هل صحيح أن العمالة المصرية في قطر مهددة بالترحيل؟!

[سهل جدا]

في كل يوم تزداد قناعتي أن دول الخليج ليست مكانا آمنا للمصريين

وذلك بسب مجموعة من القوانين فيها إجحاف بحقوقنا ..

بداية من نظام الكفالة (عبودية القرن العشرين) وانتهاء بتوطين الوظائف بطريقة تعسفية تحتوي على ظلم إلى حد كبير للعمالة المصرية وغيرها..

السعودة .. التكويت .. التقطير ... إلخ.

المهم ..

نشرت صحيفة المصريون اليوم هذا الخبر

[se_ Elsyed]

أولاً : جريدة المصريون الإلكترونية ي جريدة صفراء إنترنتية ولا يؤخذ على كلامها ..

ثانياً : الأرزاق بيد الله .. وقطر عملتها قبل كده يمكن في الستعينات تقريباً ومشت مصريين كتير ... لإن تفكيرهم تفكير عيال ..

ثالثاً : الدولة اللي تبيع شرفها ودينها وتستضيف الأسبوع الماضي رئيس تحرير الجريدة الدنماركية الحقيرة التي سبت الرسول " روبير مينا " وتكرمه وينزل في أفخم فنادق تحت شعار حرية الصحافة

حرية الصحافة في سب أشرف الخلق وسيدنا وسيد البشر كلها ..

إنما لما نجيب سيرة الست موزه - banana - يبقى دي إهانة ويطردوا المصريين ... هأهأهأ

أعلم تماماً إن الجرايد المصرية لا تهاجم لهذا السبب ..

ولكن أنا أربط أحداث مع بعضها البعض ..

[doha]

بغض النظر عن صياغه الخبر الي بيصور وكان قطر هي الدولة ام سبعين ثمانين مليون وان السياحه بتاعت ( ستاتها ) هي الي فاتحه بيوتنا في مصر ولا نص شعبنا الي رايح يشتغل هناك وهينخرب بيته لما يرحلوهم ويقطعوا رزقهم الي بيجي من السما بتوكيل على بطاقة الاحوال القطري .. ماعلينا ..

رايي ياجماعه هو قول رسول الله الكريم ( دعوها فإنها منتنه ) ومعتقدش في اضافة بعده ..

ملحوظه صغيره جدا : ارجوا ان يتسع صدرك يااخونا الكبير سين سين وتمسح من ردك الجزء الي فيه اهانة لقطر كدولة حتى لو كانت غلطت في حقنا كعرب وكمسلمين ولكن الي غلط هو من اتخذ قرار التكريم او من تشدق بحرية الصحافة لكن الدولة كاملة بشعبها اكيد مش موافقين على القرار ده بالظبط زي مااحنا كشعب مصري اكيد مش موافقين نهائيا على قلة الادب بتاعت جرائدنا ( الحكومية ) مع اخواتنا في الدم والدين مهما كان تبريرهم ..

[سهل جدا]

أولاً : جريدة المصريون الإلكترونية ي جريدة صفراء إنترنتية ولا يؤخذ على كلامها ..

طيب معليش يا أستاذ سين , في عندك دليل أو أمثلة على الكلام ده

لأني بصراحة من متابعي هذه الجريدة على النت ..

بغض النظر عن صياغه الخبر الي بيصور وكان قطر هي الدولة ام سبعين ثمانين مليون وان السياحه بتاعت ( ستاتها ) هي الي فاتحه بيوتنا في مصر ولا نص شعبنا الي رايح يشتغل هناك وهينخرب بيته لما يرحلوهم ويقطعوا رزقهم الي بيجي من السما بتوكيل على بطاقة الاحوال القطري .. ماعلينا ..

رايي ياجماعه هو قول رسول الله الكريم ( دعوها فإنها منتنه ) ومعتقدش في اضافة بعده ..

ملحوظه صغيره جدا : ارجوا ان يتسع صدرك يااخونا الكبير سين سين وتمسح من ردك الجزء الي فيه اهانة لقطر كدولة حتى لو كانت غلطت في حقنا كعرب وكمسلمين ولكن الي غلط هو من اتخذ قرار التكريم او من تشدق بحرية الصحافة لكن الدولة كاملة بشعبها اكيد مش موافقين على القرار ده بالظبط زي مااحنا كشعب مصري اكيد مش موافقين نهائيا على قلة الادب بتاعت جرائدنا ( الحكومية ) مع اخواتنا في الدم والدين مهما كان تبريرهم ..

والله ما كنتش أقصد الإساءة لدولة قطر أبدا

لكن الخبر بصراحة يغيظ شوية إن صح يعني .

[CanadianPR]

توقفت عند هذا المقال او الشرشحه من صحيفه حكوميه ... هل وصل الحال بمصر العظيمه بلدى بالنزول الى هذا المستوى المتدنى

http://www.masrawy.com/News/Egypt/Politics...may/9/moza.aspx

http://www.gom.com.eg/algomhuria/2009/05/0...%CA%E4%DD%ED%D0

هل يهتم هؤلاء بقطع ارزاق المصريين بالخارج? يعنى سبنا بلدنا واهلنا واتغربنا ومع كده مايسوبناش فى حالنا? هل النقد يكون بالكلام عن النساء? هل الجزيره عمرها اتكلمت عن النساء الحاكمه في مصر? اقول هذا واسمع ان وزير التعليم العالى يقول مش محتاجين تحويلاتكم ... وان رئيس جامعة عين شمس (ابن زكى بدر) رفد 400 من اعضاء هيئة التدريس بالجامعة دكاترة وخير عقول مصر لانهم يعملوا بالخليج ورفض مد اجازاتهم??? فيه ايه ... طب منشيل الجنسيه عن كل مصرى يعمل فى بلد عربى وخلاص!!!

[CanadianPR]

http://www.moheet.com/show_news.aspx?nid=254289&pg=2

نص المقال القذر

"الجمهورية" تهاجم قطر مجددا: دولة تلخصت في امرأة وفضائية

القاهرة: جددت صحيفة "الجمهورية" المصرية هجومها العنيف ضد دولة قطر واتهمتها بتعمد التدخل في الشئون الداخلية للدول الأخرى وخاصة مصر من خلال الإعلام الذي تديره الشيخة موزة حرم الأمير والذي وصفته الصحيفة بأنه إعلام بـ "عين واحدة" .. يري عيوب الآخرين ويجسدها ويضخمها ويعجز عن رؤية عيوبه وثقوبه التي تملأ الجزيرة الصغيرة التي يعرفها العالم باعتبارها المكان الذي توجد فيها أكبر قواعد عسكرية أمريكية خارج الولايات المتحدة، كما أنها تحظي بأكبر تواجد للجنود والضباط الأمريكيين الذين يصل عددهم إلي 45 ألف جندي وهم رقم أكبر من الجيش القطري نفسه.

وقال رئيس تحرير الصحيفة محمد علي إبراهيم: "إن دولة قطر تلخصت في امرأة وقناة فضائية!.. قطر باختصار شديد هي الشيخة موزة زوجة أمير قطر الشيخ حمد بن خليفة.. والقناة الفضائية هي "الجزيرة".. بدون الشيخة موزة ناصر المسند و"الجزيرة" سيخفت صوت قطر ووجودها وتأثيرها الإعلامي والسياسي"..

اضاف: "إن قطر "مشيخة" وليست دولة بالمعني المعروف.. أفاء الله عليهم من فضله الكثير.. ولكنهم لم يستغلوا ثرواتهم في بناء دولة مؤسسات.. وتفرغوا لعقد اجتماعات قمة ورعاية مناضلين ونصابين أمثال سعد الدين إبراهيم.. خصصوا جوائز لدعم الديموقراطية وحرية الإعلام وهم أبعد ما يكونون عن الأثنتين".

وتابع: " لاتستطيع جريدة في قطر أن تهاجم فساد وزراء أو شيوخ في العائلة المالكة.. لايتجرأ أحد علي نشر صور زيارات المسئولين الإسرائيليين إلي الدوحة، ولايتجاسر أي رئيس تحرير علي نشر صور القاذفات الأمريكية وهي تقلع وتهبط في القواعد العسكرية الأمريكية في العيديد أو السيلية أو أم صلال.. فقطر كلها قاعدة أمريكية".

وقال إبراهيم: "الشيخة موزة المسند وهبت نفسها وأموالها لقضية نشر الديموقراطية في الدول النامية وترسيخ مبادئ حرية الصحافة والإعلام في المناطق التي تراها موزة بحاجة لتطوير، وتتصرف وكأنها دولة عظمي ترعي الإصلاح السياسي وحرية الرأي في العالم كله".

اضاف: "اختارت موزة روبير مينار "فرنسي الجنسية" ليتولي إدارة مركز الدوحة لحرية الإعلام العام الماضي.. لكن يبدو أنها لم تفهمه الخطوط الحمراء والخضراء والصفراء التي تحكم المجتمع القطري وأهمها عدم انتقاد الوضع الداخلي".

تصور مينار أن المركز الذي استدعوه لادارته يحتاج توصيات وخطة عمل تبدأ من الشأن المحلي ليكتسب مصداقية إذا تحدث للخارج. لكنه كان واهماً..

المسيو مينار كتب رسالة مفتوحة للشيخة موزة ضمنها انتقادات كثيرة للوضع في قطر قال فيها ان البلاد تعاني من غياب حرية الصحافة وعدم وجود نقابة للصحفيين وكذلك الحاجة لتغيير القوانين المنظمة لحرية الصحافة والإعلام..

كما انتقد مشاركة الرئيس السوداني عمر البشير في القمة العربية التي عقدت بالدوحة منوها أن هذا يتعارض مع القانون الدولي ويمثل استهانة بآلية من آليات الأمم المتحدة وهي المحكمة الدولية. .

ولكم أن تتصوروا وجه الشيخة موزة وهي تقرأ الرسالة المفتوحة التي بعث بها روبير مينار إليها.. فوراً أصدرت اوامرها بترحيله عن البلاد واعطت توجيهاتها للصحف القطرية أن تسلخه حيا..

وهكذا نشطت هذه الصحف لمهاجمة مينار ووجهت له انتقادات حادة مبررة قرار طرده بأنه سعي لإثارة الفوضي تحت أسم حرية الإعلام وعدم احترامه للوضع الداخلي في قطر بانتقاداته المستمرة لغياب حرية الصحافة. وأن هناك قوانين علي كل من يعمل في قطر أن يحترمها!!!

وتابع رئيس تحرير "الجمهورية": إذن الشأن الداخلي للدوحة وقوانينها وشيوخها ووزراؤها فوق الانتقاد!! قدس الأقداس لايصح لأحد الاقتراب منه أو التعرض له.. ياسبحان الله صحافة وإعلام قطر موجهة "فقط" لانتقاد الآخرين.. يرون عيوبنا ولايسمحون لأحد أن يري عيوبهم..

انتقاد الشأن الداخلي لقطر "منطقة محظورة".. من يرد أن يوجه سهام نقده من الصحفيين والإعلاميين فعليهم أن يتجهوا غربا إلي مصر. فهي دولة كبيرة وبها حرية وديموقراطية. وصحفها تنهش حكومتها بضراوة وليس هناك سقف للنقد!.. الشأن الداخلي في مصر مستباح وإذا انتقده أحد لن يكون عليه لوم. لأنه مهما كان النقد قاسيا فهناك مثله بالصحف المصرية..

وينسي القطريون سواء كانوا من أهل الحكم أو الإعلام والصحافة أننا نقبل النقد من مصريين. لكن لانقبل أن يكون النقد بأموال قطرية. أو بتجنيد أقلام أو استضافة معارضين في "الجزيرة" لينطلق لسانهم بجلد مصر نظير 500 دولار أو ألف دولار.

وختم ابراهيم مقاله موجها حديثه لحكام قطر قائلا:

"اتحداكم أن تذكروا عدد السجناء السياسيين في بلدكم.. اتحداكم أن تنشروا قتلي حوادث المرور الذين يسقطون أمام سيارات مسرعة لكبار الشخصيات..

اتحداكم أن تتحدثوا عن ثروة الأمير أو عما يخسره رئيس الوزراء القطري في سهرات القمار في لندن وسويسرا..

اتحداكم أن تكتبوا عن صراع الزوجات علي ترتيب اولادهن لخلافة الأمير.. أو الاعتداء علي أراضي المواطنين لبناء فيلات وقصور.. أو علي قصص المطربة الشهيرة مع أحد كبار القوم واصراره علي إجهاضها خوفا.. أو.. أو..

تم تعديل 11 مايو 2009 بواسطة CanadianPR

[CanadianPR]

رساله الى كل مسئول : هل انت سعيد?

http://www.almesryoon.com/ShowDetails.asp?...3821&Page=1

ردًا على مهاجمة "الجمهورية" لحرم أمير قطر.. رسالة احتجاج إلى الرئيس مبارك وتعليمات بالاستغناء عن العمالة المصرية فور انتهاء تعاقداتها

كتب أحمد حسن بكر (المصريون): : بتاريخ 10 - 5 - 2009

تسود حالة من القلق في أوساط العمالة المصرية في دولة قطر، تحسبا للتداعيات المحتملة من الهجوم اللاذع الذي شنته جريدة "الجمهورية" أمس الأول على الشيخة موزة قرينة أمير قطر، الشيخ حمد بن خليفة آل ثان، في إطار التوتر الذي يشوب العلاقات بين القاهرة والدوحة منذ شهور، على خلفية ما اُعتبرت حملة هجوم شنتها قناة "الجزيرة" القطرية على مصر، بسبب موقفها من العدوان الإسرائيلي على غزة.

علمت "المصريون"، أن تعليمات صدرت لأصحاب العمل، ورؤساء الشركات والمؤسسات القطرية تطلب عدم تجديد عقود العمالة المصرية في كافة القطاعات، ردا على إهانات جريدة "الجمهورية" لحرم أمير قطر، كما طالبتهم بعدم التعاقد مستقبلا مع عمالة مصرية باستثناء تخصصات نادرة تكون قطر في حاجة ماسة إليها.

كما أطلقت منظمات نسائية حملة شعبية تدعو القطريات إلى مقاطعة زيارة مصر في هذا الصيف، ردا على إهانة "الجمهورية" لحرم أمير قطر، في الوقت الذي سلّمت فيه وزارة الخارجية القطرية السفير المصري بالدوحة احتجاج رسمي من أمير قطر لتسليمه شخصيا للرئيس حسني مبارك.

وحسب معلومات "المصريون"، فإن عددا من رؤساء تحرير الصحف القطرية عرضوا على مستشاري أمير البلاد شن حملة صحفية مضادة على أسرة الرئيس مبارك ردا على مقالة "الجمهورية"، إلا أنهم رفضوا الرد بهجوم مضاد.

غير أن الصحافة القطرية التزمت الصمت حتى الآن، ولم ترد على مقالة محمد على إبراهيم رئيس تحرير "الجمهورية"، حيث أن هناك قناعة لدى الأوساط الإعلامية القطرية بـأن ما نشرته الجريدة كان بموافقة جهات مصرية مسئولة.

وعلى مستوى الجالية المصرية في قطر، تسود حالة من القلق في أوساطها، تحسبا لتداعياتها المحتملة على العمالة المصرية هناك، حيث ثارت مخاوف بينهم من انعكاسات الهجوم على حرم أمير قطر، ومن أن يكون ذلك بداية لحملة تصفية في أوساط المصريين في قطر، حيث يُقدر حجم العمالة المصرية بنحو 150 ألف مصري في مجالات البتروكيماويات، والغاز والتعليم، والمؤسسات الإعلامية، وأعمال الإعمار.

على جانب آخر، نفى السفير أحمد رزق مساعد وزير الخارجية للشئون القنصلية والمصريين في الخارج ما تردد عن استغناء عدد من دول الخليج عن الآلاف من العمالة المصرية هناك بسبب تداعيات الأزمة الاقتصادية العالمية.

وقال في تصريح أمس إن إنهاء بعض الشركات هناك لتعاقداتها مع العاملين تتم بشكل فردى ولا تستهدف العمالة المصرية أو أية جنسية أخرى بعينها.

[الباشمهندس ياسر]

بغض النظر عن الجالية المصرية فى قطر و ان كان يغلب على ظنى ان ال ثانى اكرم من ان يزروهم بوزر الحكومة المصرية

الا ان الذى يؤلمنى و بشدة هو هذا المستوى الهابط الذى وصلت اليه الادارة المصرية فى تعاملها مع هكذا أزمة

عموما

لا اذكر اننا تعاملنا مع ازمة ما باحترافية عاليه

و اخيرا ان لم تستح فاصنع ما شئت

[ahlawycatalony]

رغم رفضنا للاسلوب اللى تم مخاطبه الموزه به

ولو انه (جزاء من جنس العمل)

وبعض من تصرفات قناه الحظيره الاخباريه

ياريت الناس تعرف ان الارزاق بيد الله...وبلاش سلبيه وكلام فاضى..

ولا انتوا يا مصريين هتفضلوا ماشيين بمبدأ (كرامه للبيع) بحجه أكل العيش

يعنى هيخرجوا المصريين من الجنه؟؟

خلى ابو علاء يحضر وظائف وعقود عمل للناس اللى هترجع من قطر :rolleyes:

[doha]

طبعا الجمهورية تصرفت بمنتهى ( قلة الادب ) كما هي العاده بس مش دي القضية ..

دلوقت انا نفسي افهم هم ( الجماعه ) المصريين الي في قطر ولا في الكويت ولا السعوديه ولا اي بلد عربي عايشين هناك عالة مثلا ولا على صدقات اهل الخير ؟

الناس دي مش بتشتغل وتحفر في الصخر باظافرها عشان تعيش وتعيش البلد الي هي فيه ولا هم رايحين يلموا فلوس الزكاة وراجعين؟

لو فرضنا جدلا ان لأي سبب قطر ولا غيرها استغنت عن خدمات المصريين الي فيها طيب ماهو زي المصريين ماهيخسروا شغلهم هناك القطريين برضه هيخسروا شغل المصريين الي عندهم .. زي ماوضع المصريين الاقتصادي هينهز برضه وضع قطر الاقتصادي هيتأثر مهو بالمنطق كده لو مكانوش المصريين دول قد الشل الي شغالينه مكانش حد شغلهم وبرضه لو قطر لاقيه حد افضل منهم ولو ( بنكلة ) كانت هتجيبه لكن البديل مش موجود فغصب عنهم راضيين وساكتين ..

دلوقت الخليج كله ومن سنين رافع شعار ( الخلجنة) ومبرراتهم في هذا ان ابن البلد مش لاقي شغل وان الاجنبي بيحاربه في رزقه .. وبرغم انها مبررات قوية جدا ومنطقية الا ان مازال الاجانب عايشين وهيعيشوا في الخليج ومحدش قدر يمشيهم ببسااطه لان البلاد دي محتاجاهم اكتر ماهم محتاجينها ..

هييجي واحد فيلسوف من آخر الصف ويقولي ماشي مهم هيمشوا المصريين ويجيبوا بدالهم جنسيات تانيه احسن وارخص ..

اولا مفيش جنسيات تانيه تحل محل المصريين والا كانوا جابوهم من زمان خاصه وطول عمرنا ( غير مرضي عنا ) اجمالا ودائما اعلامنا عامل لنا مشاكل مع كل خلق الله اشي تشويه صورة وسمعه واشي قلة ادب وطولة لسان .. لو كانوا يقدروا يمشونا كانوا مشونا من سنين ده اولا ..

وثانيا وده الاهم ان لو ربنا رضي على مصر اخيرا وتم الاستغناء عن خدمات كل المصريين الي خارجها ورجعوا لبلدهم تاني يبقى مصر هتعمر من جديد .. برا مبياخذش غير ( وش القفص ) بيستقطب الكويس فينا ويلفظ الرديء وعشان كده مصر مفاضلش فيها من الصنف الاولاني كتير وفاضت بالنوع الثاني للاسف ..

لو البلاد دي رجعت المصريين الي فيها يبقى فعلا عمار يامصر وايامك البيض راجعه تاني ..

يقعدوا بقى يخوفونا بفزاعه هنقعدكم في بيوتكم هنرد ونقول طيب ماهو لو قعدنا في بيوتنا بيوتكم انتم الي هتنخرب لان العبرة مش مين بيدفع العبرة مين الي شايل الشغل على كتافه .. الي بيشتغل وينتج يقدر يشتغل وينتج في اي مكان لكن الي بيصرف مش هيقدر الا لو معاه فلوس والفلوس مش هتيجي من غير انتاج .. مش محتاجه كلام ..

دي مجرد ملحوظة على الماشي وياريت بقى نبطل نعيد ونزيد في الموضوع ده عشان منبقاش اعوان للظلمه الي عاوزين يفرقوا بين الاشقاء باي طريقة لاننا بتكرار كلامهم فاحنا بنحقق اهدافهم كلها ومن غير مانحس ..

[ايهاب سالم]

بغض النظر عن الجالية المصرية فى قطر و ان كان يغلب على ظنى ان ال ثانى اكرم من ان يزروهم بوزر الحكومة المصرية

أل ثاني أكرم !!!!!

الموضوع ده حصل قبل كده في قطر سنة 97 في ازمه مشابهه و انا كنت هناك

أنهوا خدمات كل المصريين العاملين في وزارة الدفاع و الداخليه و ديوان المحاسبه و البلديه في ليله واحده و منعوهم تاني يوم من دخول مكاتبهم لجمع متعلقاتهم الشخصيه و امهلوهم إسبوعين فقط لتصفية أوضاعهم و بيع أثاثهم و سياراتهم

لم يعطوا حتى أولادهم الفرصه لإستكمال السنه الدراسيه

و طبعا باقي الجاليات إشترت و باعت فيهم و إشترت متعلقاتهم برخص التراب

و دي كانت الموجه الاولى فقط للضغط على مصر لوقف حمله صحفيه مشابهه

الدور كان جاي على الوزاره اللي كنت بأشتغل فيها لولا تمت مصالحه برعايه سعوديه

تم تعديل 12 مايو 2009 بواسطة ايهاب سالم

[ايهاب سالم]

لو فرضنا جدلا ان لأي سبب قطر ولا غيرها استغنت عن خدمات المصريين الي فيها طيب ماهو زي المصريين ماهيخسروا شغلهم هناك القطريين برضه هيخسروا شغل المصريين الي عندهم .. زي ماوضع المصريين الاقتصادي هينهز برضه وضع قطر الاقتصادي هيتأثر مهو بالمنطق كده لو مكانوش المصريين دول قد الشل الي شغالينه مكانش حد شغلهم وبرضه لو قطر لاقيه حد افضل منهم ولو ( بنكلة ) كانت هتجيبه لكن البديل مش موجود فغصب عنهم راضيين وساكتين ..

غير صحيح

البديل موجود و متوفر

كل واحد شغال في الخليج فيه طابور مستعد ياخد مكانه

إحنا بنتكلم على ناس عاديين مش علماء ذره

المصريين ميزتهم إنهم بيقبلوا بمرتبات أقل من غيرهم و حمالين أسيه .. مش بتوع مشاكل .. غلابه يعني

لكن لو قرار سياسي .. هيمشوهم و يجيبوا غيرهم و مفيش أي حاجه هتتأثر و حصلت قبل كده

دلوقت الخليج كله ومن سنين رافع شعار ( الخلجنة) ومبرراتهم في هذا ان ابن البلد مش لاقي شغل وان الاجنبي بيحاربه في رزقه .. وبرغم انها مبررات قوية جدا ومنطقية الا ان مازال الاجانب عايشين وهيعيشوا في الخليج ومحدش قدر يمشيهم ببسااطه لان البلاد دي محتاجاهم اكتر ماهم محتاجينها ..

ماهم هيستبدلوا المصريين بأجانب برضه مش قطريين .... يعني مفيش مشكله

هييجي واحد فيلسوف من آخر الصف ويقولي ماشي مهم هيمشوا المصريين ويجيبوا بدالهم جنسيات تانيه احسن وارخص ..

أنا جيت اهو

اولا مفيش جنسيات تانيه تحل محل المصريين والا كانوا جابوهم من زمان خاصه وطول عمرنا ( غير مرضي عنا ) اجمالا ودائما اعلامنا عامل لنا مشاكل مع كل خلق الله اشي تشويه صورة وسمعه واشي قلة ادب وطولة لسان .. لو كانوا يقدروا يمشونا كانوا مشونا من سنين ده اولا ..

قلنا السبب .. عشان مرتباتنا قليله و بنسكن عشره في اوضه ... لكن لو قرار سياسي هيمشوهم و يجيبوا غيرهم بمرتبات أعلى .. معندهمش مشكله في الفلوس

و بعدين ما هي حصلت قبل كده قدام عيني

في هوجة تفنيشات 1997 اللي كان ماسك الكمبيوتر الرئيسي في الداخليه IBM mainframe كلهم كانوا مصريين

مشوهم في يوم واحد

و جابوا شركة IBM قطر أشرفت على إدارة نظم المعلومات كلها بمقابل مالي محترم لحين نعيين غيرهم و تدريبهم بمعرفة الشركه

مفيش مشكله .. مدام عندهم فلوس بدون حساب و طوابير من مختلف التخصصات من كل البلدان تحلم بالعمل عندهم

وثانيا وده الاهم ان لو ربنا رضي على مصر اخيرا وتم الاستغناء عن خدمات كل المصريين الي خارجها ورجعوا لبلدهم تاني يبقى مصر هتعمر من جديد .. برا مبياخذش غير ( وش القفص ) بيستقطب الكويس فينا ويلفظ الرديء وعشان كده مصر مفاضلش فيها من الصنف الاولاني كتير وفاضت بالنوع الثاني للاسف ..

لو البلاد دي رجعت المصريين الي فيها يبقى فعلا عمار يامصر وايامك البيض راجعه تاني ..

إنت بتتكلم بجد

الخليج مليان بالصنف الثاني من المصريين .. ناس بسيطه بتجري على اكل عيشها اللي مش لاقيينه في بلدهم و دول لو رجعوا مش هيينفعوا مصر في حاجه بل سيزيدوا مشاكلها

و حتى الصنف الاول .. وش القفص زي ما بتقول ... أيه اللي إختلف في مصر الان عن الوقت اللي مشيوا فيه عشان يكون رجوعهم الان مفيد لمصر

طب ماهم كانوا موجودين .. فادوا مصر في أيه

وجود اكبر عدد من المصريين خارج مصر أفيد شئ لمصر

يرفعون عنها عبئهم و يزيدون مواردها ليستمر مسلسل نهبها

يقعدوا بقى يخوفونا بفزاعه هنقعدكم في بيوتكم هنرد ونقول طيب ماهو لو قعدنا في بيوتنا بيوتكم انتم الي هتنخرب لان العبرة مش مين بيدفع العبرة مين الي شايل الشغل على كتافه .. الي بيشتغل وينتج يقدر يشتغل وينتج في اي مكان لكن الي بيصرف مش هيقدر الا لو معاه فلوس والفلوس مش هتيجي من غير انتاج .. مش محتاجه كلام ..

الفلوس عندهم بتيجي من غير إنتاج

الفلوس بتيجي من بطن الأرض بترول و غاز بدون حساب

و مش كل العاملين في البترول و الغاز مصريين عشان يتأثروا لو مشوهم

تم تعديل 12 مايو 2009 بواسطة ايهاب سالم

[adrianocrespo]

قتباس

لو فرضنا جدلا ان لأي سبب قطر ولا غيرها استغنت عن خدمات المصريين الي فيها طيب ماهو زي المصريين ماهيخسروا شغلهم هناك القطريين برضه هيخسروا شغل المصريين الي عندهم .. زي ماوضع المصريين الاقتصادي هينهز برضه وضع قطر الاقتصادي هيتأثر مهو بالمنطق كده لو مكانوش المصريين دول قد الشل الي شغالينه مكانش حد شغلهم وبرضه لو قطر لاقيه حد افضل منهم ولو ( بنكلة ) كانت هتجيبه لكن البديل مش موجود فغصب عنهم راضيين وساكتين ..

غير صحيح

البديل موجود و متوفر

كل واحد شغال في الخليج فيه طابور مستعد ياخد مكانه

إحنا بنتكلم على ناس عاديين مش علماء ذره

المصريين ميزتهم إنهم بيقبلوا بمرتبات أقل من غيرهم و حمالين أسيه .. مش بتوع مشاكل .. غلابه يعني

لكن لو قرار سياسي .. هيمشوهم و يجيبوا غيرهم و مفيش أي حاجه هتتأثر و حصلت قبل كده

كلام سليم

انا معظم اصدقائي الصيادله شغالين في الخليج 12 ساعه يوميا و كمان فيهم اللي مبياخدش اجازات و مرتبات تتراوح من 3000 الي 4000 ريال سعودي او ما يوازيه

و الصيادله السوريين و الاردنيين لا يقبلوا بهذه المرتبات

الاعداد الكبيره من الخريجين و الذين لا يستوعبهم سوق العمل في مصر بالاضافه الي الحاله الصعبه للاقتصاد القومي المصري تجعل هناك طوابير تقف للحصول علي عمل في الخليج

تم تعديل 12 مايو 2009 بواسطة adrianocrespo

[adrianocrespo]

الفلوس عندهم بتيجي من غير إنتاج

الفلوس بتيجي من بطن الأرض بترول و غاز بدون حساب

ارزقنا يا رب

[عبير يونس]

أستاذ إيهاب كلام حضرتك كله سليم

بس للأسف في منتهى السلبية و يصيب بالاحباط الشديد

حضرتك بتقرر حقائق نعم

بس عايزة أسأل سؤال مهم

لما المصريين منيلين بنيلة كده

مخلينا عندهم ليه؟؟

و لما همة ما بتهمهمش الفلوس و يقدروا يدفعوا لغيرنا أكتر طب بياخدونا ليه من الأساس؟

أكيد لينا لزمة

مش عايزة اعطي تفسيرات سلبية

تشعرنا بالمرارة أكثر

بس عايزة تفسير منطقي

للأسف حأكون أنا كمان سلبية و حأحبطكم و أجاوب على الأسئلة

همة محتفظين بينا

عشان ابو بلاش كتر منه

و ليه تدفع أكتر لما ممكن تدفع أقل

و بقاءنا شغالين عندهم عبيد لهم

فرصة يعالجوا بيها عقدة النقص اللي عنهم

في اننا كنا في يوم أغنى دولة عربية

أيام ما كانوا همة عايشين على الصيد و الرعي

بس أنا مش مع حضرتك أن رجوع المصريين لمصر حيخرب البلد

باعتقد ان ايجابياته حتكون أكبر من سلبياته

يا ريت كلنا نقدر نتحد و نترك العمل في الخليج و نرجع لمصر

بس على أرض الواقع كلنا خايفين و مرعوبين منقدرش نعيش

و ولادنا و مستقبلهم و الشقة اللي اقساطها ما خلصتش و .. و ..و

نقاط الضعف البشرية

اللي همة للأسف عارفينها كويس و بيلعبوا عليها حلو اوي

الفرج من عندك يارب

الفلوس عندهم بتيجي من غير إنتاج

الفلوس بتيجي من بطن الأرض بترول و غاز بدون حساب

و مش كل العاملين في البترول و الغاز مصريين عشان يتأثروا لو مشوهم

إلى حين

مش حقد عليهم و لا تمني لزوال النعمة حاشا لله

و لكنها حقيقة علمية جيولوجية

البترول لا يدوم للأبد

و العنصر البشري المدرب و الراغب في العمل أهم بكتير

و أؤكد على الراغب في العمل

لأننا سهل نبعث للخارج بعثات و نعطي أرقى و أحدث الدورات التدريبية

لكن الرغبة في العمل و الطموح أشياء لا يمكن شراءها بالمال

و هاتان الصفتان - في رأيي- لا أحد ينافس المصريين فيها

خصوصا إذا توفرت الامكانيات المادية لتدريبهم و تطويرهم

و انظروا إلى المصريين في أوروبا و امريكا و استراليا و كندا

و الا دول كمان صف تاني؟؟

[msayed]

أولاً لازم قبل ما نلوم طرف نعرف مين الغلطان

الطريقة التى تناولت بها الجريدة الموضوع هى طريقة سمجة إحنا المصريين قبل أى حد لازم نبقى ضد الطريقة دى لأنها نتاج عقلية متخلفة لا تسهدف إلا رضا رب نعمتها بغض النظر عن الأضرار.

أفهم أن يقوم المحلل السياسى بتحليل المواقف والإستراتيجيات أما أن ندخل فى شتيمة فهذا ضعف فى التفكير وقلة حيلة وعدم إمتلاك لأى أداة من أدوات الحوار.

وهذا مثله حدث أيام السادات

فى السبعينات كان مصطفى حسين يرسم القذافى قاعد على القصرية أو لابسها فى رأسه بصورة مهينة وإستفزازية وجموع الشعب المصرى فى مصر تضحك وتقهقه وإحنا كنا اطفال فى ليبيا كان الأطفال الليبيين يجيبوا الصور دى يفرجوهالنا وينزلوا فينا تلطيش وضرب، وعندهم حق لأنك كده بتشتمهم لتشفى غليلك الشخصى مش بتنتقد سياسة. وأيضاً لتحقيق مبيعات أكثر للجريدة من ذوى العقول التافهة وبيوصل رسالة "إنا معاك ياريس إبقى شوفنى بحاجة".

فيه نقطة كده قالها واحد إستفزتنى أشد الإستفزاز وبتتكرر كثير ولازم يا إخواننا نضع حد للموضوع ده ونفهم الناس دى الدنيا ماشية الزاى لأن كل واحد بيرسم صورة مش واقعية فى راسه وبيتكلم على أساسها.

المداخلة أهيه:

"رغم رفضنا للاسلوب اللى تم مخاطبه الموزه به، ولو انه (جزاء من جنس العمل)

وبعض من تصرفات قناه الحظيره الاخباريه، ياريت الناس تعرف ان الارزاق بيد الله...وبلاش سلبيه وكلام فاضى..

ولا انتوا يا مصريين هتفضلوا ماشيين بمبدأ (كرامه للبيع) بحجه أكل العيش

يعنى هيخرجوا المصريين من الجنه؟؟

خلى ابو علاء يحضر وظائف وعقود عمل للناس اللى هترجع من قطر "

جزاء إيه إللى من جنس العمل يا أستاذ، الجزيرة بتنتقد سياسات الحكومة المصرية، وفى المقابل مصر بتنتقد سياسات قطر فى كل المحطات الحكومية من سنين وما فيش مشاكل بالنسبة للمصريين هناك لكن أن تنحدر فجأة صيغة الكلام وتنزل لهذا المستوى البيئة فأكيد هايكون ليهم رد فعل برضه بيئة، إللى حارق كتاب الحزب الوطنى إنهم فشلوا يعملوا قناة زى الجزيرة زى ما فشلوا فى كل حاجة وبالتالى هم شايفين عملاق بيتهم مصر فبيرد عليه مجموعة من النمل وبالتالى وصل بهم الإسفاف إنهم يرجعوا لثقافة السبعينات بالحديث عن الأشخاص، وطبعاً الكلام عن موزة إهانة مباشرة لأمير قطر ما اظنش إنه ها يقعد يتفرج عليها، وطبعاًُ مش متوقع من قناة زى الجزيرة برصانتها إنها ترد بشتم السيدة سوزان مبارك لأن الناس دى بتفهم.

ثانى حاجة ودى أنا ها اكون عنيف معاك وسامحنى بقى أو ما تسامحنيش براحتك لأنك أهنتنى شخصيا وأهنت كثييير غيرى، المصريين مش ماشيين بمبدأ "كرامة للبيع" يا مصرى يا محترم، المصريين محترمين فى كل مكان ولا يسمحون بمس كرامتهم إنما من مرمط كرامتهم فى التراب هى حكومتهم.

وسياسات الحزب بتاعك زى ما بتخرب على ملايين المصريين عيشتهم فى الداخل لمصلحة بعض الأشخاص بتمد إيديها وتخربها فى الخارج، المصريين فى كل الدول بيعملوا ويجتهدوا ويخططوا وبينالوا إحترام الجميع، لكن الحكومات المستهترة علشان واحد طمعان فى ترقية أو إكرامية ما عندوش مشكلة يضر بآلاف الناس. فياريت تعتذر عن التعبير اللى المؤذى ده.

وأيضاً انت غيرت فى تعليقك اسم "قناة الجزيرة" إلى "قناة الحظيرة" مش عارف ليه؟

يا اخى إختلف لكن مش بالشكل السطحى ده خالص.

حلل مواقف والإستراتيجيات

إنتقد تعليقات

اتعب شوية يعنى

وشكراً

[se_ Elsyed]

طيب معليش يا أستاذ سين , في عندك دليل أو أمثلة على الكلام ده

لأني بصراحة من متابعي هذه الجريدة على النت ..

تابع بنفسك وهاتلاقي 90 % من أخبارهم تهيجية صفراء كاذبة ... نحن شخصياً هنا في محاورات المصريين بنلغي أي خبر منقول من تلك الجريدة ....

ملحوظه صغيره جدا : ارجوا ان يتسع صدرك يااخونا الكبير سين سين وتمسح من ردك الجزء الي فيه اهانة لقطر كدولة

انا ماليش دعو بشعب قطر ...

شعب على عيننا وراسنا ..

لكن حكومة تتخذ قرار مستفز والست موزه تعين الكلب الحقير روبير مدير لمركز حريات الصحافه والبطيخ اللي هي بتشرف عليه شخصياً .... يبقى من حقنا نحتقرها ونهاجمها ...

[msayed]

يا إخوانا ما فيش أى مشكلة بين أى دولة وبين المصريين إللى بيشتغلوا فيه

بل بالعكس والله هم يعلمون قيمتنا وجهدنا فى العمل وقدرتنا على الإبداع ولم يتأخر تواجد المصريين فى أسواق العمل الخليجية إلا بسبب السياسات الرشيدة التى إتبعها رؤساء مصر المتعاقبين.

لكن لما تيجى تهين رأس الدولة بقلة أدب بذكرك لزوجته بهذا الشكل وتتهمه بصورة مش مباشرة لكن واضحة أن مراته هى إللى ممشية البلد.

أكيد أول حاجة ها يعملها بعقليته العربية الحديثة إنه يشوف إيه الحاجة المشتركة إللى بينكم ويحاول يضرك بيها حتى لو ضر نفسه مش ها يهمه لأن الضرر عليه ها يكون أقل.

يعنى بالنسبة لليبيا كان بيقفل الحدود ويشتم شوية فى الإعلام.

بالنسبة لقطر ما فيش حدود والحاجة الوحيدة المشتركة هى المصريين العاملين.

من التاريخ:

زمان طلع الرئيس عبد الناصر فى خطاب وأهان الملك فيصل وقال أنا ها أنتف له دقنه، ده انا ها وأقف له البلد وأسحب كل العمالة المصرية فى السعودية، طبعاً فوراً قرر الملك فيصل إستبدال المصريين تدريجياً بغيرهم.

أنا مهندس وأعمل بالسعودية وأحب عملى جداً ومستقر فيه، وأعلم أن الأرزاق بيد الله لكن لما أعرف إن وظيفتى هذه ممكن أفقدها بسبب واحد تافه عاوز يتملق الحكومة علشان يفتكروه فى أى تعيينات جديدة أو منح، فأكيد مش ها أنظر لأبعاد أخرى للموقف وبكل ما أستطيع ها أبهدل الشخص التافه ده.

[msayed]

الخبر ده ما شفتهوش قبل كده مع إنى متابع جيد للأخبار

طبعاً حكومة قطر مطالبة بتبرير وتوضيح لهذا الموقف

وطبعاً التبرير غير مقبول مسبقاً لأن الجرم فظيع ولا يوجد أى مببر له

ثم مطالبة بإعتذار رسمى لكل مسلمى العالم عن هذا الجرم

من موقع إسلام أون لاين

الدوحة- "شعب قطر يطالب بإقالة وطرد "روبير منار" لاستضافته الصحفي الدانماركي "الشيطان" فلمنج روس، رئيس تحرير صحيفة "يولاندز بوست" التي نشرت الصور الكاريكاتورية المسيئة للرسول عليه الصلاة والسلام.

هذا نموذج من رسائل عديدة بدأ يتداولها القطريون اليوم الأربعاء على هواتفهم الجوالة، ورصدها مراسل "إسلام أون لاين. نت"، للمطالبة بطرد مدير مركز الدوحة لحرية الإعلام، روبير منار؛ بسبب استضافته روس في الاحتفال باليوم العالمي للصحافة في الدوحة الأحد الماضي (3 مايو)، وهذا الصحفي هو أول من فجر مشكلة الرسومات الكاريكاتورية المسيئة للرسول صلى الله عليه وسلم عام 2005.

[elfakhrany]

ياجماعة انا عايز ألفت انتبهاكم لشىء مهم وان فى حرب باردة بين قطر ومصر وضرب من تحت الحزام وانا مقتنع تماما ان رئيس تحرير جريدة عملاقة زى الجمهورية ميقدرش ينشر مقال زى دة الا بعد الموافقات الأمنية والدليل على كده ان مسمعناش ان حد بيحقق معاه على المقال اللى اتنشر بخصوص الست موزة وطبعا رد قطر غير عقلانى بالمرة لأن فقد عمالة مصر يعنى فقد الأطباء والمهندسين والمدرسين والمحاسبين الى أخره وأنا طبعا أشك ان فى اى دولة عربية تقدر تستغنى عن عمالة مصر