حوار مصرى جدا (منقول)

hgalal · 12 مايو 2009

أكتر حاجة لفتت نظري في الحوار ده الجزء بتاع غزة. فحبيت اشاركة مع الإخوة في المنتدى

حوار مصرى جدا

وأتحدى أى أحد يشكك فى مصرية قائله

# يقال إن87%من الشعب المصرى ساخطون على الحكومة المصرية ... ما تعليقك ؟

ــ ال 13% الباقيين معاهم جنسيات أخرى .

# تقرير :45% من الشعب المصرى مصابون بمرض السكر ما تعليقك ؟

ــ آدى اللى خدناه من" الحلوانى " اللى بنى مصر .

# ما أهم مظاهر الفهلوة عند المصريين ؟

ــ انهم يشكون فى الشحات ولا يشكون فى النصاب .

# بعد اضطهاد النادى الأهلى الواضح لنادى الزمالك والمتمثل فى التنكيل به ذهابا وايابا .... ماذا تتوقع لجماهير الأخير ؟

ــ أتوقع أن نقرأ قريبا أخبارا عن زملكاوية المهجر .

# ليه الحزب الوطنى بيعمل اعلانات لنفسه مع ان البلد كلها بتاعته ؟

ــ زى ما شبكة الأوربت بتعمل اعلانات لنفسها على شاشة الأوربت .

# ما الفرق الأهم بين مصر وأمريكا ؟

ــ الفرق الأهم ان عائد السياحة من الهرم المزيف الموجود فى لاس فيجاس مئة ضعف عائد السياحة من الهرم الحقيقى .

# ما أهم قاعدة موجودة فى مصر ؟

ــ ان مفيش قاعدة لأى حاجة

# ما وجه الشبه بين السد العالى وقانون الطوارىء ؟

ــ الأثنان مصدر " للكهرباء!!!" .

# لماذا يطلق المصريون على زوجاتهم لقب " الحكومة "؟

ــ لصعوبة تغييرها مهما تسببت فى كوارث .

# أين يمكنك أن تلاحظ سوء نية المصريين ؟

ــ عندما يغنون للطفل البرىءبمنتهى الخبث قائلين .... يارب يا ربنا " تكبر وتبقى زينا .

# ليه أكتر ناس بياخدوا مواقف معارضة جريئة هم الناس بتوع الغزل والنسيج ؟

ــ علشان بيشتغلوا فى القطن , و " القطنة ما بتكدبش " زى ماقلت مدام نظيفة.

# امتى بتحس ان البلد حلوة ؟

ــ ما باحسش ان بلدنا حلوة غير لما داليدا تقول : " حلوة يا بلدى "(بغض النظر انها قالتها وانتحرت)

# امتى هناكل جوافة من انتاج مزارع توشكى ؟

ــ لما نلاقى المشمش!!!!!

# ما العلاقة بين عصام الحضرى وسمن روابى ؟

ــ الطعم فلاحى وتحدى .

# هل لك أقارب استشهدوا فى الحرب ؟

ــ لأ عندى أقارب استشهدوا فى السلام ..... " السلام 98" .

# 60 % من الرجال المصريين يشخرون وهم نائمون ...... ما تعليقك ؟

ــ ال 40 % الباقيين بيشخُرووا وهما صاحيين .

# ما تعليقك على أن المصريين لا يتحدون الا لما يكون المنتخب بيلعب ؟

ــ الاستاد هو الحل !

# ما الدليل على أن مصر بلد الامان ؟

ــ الدليل ان الواحد بيتردد كتير قبل ما يدخل أى قسم شرطة .

# ايه الكلمة اللى ما بتحبش تسمعها وانت فى أوضة العمليات ؟

ــ يا خسارة .

# ما الفرق بين الزوجة المصرية والزوجة اللبنانية ؟

ــ 0 4 كيلو جرام على الأقل .

# بماذا ستجيب كمصرى عند سؤالك عن عمرك فيما أفنيته بعد عمر طويل ؟

ــ أفنيته فى اشارة قصر النيل مستنيها تفتح ، وفى صلاح سالم مستنيه يتحرك ، وعلى كوبرى أكتوبر مستنى لما رئيس الوزراء يروح .

# من المستفيد من الزحام الذى يسيطر على شوارع القاهرة ؟

ــ شركات المحمول ، كله واقف فى الاشارة ماسك الموبايل ، بيخلص شغل أو بيعتذر عن التأخير أو بيسلى نفسه على الأقل ، وبالتالى تعتبر الادارة العامة للمرور هى المستفيد الثانى " مخالفات استخدام المحمول أثناء القيادة ".

المستفيد الثالث هى الشركة الشرقية للدخان حيث يتزايد معدل الحرق على سبيل " التنفيث " .

المستفيد الرابع هو الهيئة العامة للبترول حيث يتزايد حرق البنزين على الفاضى اثناء الوقوف وهو الأمر الذى يبرر اختفاء البنزين من المحطات وبالتالى يصبح المستفيد الخامس هم أطباء الأمراض الصدرية .

المستفيد السادس المعلنون على اذاعة نجوم fm وبالتالى يصبح المستفيد السابع الشركة المصنعة للأدوية المهدئة بالتساوى مع صيدليات على على .

## ليه بيقدموا الساعة ساعة عندنا فى الصيف ؟

ــ علشان مصر تتقدم بينا .

## ايه اكتر حاجة بتجمعنا كمصريين ؟

ــ حبنا للكابتن ابوتريكة .

ــ حبنا لأبو تريكة بيخلينا ندعى له من قلوبنا يارب يخف يارب يلحق ماتش المنتخب يارب أبوتريكة ينزل دلوقتى ، ما أظنش ان فيه حد فينا دعى لمصر بأى حاجة من زمان .

ــ حبنا لأبو تريكة خلانا نصفق له ونقف وراه لما رفع فانلة عليها " تعاطفا مع غزة " ، لكن لما الغزاوية دخلوا عندنا شوف بأه .

ــ حبنا لأبو تريكة خلا معظمنا يمشى فى الشارع لابس تى شيرتات عليها رقم 22 ، حد فيكم فكر يعلق علم مصر فى البلكونة عنده ؟ .

### لماذا يقال عن الشعب المصرى انه شعب فوضوى ؟

ــ علشان بيكره " النظام

elfakhrany · 12 مايو 2009

ملعوبة

عنبو · 13 مايو 2009

تسلم يامان اى نعم الكلام فى صيغة المزح لكن كله حقيقى

hgalal · 13 مايو 2009

تسلم يامان اى نعم الكلام فى صيغة المزح لكن كله حقيقى

تشكر يا باشا وشكراً على المتابعة. ويارب نكون بنتعلم بجد من اخطاءنا.

~Heba~ · 13 مايو 2009

فعلا كله حقيقى و واقعى جدا بس ظريف بشكل

خصوصا :rolleyes:

لماذا يطلق المصريون على زوجاتهم لقب " الحكومة "؟
ــ لصعوبة تغييرها مهما تسببت فى كوارث

# بعد اضطهاد النادى الأهلى الواضح لنادى الزمالك والمتمثل فى التنكيل به ذهابا وايابا .... ماذا تتوقع لجماهير الأخير ؟
ــ أتوقع أن نقرأ قريبا أخبارا عن زملكاوية المهجر .

و بتاعت الحكومة دى كان نفسى افهمها من زمان :lol:

مسافر زاده الخيال · 15 مايو 2009

ويبقى المصريين ملوك الظرف والقفشات اللماحه

:blush2:

~Heba~ · 15 مايو 2009

ويبقى المصريين ملوك الظرف والقفشات اللماحه :blush2:
:unsure:

انت بتقول فيها

طب سمعت دى

قصيدة ساخرة جامدة جدا من شاعر اسمه محمد بهجت

قالها فى برنامج العاشرة مساء ومنى الشاذلى كانت فطساااااانة من الضحك

بس كله واقعى و حقيقى للاسف