إستشارة عن عقد محاسب

[KAhamid]

السلام عليكم ورحمة الله وبركاتة

انا كنت عايز اخد رايكم في حاجة

انا ابن عمي محاسب

خريج 2005 جيد جدا

شغال محاسب من 2005 لغاية دلوقتي

المهم هو مرتبة دلوقتي 1850 ج

جايله عقد في اسعودية

كان باعت سي في وواحد كلمه امبارح وعرض عليه العقد وعايز منه رد علشان ينزل مصر يوقع معاه العقود

العقد مدتة سنتين

راتب 2500 ريال

الشغل في الرياض والدمام ( فرعين الشركة )

انتقالات علي الشركة

السكن قاله الشركة هي اللي هتوفرو

قال ان التاشيرة هتكون لفرد وبعد نهاية العقد وكتابة عقد جديد سيتم استخراج تاشيرة لزوجتة وابنتة

المفروض الراجل مستني تيلفون انهاردة من ابن عمي علشان يحدد معاه موعد في مصر لتوقيع العقود

انا عيز رايكم

لان كان لي تجربة واستفدت كتيييييييير جدا من رايكم

مع خالص شكري

[زعلان]

مرتبه في مصر قد مرتبه في السعودية ايه بقى الي يخليه يسافر وضعه في مصر احسن قله ما يسافرش

[KAhamid]

مرتبة في السعودية هيكون 3800 ج بالمصري

في فرق 2000 ج

[elfakhrany]

راتب 2500 ريال

الراتب ده راتب محـــاسب بدون خبرة

[KAhamid]

ياباشا انا متشكر علي الرد

بس ليا استفسار

يعني يتكلم معاه في راتب كام مثلا يكون مناسب

او رينج كام يعني من كام ل كام

[elfakhrany]

من 4000 الى 6000 ريال حسب التفاوض

3 شهور بدل سكن من المرتب الأساسى

تأمين صحى ووسيلة مواصلات او سيارة

عقد عائلى واستقدام للزوجة وتذاكر طيران سنوية

تم تعديل 12 مايو 2009 بواسطة elfakhrany

[KAhamid]

بس ياباشا انا شايف ان ده مبالغ فيه جدا

[KAhamid]

ولا انت ايه رايك

[ابوعبدالله]

السلام عليكم ورحمة الله

على فكرة المرتب 2500 ريال دة مرتب خريج جديد بدون خبرة حتى لو كان حاصل على دورات كتير.....

خلص كل شى من مصر قبل السفر المرتب 4500 ريال او اكثر حسب التفاوض ولازم وسيلة مواصلات حيث ان التواجد فى مكانين منفصلين الدمام والرياض ودول سفر خمس ساعات يعنى هاتعمل المشوار دة وتريح باقى اليوم وتعمل اليوم التالى ان كنت متزوج فلابد ان تاخد تاشيرة مناسبة للاستقدام يعنى مش تاشيرة عامل او فنى او مندوب مبيعات .....احسنهم (محاسب او مدير تسويق ....) ولازم يكون عقدك عائلى من الاساس بدون تفاوض فى حالة الزواج ودة كله عرفته من تجربتى وتجربة اخرين على فكرة انا بقالى هنا 9 سنوات والحمد لله كنت جاى 2500 ريال سنة 2000 وكنت متزوج قبل السفر وكان مكتب السفر فى مصر رسم الحياة بمبى ووكانت مقولته المشهورة كل شى بتغيره وانت واقف ولما جيت اكتشفت العجب المهنة دة مش بتغير بسهولة خالص الا بعد محايلة ان كنت مرتاح فى مصر وفى عملك انتظر فرصة احسن وربنا يكرم ان شاء الله

والقرار يعود لك فى الاول والاخر وما نحن الا مشاركون بالراى

بالتوفيق

[KAhamid]

الاخ ابو عبدالله

الف شكر ليك علي المداخلة

بس انا موش عارف ليه من كلام الراجل السعودي مع ابن عمي حسيت ان 2500 ريال دي كويسة وقاله بعد سنتين هاعملك عقد جديد بمرتب تاني خالص

بس واضح ان ما فيش اكتر من الكلام

[بندق أفندى]

أرى انه راتب محاسب مبتدئ بدون خبرة اجمالى 3600 ريال تقريبا عادل .. محاسب شاطر مع شوية خبرة فى حود 4500 الى 5000 .. على ان يكون مدة العقد سنتين حد أقصى (ليتم التفاوض من جديد على الزيادة)

[KAhamid]

الاخ بندق افندي

هو حضرتك محاسب

[زعلان]

يعني على الاقل 4 الاف + بدل سكن 3 شهور + تذكرة طيران سنوي + تأمين صحي شامل

[doha]

السؤال مش هل راتبه في السعوديه كويس ولا لاه السؤال هو هل الراتب الي بياخذه في مصر ده يتضحى بيه وممكن يتعوض او لا .

الراتب الي طالع عليه هنا ده 2500 يادوب يعيش بيه لوحده وممكن يوفر منه مبلغ لكن لو طالع هو وزوجته مستحيل يكفيهم طبعا لا هيكفي مصاريف سكن ولا تعليم ولا علاج ولا اي شيء في الدنيا ..

لاحظ ان الي بيطلع هنا محتاج يعمل مرتين مرة عشان يعيش النهرده ومرة عشان بكرا لما يرجع مصر ويبدأ حياته فيها من الصفر لان لا وظيفة ولا علاقات اجتماعية كله هيروح في سنين الغربة وضيف عليهم انه هيرجع متعود على نمط استهلاك هنا وصعب جدا يتأقلم مع الوضع في مصر ..

الي يطلع من مصر حاجه من اثنين .. اما ملوش شغل اصلا في مصر او براتب مينبكيش عليه او يكون خبرة نادرة دكتور مثلا ولا شهادات ( تعقد ) وده هييجي هنا بعقد مرتاح براتب كبير يستاهل التضحية بمكتسباته في مصر

انما اسيب شغلي في مصر وراتبي ماشاء الله قريب من الالفين عشان اجي هنا اتمرمط مقابل ميتين تلتمية ريال زياده ( مهو متنساش ان تكاليف المعيشه هنا هتضيع الفرق بين الراتبين ومش هيبقى منه غير مية ولا اثنين بس ) طبعا ده يبقى كلام فارغ

وبالمناسبة طالما صاحب العمل بدأها معاه بوعود كاذبة من نوعية كله مؤقتا وقدام ( ابقى قابلني ) فمن دلوقت كون على حذر منه .. لو ناوي يحط له شروط منصفة يحطها من الاول والا فلا ..

اما بالنسبة ليطلب راتب كام فانا معرفش رواتب المحاسبين شكلها ايه بالظبط لكن على حسب مابسمع فاعتقد محاسب خبرة ثلاث سنوات زي قريبك ممكن راتبه يكون في حدود ثلاثه وشويه ولو معاه شهادات اجنبية ودبلومات ومش عارف ايه ممكن يزيد الراتب لكن لو معاهوش يبقى في الحدود دي ..

[kingsabry]

من خبرتي هنا ...

ما يطلعش على راتب أقل من 4000 بالاضافة لبدل سكن 3 شهور وبدل مواصلات وتذكرة سنوية ..