ليه الناس بقت بوشين؟

[Falcon Crest]

بعض الناس يا إيمانوا بيعملوا كده كهوايه او إن ده العادي واحيانا بيكون موقف دفاعي يعني الناس بتفترض إن هايتعمل فيهم كده فبيعملوا هما الأول

ده بيكون منطق غريب جدا في الحياه المفروض الواحد يكون حسن الظن بالناس و يفترض انهم كويسين و يعاملهم علي اساس كده مش العكس

[goodnewss]

أحييك يامستر فالكون ده العايزه أوصله من الأول ليه نفترض في الناس سوء النيه مش حسن النيه وليه نقول دا الناس كلها كذابي فنكذب احنا كمان طب بفرض الناس كلها كدابه تروح معاهم النار ليه؟ شهامه يعني؟

[goodnewss]

حصلت حاجه النهارده واحده زميلتنا كان عليها الدور في شغلانه كده كل يوم واحده فينا بتعملها حسب الجدول المهم كالعاده كل مايجي عليها الدور تقول لأ انا ماعملش فانا تعبت منها اصلا وبقيت مش باناقشها عشان ماوجعش دماغي زمايلي بقه قعدوا يقنعوها ابدا فجأه قامت متنرفزه وراحت تعملها

[goodnewss]

باقي القصه معلش عشان انا داخله من الموبايل. رجعت بتعيط .مالك يابنتي؟ انتوا بتعاملوني وحش أصل في اتنين منكم كانوا بيهمسوا لبعض عليا !!! إيه مين دول وامتي وازاي اهو كده وخلاص ويطلع في الآخر كانوا بيقولوا طب حد يعمل بدلها وخلاص كل ده وانا قاعده اتفرج عشان دماغي

[Falcon Crest]

أحييك يامستر فالكون ده العايزه أوصله من الأول ليه نفترض في الناس سوء النيه مش حسن النيه وليه نقول دا الناس كلها كذابي فنكذب احنا كمان طب بفرض الناس كلها كدابه تروح معاهم النار ليه؟ شهامه يعني؟

ميرسي يا افندم بس هو ده الطبيعي لاني لو افترضت سؤ النيه في الناس و عاملتهم علي الاساس ده هاكون متربص لكل تصرفاتهم و نادرا ما يحدث العكس و هو حسن النيه و في الاخر يبدو ان احنا نسينا ان " الدين المعامله "

[واثق الخطوة]

الدنيا فيها الحلو وفيها المر

فيها الأصيل فيها قليل الأصل

والغريب أننا دائما بنقول ( الدنيا اتقل خيرها .. الناس زمان كانوا ناس طيبين ... الخ )

شفت فيلم قديم قوي من يومين كان فيه نفس الكلام(فين ناس زمان ... الخ )

الخير موجود بحمد الله

صحيح إن ايقاع الحياة الحالية بيغلب النزعة المادية لكن

أنا واثق أن الخير في قلوب الناس ..