هل تكفى 100 الف جنية لقرار العودة لمصر

[ابو حودة]

انت اللي فين

ليه يا جماعة كل اللي بيسأل انه عاوز يرجع مصر

وبعد ما يرجع ادي وش الضيف

مش بيقول لنا حصل معاه ايه

علشان ده اكيد هيفيدنا كلنا

في انتظار اصحاب التجارب في العودة لمصر وما حدث معهم

[الغريب]

مشكلة فعلا

كل واحد يقولك شورو عليا أرجع ولا لأ وبعد ما يرجع متسمعش حاجة عنه مع أننا في أمس الحاجة لرد واجب النصيحة

أستاذ حسن عندنا في الكويت نفس النظام

جه في المحاورات وقالك عاوز رأيكم

وبعد ما خدله 4 صفحات رأي

مش عاوز يرجعلنا حتى مشاركة واحدة يقولنا الظروف دلوقتي أيه ونفسيته عاملة أيه

أيها العائدون أين أنتم

[OmarBak]

ربنا يوفقك

اعتقد لو انت فضلت على حالتك دي فترة كبيرة يبقا تنزل مصر افضل

بس المشروع لازم يكون من اختيارك انت وتكون حابه وممكن تكسب احسن من هنا لو حاجةكويسة انت فاهم فيها

انما لو مخنوق من هنا بسبب اسباب اخرى زي شغلك مثلا حاول تغير وضعك هنا اعتقد هنا افضل من مصر لحد ما تظبط وضعك وتنزل

بالتوفيق

[ابو حودة]

عمر بيك

الموضوع بقاله اكتر من سنة

ويمكن صاحبه كمان مبقاش يدخل على المحاورات

انا تعمدت ارد في الموضوع ده علشان انا عاوز

اشوف نتيجة تجربة من عاد فعلا

وقبل كده انا كنت فتحت موضوع اسمه يوميات عائد للمحروسة

[lovelyramy]

اخى العزيز Amrkhaled

فرج الله همك وشرح صدرك وهداك الى صواب السبيل

لا استطيع ان اقول او اضيف اكثر مما قال الاخوه الاعزاء يمكن انا اتشابه معك فى بعض الامور لكن فعلا الحل الامثل ان تبدأ المشروع وانت هنا فى السعوديه تحسبا لا قدر الله المشروع خسر يكون لك مرد هنا ترتكن عليه لا قدر الله

اما عن المشروعات فهناك مئات بل ملايين منها ولكن تحتاج الى الجراءه والعزيمه والتوكل على الله

فى موضوع الناس اتكلمت عنه ولكن هو مطلوب جدااا فى مصر وانا عن نفسي افكر فيه جيدا بل انا حددت اسم الشركه واختارت الشعار الخاص بها

وهو مجال اعاده التدوير للمخلفات والقمامه واستغلال قش الارز ولكن هذا المشروع يحتاج رأس مال كبير ربما نصف مليون حتى يتم تأسسيسه بشكل مربح ومجدى جدااا

واعتقد ان الحكومه والصندوق الاجتماعى للتنميه تشجع شىء مثل هذا المشروع

اذا احتاجت اى مساعده فى هذا المشروع او حتى اذا اردت استغلال الاسم والشعار فراسلنى (الله فى عون العبد مادام العبد فى عون اخيه)

واخيرا أسأل الله لك التوفيق وجلاء الحزن وضيق الصدر

تم تعديل 18 مايو 2010 بواسطة lovelyramy

[موظف كادح]

ياريت فعلا الاخ صاحب الموضوع يقولنا عمل ايه او انتهى المطاف بيه الى فين

وايه التجارب اللى استفاد منها علشان الاخوة اللى هنا تستفاد من التجربه كامله

والله يوفق الجميع

[صافى]

بسم اللة الرحمن الرحيم اخى العزيز ارجو الا تتسرع فى اخذ هذا القرار لا ن فعلا زى ما احد الاخوة قالك ان ميت الف ميعملوش حاجة دلوقتى ولا هتلاقى شغل بسهولة وعشان تقدر تعلم ابنك كويس هيبقى محتاج مصريف كتيرة واحتياجات ودروس لان التعليم فى مصر دلوقتى ما بيمشيش الا بلدروس عشان فعلا مفيش تعليم فى الفصول وعشان تعمل مشروع البلد فيها مشاريع والكل بقا يتجة اتجاه واحد فى كل المشاريع يعنى يا صابت يا خابت وبردوة ارجو ان تستخير ربك فى الاول والاخر وربنا يهدى لك الحال احنا يمكن فى نفس وضعك بس لسة بنقول ياهادى وربنا يوفك الجميع

وعلى فكرة احنا فكرنا نقعد فى مصر ودفعنا فلوس قبل ما نفكر فى السفر بس الحمد للة على كل شى كان شخص معندوش ضمير ونصب علينا وما طولناش منة حاجة لدلوقتى ومن 4 سنين الموضوع دة ومش عارفين ناخد منة حق ولا باطل لانة مسنود من الحكومة عقيد متقاعد حسبى اللة ونعم الوكيل فية ربنا ما بيسيبش

[الممول العجيب]

صحيح الواحد لما يكون محتاج شئ يسأل ويستشير ولا يرد شكر النصيحه علي الاقل بوضعه بعد النزول لمصر

عموما لازم نكون شيك مع بعض اكتر من كده

لو الاخ خالد رجع مصر وخاض التجربه كان واجب عليه الرد والافاده

[tarek nokia]

صحيح الواحد لما يكون محتاج شئ يسأل ويستشير ولا يرد شكر النصيحه علي الاقل بوضعه بعد النزول لمصر

عموما لازم نكون شيك مع بعض اكتر من كده

لو الاخ خالد رجع مصر وخاض التجربه كان واجب عليه الرد والافاده

يمكن الراجل مبقاش يدخل الموقع

[amrkhaled]

اخوانى الاعزاء

السلام عليكم ورحمة الله وبركاتة

اشكركم جميعا على اهتمامكم وسؤالكم عنى بالرغم من انى حاسس من بعض

الاخوة بالتحامل على قليلا لعدم المشاركة وعموما احب اقولكم ان انا لسة فى

السعودية ولارحت ولاجيت الحمد للة ان الشركة التى اعمل بها قد نظرت اخيرا بعين

العدل وقامت بتعديل جزئى لوضعى مما ساعدنى على الصبر و التحمل والاستمرار

ولكن مازال التفكير فى الرجوع لمصر يعصر مخى احلم بة ليلا ونهارا ولكن المفارقة

ان المبلغ الذى كان متوفر لدى عندما كتبت المشاركة وبعد مرور حدود السنة لم

يزيد بل انة نقص عن الاول بسبب المصاريف والالتزامات التى لا تكاد تنتهى ومش

عارف اعمل اية؟

والسلام عليكم ورحمة الله

[ماجده]

والله انا هقولكم علي تجربه حصلت لي شخصيا

انا هنا مقيمه في السعوديه منذ 3 سنوات لوحدي وبعدها نزلت اجوزت وزوجي لقي تاشيره في مصر في نفس المنطقه اللي انا فيها

وجاي علي الشغل مش عايزة اقولكم كان حظه سئ جدااا كان معاه شويه موظفين مصريين بس كانوا في قمه قله الذوق وقله كل حاجه وكانوا بيوصلوا كلام للكفيل عنه مش كويس

المهم زوجي كل يوم يرجع من الشغل اعصابه تعبانه جداااا وبيقوم الصبح وما بيكون عايز يروح الشغل وانا كل شويه اقوله اصبر اصبر

لحد ما وصلت لمرحله حسيت فيها انه خلاص علي الأخر طلبت منه ينزل مصر وياخد من الكفيل خروج نهائي وهم ما كمل 3 شهور

المهم نزل مصر والحمد لله لقي شغل وبراتب كويس واعصابه بقت احسن وبقي حاله احسن من الأول ميت مره

وانا ان شاء الله هنزل مصر الاسبوع الجاي

أمــــــــــــــــــــــــــــــا بخصوص الآراء اللي كل واحد يقولك أعرف واحد زميلي نزل معاه مبلغ كذا ونزل مصر صرفهم ولا قاعد 10 سنين وحوش 100 الف والتاني يرد عليه يقوله قليل

احنا بني آدميين ربنا ما خلقنا علشان نحوش فلوس فلوس وخلاص وتلاقي الواحد تعيس ومش عارف يضحك همه كله في الفلوس والتحويش

الموضوع ما يتحسب خالص انت حوشت كام ولا الكلام ده

الموضوع موضوع راحه نفسيه وسعاده

هل كل الناس اللي في مصر مش لاقيين ياكلوا ومش سعداء

في ناس مرتبها في مصر 300 جنيه بس تشوفهم في قمه السعاده

رآي شوف المكان اللي فيه راحتك النفسيه مش المكان اللي فيه الملايين ومافيه حتي الضحكه من القلب