مين رئيس مصر القادم ... لو لينا حق الاختيار

[elfakhrany]

طبعا بما انى مشغول جدا بخصوص انتخابات الرئاسة القادمة ومش انا لوحدى أظن ان فى ناس كتير بتحلم بالتغيير فى ظل انتشار الفساد بصورة كبيرة

عايز كل واحد يشارك برأيه بأسم الشخص اللى من وجهة نظرة يصلح ليكون الرئيس القادم اذا تمت انتخابات نزيهة ؟؟؟؟

[dongol]

طبعا بما انى مشغول جدا بخصوص انتخابات الرئاسة القادمة ومش انا لوحدى أظن ان فى ناس كتير بتحلم بالتغيير فى ظل انتشار الفساد بصورة كبيرة

عايز كل واحد يشارك برأيه بأسم الشخص اللى من وجهة نظرة يصلح ليكون الرئيس القادم اذا تمت انتخابات نزيهة ؟؟؟؟

يا عم فخراني الست نزيهة دي ماتت من زمان و ما أظنش انها هترجع تاني طول ما الحزب الوطني موجود

معلش السؤال بعيد عن أرض الواقع و الرد عليه يظل في دائرة الامنيات مستحيله التحقيق

[Phizer]

بسم الله الرحمن الرحيم الاختيار جمال طبعا

[dawn walker]

عمرو موسى

[okokok]

أيمن نور

تم تعديل 12 مايو 2009 بواسطة okokok

[~Heba~]

أى حد.........لكن

اللهم ول أمورنا خيارنا و لا تول أمورنا شرارنا، و بلغنا مما يرضيك آمالنا

[الكريم]

و كيف نختار و نحن لا نعرف ايييييييييي احد سوي من يريدونا ان نعرفه مصر مليئة بالرجال الذين يصلحون للمنصب و عندهم شرف و امانه و لكن من هم و ما هي اسماؤهم؟؟؟؟؟؟؟؟؟؟؟ من يختار السياسين علي الساحة عذرا و لكن كل منهم حوله علالالالالالامات الله يهدي الجميع للخير

[مغتربة]

عمر سليمان

؟

؟

؟

؟

[fatfouta]

عمر سليمان

؟

؟

؟

؟

والله العظيم يا مغتربة كنت لسه بكتب

عمر سليمان

[elfakhrany]

مصر فعلا عايزة قائد عسكرى

[مغتربة]

مصر فعلا عايزة قائد عسكرى

لا دا مش عسكرى و بس يا باشا

دا كمان شوف كام سنه مخابرات

ربنا يجعل كلامنا خفيف عليهم

:ninja: wst:: wst::

[مغتربة]

عمر سليمان

؟

؟

؟

؟

والله العظيم يا مغتربة كنت لسه بكتب

عمر سليمان

القلوب عند بعضها يا فتفوته

[ramyayash]

النتيجه .... لم ينجح احد هههههههههههه

لا بجد في ناس محترمه كتير بس لانهم محترمين فمش ظاهرين عالساحه

اي واحد عالساحه لا يصلح فعلاااا

[الكريم]

اخواني مش ممكن مشبعتوش من 60 سنه من حكم العسكر :D برضه لسه مفيش فايده عازيزن حاكم عسكري منفسكوش مره نبقي زي الناس العادية و يبقي الحاكم مدني من الشعب و الجيش سلطة لا تحكم الناس بس تدافع عن البلد ................علي رأي سعد زغلول ................ مفيش فايدة

[موكا]

السلام عليكم

انا لسة جديدة فالمنتدى و ماكدبش عليكم للامانة انا مش بافهم فالسياسة اوى يعنى بس الموضوع ده انا لى راى فيه:

اذاكان لما واحد بيتقدم لاى وظيفة بيفرضوا عليه انه يقدم السيرة الذاتية بتاعته كاملة من يوم ماتولد و كمان بيتكلم عن انجازاته السابقة و الانجازات القادمة اللى نفسه يحققها من وجهة نظره و كمان يتقدم مش بس واحد و لكن ميات و يمكن الاف للوظيفة دى و اصحاب العمل هما اللى بيختارو بناء عاللى بيشوفوه احسن سيرة ذاتية فما بالكم بوظيفة رئيس جمهورية؟؟؟؟؟؟؟؟؟؟احنا ليه مش بصينلها على انها وظيفة؟ و ليه بنتكلم بصيغة ان اللى هاييجى ده هايكون الامر الناهى ؟؟؟؟؟؟ مش موظف زيه زى غيره من حقنا نحاسبه اذا غلط مش يمكن لو فكرنا بالطريقة دى نوصل فعلا للتغيير اللى نفسنا فيه؟؟؟؟؟؟؟؟و اكبر دليل على كلامى امريكا مش بيترشح اكتر من حد و يقدم ملفه كامل و الشعب الامريكى بيقعد بالسنة و الاتنين يفرزفيه؟؟؟

سامحونى عالاطالة و ارجو ان يتسع صدركم لى انا لسة جديدة فالمنتدى

اشكركم و ارجو الاهتمام بمشاركتى و التصحيح لى ان كنت عكيت

[اسماعيل امين]

طبعا بما انى مشغول جدا بخصوص انتخابات الرئاسة القادمة ومش انا لوحدى أظن ان فى ناس كتير بتحلم بالتغيير فى ظل انتشار الفساد بصورة كبيرة

عايز كل واحد يشارك برأيه بأسم الشخص اللى من وجهة نظرة يصلح ليكون الرئيس القادم اذا تمت انتخابات نزيهة ؟؟؟؟

--------------------

السؤال خطأ مازلنا نفكر بالطريق القديمه .بمعني

حل اعنف مشاكل المحروسه عن طريق ....اصدار قانون ...او قرار ....؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

حل جميع مشاكل المحروسه باختيار رئيس جديد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

جميع مشاكل مصر متراكمه منذ عشرات وقد يكون منذ مئات السنين .وحدث بينها تراكم رهيب قد يصل ببعضنا التفكير بطريقه تتهد وتتبني من جديد ؟؟؟؟؟؟؟؟.

انهيار التعليم ......ادي الي جهل وتسطيح عقول ...ادي الي ....بطاله (يضيع بسببها احلي شباب .....وضياع شاب يعني ضياع فتاه )..

بطاله تعني جريمه مخدرات تغييب عقول وظهور قوي التخلف ....انا العبد الفقير استطيع اثبات تخلف اعلي المؤهلات في المحروسه

في ذهني قرارفي صالح المحروسه يستفيد منه شريحه عريضه منها من الشباب لو اعلنته لسحقني عواجيز مصر حتي لو كانوا من اقرب الناس لي .

حتي لو كانت الانتخابات نزيهه ستكون دعوه الي الفوضي او التخلف لا قدر الله .

الله يكون في عون الرئيس القادم

[خالد عبد السميع]

عمر بن العاص حتى يرجع اللى تعوج بعد ما إستلمها ونظفها وجعلها زينــــــــــــــــــة

[الباشمهندس ياسر]

متطغطوش عليا لو سمحتوا

انا مش فاضى للرئاسة و الكلام دوت

انا عايز اعيش حياتى براحتى و اموت خفيف خفيف كده

مش ناقص انا كام مليون يجوا يمسكوا فى رقبتى يوم القيامة

بجد بقى

جمال مبارك و ربنا يهديه و يصلح حاله... قولوا امين

[emano]

بجد فعلا انا كنت اختار المحافظ الاسبق للاسكندريه المحجوب فعلا عمل تغير جوهرى فى الاسكندريه

وكان قلبه على البلد وبيسمع اى شكوه ويحاول يحلها ومكنش حرامى كان ابن ناس ومحترم علشان كده مسبهوش فى المنصب كثير وشلوه وحطوه على الرف

[ابو محمود]

بصراحة عندى سؤال هل يمكن ان يسمح لنا بأختيار من يحكمنا ؟

هيرد واحد دلوقتى ويقولى تقصد اية ! اقولك نفترض ان بكرة جة وقامت انتخابات وجة واحد مخة زى الدزمة القديمة

وقال انا منتخب . مش منتخب مصر

بمعنى انة اختيار الناس زى ما بنحلم ياترى هيكون رد اوروبا وامريكا اية ؟

اقولك يحدث كما حدث فى كثير من بلدان الوصاية والجزائر دليل حى يتم ازاحة المنتخب ويتم تعيعين رئيس من العسكر ومن ثم يتم فرض عقوبات وهلما جرا ويتم تثبيت الحكم فى تمثيلية كبيرة زى الثورة مثلآ وياتى الينا رجل عسكرى ليتم تنفيذ ما هو يرضى بة الغرب وننتعش شوية وبعدين يقولنا عنق الزجاجة اياة ولازم نخرج منة وبعدين تقوم شوية ناس حرامية جدد وقوانين جديدة لسلب ما تبقى من غنائم من الحرامية السابقين وباقى افراد الشعب ونقول يعيش الملك ويحيى الملك ونعيش فى تبات ونبات ونخلف صبيان وبنات

اية رأيكم حلوة ولا ملتوتة