اضبط شكلك بتخونى !!!!!!!!!

[ramyayash]

نصيحه لوجه الله تنصحي بيها صديقتك دي

تمسك الرقم وتتصل من موبايل غريب وتشوف الصوت وما تتكلمش

تسمع الصوت بس

وبلاش حكايه الهدوء دي

حاكم الارض كلها خير والشر سببه الخيانه

يعني ما ينفعش الصبر علي الخيانه

[mama nona]

الى الاخوات فتفوته دهبية وكل ال شاركو فالموضوع ده

ايه نظام المخابرات ال اتعمل ده

ليه تتصل اصلا عشان تعرف مين كان بيتكلم مع زوجها؟

وليه افترضتم مثلا انها واحدة

ما يمكن كمين زوجها عمله ليها بيلفت انتباهها ليه

ويمكن يكون واحد فعلا

ليه افترضتم الخيانه؟

ليه هي اشتكت ؟مهو مش معقول انا سمعت زوجى فمكالمة تليفون واحدة اقوم اشك فيه للدرجة دى ؟وكمان عشان مغير رنة التليفون ؟

هى تعرضت لمواقف زى دى معاه قبل كده؟

كل دى اسئلة بتدور

طبعا الاجابة متوقفة على درجة العلاقة بين صاحبة المشكلة وزوجها .هل علاقة وطيدة بمعنى فيه صراحة فيه حب فيه احترام فيه ارتباط وثيق

طبعا اذاكانت تلك الاشياء موجودة بينهم مظنش انه ممكن يعمل علاقه مع انسانه غيرها

اما اذا افتقدنا كل ده فطبيعة العلاقة فأظن انها متتصلش ابدا عالرقم ده وتفترض انه مثلا طلعت المكالمة مع واحدة ست تانية يبقى تقعد تفكر مع نفسها ليه زوجها عمل كده ؟

تعليقاتكم بتقول انه زوجها الان اصبح عدو لازم تخبى عليه وتدارى انها عرفت وتراقب طيب ازاى الست دى هتقدرتعيش معاه بالطريقة دى .

انا بعتقدد لو ده حصل معايا انى هسأل زوجى مباشرة واقوله انا حسيت انك كنت بتتكلم مع واحدة ؟ولو هو زوجى انا متأكده انه هيجاوبنى بصراحة

(((( طبعا بعيد الشر عن زوجى انه يتكلم مع واحدة :lol: ))

وإذا كانت متقدرش تسأله مباشرة اظن تحاول تعمل حاجة جديدة فحياتها تلفت انتباهه ليها تانى مثلا تشتريله هدية شيك

لو قدرت بوكية ورد جميل وعليه كارت بكلمتين حلويين

تعمل عشا من نوع جديد مع شوية شموع

تتقرب منه اكتر

صدقونى اكيد هيرجع لها بسرعة تانى وغالبا ما بتكون اى علاقة جديدة فحياة الرجل مجرد نزوة او خطفة بسيطة بتعدى اول ما بيقرب لزوجته وبتتنسى من الطرفين .

ولو الست اعطت لزوجها الحب والحنان ال يكفوه اكيد هيكون ملك ايديها .

واتمنى ان شاء الله

:D :happy: :blink:

[Abu Reem]

اسمحوا لي أقول وجهة نظري

ليه مايكونش الزوج عامل القصة دي علشان يزرع الشك في مراته ، لأنه يبدو أن فيه جفاء أو بعض المشاكل بينهم ،

ولذلك عمل القصة ( أنا شايفها فيلم هندي ) وده علشان الزوجة تبطل مشاكل وتعرف أنه ممكن يستغنى عنها في أي وقت وبالتالي ترجع عن تصرفاتها أو جفاءها أو تبطل عند ومشاكل، وتأخذ بالها من زوجها.

عندي احساس كبير جدا أن المسألة زي ما قلت ( حركة ) وممكن يكون متفق مع أي واحدة من معارفة او زميلاته

في العمل علشان لو مراته اتصلت وسمعت صوت واحدة ست اكيد هتقفل السكة فورا ويزداد الشك في قلبها وبكده يبقى حقق هدفه.,

[لولا]

اسمحوا لي أقول وجهة نظري

ليه مايكونش الزوج عامل القصة دي علشان يزرع الشك في مراته ، لأنه يبدو أن فيه جفاء أو بعض المشاكل بينهم ،

ولذلك عمل القصة ( أنا شايفها فيلم هندي ) وده علشان الزوجة تبطل مشاكل وتعرف أنه ممكن يستغنى عنها في أي وقت وبالتالي ترجع عن تصرفاتها أو جفاءها أو تبطل عند ومشاكل، وتأخذ بالها من زوجها.

عندي احساس كبير جدا أن المسألة زي ما قلت ( حركة ) وممكن يكون متفق مع أي واحدة من معارفة او زميلاته

في العمل علشان لو مراته اتصلت وسمعت صوت واحدة ست اكيد هتقفل السكة فورا ويزداد الشك في قلبها وبكده يبقى حقق هدفه.,

مش عارفه ياابو ريم موضوع ان دوت اختبار ومجرد "حركه " حاسه انه مش حقيقى ..

بس فى كل الأحوال ومهما كان يعنى مش معقول هى دى تبقى الطريقه اللى الراجل يلفت بيها نظر مراته انه محتاج اهتمام اكتر منها ...

طب ليه ميتكلموش .. يقولها انا محتاج كذا انت اتغيرتى محتاجين نجدد حياتنا ..

يعنى ليه ديما مفروض كل واحد جواه حاجه ومتدايق من شيء يخليها تكبر جواه وتكبر لغايه ما توصل المسائل لمنطقه سد ؟!

لولا

[Abu Reem]

طب ليه ميتكلموش .. يقولها انا محتاج كذا انت اتغيرتى محتاجين نجدد حياتنا ..

بالنسبة لموضوع أنه يقول لها إللي هوه محتاجه وإنه يقولها إللي بيزعله ،، ده شيء أكيد عمله قبل كده ، يعني أكيد هم تكلموا في هذا الموضوع عدة مرات ، ولكن مع مرور السنين ، وحدوث خلافات وجفاء أحياناً ، وزعل وقمص ، وخلافه ، فهنا مسألة الكبرياء أحيانا تتدخل وتظهر ، ولما الزعل يتكرر كل شوية ، بيكون الحل أحيانا هو بث شعور القلق للزوجة علشان ( معلش يعني تبطل دلال وعند )

- أما ما يدعوني أن أؤكد بنسة الكبيرة أن المسألة تمثيلية هو:

- المكالمة في هذا الوقت المتأخر ( يعني مش معقول صدفة ) وأكيد الطرف الاخر مش بالسذاجة أنها تتصل في وقت عارفة فيه كويس أن الزوجة أكيد في هذا الوقت في البيت .. طيب ما تتصل به وهو في أوقات شغله ؟؟؟

- مسألة أنه يقوم ويتكلم في البلكونة ... واضحة قوي ... وبعدين العبارات التي كان بيقولها مكشوفة قوي وخصوصا أنه عارف أن زوجته واقفة بتسمع هذا الحوار.

- لو كان واحد صديقة من زمان ، كان فضل قاعد ويتكلم في أي مكان ... إيه إللي هايخوفه..ويخليه يقوم من مكانه ..

- موضوع الرنة المختلفة وكمان لعبد الحليم ( واضح أنه قاصدها ) ولو كان فعلا بيخون بجد كان جعل النغمة مثل النغمات الأخرى المخصصة لأصدقائه حتى لا يثير الشك.

[لولا]

طب ليه ميتكلموش .. يقولها انا محتاج كذا انت اتغيرتى محتاجين نجدد حياتنا ..

بالنسبة لموضوع أنه يقول لها إللي هوه محتاجه وإنه يقولها إللي بيزعله ،، ده شيء أكيد عمله قبل كده ، يعني أكيد هم تكلموا في هذا الموضوع عدة مرات ، ولكن مع مرور السنين ، وحدوث خلافات وجفاء أحياناً ، وزعل وقمص ، وخلافه ، فهنا مسألة الكبرياء أحيانا تتدخل وتظهر ، ولما الزعل يتكرر كل شوية ، بيكون الحل أحيانا هو بث شعور القلق للزوجة علشان ( معلش يعني تبطل دلال وعند )

- أما ما يدعوني أن أؤكد بنسة الكبيرة أن المسألة تمثيلية هو:

- المكالمة في هذا الوقت المتأخر ( يعني مش معقول صدفة ) وأكيد الطرف الاخر مش بالسذاجة أنها تتصل في وقت عارفة فيه كويس أن الزوجة أكيد في هذا الوقت في البيت .. طيب ما تتصل به وهو في أوقات شغله ؟؟؟

- مسألة أنه يقوم ويتكلم في البلكونة ... واضحة قوي ... وبعدين العبارات التي كان بيقولها مكشوفة قوي وخصوصا أنه عارف أن زوجته واقفة بتسمع هذا الحوار.

- لو كان واحد صديقة من زمان ، كان فضل قاعد ويتكلم في أي مكان ... إيه إللي هايخوفه..ويخليه يقوم من مكانه ..

- موضوع الرنة المختلفة وكمان لعبد الحليم ( واضح أنه قاصدها ) ولو كان فعلا بيخون بجد كان جعل النغمة مثل النغمات الأخرى المخصصة لأصدقائه حتى لا يثير الشك.

يعنى انتا رأيك كده ؟؟ طيب خلاص خلى دهبيه تتابع الموضوع وتقلنا على تطورات الموقف :closedeyes:

[doudy]

طب ليه ميتكلموش .. يقولها انا محتاج كذا انت اتغيرتى محتاجين نجدد حياتنا ..

بالنسبة لموضوع أنه يقول لها إللي هوه محتاجه وإنه يقولها إللي بيزعله ،، ده شيء أكيد عمله قبل كده ، يعني أكيد هم تكلموا في هذا الموضوع عدة مرات ، ولكن مع مرور السنين ، وحدوث خلافات وجفاء أحياناً ، وزعل وقمص ، وخلافه ، فهنا مسألة الكبرياء أحيانا تتدخل وتظهر ، ولما الزعل يتكرر كل شوية ، بيكون الحل أحيانا هو بث شعور القلق للزوجة علشان ( معلش يعني تبطل دلال وعند )

- أما ما يدعوني أن أؤكد بنسة الكبيرة أن المسألة تمثيلية هو:

- المكالمة في هذا الوقت المتأخر ( يعني مش معقول صدفة ) وأكيد الطرف الاخر مش بالسذاجة أنها تتصل في وقت عارفة فيه كويس أن الزوجة أكيد في هذا الوقت في البيت .. طيب ما تتصل به وهو في أوقات شغله ؟؟؟

- مسألة أنه يقوم ويتكلم في البلكونة ... واضحة قوي ... وبعدين العبارات التي كان بيقولها مكشوفة قوي وخصوصا أنه عارف أن زوجته واقفة بتسمع هذا الحوار.

- لو كان واحد صديقة من زمان ، كان فضل قاعد ويتكلم في أي مكان ... إيه إللي هايخوفه..ويخليه يقوم من مكانه ..

- موضوع الرنة المختلفة وكمان لعبد الحليم ( واضح أنه قاصدها ) ولو كان فعلا بيخون بجد كان جعل النغمة مثل النغمات الأخرى المخصصة لأصدقائه حتى لا يثير الشك.

شكله غشيم يا ابو ريم و غرقان فى الحب لشوشته

و بايع القضية خالص و مش هامه الزوجة اللى محروقة يا عينى

معتقدش ان حد عايش كويس مع زوجته ممكن يقلب الدنيا و يعمل تمثيلية زى دى

اكيد الموضوع بجد

[Falcon Crest]

وطبعا من اجاباته هعرف هو بيكدب ولا لأ ..

ولو كان بيكدب .. لو كان بيكدب ... عليا وعلى الساطور والأكياس السوده عدل :rolleyes:

لولا

حل جذري يا أفندم بس غير طبيعي مفيش حلول اسهل ربنا يستر و زوجتي متشوفش الموضوع

[لولا]

وطبعا من اجاباته هعرف هو بيكدب ولا لأ ..

ولو كان بيكدب .. لو كان بيكدب ... عليا وعلى الساطور والأكياس السوده عدل :rolleyes:

لولا

حل جذري يا أفندم بس غير طبيعي مفيش حلول اسهل ربنا يستر و زوجتي متشوفش الموضوع

ده ااقل واجب يافندم ..ده انا كده بخدمه جدا كمان :lol:

اهو يموت شهيد الحب على ايدى ويدخل الجنه ..

وينعم بالحور العين هناك على راحته :blink:

وسلام كبيييييييييييير للمدام بتاعتك الست لازم ديما تضحى برضوا عشان جوزها .

اى خدمه يا استاذ فالكون smk:

لولا

[mama nona]

يا ريت يا اخت ذهبية تبلغينا بالاحداث عشان نعرف نهاية القصة دى ايه ؟

[somayasaleh]

الحقيقه بقرا نصايحكم وانا فاتحه عينى كدهوت :lol:

حسيت انى لو بعد الشر مريت بالموقف دوت حتكون ردة فعلى الأولى كالتالى "

حبص لجوزى واقوله محمد انت كنت بتكلم مين ؟ طب مغير النغمه كده ليه ؟ طب مش فلان اللى كنت بتكلمه دوت طلع على المعاش قبل سنه :blink:

وبصراحه بصراحه حقول كل اللى فى قلبى فى نفس اللحظه ولا هعرف استنى ولا اخطط ولا افكر ولا هقعد اهرى وانكت مع نفسي واضرب اخماس

فى اسداس wst::

وطبعا من اجاباته هعرف هو بيكدب ولا لأ ..

ولو كان بيكدب .. لو كان بيكدب ... عليا وعلى الساطور والأكياس السوده عدل :rolleyes:

كملو ياجماعه انى منصته لكم بكل اهتمام smk:

لولا

انا مع رأيك يا لولا يا اختي

ما فيش احسن من المواجهة... ( ده رأي الشخصي ومش نصيحة)... وهي وبختها.....اما زوجها يطللع عنده دم ويحس انه ظلمها... وفي الحالة ده ح يتغير للافضل

يا اما يطلع بجح ويقول لها وانت مالك..... وان كنت اشك في كده

بصي يا اخت ذهبية..... هي ما فيش عندها غير حلين

1- المواجهة

2- الطناش

في الحالة الاولي ....المواجهة..... لازم ح ينكر.....مفيش اي زوج بيتأفش الا لما بينكر بكل طريقة........

وبعدين هي الوحيدة اللي في ايديها الحل....... اما تسامح.... وتبدأ معه صفحة جديدة..... وصدقيني سوف تشعر بتغيير معاملته معها للاحسن.

اما تاخد موقف وتهد البيت.....بس مش الاكياس يا لولا يا اختي :P

الوضع التاني اللي هو الطناش.....ده ح يكون علي حساب اعصابها ونفسيتها والبيت كله ح يبقي مكهرب.....طيب ليه؟؟؟؟؟ :happy:

وفي الاخر هي الوحيدة اللي تقدر تقرر ح تعمل ايه... لان فيه خصوصيات ما حدش يعرفها بين اي واحدة وزوجها

واي نصيحة نقولها لها ..... مفيش منها اي فايدة........ لان كل واحدة ادري بشخصية جوزها

هي الوحيدة فقط اللي تقدر تقرر اذا كانت تواجه زوجها او لا.......

يعني احنا هنا مش بنقول نصائح.....ده اختيارات نضعها امامها وهي اللي تقرر تعمل ايه....حسب طبيعة علاقتها بزوجها ( اللي ما حدش يعرفها غيرها)

[elfakhrany]

أختى العزيزة ذهبية قوليلنا ايه اللى حصل؟؟؟؟؟؟؟؟؟؟؟؟؟

[fatfouta]

أختى العزيزة ذهبية قوليلنا ايه اللى حصل؟؟؟؟؟؟؟؟؟؟؟؟؟

صباح الخير يا ذهبية

الناس متشوقة خالص تعرف ايه اللى حصل وانتى رديتى على صاحبتك ولا لأ

طمنينا يالله

[fatfouta]

المفروض الزوجة اللي بتشك في زوجها تصارحه وتقول: لو حاسس إن أنا مقصرة في حقك يا زوجي الحبيب, أخبرني كي أصلح من نفسي ..

ولو حاسس إن أنا مش مكفياك, فتزوج مثنى وثلاث ورباع

أهم شيء إنك ما تعملش حاجة تغضب ربنا سبحانه وتعالى ..

سلامو عليكو

يا سلام عالكلام المثالى زيادة عن اللزوم

الزوجة المؤمنه برضو تحافظ على زوجها على اد ما تقدر مش تقوله روح اتجوز

وعليك السلام يا استاذ سهل

[pink rose]

المفروض الزوجة اللي بتشك في زوجها تصارحه وتقول: لو حاسس إن أنا مقصرة في حقك يا زوجي الحبيب, أخبرني كي أصلح من نفسي ..

ولو حاسس إن أنا مش مكفياك, فتزوج مثنى وثلاث ورباع

أهم شيء إنك ما تعملش حاجة تغضب ربنا سبحانه وتعالى ..

سلامو عليكو

يا سلام عالكلام المثالى زيادة عن اللزوم

الزوجة المؤمنه برضو تحافظ على زوجها على اد ما تقدر مش تقوله روح اتجوز

وعليك السلام يا استاذ سهل

انا بعد الشر بعد الشر اقول لجوزي روح يا حبيبي اتجوز عليا عشان انا مقصرة في حقك؟؟؟؟؟صحيح القطة كلت عيالها يا ولاد

الست المفروض تحافظ على بيتها و جوزها

و لو في زحمة الايام و الولاد حست ان في فتور بذأ يدخل بينهم تنتبه فورا و تحاول بكل الطرق تظبط الاوضاع تاني

لكن الراجل لو مراته انشغلت عنه في دوامة الدنيا يجري يبص لبرة يبقى معلش ما عندوش دم

العلاقة الزوجية شركة بين اتنين و اظن لو واحد فيهم حس ان التاني مقصر معاه يواجهه و يقوله و ينبهه لانه اكيد الطرف التاني ش قاصد الانشغال

دا لو كل واحد من الطرفين فعلا يهمه البيت دا يفضل مفتوح لازم المصارحة بين الزوجين لان اي حد معرض انه يغفل شوية في الطريق الطويل التاني الواجب عليه ينبهه لو بيحبه فعلا

اما بالنسبة للموضوع الاصلي انا شافية ان الزوجة دي تاخد الرقم و تتصل من موبايل تاني و تسمع عشان تتأكد واحدة و لا واحد بدل ما هي يا حبيبة قلبي راسها هاتفرقع كده

و لو اتاكدت انها ست فعلا تواجهه لان لو طنشت و جت على نفسها و قالت نزوة و تعدي انا اسفة تبقى هاتضر بصحتها و بولادها لان دا هايأثر على نفسيتها جدا

و تشوف هو عاوز ايه و تتكلم معاه بالراحة كده و بهدوء و تقوله لو باقي على بيتنا و انت شايف اني مقصرة معاك بحاجه قولي ايه هي دا طبعا لو هي فعلا مش واخدة بالها انها مقصرة في شئ معين و ساعتها لازم تلوم نفسها قبل ما تلومه و تصلح من الحاجه اللي مقصرة فيها

و لو قالها بحبها و هاتجوزها و انتي مالك و الكلام دا

فا كده هي و ظروفها بقى يا توافق انها تفضل معاه و يتجوز او ترفض و تتطلق منه

و دا راجع ليها في الحالتين هي ادري بظروفها

[emano]

انا بقى شايفه انها تقعد جنب زوجها وتجيب الموبيل وتتصل بالنمره من موبيل الزوج وتشوف مين الى حيرد

والله رجل خير والحمد الله

ست مين ده ياحبيبى وعينك متشوف الى النور

ولو هو نزوه يبقى حتاخد وقتها وتعدى اما لو لعبه بعقله قوى فالله يكون فى عنها

لان فعلا البنات اليومين دوله بيلفو عقل الرجل قوى وبيختارو المتزوجين علشان الامكنيات بتكون كويسه

اما الاستاذ سهل جدا فانت فعلا مش سهل خالص ده انت

مش عارفه اقول ايه غير ربنا يكون فى عون زوجتك

بقى الست تهمل فى نفسها شويه تلقى الدره دخله عليها ليه كده

[Falcon Crest]

انا بقى شايفه انها تقعد جنب زوجها وتجيب الموبيل وتتصل بالنمره من موبيل الزوج وتشوف مين الى حيرد

والله رجل خير والحمد الله

ست مين ده ياحبيبى وعينك متشوف الى النور

يا افندم ده حل ممكن يؤدي لعواقب مش كويسه علشان سياسه الامر الواقع في الحاجات دي مش كويسه و احيانا تدي نتيجه عكسيه

و ربنا يهدي ان شا الله

[لولا]

انا بقى شايفه انها تقعد جنب زوجها وتجيب الموبيل وتتصل بالنمره من موبيل الزوج وتشوف مين الى حيرد

والله رجل خير والحمد الله

ست مين ده ياحبيبى وعينك متشوف الى النور

يا افندم ده حل ممكن يؤدي لعواقب مش كويسه علشان سياسه الامر الواقع في الحاجات دي مش كويسه و احيانا تدي نتيجه عكسيه

و ربنا يهدي ان شا الله

الحقيقه مش فاهمه موضوع ان سياسة الأمر الواقع مرفوضه وتؤدى لعواقب وخيمه !!

اعتقد ان امور هكذه يمكن ان نختصرها بالمواجهه ولا يفترض ان ذلك جريمه ، يعنى ان اتصل من موبايله امامه لا ارى انه جريمه

ولا ارى انه تجاوز لأن السيناريو كله غريب جدا وخارج نطاق المألوف فى حياتهم الزوجيه بداية من تغيير الرنه الى اسلوب الكلام الى الخروج

للبلكونه للحديث منفردا وشيء طبيعى ان تشك والقاعده ان تشك وليس العكس !!

ولو كنت مكانها كنت حقول كل اللى فى قلبى فى لحظتها. ولو حبت انها تتصل فده مش حاجه عيب ولا غلط ولو طلع صوت راجل عادى تديه الموبايل

ويبقى الموقف دوت درس للإتنين وممكن يقربهم لبعض ويتكلموا من وراه فى حاجات مهمه تخص علاقتهم ..

ياجماعه انا مش فاهمه هى العلاقه الزوجيه مفروض تبقى مليانه تابوهات وتفكير وحدود وخطط وكلام يتقال وكلام ميتقالش نفكر ونخططله الأول ؟؟

انتوا حسستنونى اننا عايشين جوه معكسر مش بيت مبنى على حب والفه وود وبسااااااااااااااااااااااااطه .

يعنى انا ممكن افهم لو مكالمه شكلها كده جات للزوجه الزوج حيكون احساسه ايه ؟؟

ولا ديما التفكير بيكون احادى الإتجاه !!

لولا

[سهل جدا]

اما الاستاذ سهل جدا فانت فعلا مش سهل خالص

ميرسي يا مدام إيمانو

ربنا يخليكي يا رب :)

[Falcon Crest]

انا بقى شايفه انها تقعد جنب زوجها وتجيب الموبيل وتتصل بالنمره من موبيل الزوج وتشوف مين الى حيرد

والله رجل خير والحمد الله

ست مين ده ياحبيبى وعينك متشوف الى النور

يا افندم ده حل ممكن يؤدي لعواقب مش كويسه علشان سياسه الامر الواقع في الحاجات دي مش كويسه و احيانا تدي نتيجه عكسيه

و ربنا يهدي ان شا الله

الحقيقه مش فاهمه موضوع ان سياسة الأمر الواقع مرفوضه وتؤدى لعواقب وخيمه !!

اعتقد ان امور هكذه يمكن ان نختصرها بالمواجهه ولا يفترض ان ذلك جريمه ، يعنى ان اتصل من موبايله امامه لا ارى انه جريمه

ولا ارى انه تجاوز لأن السيناريو كله غريب جدا وخارج نطاق المألوف فى حياتهم الزوجيه بداية من تغيير الرنه الى اسلوب الكلام الى الخروج

للبلكونه للحديث منفردا وشيء طبيعى ان تشك والقاعده ان تشك وليس العكس !!

ولو كنت مكانها كنت حقول كل اللى فى قلبى فى لحظتها. ولو حبت انها تتصل فده مش حاجه عيب ولا غلط ولو طلع صوت راجل عادى تديه الموبايل

ويبقى الموقف دوت درس للإتنين وممكن يقربهم لبعض ويتكلموا من وراه فى حاجات مهمه تخص علاقتهم ..

ياجماعه انا مش فاهمه هى العلاقه الزوجيه مفروض تبقى مليانه تابوهات وتفكير وحدود وخطط وكلام يتقال وكلام ميتقالش نفكر ونخططله الأول ؟؟

انتوا حسستنونى اننا عايشين جوه معكسر مش بيت مبنى على حب والفه وود وبسااااااااااااااااااااااااطه .

يعنى انا ممكن افهم لو مكالمه شكلها كده جات للزوجه الزوج حيكون احساسه ايه ؟؟

ولا ديما التفكير بيكون احادى الإتجاه !!

لولا

حضرتك فعلا اسلوب المواجهه المباشر ده مش ينفع مع اي حد و مش اي حد يقدر يعمله و مش كل الناس تقدر تستفيد منه في قربهم و مواضيعهم المهمه ده بيعتمد علي الفردين معا و صدقيني لو في طرف منهم مش عنده القدره الكافيه لانهاء الموضوع بالطريقه دي بتكون النتيجه مش كويسه

في الاخر البشر مختلفين تماما في طريقه تعاملهم مع المشاكل و ردود فعلهم