أعتذار للجميع

[هشام عبد الوهاب]

أحاول منذ فترة ليست بالقصيرة الخروج من حالة الأحباط التى تكاد تكون تملكتنى ولا أستطيع الخروج منها رغم محاولاتى المستمرة منذ قرابة الشهرين .

اجد نفسى لا أستطيع المشاركة فى موضوعات عديدة رغم توفر الوقت أحيانا ولكن كلما حاولت ان أكتب ردا او مداخلة فى أى موضوع بل أحيانا أكتب سطورا عديده ثم فورا وحتى قبل قرائتها امحوها من الشاشة بل ومن ذاكرتى تمحى تماما.

كل الأعضاء بلا أستثناء لا اشعر تجاههم الا بكل احترام رغم اختلافى مع البعض ولا علاقة لأى شخص داخل المنتدى بما أكتب او بما أشعر .

والحمد لله لاتوجد عندى مشاكل كبيرة من أى نوع اللهم الا هذه الحالة البائسة التى أشعر بها ولا تفارقنى بمجرد قرأة جريدة او مداخلة وقررت منذ أسبوع تقريبا الا ارى أى نشرة للأخبار ولا أنظر حتى لعناوين الصحف فقط أقرأ الأخبار التى لا علاقه لها بالسياسة او الحوادث بأى شكل من الأشكال وقد اراحنى هذا قليلا قليلا وتبقى عشقى لما تكتبون ولكنه للأسف يزيدنى أحباطا على أحباط من كافة الأوجه ولذلك

قررت اسفا ومضطرا

أن اترك المنتدى ولا أستقبل اى مكالمات تليفونية وان ابعد عن اى حديث سياسى لفترة يعلم الله وحده كم تطول .قد تنتهى غدا وقد لا تنتهى .ولكن فكرت ان أكتب لكم كأصدقاء أحترمهم.

وأعتذر بشدة لكل الزملاء الأعزاء فى الأدارة على ترك الحمل لهم خلال تلك الفترة .

أخيرا ارجو من الجميع مراعاة تلك الظروف وتقديرى رغبتى وان يحاولوا التماس العذر لى وبصفة خاصة الأستاذ عادل ابوزيد الذى أعجز عن وصف أخلاقه الكريمة .

أترككم فى رعاية الله .

[Guest Mohd Gramoun]

بسم الله الرحمن الرحيم

يا أخي لا تحرمنا من مشاركاتك و من تواجدك.

وإن كنت أحد أسباب الحالة التي تمر بها و كنت قد أغضبتك في شئ فسامحني و أعتذر لك.

لاتذهب

[Salwa]

الأخ الفاضل المحترم هشام عبد الوهاب...

اسمح لى اقتحم عليك خلوتك مع نفسك ...واسمح لى اسألك سؤال بسيط...

هل هذا هو الحل ؟؟

نفس احساسك مررنا به جمبعا ....وربما اكثر من مرة ...

وعلى عكس المتوقع ......زادت حالة الاحباط.

انا اتفهم موقفك تماما .....تماما.....اشياء كثيرة لاتدعو للتفاؤل ..

كأنك فى واد ........والمتسلقون والمتواكلون فى واد آخر ...

والنخبة القليلة التى تشاركك ......والنخبة الاخرى التى تعيش نفس احساسك ..وانت لاتعرفها وهم لم يسمعوا عنك ...

لاحول لهم ولا قوة ....

والحل ؟؟

على الأقل اجبر نفسك على الاستمرار كما انت ....

لست ادرى ان كان كلامى واضح ام لا ؟؟؟

احدثك وافكر بصوت عال ....

انت ....واسمح لى ان احدثك واقول لك ...انت ....

مهم جدا جدا جدا ...فى موقعك ...

هل سمعت عن بناء يقام وحده؟؟؟

لابد من اشتراك افراد كثيرة وعوامل اكثر ....كل ....حسب امكانياته.

سواء كانت امكانيات ذهنية .......او حتى عاطفية ....

لاتذهب .....

صدقنى.....لو انت اتخذت قرار متسرع مثل هذا ......وشاركك اتخاذ نفس القرار ...........6.....فقط ....من امثالك ...فقل على هذا المنتدى ....السلام..

ارجو ...ان ..........لاتفكر كثيرا ........وعد فى قرارك ...

انا تركت عزلتى .........وفرحت بكم .....وانضممت لكم ....لأنكم اثبتوا لى ان مصر التى كنت اعرفها .....لم تمت .....كما خيل لى فى وقت من الاوقات ....

تحياتى اخى الفاضل .

سلامى.

[Farah]

 

أن اترك المنتدى ولا أستقبل اى مكالمات تليفونية وان ابعد عن اى حديث سياسى لفترة يعلم الله وحده كم تطول .قد تنتهى غدا وقد لا تنتهى .ولكن فكرت ان أكتب لكم كأصدقاء أحترمهم.

اولا وبجد بشكرك لانك وبرغم هذه الحاله اعطيتنا فكره حتى لا نقلق ولو ان القلق مازال موجود وربنايعدي الازمه دي علي خير

بس ماطولش عوزينك ترجع بالسلامه وتنور المنتدي لان محاورات المصرين من غيرك سوف ينقصها الكثير وخصوصا ان الطفشان والافكاتو متغيبين من فتره (حاجه تقلق )

[disappointed]

عزيزى هشام عبد الوهاب

اسمح لى أفكّرك :

ألست أنت من قلت :

"يالا عاوزين نعمل شغل كبير وكتير . شايف الحالة نايمه والموضوعات السخنة اختفت . شدووواااا حيلكم"

http://www.egyptiantalks.org/bforums/viewt...opic.php?t=7451

وألست أنت من قلت :

"انا وانت والجميع يحاول يا صديقى ولا أظن ان مانحاوله ثرثرة وفزلكة وبغبغة فأنت تظلم نفسك قبل ان تظلم الجميع .

القدرة على تحريرالمكتوفين ليست بيدك فأنت ايضا من المكتوفين اما الالهام فلا تستطيع انت تتأكد من حدوثه فقد يكون حدث بالفعل او يحدث او سيحدث ."

http://www.egyptiantalks.org/bforums/viewt...%EB%FE%FD%ED%E4

عد الينا.....

عد الى من يحبونك ويحتاجون الى تواجدك

[freefreer]

مفاجأة مذهلة ..

مفاجأة مذهلة ..

مفاجأة مذهلة ..

حقه .. بطلوا ده .. و اسمعوا ده .. !!

بقى هش (الملك) .. يريد أن يحتجب !!

طب ازاى ؟؟

البلد دى حنسيبها لمين ؟؟ ؟؟ ؟؟ ؟؟ ؟؟

واضح من كلامك ان الموضوع له علاقة بحالة الإحباط السياسى التى لابد و ان كلنا نمر بها ..

طيب شاورنا ..

مش فاهم ؟؟

طب انا كمان عندى احباط منذ فترة غير قليلة ..

طب ..

البلد دى حنسيبها لمين ؟؟ ؟؟ ؟؟ ؟؟ ؟؟

[ragab2]

لا أصدق ما أقرأه

وكنت أتوقع انسحاب أى عضو آخر ماعدا هشام الذى نعتبره أخا عظيما ومؤسس مهم من المؤسسين لهذا المنتدى بعد أخونا الكبير عادل أبو زيد

عاصرناه منذ أمد بعيد وهو يكتب مواضيعا تشبه الصرخات الباكية خوفا على حالة هذا البلد ويخط قلمه كمبضع الجراح الذى يشرح هموم بلدنا مصر بغية الصلاح والاصلاح والفلاح

لا أصدق أن أخونا هشام سوف يتخلى عن المسؤلية فى الدفاع عن المصرى الفقير والمصرى الشريف والكادح من نسيج هذا البلد

ولا أصدق أنه سيتخلى عن التصدى بحملات صادقة للظواهر المدمرة فى المجتمع المصرى ومنها ظاهرة انتشار المخدرات التى كانت من أولى حملاته الناجحة لوطنيته الزائدة وخوفه على مصر وشاركناه فيها بصدق وود فكان ثراءا فكريا مثمرا ومتميزا لمشكلة تهدد شباب مصر وتدمر اقتصادها

ربما هى حالة احباط مؤقتة تعترينا جميعا فى بعض الأحوال لبضعة أيام ولكنها ستزول حالا باذن الله لنقرأ لكم الكلمات الصادقة التى تعودنا أن نقرأها لكم من القلب وتشوبها الصراحة والود لكل أعضاء هذا المنتدى

[إبن مصر]

السلام عليكم

وحشتونى جدا جدا كلكم..

هشام

ايه موضوع انك كل حاجه افكر فيها تفكر فيها قبلى؟

انا راجع من السفر وانا عندى كميه احباط لن تخطر لك على بال..

اعترف انا فشلت..

انا استسلمت..

هشام انا جاى معاك....

وفرت عليا بالموضوع ده تفكير كبييييير ... كنت هاكتبها ازاى...

مفيش فايده...مفيش فايده

ابن مصر

[Cleo]

هو فيه إيه.!!!!!!!!!!!!!!!!

إنشالله أبو جيمى يا رب هو اللى يجيله إحباط و يحتجب ولا تغيبش عننا يا إتش...

إعقل يا كنج..... الرعية كلها محتجالك....

[achnaton]

جرب وحيطلع نقبك على شونه .. أنا جربت لقيت القطار ده بيطلع من سيدى جابر وينتهى فى محطة مصر .. محطة واحده يا حلو .. وإيه حتلاقى القطر فاضى عليك .. خ

[se_ Elsyed]

الله يسامحك يا نورا أنت وشعنونة ... مليتوا لنا المنتدى فيروسات أكتئاب ...

أفتح العيادة على مصراعيها يا دكتور حشيش عندنا شغل يغطي السيزون كله ( الو ماجي تورز )

أنا عارف هشام زعلان علشان ماكنش له دور في فيلمي الاخير " احنا بتوع الاتوبيس "

لكن انا معذور والله يا اتش فهيئتك وقماشتك ماينفعش معاها ركوب الاتوبيس يا حبيبي

وعلشان مش عايز ازعلك انا ألفت لك مسلسل بوليسي كوميدي تاريخي يتكون من 27 جزء - بعدد محافظات مصر ... وأسمه " الرولز رويز المفقودة "

ويدور بإختصار أن فيه جماعة من اللصوص انوا متتبعينك وخلوك مره داخل تتعشا في سميراميس وراحوا سارقين عربيتك الرولز رويز ... وعلشان أنت عارف " فساد جهاز الشرطة " قررت تدور على عربيتك بنفسك .. وتحدث مفارقات ومواقف طريفة تضطرك انك تلف جميع محافظات مصر من إسكندرية لغــــــــــــــاية حلايب وشلاتين ومن جمال وحلاوة بلدنا مصر هاتنسى موضوع العربية خالص ... وتطلع في نهاية الفيلم وتقول وانت متأثر ياريتني سمعت كلامك يا س س وركبت الاتوبيس زي المصريين ... وتروح خالع البدلة الأسموكن اللي ماغيرتهاش طول الفيلم ولابس جلبية فلاحي وتندمج مع طبقات الشعب الكادحة ...

أظن انا كده ما جصرت ؟

س س / ترزي ومؤلف تفصيل

[جـورج]

ابن مصر الحبيب

اولا حمدلله على السلامه

ثانيا

مش ممكن اللى بتقوله ده

احباط ايه و اكتئاب ايه اللى يخلى ولاد مصر الحقيقين يسيبونا و احنا فى احتياج لكل كلمه بتكتبوها هنا سواء انت او الاستاذ هشام

الجيل الجديد محتاج لكل واحد منكم

و أنا شخصيا لا استغنى عن وجدك هنا

ارجوك خد وقتك للراحه و الاستجمام و بعدين نشوفك منور المنتدى كالعاده

[se_ Elsyed]

تعالى لي بقى يا ابن مصر .. بس الأول روح خدلك حمام وغير هدوم السفر .... بقى انت واحشنا يا راجل وعمالين نقول فين أبن فين أبن تحيا مصر

وتيجي تقول خدوا جواباتكوا وتنسى الحب اللي بيننا في لحظة .... دخول المنتدى مش زي خروجه يا حبيبي ...

طب علي النعمة تطق فى دماغنا انا واخويا حشيش ونعمل منتدى ونسميه " منتدى مزاج المصريين " ونجمع الناس الحلوه دي ونروح بيهم على هناك ونسيبكوا هنا لوحديكم ... بس هــــيه !!!!

[sos]

الاستاذ/ هشام والله انى احبك فى الله بلا سابق معرفة ...فقط من خلال مداخلاتك خاصة فى الوقت المناسب تأتى بالخلاصة...بصراحة وضعك لصورتك الشخصية كتوقيع كان لا داعى له..ثبتنا الله واياك اخى الكريم...والله هذا تخمين منى ان سبب انسحابك من المنتدى هو الضرر...يا أخى دنيا الباطل ساعة ودنيا الحق الى قيام الساعة

[سقراط المصري]

الأخ هشام

اعمل الاتي:

1- كل وجبه خفيفه ، ونام ساعتين.

2- بعد لما تصحى خد دش حلو كده ، وطول فيه على قد ماتقدر ، ومتنساش تحلق دقنك.

3- اترك العربيه وابدأ المشي ، وياريت تكون التمشيه في مكان نوعاً ما هادي.

4- قبل ما ترجع البيت إشتري اي حاجه جديده ، المهم تشتري حاجه عجباك .

5- لما ترجع البيت اجلس مع الاسره واحكي معاهم واسمعهم.

ده على الاقل هيوقف حده الاكتئاب اللي عندك ، وانا عن نفسي أنصح اعضاء المنتدى بترك الاخ هشام براحته خالص إلى ان تخف حده الاكتئاب شويه ، ماتضغطوش عليه ، وهو هيرجع يكتب تاني ، والسبب بسيط وهو ان هشام مش مقاطعنا بل عاوز يعمل عملية

غسيل للجهاز النفسي او صيانه ، وده من حقه طبعاً.

مع السلامه يا هشام ، وطلع نفسك من الحاله دي ، بحد أقصي من اسبوع إلى عشرة أيام.

تحياتي

سقراط

[ســيد مرزوق]

أخي العزيز هشام

صدقني ماتمر به نمر به جميعا من فترة لأخرى ويتزايد الإحساس به خصوصا هذه الأيام السوداء التي تعيشها مصر حاليا في ظل الظروف المعروفة للجميع .

أنا باسافر مصر كل حوالي 3 شهور من ساعة ما أسرتي إستقرت نهائيا في مصر بسبب الجامعات وما إلى ذلك .... المهم باضطر انزل كتير للمتابعة المباشرة ... وكل مرة أرجع من هناك في حالة يأس وإحباط كبيرة .... آخر مرة عدت من حوالي أسبوعين ومن ساعتها وأنا فاقد الأمل في التحسن واستعوضت ربنا في كل حاجة .... حتى شقى عمري .... وفقدت قدرتي تماما على الإبتسام والمرح إختفى والتفاؤل ذاب في بحر اليأس الذي صنعه مبارك وأعوانه ... وأمر كل لحظة بنفس ماتشعر به وأكثر أحيانا وأفكر أيضا في الإبتعاد عن كل مايربطني بالمجتمع بما في ذلك المنتدى .... وأفكر في ذلك بالرغم من قلة مداخلاتي في الفترة الأخيرة ولكني يوميا أتصفح المنتدى بنهم وشغف حتى لو لم أشارك ..

المهم يا صديقي .. كلنا هذا الرجل ... لا تقلق .. فالقلق وما تنوي فعله لن يحل المشكلة .. بل قد يزيدها تعقيدا .. هذا قدرنا جميعا كمصريين ... أن نعاني ونعاني بلا أمل في الغد .

فكر مرة أخرى بهدوء وتروي وبعدها قرر إذا ماكان الوضع الجديد أفضل من القديم .... وأنا أشك في ذلك .. فالمنتدى أصبح يمثل لنا أسرة كبيرة تجمعنا بالرغم من أننا لا نعرف بعض ولم نتقابل إلا أننا نحب بعض ونشعر بآلام وأفراح بعض ونشارك حتى لو إختلفنا في الرأي وهذا طبيعي جدا .. أعتقد أن من يدخلهذا المنتدى بالذات ويبقى فيه فترة ولو قصيرة لن يستطيع البعد عنه .... فهو مثل ماء النيل ( قبل التلوث طبعا ) من يشرب منه لابد يرجع له تاني ( دلوقتي من يشرب من ماء النيل يجيله ...... إسهال !!!!) .

معذرة على الإطالة وفي الختام تقبل تحياتي لشخصك المحترم

وراجع نفسك مرة تانية ...

نحن جميعنا نشكل بناء هذا المنتدى الرائع فلو تساقطت لبنة منه فسوف تؤثر بالتأكيد على قوة ومتانة وإستمرارية هذا البناء الرائع الذي بنيناه بأعصابنا وأفكارنا وقبل ذلك حبنا العظيم لبلدنا ... ( فك الله أسرها ) .

[حشيش]

أكتب سطورا عديده ثم فورا وحتى قبل قرائتها امحوها من الشاشة بل ومن ذاكرتى تمحى تماما

أخى العزيز هشام

هذه الحالة تعرف عندنا نحن المتخصصون (بالشخوريا الإهتزازية) وتبدأ الأعراض بميل للعزلة والجلوس لفترات طويلة فى الظلام مع إكتئاب وزيادة فى إفراز اللعاب....أنا عارف إنك نفسك تحدفنى بحاجة تفتح لى بيها نفوخى....ولكن لن أمكنك أبداً من إنذارى للمرة الثانية فأنا فى منتهى الحرص وبلعب بخطة الجوهرى...دفاع منطقة يعنى وكله فى نص ملعبه....عزيزى هشام ما تمر به يمر به الجميع...كثيراً ما أسئل نفسى ما جدوى ما نكتبه فى باب السياسة والإقتصاد والفساد...لم ولن يتغير شئ...ولذلك تجدنى فى معظم الأحيان أكتب فى أبواب المناقشات العامة وذلك لشعورى بالإحباط والقرف من الحالة السياسية والإقتصادية المتردية التى وصلت إليها مصر مثلك...ولكن الإبتعاد ليس هو الحل بل العكس هو الصحيح...يعنى الكتابة تنفيث عن النفس...وبعدين خبطتين فى الراس توجع...متبقاش إنته والطفشان...أرجو منك أن تراجع قرارك...

حشيش

أديب ومفكر

[ragab2]

هو ايه اللى بيحصل بالضبط

حد بيسأل عن الانتحار

والدكتور أبو حلاوة مشبعنا مواضيع عن الاكتئاب

والملك مقدم على استمارة ستة ويظهر اتحسد بعد تنزيل صورته

وابن مصر بيبلغ انسحابه

والعبد لله بيفكر يوقف اللعب

المنتدى اتحسد ومحتاج بخور

ربنا يستر

[بنت شعنونة]

يالهوي بالي؟؟؟؟؟؟؟

طبعا ماشاء الله الأعضاء كفوا و وفوا

ويمكن حروفي ما تاخرش ولا تزود لكن اهو اسمعوها مني

نبدا بالأستاذ هشام

استاذ هشام

انا لن انسى لك ابدااااااا وقفاتك المتكررة معي من خلف الأبواب وبعيدا عن الشكليات

فاكر حضرتك لما جاتلي حالة ياس شبه دي وبعتلي قلتلي قلبي معاكي وكتبتلي رسالة والله انا مازلت محتفظة بيها لحد دلوقتي من شدة اعتزازي بيها انها كانت بلسم شافي جدا ليا

بلاش

فاكر حضرتك موضوع انواع النساء لما جيتلك اعيط واني عاوزا الموضوع يتقفل "يادي الفضايح" وحضرتك قلبت الموضوع لهزار وانا نسيت الكلام دا كله!!!!

حضرتك وقفت مع الف الف انسان زيي وغيري

وساعدتهم بكلامك ووقوفك جنبهم جاي دلوقتي تبلغ فرار؟؟؟؟

طب الامل الي انا اتعلقت بيه دا

والقدوة في الصبر والجلد اعمل ايه انا دلوقتي؟؟؟؟

اقول قدوتي راحت فين؟

بلاش

قدوتي في المواضيع الساخنة والخوف على البلد!!!!

عموما

انا ها اقول لحضرتك خد اجازة صغيرة

حقك تغير جو من التوتر اللي هنا دا

بس مش اعتذار

ولا سلامات

دي اجااااااازة صغنووووووونة وترجع هنا على طول

"دا رجاء اذا تكرمت"

نيجي بقى لآبن مصر

يااااااااااااااااانهاااااااااااااااااااااااااار ابيييييييييييييييييييييض

ويالييييييييييييلة بيضااااااااااااا مش معدددددددددددية

"عقلي الباطن بيقولي اخيرا ها انتقققققققم"

اولا حضرتك محاااااااارب قديم

من ساعة ما مشيت على طوووووووول النيل كله عشان توصل لبنت مصر

لحد ما حاربت عشان توصل لمرتبتك دي من العمل

لحد ماحاربت عشان تربي اولاد حضرتك احسن تربية

مين الي وقف جنبي في البال توك وانا بعيط وعمالة اقول ها اولع في نفسي ومش طايقا الدنيا وقالي ياماما الامور ما تتاخدش كدا

جاي دلوقتي تتخلى عن الناس؟؟؟؟؟؟؟

طب دا انا كنت اعمل حزب انا وبنت مصر ونوريكوا النججججججججججوم في عز الضههههههر

والا هما حبة دلع علينا عشان تعرفوا غلاوتكم عندنا؟؟؟؟؟

ربنا يكرمكم يارب على قد الخير اللي بتعملوه

ويزيح عنكم الهم والغم

سي السسسسسسييييييييييد

اطلعلي برا التوووووووووبك دااااااااااا

بقى انا مليت المنتدى فيروسات؟؟؟؟؟؟؟؟

يعني حشيش قال سلام

وكتاماندوا قالها ومارجعش من يومها

وهشام وابن مصر

شكلي انا اللي ها اعملها الدور الجاي دا بجد

"وش مكؤوب"

[DARWEEN]

عزيزي هشام ..

أنا من الأول قلت الصوره دي حتخلي الحسد والقر ينزل عليك للصبح ياملك

عن نفسي أنا أتكهن بوجود علاقة بين قرارك وغلق مضوع الصحوه المصريه .... وأرجو أن أكون مخطيء في ظني

لكني على يقين أن أبتعادك لن يطول كثيرا فالواحد منا يزعل من أخواته ممكن يغضب من مراته وعياله جايز

لكن يسيب البيت ويمشي .... أهو دا اللي مش ممكن أبدا

وبعدين يا ملك كتئب بلاش أبوحلاوه ... عندك حشيش وسي السيد يفكوا أكتئاب بلد بحالها

عزيزي هشام خد وقتك بس رجاء تتطمنا عليك أنك بخير