منظفات منزلية طبيعية 100%

[بركة]

هذا الموضوع بهديه لمدام سي السيد وربنا يكمل شفا ايديها الحلوين على خير

صابون مزيل للدهون الصعبة من الأواني :

ملعقة صابون غسيل زي فيري أو بريل + واحد كوب خل أبيض + واحد كوب ماء

يخلطوا ويوضعوا في أي زجاجة فارغة عندك .

صابون للفرن والبقع المستعصية :

عدد3 ليمون يقطع ترانشات + 200 جرام ملح + قليل من الماء حوالي ثلث كوب

التحضير :

نخلط ترانشات الليمون مع الماء في الخلاط جيدا مع نزع البذر من الليمون قبلها + الملح

ثم نرفع هذا الخليط على النار لمدة عشر دقائق ونضيف له نصف لتر ماء + 100 ملي خل أبيض

بعدما يبرد يعبأ في زجاجة فارغة و ممكن اضافة أي زيت عطري للحصول على رائحة مميزة .

وسوف أكتب لكم تباعا بإذن الله باقي المنظفات وطرق التنظيف الرائعة التي أعرفها وجربتها :D

تم تعديل 14 مايو 2009 بواسطة بركة

[emano]

بعدا مكتبت كلام قد كده طار

ربنا يكرمك يابركه شفلتا حاجه تطلع الاسود الى بيكون داير ميدور حولين القيزاز بتاع شبابيك الباص بتاع المدرسه

لحسن بيلزق هى قميص عبودى

ومبيطلعش غير بالجاز

ورائحه الجاز بتهيج صدر اخوه الصغير

ارجوا انك تكونى عرفتيه الى بيثبتو بيه القيزاز علشان ميتهزش

ياله انا مستنياكى

[بركة]

بإذن الله أفيدك يا ايمانو

هذه البقع على مافهمت هي بقع زي الشحم مظبوط ؟ دي بقى تفركي فيها بقطعة تباشير أبيض

لحد ما تغطيها بكثافة وتتركيها قد ساعة أو اتنين ...

ثم تغسلي الجزء ده بصابون الملابس بتاعك وتدعكي كويس ..

وسامحيني لو فهمت نوع البقعة غلط ياريت توضحي لي ..

[fatfouta]

صباح الخير عليكوا

طيب يا بركه نشكرك على مجهودك الرائع ده بجد لكن عارفة الواحد فعلا بيستسهل ويجيب المنظفات التانية وايدينا بتتهرى يا اختى ......هنجرب اللى قلتى عليه

بصى بقى هتجنن واعرف الحبر بيطلع من الهدوم اذاى؟؟؟؟ عشان بنتى غاوية تمسك اى قلم وتكتب بيه على هدومها وجننتنى

لو عندك حل قوليلى الله يخليكى يا بركة يا جميلة ويجازيكى خير

[fatfouta]

بعدا مكتبت كلام قد كده طار

ربنا يكرمك يابركه شفلتا حاجه تطلع الاسود الى بيكون داير ميدور حولين القيزاز بتاع شبابيك الباص بتاع المدرسه

لحسن بيلزق هى قميص عبودى

ومبيطلعش غير بالجاز

ورائحه الجاز بتهيج صدر اخوه الصغير

ارجوا انك تكونى عرفتيه الى بيثبتو بيه القيزاز علشان ميتهزش

ياله انا مستنياكى

وانتى كما يا ايمان شوفيلك حل فى الكمبيوتر بتاعك اللى بيطير الكلام ده

وماتخليش عبودى يقعد جمب الشباك .... طالع شقى ومشاغب ذى مامته

وانا كمان عاوزة اعرف بقع الشحم دى بتطلع اذاى يا بركة ذى ايمان برضوا

[Salwa]

صباح الخير ياجماعة الخير ..

موضوع جميل بس عاوز له صفحات وصفحات لكنى سوف اختصر ان شاء الله..

مسألة بقع الحبر...........افضل طريقة عن تجربة (( خصوصا ان اولادى ماشاء الله عليهم يعنى غلبونى بمعنى غلبونى فى مسألة بقع الحبر دى ))..

الحليب ...

يعنى تنقعوا مكان البقعة فى شوية حليب لمدة ساعة وبعدين تتغسل شوية شوية ..

مسألة المنظفات ...!!.....ليه احنا بنكسل دايما و مش بنستعمل جوانتى وقت غسيل الاطباق او تنظيف المطبخ والحمام؟؟ هى مسألة كسل وكأننا حانكون اسرع كدة...والنتيجة ؟؟ ..ايدين جافة ومتاهات..

وفيه حاجة كمان...

بس دى مش تريقة ...خصوصا للجماعة المغتربين فى الخليج ...!!

بجد يعنى هى طريقة عملية جدا جدااا......ومش كماليات..

ليه ماتستخدموش غسالات الاطباق ...!!...اسعارها رخيصة جدا جدااااا فى السعودية وكل دول الخليج...

يعنى انا شفت حاجات فى حدود الفين جنيه مصرى ..فيه طبعااا اكتر كتير ..

بس لو حسبتوها حاتطلع افضل ...

وبس عاوزة اعرف..

لو فيه اسرة عايشة فى الخليج لمدة عشر سنين .......................ليه يحرموا نفسهم بطريقة قاسية ؟؟

ف كل شئ ؟؟

مسألة غسالة الاطباق...هى طريقة عملية ...وطريقة ذكية لتوفير الوقت والجهد وحتى ....المياه...!!..وحتى المنظفات ..

ساعات بيتهيألنا على حاجات كتير انها حاجات ترفيهية ...وفى الحقيقة هى حاجات ضرورية ..

يعنى دى توفر ...انكم مثلا تحتاجوا اى حد يساعدكم حتى فى غسيل اطباق كل يوم خصوصا لو اسرة معاها اكثر من طفل ..

مجرد رأى ..

[بركة]

صباح الخير ياجماعة الخير ..

موضوع جميل بس عاوز له صفحات وصفحات لكنى سوف اختصر ان شاء الله..

مسألة بقع الحبر...........افضل طريقة عن تجربة (( خصوصا ان اولادى ماشاء الله عليهم يعنى غلبونى بمعنى غلبونى فى مسألة بقع الحبر دى ))..

الحليب ...

يعنى تنقعوا مكان البقعة فى شوية حليب لمدة ساعة وبعدين تتغسل شوية شوية ..

مسألة المنظفات ...!!.....ليه احنا بنكسل دايما و مش بنستعمل جوانتى وقت غسيل الاطباق او تنظيف المطبخ والحمام؟؟ هى مسألة كسل وكأننا حانكون اسرع كدة...والنتيجة ؟؟ ..ايدين جافة ومتاهات..

وفيه حاجة كمان...

بس دى مش تريقة ...خصوصا للجماعة المغتربين فى الخليج ...!!

بجد يعنى هى طريقة عملية جدا جدااا......ومش كماليات..

ليه ماتستخدموش غسالات الاطباق ...!!...اسعارها رخيصة جدا جدااااا فى السعودية وكل دول الخليج...

يعنى انا شفت حاجات فى حدود الفين جنيه مصرى ..فيه طبعااا اكتر كتير ..

بس لو حسبتوها حاتطلع افضل ...

وبس عاوزة اعرف..

لو فيه اسرة عايشة فى الخليج لمدة عشر سنين .......................ليه يحرموا نفسهم بطريقة قاسية ؟؟

ف كل شئ ؟؟

مسألة غسالة الاطباق...هى طريقة عملية ...وطريقة ذكية لتوفير الوقت والجهد وحتى ....المياه...!!..وحتى المنظفات ..

ساعات بيتهيألنا على حاجات كتير انها حاجات ترفيهية ...وفى الحقيقة هى حاجات ضرورية ..

يعنى دى توفر ...انكم مثلا تحتاجوا اى حد يساعدكم حتى فى غسيل اطباق كل يوم خصوصا لو اسرة معاها اكثر من طفل ..

مجرد رأى ..

طبعا مافيش شك ان غسالة الأطباق ضرورية جدا بس مش لما اللي هيشتري قصدي الزوج يقتنع

انها مهمة ما هو أصله ما بيغسلش ويقف على الحوض لما ايديه يبوظوا

د غسالة الملابس الاوتوماتيك بالنسبة للي في الخليج تعتبر كماليات الكماليات لحد دلوقتي

وتقعدي تعددي في مزاياها لما نفسك يتقطع ولا حياة لمن تنادي

ربنا يهدي والله ويارب زوجي أنا كمان يقتنع بموضوع غسالة الأطباق ده قريب :)

[سهل جدا]

أفكار جيدة

بس هي الفكرة إن المنظفات اللي في السوق رخيصة جدا وبتعد فترة كثير على ما تخلص

أنا بجيب لزوجتي زجاجة بريل تحط منها شوية صغيرين على شوية مياة كثير وتغسل بيها مواعين اليوم كله

وفين وفين لما أشتري لها إزازة تاني ..

[~Heba~]

موضوع جميل يا بركة تسلمى

و فعلا الليمون و الخل بينضفوا حاجات كتير و دايما بستخدمهم

بالنسبة لادوات المطبخ يفضل دائما غسلها اول بأول و هى لينة لان تراكم الاوساخ عليها يجعلها صعبة التنظيف

و كمان بعض الانواع من ادوات المطبخ زى الستانلس احيانا لو واجهته نار مباشرة بيتحرق و ده طبعا مبيروحش و لا بأى حاجة فالأفضل هو طريقة الاستخدام الصحيحة لكل نوع

انا كانت واجهتنى مشكلة صعبة مع بقعة بوية بقى المرة دى

جت صحبتى و هى مفقوعة على الطقم بتاعها اللى اتملا بويه لما قعدت على كرسى مطلى جديد و هى مش واخدة بالها

رحت انا بقى عملتلهم فرح فى المحاورات :) بس الحمد لله ما قصروا و ادونى معلومات حلوة انما مش بتنفع لما تكون كمية البقع كبيرة الا لو كان الواحدة عنده طولة بال

وآدى الموضوع

عزيزتى الزوجة...ماذا لو لم يحترس زوجك من البويا

[بركة]

أفكار جيدة

بس هي الفكرة إن المنظفات اللي في السوق رخيصة جدا وبتعد فترة كثير على ما تخلص

أنا بجيب لزوجتي زجاجة بريل تحط منها شوية صغيرين على شوية مياة كثير وتغسل بيها مواعين اليوم كله

وفين وفين لما أشتري لها إزازة تاني ..

الحقيقة يا أخونا الفاضل سهل التركيبات دي مش بدل البريل واللي مثله

إنما المقصود بيها المنتجات الغالية اللي بتكون تركيزها عالي ومضر على الايدين زي مثلا بخاخ فيري لإذابة الدهون

او منظفات الأفران العالية الكثافة و كذلك مدام سهل لو سألتها كده لما بتحب تغسل الطاصة بتاعة الزيت بتتعب ازاي

وبتضطر تحط مركز من الفيري مباشرة بدون تخفيف أو أي منتج عالي التركيز وده مكلف وكمان مؤذي للجلد ..

[سهل جدا]

الحقيقة يا أخونا الفاضل سهل التركيبات دي مش بدل البريل واللي مثله

إنما المقصود بيها المنتجات الغالية اللي بتكون تركيزها عالي ومضر على الايدين زي مثلا بخاخ فيري لإذابة الدهون

او منظفات الأفران العالية الكثافة و كذلك مدام سهل لو سألتها كده لما بتحب تغسل الطاصة بتاعة الزيت بتتعب ازاي

وبتضطر تحط مركز من الفيري مباشرة بدون تخفيف أو أي منتج عالي التركيز وده مكلف وكمان مؤذي للجلد ..

والله انتم أدرى يا مدام بركة

عموما أنا سجلت لمراتي في المنتدى ده وإن شاء الله تستفيد من المواضيع ديه

ربنا يجعلك أيامك كلها بركة يا مدام بركة

[بركة]

اهلا بيكي ياهبه وشكرا على الاضافة الجميلة وشكرا جزيلا لأخونا سهل على الدعاء اللهم اجعل لك بمثله أمين

أحب أزود من منظفاتي الخاصة لكي نستفيد جميعا بإذن الله ....

لتنظيف الترسبات التي يسببها الصابون على حنفيات الدش في الاستحمام خل + ملح مباشرة على الليفة

وكذلك السيراميك المحيط بالبانيو وحوض الحمام ايضا وساعات بكسل أخلط خلطة إزالة الدهون من الاواني

فبحط في الطاصة شوية خل مع ملح وبفركها بالليفة وبتبقى بتبرق وتزيّق كمان من النظافة

لتلميع أوراق نباتات الزينة الطبيعية في المنزل

قشر الموز من الداخل بعد ماتاكلوا الموزة بالهنا والشفا تاخدوا القشرة وهي لسه طازة

ويلمع بها النبات ماهي الميزة ؟

قشرة الموزة دي كلها ماغنسيوم وبوتاسيوم ومواد مهمة جدا لنمو وصحة النباتات

وجربوها في تلميع الأحذية الجلدية والشنط الجلد بدل شراء الاسفنجة اللي بتلمع بس بتبوظ الجلد وإدعولي :)

تم تعديل 15 مايو 2009 بواسطة بركة

[emano]

بركه ياحببتى انت متاكده 100 100 من موضوع الموز مع الاحذيه لحسن جوزى يبعتنى مصر على طول

لو حصل لاحذيته حاجه

يعنى الجذمه مش حتلم تراب او ذباب

الله يخليك طمنينى

[بركة]

بركه ياحببتى انت متاكده 100 100 من موضوع الموز مع الاحذيه لحسن جوزى يبعتنى مصر على طول

لو حصل لاحذيته حاجه

يعنى الجذمه مش حتلم تراب او ذباب

الله يخليك طمنينى

الله يسعدك يا ايمانو ضحكتيني .. :closedeyes: لأيا ستي على ضمانتي أنا بعمل كده وكله تمام

بس ماتنسيش تدعيلي وتبقي تلمعي الحذاء قبل الموز طبعا بقطعة من فانله قطن الأول

ثم بالقشر بتاع الموز ثم تتركيها قليلا وتلمعي بالفانلة تاني على خفيف :)

[بركة]

لصيانة الغسالات الأوتوماتيك والمحافظة عليها

لازم على الأقل نعملها غسلة (فُم )من غير هدوم خالص بس ماء وخل

حوالي 2 كوب خل وذلك لتنظيف الحلة الاستانلس من ترسبات المياة والخراطيم

ومحدش يقول الكلور بدل الخل لأن الكلور بيهري الخراطيم الداخلية بتاعة الغسالة .

تم تعديل 15 مايو 2009 بواسطة بركة

[مغتربة]

مره كنت لابسه بنطلون ابيض و ماسكه كيس لونه احمر

و لما ركبت العربيه حطيت الكيس على رجلى

طبعا اول ما نزلت لقيت الكيس بقى لونه ابيض

لان اللون الاحمر هوه الى اتنقل على البنطلون الابض بتاعى :) :closedeyes:

بس رحت لماما اعيطلها :lol:

لان البنطلون ده كان عزيز عليا

بس ماما قلتلى و لا يهمك

و بعدين حطت على البقعه زبادى

و سبيتها عليه طول الليل

و الصبح غسلتها عادى

و لما نشف ما كنش هناك اى اثر للبقعه

[fatfouta]

مسألة بقع الحبر...........افضل طريقة عن تجربة (( خصوصا ان اولادى ماشاء الله عليهم يعنى غلبونى بمعنى غلبونى فى مسألة بقع الحبر دى ))..

الحليب ...

شكرا يا مدام سلوى على موضوع بقع الحبر ده لان دى اكتر حاجة كانت مضايقانى جدااا

وهجربه ان شاء الله

[اليوم السابع]

لو بقعة لبان اتشالت بس سايبة اثر ابيض على الهدوم لان لونها ازرق

ايه الحل

واشكركم

[بركة]

لإزالة اللبان عامة من الملابس توضع قطعة الملابس في كيس بلاستيك في الفريزر

لمدة يوم كامل وبعدين نفركها هتكون نشفت وهتتفرك وتخرج في سهولة

ولو اللبان لزق في الشعر نمرر قطعة ثلج على اللبان لحد ما يتفتفت في ايدينا .

[se_ Elsyed]

شكراً يا مدام بركه على الموضوع ده .

موضوع غسالة الأطباق ممتاز جداً ما اختلفناش ..

وكمان المنظفات الطبيعية

وبروضا الجوانتيات

لكن طبيعة عمل الست داخل المنزل بتخليها تكسل عن إحتياطات كثيرة ..

يعني مش عشان تغسل كوبايه مثلاً تقوم لابسه جوانتي وكمامة كإنها هاتعمل عملية قلب مفتوح ..

كمان لما تيجي تتوضا ...

وهكذا ..

ففي فعلاً حاجات تخفف من تأثير المواد الصناعية الكيماوية على الجلد ..

لكن يظل الموضوع له بعض الأثار الجانبية ..

تخيلوا اول مره أعرف إن الجوانتيات الطبية الشفافة اللي بنشتريها من الصيدلية بالكرتونه .. مؤذية للجلد ؟

عشان فيها بودره لو تلاحظوا من جوه ... البودرة دي بتهيج الجلد وتسبب أكزيما ..

عشان كده لازم نتأكد إن نوع الجوانتيات ما فيهاش البودرة دي للي عندهم إكزيما أو حساسية معينة ..