراعى)...اسمح لى عزيزى القحطانى أن أرفع لك الطربوش (قصدى القبعة)...تسمح لى أقول لك ياعمى...

[سقراط المصري]

منك لله يا حشيش ، تعليقك فطسني من الضحك.

شوف ياحشيش ، إنه يتزوج أربعه في ليله واحده دا أسمه هبل على عبط ، وعندما يكون سبب الزواج ليثبت لمطلقته انه يقدر ان يتزوج عليها فهذه هيافه مخلوطه بفراغ ، وعندما يدفع هذا المبلغ لإثبات غرضه - وإن كان المبلغ لحد ما متواضع- فهذه خيابه على صوتي يااللي انت مش غرمانه.

اما موضوع انه بيشرب لبن المراعي..............( عرفت منين يا خبيث) فياريت يا أخ حشيش تبعتلي لترين لبن مراعي علشان ارفع الطربوش ( أقصد أرفع القبعه..طبعاً) .

والاستاذ كان من قبيلة القحطاني ، طيب والقحط ده جاله قبل الزواج ولا بعده.

حشيش منك لله عايز اعلق بس خايف من الإنذار ، هتودينا في داهيه.

عامة انا منتظر تعليق س السيد ، يمكن يكتب اللي في نفسي.

[Proud Muslim]

قال الأخ العزيز سقراط المصري :

وإن كان المبلغ لحد ما متواضع-

هو متواضع لو قسمناه على أربعة ..يعني كل واحدة 20 ألف ريال ..

بس في نقطة هنا ..

ان المهر في دول الخليج هو عبارة عن هدية ليس أكثر !!

يعني لسه عليه البيت .. و فرش البيت و كل اللوازم !!

زائد عليه يجيب دهب ..بكميات كويسة يعني !!

يقول رب العزة :

(و لا تؤتوا السفهاء أموالكم )

و بس !!

[se_ Elsyed]

شكراً لأخي العزيز / حشيش الشهير بالغضنفر ... على هذه الموضوعات القيمة التى تعطينا أملاً في غدٍ أفضل وتثبت إن الدنيا لسه بخير

والواحد فعلاً بيستنى الموضوعات اللي زي دي علشان يشوف الحقد والحسد اللي عند الناس ... ماتسيبوا الراجل يتجوز زي ماهو عايز ( حقه ولا مش حقه ؟!!! هــــــــــــــا إعترضوا بقى ) وانا عندي علاقات طيبة مع المسئولين بجريدة الوطن وهأحاول أجيب عنوان الراجل ده علشان أروح أطمئن عليه من وقت للأخر ....

وبعدين لا أخفي عليك سراً يا دكتور حشيش أنا يومياً بأشرب حليب المراعي بس مش حاسس بأي تحسن !!!!! ... تفتكر ليه ؟ ( أرجو إرسال الاجابات على البي ام أو الأتصال على رقم 900906666.. بلاش فضايح )

بس معلومة بجد .. ان قبائل آل قحطان مشهور عنهم إن عندهم مزارع إبل واغنام وحاجات من دي في الجنوب ... فهما متعودين على شرب حليب الإبل كل يوم وماقلكش بتخليهم عاملين إزاي ... وهناك فعلاً دراسات معمولة عن هذا الموضوع وده اللي بيخلي البدوي من دول عنده قدرة تحمل عالية ...

وفيه منه يا شوشو بيتباع هنا فى السوبر ماركت ...

مره من 6 سنين قليت عقلي وقلت أجربه ... وأشتريت علبه وأخدت شفطة واحده ... اعوذ بالله .طعمه غير مستساغ بالمره وتقيل جداً ... وماحولتش أهوب ناحيته تاني ..

فأرجو من السادة اعضاء المنتدى إن اللي شايف نفسه كفء هو اللي يدخل ويكتب تعليق في هذا الموضوع الذي يمس شريحة قليلة من البشر عندهم قدرات خاصة ...

وبهذه المناسبة انا كتبت قصيدة شعرية من 1500 بيت ...مطلعها بيقول

طول ما بتشرب لبن المراعي .... تقدر تتجوز جملة وقطاعي

علشان بيخلي الصحة حديد .... وطـريقــك دايــماً زراعـــي

[amir]

الخـوف أن الواحد يجرب حليب المراعى و يفتكر نفسه سبع

يطلع فى الآخــــر الحليب مغشوش

[فــيــروز]

اقترح على الاخوه المقهورين فى المنتدى كل واحد يجيب له معزتين يربيهم واهو منه غذا ومنه بيزنس كويس لو استغنوا عنه فى الشغل ولا حاجه

[حشيش]

مين فيروز ولايت هاوس

صحيح...الإنصاص قامت لما القوالب نامت...

الأخوة الأعزاء سقراط المصرى...أمير...براود مسلم...بروفيسور أبو السيد: ياجماعة مشكلتنا إن الحليب فى مصر حليب بودره ومضروب كمان وضايفين عليه نشا و ريرى...وبيتباع لنا على إنه حليب طازة...وبسبب كده حصل اللى حصل والله حليمٌٌ ٌ ستار...إدونا حليب سليم ياحكومة وشوفوا حنعمل إيه...منهم لله بياعين الحليب فى مصر شمتوا فينا الحريم...أنا حكشف شعرى وحدعى عليهم ساعة مغربية يجرى لهم اللى جرى لنا (وش واحد ما معهوش فلوس يشترى فياجرا)...

[yasser6666]

بصوا ياابني انت وهو ... شوية انتي علي جنب يافيروز لو سمحتي...وصلوا علي النبي الاول ..لاتقولولي حليب المراعي والا لبن معيز وابل وكلام فاضي من ده ..من الأخر علشان نثبت جدارة واستحقاق لازم نركز علي بعض الوجبات الغنية بالفسفور بالذات وطبعأ كلنا عارفين انها موجودة في ال sea food يعني الاكلات البحرية واكثرها غني علي الاطلاق بالفسفور هو Oyster حاجة كده شكلها ملخبط وطعمها زي الجندوفلي ولزجة ومقرفة بصراحة وبيتعصر عليها ليمون قبل الاكل ..المهم اي اكلات طازة بحرية والتركيز علي الفواكة وخاصه التفاح والمانجو والكيوي (مش عارف فيه كيوي Kiwi في مصر والا لأ....المهم)....والتقليل من شرب القهوة لانها بتجيب اثر عكسي!!!!...ومن اللحوم تتوصوا شوية باللحمة الضاني بالذات وخصوصأ الجزء الاعلي منه (جزء الضهر)...مع مراعاة ساعات النوم الكافية لراحة الجسم ...بصراحة ده كل اللي عندي واعرفه عن تجربة ايام زواجي الغابرة ....محدش عنده عروسة بقي ينوبكم ثواب....

[linux]

بما أن الكلام دخل في البحريات يبقى لينكس لازم يتكلم لأن دي منطقتي لامؤاخذه ...

أيه حالة الأحباط دي ياشباب؟ فين الشباب الحديد المتربي على فراخ الجمعية المحقونة هرمونات؟

فين شباب سلاح المدفعية يا دفعه حشيش؟

و بعدين أنت فعلا مفتري يا أخويا يا حشيش ... ما أي حد قادر و طاقق ممكن يتجوز أربعة في ليلة ... مش ده المهم ... المهم "طول رقبة" قبيلة القحطانى و لا لأ؟! هوا ده مربط "الفرس" !

ما يبئاش قلبكم خفيف كدة يا أخونا ... لسة أرض الكنانة بخير برضه

(وش بطريق مش محوق فية أكل السمك و نازل يدور على حليب المراعى)

[بنت شعنونة]

سيدي الرئيس...

وبناء على ماتقدم ذكره من جميع الحنفيااااات اقصد آآآآآل حنننننفي اللي في المنتدى

فانييييييي

ومن منبري هذااااااا

اطالب سيادتكم باعطاء جميييييييع الفكيهات السلطة والدسترية والشرعية و الطلاقيييييييييية و كل السلطات اللي مع ال حنفي

واللي باعتراااااااافهم المكتوب شخصاي راحت وذهبت ادراج الرياااااااااااااااااااااااااااااااح

مقدمته لسيادتكم

شعنونة هانم المحامي المستهدف لكل حزب الفكيهااااااات

وسمعني غنوة

راااااااااااااح

رااااااااااااااااااح

خد قلبييييييييي وراااااااااااااااااااااااح

[Sharkiah]

يتزوج أربع نساء فى ليلة واحدة!!

تزوج شاب سعودى أربع نساء فى ليلة واحدة، ليثبت لمطلقته أنه مازال جذاباً. أكدت صحيفة »الوطن« السعودية ان الشاب الذى ينتمى الى قبيلة »القحطانى« انفصل عن زوجته بعد علاقة فاشلة استمرت عدة شهور.

تعليقى الوحيد هو إنى نفسى أسمع الشخص ده وهو بيعلق على قراره ، وتعليقه بعد فتره من الزواج ، سنه أو إثنين مثلا

لا أدرى هل عند أى حد فكره عن أى بحث إجتماعى أو سوسيولوجى تضمن مسح ميدانى للمتزوجين بأكثر من إثنين أو ثلاثه ؟

شبعنا لحد التخمه كلام نظرى فى الموضوع ده

شخصيا ، مش قادر أحدد موقفى هل أحسده أم أرثى لحاله ؟

لو نساءه الأربعه فاضلات صالحات وينطبق عليهن قول الرسول الكريم عليه الصلاه والسلام أن خير متاع الدنيا الزوجه الصالحه يبقى هذا الرجل يرفل فى النعيم قطعا

[linux]

وسمعني غنوة

راااااااااااااح

رااااااااااااااااااح

خد قلبييييييييي وراااااااااااااااااااااااح

يادي الأفترا بتاع بنات حواء !!

أنتم ماصدقتم جنازة و عايزين تشبعوا فيها لطم !

بقي أنا بقوي من عزيمة الشعب المطحون و تيجي أنتي يا مودموزية و تحبطي معنوياتهم؟

طيب ...

بناء على هذا أهدي تلك الأغاني الحماسية لأخوانى "الرجال":

- خلى السلاح صاحي

- وقف الخلق ينظرون و أنا أبنى قواعد المجد وحدي

- الف ليلة و ليلة

- اعز الناس

- يا بلادنا لا تنامي

- الاصيل

- يا مالك قلبي

- ظلموه

- انا والعزاب وهواك

- ما بلاش اللون دا معايا

- تحرمني ليه منك

- ورتني الويل

- يا طير يا غريب

- حدوته مصرية

[بنت شعنونة]

بقى كدااااااااااااااااا!!!!!!!!!!!

ماشي مااااااااااااشي

سمعنا يا عم من عندك غنوة

هوه هوهو ننه هوه

نام يا حبيبي ننه نام

نام وادبحلك جوزين حماااااااام

يتبعها غنوووووووة

بطلووووووووواااااااااا ده واسمعوااااااااااا ده

يتبعها غنوة

كااااااااااان بدري عليييييييك عليك بدرررررررررري

بببببببسسسسسسسسسسس

هيه!!!

[Mohammad Abouzied]

عادات الزواج من اربع نساء من عادات القبائل في جنوب السعودية وبني قحطان جذورهم من اليمن وهم من العرب العاربه وليس مثلنا من العرب المستعربه

ويوجد كثيرا منهم من واصل تعليمه العالي لاقصى الدراجات بل حتى درجة الدكتوراه ولكنهم يحتفظون بعاداتهم القبلية مما يصعب التعامل معهم اذا لم تعرف عادتهم وتقاليدهم

والزواج لديهم وسيلة من وسائل اثبات الرجولة وزيادة العزوه

ومش غريب انك تجد احدهم بيستلف منك علشان يتجوز على مراته

او يطلب اعانة من احد الامراء او الاغنياء لتساعدة على الزواج من اخرى

ومع شدة خشونتهم في التعامل مع الاخرين الا انهم يتميزون بالكرم وحماية الغريب بينهم طالما استجار بأميرهم او شيخ قبيلتهم

هذا للتنوية فقط

[se_ Elsyed]

الله يسامحك يا حشيش أفشيت أسرارنا الحربية على الملأ ...

اطالب من أخواتي على الجبهة عقد إجتماع مغلق علي البال توك لمناقشة إستراتيجيتنا في المرحلة المقبلو من اجل ان نشن هجوم خاطف من الاجناب والعمق على الفكيهات المتمردات....

( وش أحمد مظهر في فيلم صلاح الدين وهو بيقول هـجـــــــــــــــــــــوم )

[linux]

هوه هوهو ننه هوه

نام يا حبيبي ننه نام

نام وادبحلك جوزين حماااااااام

يتبعها غنوووووووة

بطلووووووووواااااااااا ده واسمعوااااااااااا ده

يتبعها غنوة

كااااااااااان بدري عليييييييك عليك بدرررررررررري

بببببببسسسسسسسسسسس

هيه!!!

لأ بقي !!!!!!!!!!!!!!!!!!!!!!!!!!!!!!!!!!!!!!!!!!!!!!

ده أنتى أعلنتيها حرب صريحة ....

أذن فهي الحرب يا ريتشارد .... كم كنت أتمني أن تحقن الدماء ...

(جري أية يا أخوانا ... ها تسيبوني في وطيس المعركة لوحدي ... حلوة وطيس دي!) ...

رد جيش الرجال بالأغاني الذكية:

- امل حياتي

- انا في انتظارك

- بعيد عنك

- انت عمري

- هسيبك للزمان

- للصبر حدود

- يا ظلمني

- فارس احلامي

- ارجعلي

- غالي

[linux]

الله يسامحك يا حشيش أفشيت أسرارنا الحربية على الملأ ...

هـجـــــــــــــــــــــوم )

عقلى الباطن بيقول:

من الأميرالاى لينكس الى الباهشابان أول س س ... حول

تفتكر المحظور "وقع"؟ هناك أنباء عن معلومات عسكرية تسربت من معسكرك ... برجاء التحقيق فورا و أخفاء جميع "ذخائر" لبن المراعي فورا ... حول

تفتكر في دخل لل سي أي أية بالموضوع؟ وردت لدينا معلومات بأن الصاغ أول فريق باهشابان حشيش المعروف بأسم حشيش قد شوهد فى واشنطن --- على ناصية زنوبل الحلاق --- مرتديا بالطوا أصفر و بحوزتة ظرف ميري ماركة الغزالة ...

أرجوكم أفيدونا ... أنتهي.

[حشيش]

بناء على هذا أهدي تلك الأغاني الحماسية لأخوانى "الرجال": 

- خلى السلاح صاحي 

- وقف الخلق ينظرون و أنا أبنى قواعد المجد وحدي 

- الف ليلة و ليلة 

- اعز الناس 

- يا بلادنا لا تنامي 

- الاصيل 

- يا مالك قلبي 

- ظلموه 

- انا والعزاب وهواك 

- ما بلاش اللون دا معايا 

- تحرمني ليه منك 

- ورتني الويل 

- يا طير يا غريب 

- حدوته مصرية

الحقيقة يالينوكس ياخويا أنا بحسدك على روحك المعنوية العالية دى بالرغم من الحادثة اللى حصلت لك وإنته صغيير (ما تخافش مش حقول لحد)...الحقيقة أنا لا أشاركك تفائلك ومع ذلك ححاول ولو إنى عندى إحساس إن حزب شعنونة حبشى حيكسب المرة دى...أهدي تلك الأغاني الحماسية لأخوانى "الرجال:

راح...راح

فات الميعاد

حاول تفتكرنى

بالمناسبة ياريت أخونا العزيز أستاذ/ محمد أبو زيد يقول لنا إيه الفرق بين العرب العاربة والعرب المستعربة لأنى بسمعها كتير بس معرفش معناها...وله الشكر