أعتذار للجميع

[Proud Muslim]

مممممممممم

بصراحة مش عارف أقول .. فكما قالت الفاضلة أختنا شعنونة .. الأعضاء كفوا و وفوا ..

و لكن أستاذنا الفاضل .. أقول لك .. لا تقنطوا من رحمة الله !!

على فكرة انا عندي حالة اكتئاب قاسية لعدة اسباب برده .. بس عادي .. ايه يعني !!

بالعكس ..كلما رايت قضية هامة في المنتدى .. و أكتب فيها و أعبر عن رأيي بقوة .. بطلع الكبت و الغضب و الاكتئاب الذي بداخلي !!

أصل هانعمل ايه ؟؟

و بعدين فين الصورة ؟؟

[se_ Elsyed]

فاكر حضرتك موضوع انواع النساء لما جيتلك اعيط واني عاوزا الموضوع يتقفل "يادي الفضايح" وحضرتك قلبت الموضوع لهزار وانا نسيت الكلام دا كله!!!!

size=18"

إمسك .... عندك يا جدع

كده برضوا يا شعنن ... اتاريكي شايلة ومعبية .. ماكنش العشم ...

طب تصدقوا بالله ... أنا عندي دور إنفلونزا بقالي ييجي 3 أيام وتعبان جداً وكنت باطلع في الروح أول امبارح الفجر خاصةً إن قاعد لوحدي ... ومع ذلك باحرص على إني ادخل المنتدى واتكلم وأضحك معاكم ... لا لشيء إلا للتنفيث عن ما بداخل صدري .. وإلا الواحد كان زمانه أنفجر .

[بنت شعنونة]

سلامتك يا سي السيد الف سلالالالالالالالامة

ان شاء الله اللي يككككككككررررررهووووووووووووووككك "صوت ريّا"

وتقوم لنا بالسلامة يا فندم

دا ايه الجبروت داااااا

يعني لا عيان عاتقنا ولا سليم عاتقنااااااااااا

كل دا من الحواووشي؟؟؟؟!!!

تاكككككككككسسسسسسس

اقرب محل حواووشي يسترك

[linux]

الأخ العزيز هشام

صعب أكتب حاجة بعد كل اللى أتكتب

وحد الله و صلى على النبي و خليك معانا

أنا حاسس أنها ها تفرج قريب أن شاء الله ...

أنت ماتابعتش مؤتمر الحزب و لا أيه؟

[Sherief AbdelWahab]

أستاذنا الكبير هشام عبد الوهاب:

كلنا مررنا بما هو أسوأ...لكنه لم يزدنا إلا إصرارا على الفضفضة و بأعلى صوت...مستحضرين مقولة الكواكبي:مقولة حق و صيحة في واد...فغدا تذهب الريح بالأوتاد...

نحتاج لفضفضتك كأخ كبير لكل أعضاء محاورات المصريين...كما نحتاج لكل فضفضات الأعضاء و غير الأعضاء...

في انتظارك يا أستاذي العزيز...

خلص الكلام

[crossfield]

ربىىىىىىىىىى...ماذا أرى يا هل ترى؟و بمقلتى هنا أرى كل الأنوف تدلدلت و هشام و ابن مصر بيرجعوا ورا ,,,و عجبى!

ايه يا جماعة؟

يعنى لما نحب نكئب حد هنكئب مين طيب ؟؟؟

روقوا كده و أعملوا زيى ...فترة غياب طويييييييييييييييلة ثم عود أحمد...هتفرق كتير.

و بعدين انتو ماقدرتوش تتشطروا غير علينا احنا؟طيب ما أولى كل واحد يسيب بيته و شغله و يهج...(و الله بافكر أعملها بجد).

صلوا على النبى كده...دى "وزة"شيطان شكلها كده.

[Cleo]

فاكر حضرتك موضوع انواع النساء لما جيتلك اعيط واني عاوزا الموضوع يتقفل "يادي الفضايح" وحضرتك قلبت الموضوع لهزار وانا نسيت الكلام دا كله!!!!

size=18"

إمسك .... عندك يا جدع

كده برضوا يا شعنن ... اتاريكي شايلة ومعبية .. ماكنش العشم ...

طب تصدقوا بالله ... أنا عندي دور إنفلونزا بقالي ييجي 3 أيام وتعبان جداً وكنت باطلع في الروح

اكتب يا حسيييييييييييين اكتب......

الدليل قالوووووله.....

و أنا راخرة أقول مين اللى عدانى.....

الله يسامحك يا س س

(وش واحد بيدور على فتفوتة كلينكس فى أى حتة...)

[هشام عبد الوهاب]

شكرا للجميع

الحمد لله الحالة النفسية الأحباطية السخيفة انتهت الى حد كبير والفضل لله اولا ثم لكم وللأفاضل عادل ابوزيد وابن مصر اللذان لم يتوقف سؤالهم عنى يوميا من خلال التليفون .

طبعا اول مادفعنى هو توقف المنتدى وفى نفس الوقت حدوث عطل فى جهازى منعنى من قراءة الأيميل او حتى الدخول عليه او على اى صفحة تستعمل الجافا ايضا .

ولما قرأت كلام البعض فى شئون مصرية لم اتمالك نفسى من طمأنتهم لما حدث .

بعض من كتب هنا تصور اننى تركت المنتدى نهائيا وكل ماقلته اننى ساتركه لفترة لا يعلم سوى الله كم تطول وقد تنتهى غدا وقد لا تنتهى

والحقيقة لم اتوقع كل هذه الردود وبهذه السرعة .. وكم زادنى هذا حبا للجميع .

[هشام عبد الوهاب]

الاخ مجرامون

وإن كنت أحد أسباب الحالة التي تمر بها و كنت قد أغضبتك في شئ فسامحني و أعتذر لك.

على العكس يا اخى لا احمل تجاهكك الا كل حب فى الله . بل اعتذر لك اذا كنت كتبت ماجعلك تشعر بأنك اغضبتنى .

الأخت الفاضلة سلوى

على الأقل اجبر نفسك على الاستمرار كما انت ....

شكرا لك على كل ماكتبتى وعلى وقتك الذى منحتينى اياه .. ربنا يقوينا ونرجع كلنا اقوى مما كنا.

الأخت فرح ... الف شكرا على كلامك الرقيق.

العزيز محبط ..... ها انا قد عدت الى من يحبونى .. ذكرتنى بكلمات قلتها كنت نسيتها كغيرها وسأحاول الا انسى ثانية .

عمنا فرى ........ ولا مفاجئة ولا حاجة .. بتحصل فى احسن المنتديات

دكتور رجب ...... لم انسحب ..أخذت اجازة فقط ....كلماتك اكبر منى كثيرا والفضل فى أى نجاح يعود للكل .شكرا على احساسك .

ابن مصر .........

منتظر رجوعك .. كفاية كده ... مش هاتقدر

الأخت كليو ....... شكرا على كلماتك الرقيقة

الفاضل أخناتون .... عندك حق جدااااااااااا

س.س ............ انت حتة سكر

sos .... انا ايضا احبك فى الله وادعو لك ولنا بالثبات والهدى

بصراحة وضعك لصورتك الشخصية كتوقيع كان لا داعى له

وضعى للصورة حتى يطمئن الجميع اننا لا نخشى احد وان الخوف على مصر وعلى ديننا الحنيف لا يحتاج لقناع .

سقراط ....... روشته جميلة يادوك ... الف شكر

الأستاذ سيد مرزوق ....... كلامك جه على الوجع .. فلنقاوم معا.

حشيش ........ تصدق ان فعلا بيبقى نفسى اخبط بحاجه بس فى كتفك مش ف نافوخك .. خللى بالك علشان خطة الجوهرى اتكشفت . شكرا يا حشيش على اهتمامك .

عزيزتى شانا ........ الف شكر على كلامك الجميل الذى لا أستحقه

.. الأجازة خلصت ...... اكرمك الله

عزيزى داروين ..... ربنا يخليك ويقويك ... الأسباب كتير قوى .. الحمدلله على كل حال .

براود ........ الحمد لله ... الحمد لله.. الحمد لله.. شكرا على سؤالك

هتلاقى الصورة فى اخر المداخلة.

لينوكس .... شكرا لك ...... لم اتابع اى مؤتمر ولن اتابع .. فاهمنى طبعا.

شريف ........ هانفضفض و نفضفض .. شكرا لك

كروسفيلد ..... اللهم صلى وسلم وبارك على الرسول الكريم .. شكرا

[Cleo]

ألف حمدلله عالسلامة يا إتش...

المنتدى كان مضلم من غيرك بجد...

ياللا... مسامحينك بس ماتبقاش تعمل كدة تانى....

(وش واحد بيجرى عالبقال عشان يشترى إزازة شربات....)

[أسامة الكباريتي]

الحمد لله

الحمد لله على عودة المنتدى مرة أخرى ..

الحمد لله على أنني أقرأهذا الموضوع كخبر كان وليس سوف التي كانت في سبتمبر ..

هو أنا ناقص إحباط ..

جهازك ريحك كام يوم يا أستاذ هشام ..

لكن سقوط البرمجيات وضعنا في ضيق لأيام ........

ما أطولها ..

أعجز عن تخيل صرح كهذا وقد تداعت أعمدته ..

لكن لهفة الجميع لم تجعلهم ينتبهون إلى أن رغبة الأستاذ كانت في استراحة محارب وليس الانضمام إلى جمعية المحاربين القدماء..

فعزيمة الشباب هي المنتصرة بكل تأكيد ..

الحمد لله على عودتك يا أستاذ هشام إلى الفورمة (مع الاعتذار للأخ محمد أبو زيد) ..

[Lancelot]

هو ده الكلام .....

أنا كنت فاكركم بتهزروا ....

نكتة يعني .....

واحد عزم ناس عنده و بعدين قالهم "معلهش أنا مضطر أمشي" ....

حمد لله ع السلامة يا ملك ....

كليو قالت

المنتدى كان مضلم من غيرك بجد...

بجد أوي ....

[Lancelot]

الدور و الباقي علي إبن مصر .....

إبن مصرررررررررررررررررررررررررررررررررررررررررررررررررررر.......