نصائح للعكننة على الزوجة

[Cleo]

الصبح وانت رايح على شغلك وهى نايمة تعمد اسقاط اى شيئ او خبط الباب بصوت عالى علشان تصحيها هى كمان اشمعنى انت ؟ ولو حاولت ترجع تنام تانى قالها مادام صحيتى حضري الفطار بقى

اذا كنت بتتفرج على التلفزيون وهى عايزة تغير القناة قولها معلش الحلقة دى مهمة جدا واحد صحبى شافها على القناة الفضائية وقالى ان الحلقة دى هى المسلسل كلة ... ولو كنت بتتفرج على ماتش كورة هيبقى الموضوع اسهل كل ما حد من اللاعبين من اى فريق يمسك الكورة قولها معلش ثوانى بقى انا حاسس ان الكورة دى جون حتى لو كان حارس المرمى ماسك الكورة والماتش واقف لان فى واحد مصاب

( ملاحظة : اغلب النساء ذو ثقافة كروية ضعيفة )

اصح يوم الجمعة بهمة ونشاط وجهز الافطار لزوجتك بس متنساش انك تستخدم 15 طبق واكبر كمية من الملاعق والشوك و 5 حلل من اللى عندكم فى المطبخ و 10 كوبيات لاعداد طبق بيض وسندوتش جبنة

طبعا يراعى ترك اثار سمنة على الارض مع ترك التلاجة مفتوحة وقشر البيض فى الحوض

فى عيد ميلادها زينلها تورتة عيد ميلادها بخمسين شمعة ولو سألتك لية خمسين رغم ان عندها 15 سنة بس ؟ اتحجج بضعف الاضاءة فى البيت وانت بتبص على النجفة اللى عندكم اللى فيها 30 لمبة مع ابتسامة صفراء خفيفة

لو عملة ريجيم اجرى على السوبر ماركت ومحلات الحلويات واملى التلاجة شكولاتة وحلويات وجاتوهات ... يرعى التجول وانت مستمتع بأكل الجاتوة امامها

متنساش رأيك فى طبيخها لو عاملة لحمة قالها حلو اوووى الفراخ دى ... ولو طبخة بامية ... جميلة اوى الملوخية دى حطة عليها اية ؟؟ ولو عملة كيكة قالها انا بحب اشرب شاى مع البسكويت الحلو دة !!

لو طلبت منك تنشر الهدوم قالها حاضر مع ابتسامة حانية وبعد ما تخلص نشر الهدوم ادخل عليها وقولها انا نازل اجيب الهدوم اللى وقعت منى فى الشارع ولو سألتك هو اية اللى وقع ؟ اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك !

لو الزوجة قررت مسح الارضيات فى البيت حاول انك تروح وتيجى على المناطق المبلولة متحجج بأنك محتاج تتصل ضرورى بواحد صحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية

>لو كانت مشغولة فى نظافة البيت او مع الاولاد وطلبت منك تغسل كوبتين الشاى بتوع الصبح الموجودين فى الحوض ارجعلها كمان دقيقة من دخولك المطبخ وانت ماسك كوبية من الاتنين وهى مكسورة واسألها فى براءة ارمى دى فين ؟؟

وانت قاعد تتفرج على التلفزيون وهى طالع عينها فى تنظيف البيت وبعد ما تخلص وتيجى يدوبكك تقعد تستريح جنبك بصلها وقالها حبيبتى معلش ممكن كوبية مية علشان ضهرى بيوجعنى !!

طبعا يا جماعة دة هزار محدش يبقى غلس اووووووووووى كدة برضة الستات طيبين

[amir]

شكرا يا Cleo

أنا كنت بدور على حاجه يكون فيها الشفا

ربنا يجعل الشفا على ايديك

[Hamidoo]

لو عملة ريجيم اجرى على السوبر ماركت ومحلات الحلويات واملى التلاجة شكولاتة وحلويات وجاتوهات ... يرعى التجول وانت مستمتع بأكل الجاتوة امامها

طب لو الراجل هو اللي عامل ريجييم يبقي ايه النظام

[Hamidoo]

لو عملة ريجيم اجرى على السوبر ماركت ومحلات الحلويات واملى التلاجة شكولاتة وحلويات وجاتوهات ... يرعى التجول وانت مستمتع بأكل الجاتوة امامها

طيب لو الراجل هو اللي عامل ريجيم يبقي ايه النظام

[أسد]

وأنت بتتفرج على التلفزيون تظاهر بأنك نعسان وتعبان واول ماتمسك الريموت لتغيير القناة تظاهر بالضيق والتبرم وأنك منذ ساعة في انتظار البرنامج ويمكنك أن تتهمها أيضا بالأنانية.

- قبل ان تضع ملابسك في الغسالة تأكد بأنك قد وضعت كمية لا بأس بها من المناديل في جيبك.

- حينما تحس أن جهازا ما يوشك على العطل أطلب منها أستخدامه ، ولا تنس ان تتهمها بعد ذلك أنها سبب العطل .

- في ذكرى ميلادها قل لها - والله وكبرتي ياولية . وانت بتقدم لها الهدية طبعاً .

- وأنت تغسل أسنانك لاتنس أن تبلل فرشاتها بالماء لتعتقد أنك أستخدمت فرشة أسنانها - لزوم النكد

- بدون أي مناسبة قدم لها هدية - كريم تجاعيد الوجه .

- عندما تركب معك السيارة تظاهر بوجود خلل بها وأعدها للبيت وأفهمها أن السيارة قبل ذلك كانت جيدة .

عكننة بدم بارد ....

[se_ Elsyed]

- في ذكرى ميلادها قل لها - والله وكبرتي ياولية . وانت بتقدم لها الهدية طبعاً

.

بصراحة دي وقعتني على الأرض من الضحك .... في الجون ...

- عندي شوية نصائح مفيده برضوا ....

1- وانتوا قاعدين مع بعض في ساعة عصاري فوق السطح وبتشربوا كوبيتين شاي العروسة قولها " فاكرة وقفت جنبي لما اترفدت من اول وظيفة ... وفاكرة برضوا لما فتحت محل الفول والطعمية والمحل فلس وكنتي برضوا واقفة جنبي ، ولما بعدها أشتريت التاكس وربنا كرمني من الشغل عليه وفجأة التاكس ولع وبرضوا كنتي واقفة جنبي ... طبعاً هاتجوبك أيوه فاكره يا حبيبي ... على طول تبادرها بالحقيقة ... مش ملاحظة يا حياتي إن وش أهلك نحس عليه ...

2- لا تنسى عزيزي الزوج عندما يكون لديك أطفال صغار أن تهري العيال قرص وعض في الرايحة والجاية علشان يصرخوا ويعملوا مناحة ويعكننوا على أمهم وبعدها تسيب البيت وتنزل تقعد على القهوة .

3- أحرص دائم على تذكيرها بوزنها الزائد من وقت لأخر ... فهذا يؤدي إلى إرتفاع روحها المعنوية ...

4- في عيد زواجكم وأنت بتقدملها الهدية اللي كنت عامل لها جمعية بـ 10 ج في الشهر وجايبهالها لا تنسى أن تقول لها " ماما جايه تحتفل معانا بالمناسبة السعيدة دي "

5- لا تنسى أيضاً معايرتها من وقت لآخر بإن أبوها وامها بقالهم فترة بييجوا يزوركوا وأيدهم فاضية ولا يكتفوا بذلك لكن بينزلوا أكل فى الفاكهة والشوكولاته ولا أكنهم جايين من الصومال ...

وهذه النصائح تزيد من قوة الروابط الأسرية وتؤدي إلى إستمرار السعادة الزوجية ..... ربنا يوفقكم ياولاد

[Cleo]

وأنت بتتفرج على التلفزيون تظاهر بأنك نعسان وتعبان واول ماتمسك الريموت لتغيير القناة تظاهر بالضيق والتبرم وأنك منذ ساعة في انتظار البرنامج ويمكنك أن تتهمها أيضا بالأنانية.  

- قبل ان تضع ملابسك في الغسالة تأكد بأنك قد وضعت كمية لا بأس بها من المناديل في جيبك.  

- حينما تحس أن جهازا ما يوشك على العطل أطلب منها أستخدامه ، ولا تنس ان تتهمها بعد ذلك أنها سبب العطل .  

- في ذكرى ميلادها قل لها - والله وكبرتي ياولية . وانت بتقدم لها الهدية طبعاً .

- وأنت تغسل أسنانك لاتنس أن تبلل فرشاتها بالماء لتعتقد أنك أستخدمت فرشة أسنانها - لزوم النكد  

- بدون أي مناسبة قدم لها هدية - كريم تجاعيد الوجه .  

- عندما تركب معك السيارة تظاهر بوجود خلل بها وأعدها للبيت وأفهمها أن السيارة قبل ذلك كانت جيدة .

عكننة بدم بارد ....

لأ. فعلااااااااااااا.. يا بخت المدام بيك...!!!!!!!

[crossfield]

كليو

انت معانا و الا مع التانيين؟؟؟؟؟؟؟

[Cleo]

هييييييه.... أنا فيييييييييين..... إيه اللى جابنى هنا...!!!!!