انتبهوا الافتراء على الله بأنه ابتلانا لخزي العين يعرضنا للبلاء الحقيقي

[عبير يونس]

ده اول توبيك افتحه في المنتدى الرائع ده

و حبيت اتطرق فيه لقضية مهمة جدا جدا

بين الناس عموما

و هي عمد الناس على الافتراء على الله انه مبتليهم و انهم مرضى و انهم معدمين و ان هم في مشاكل و نكد ليل و نهار

و ده كله بدافع " خزي العين"

الحقيقة زمان مكنتش بافهم في الموضوع ده اوي

لأن ماما الله يرحمها كانت دايما لما حد يسألها عن حالنا كانت دايما ترد بالحمد لله و على وشها ابتسامة

حتى لو كنا متنيلين بستين نيلة (سوري للتعبير)

و كنت الاقي على الطرف الآخر واحدة جارتنا كان عندها بنت من دوري

بس كانوا في حالهم و انا احنا كمان في حالنا

( طبيعة سكان الأحياء الهادئة في مصر كل واحد في حاله و يدوب السلام لما نتقابل على السلم أو في الشارع

المهم جارتنا دي

قعدت سنين كل ما شوفها طبعا اسلم عليها

و طبيعي اسأل على بنتها اللي كنا بنلعب مع بعض و احنا صغيرين

و طبعا كل مرة والله سؤالي بيكون برئ

و كما جرت العادة

انك تستخدم تعبير

فلانة اخبارها ايه؟

و الله كان بيبقى تعبير مجازي و عمري ماكنت عايزة اعرف اخبارها بجد

كانت طنط دي كل مرة ترد ع السؤال بمصيبة

مرة تقوللي دي في المستشفى

و مرة تقوللي عملت حادثة

و مرة تقوللي اتسرقت

اهو

المهم كل مرة مصيبة

و ما فتكرش مرة انها قالت لي اي خبر حلو

و انا كنت بأصدق و الله

و ازعل و ارد : لا حول و لا قوة الا بالله

معلش يا طنط سلامتها

و ينتهي الحوار و انا كلي أسى على جارتنا المصابة بلا انقطاع

و لما احتكيت بالناس اكتر واحدة بنت حلال فطمتني ع اللي فيها

و بدأت آخد كلام الناس من منظور مختلف

و تكشفت لي أشياء غريبة مكنتش باخد بالي منها قبل كده

كتير اوي كل ما اسألهم اخباركم ايه ( و برضه تعبير مجازي مجاملة مش اكتر) ابص الاقيهم اتفتحوا بحكايات عن مصايب ملهاش عدد

الكلام ده كان بيخلليني احترم والدتي اكتر و اكتر

لما كنت باسألها انتي ليه بتقولي احنا الحمد لله كويسين و احنا مش كده

كانت بترد: حاشتكي ربنا يا بنتي؟؟؟

الحمد لله على كل شيء

بس بقى بقيت ازهق من اللي بيخزوا العين بدرجة كبيرة اوي

لدرجة ان احيانا كانوا همة يبادروا و يتصلوا بيا مخصوص عشان يبلغوني بالبلاوي اللي عندهم

تصدقوا مرة حاولت اخزي عين واحدة متخصصة

و اتصلت بيها فعلا و قلت حا حكيلها على مشاكل حقيقية

المهم لفتني في الكلام بخبرة و حرفنة و سألتني بحرفنة و كانت ردودي زي ما اتربيت الحمد لله بخير كله تمام و انقلبت المكالمة كالعادة على مشاكلها اللي ما بتخلصش

فعلا بقيت باكره الموضوع ده

لدرجة اني لغيت من قاموس مفرداتي سؤال " اخبارك ايه؟"

بجد مبقتش اسأل و لا حتى بقيت اتصل بحد من اصله

ايه رأيكم في الظاهرة دي؟

[سهل جدا]

بالفعل في كثير من الناس بيبالغوا في الخوف من الحسد

وتلاقيهم دائما يشتكوا ويحكوا مشاكلهم لكل من هب ودبّ , عشان يخزوا العين

وهذا كله منافي لقول الله تعالى: {وأما بنعمة ربك فحدث}

المفروض إن الواحد يظهر نعمة ربنا عليه

ولما ربنا يوسع عليه في الرزق المفروض يبان أثر النعمة ديه عليه

زي ما رسول الله صلى الله عليه وسلم قال: (إِذَا آتَاكَ اللَّهُ مَالًا فَلْيُرَ أَثَرُ نِعْمَةِ اللَّهِ عَلَيْكَ وَكَرَامَتِهِ)

الحالة الوحيدة اللي الواحد يخفي النعمة فيها (أويخزي العين زي ما بيقولوا), لما يكون واحد حسود جدا ومعروف بالحسد , في الحالة ديه ممكن يخفي بعض النعم عنه .. لكن مش عن كل الناس

[ابو محمود]

تظهر هذة المظاهر والمعتقدات كلما قل الايمان باللة فى قلوب العباد

وكلما طغت المادة على تفكير العباد واصبحت كل همهم ستجدهم يذدادون حمقآ وتسطيحآ لكل شئونهم

اننا نترك اخطائنا وراء ظهورنا بصورة مرضية ونتهم الحسد فى ما يحل بنا من فشل او اخفاقات ونحاول ان نكذب ..

ونكذب ونكون اول من يصدق الكذب ..

كلما اذداد الجهل والامية كلما انتشرت الرذائل والخرافات والجهل والأمية ليست حكرآ على من لا يعرف القراءة والكتابة لكن هناك متعلمين لا يعرفون من امرهم شيئآ لانهم غير مثقفين او مطلعين على ثقافتهم الأسلامية

فنجد متعلم جاهل وأمى بدينة وان ذكرناة امامة استكبر وأدعى انة تخلف وهذا من اسباب ما نصل الية من تواضع فكرى وادبى ونترك مصائرنا الى الابراج والأحلام والحسد ونسينا أن العمل والأجتهاد هو ما ينفع الناس

[emano]

فعلا يامصريه مغتربه عندك حق ناس كتيره بتعمل كده

او بتتعمد انها تقول كل الاخبار الوحشه

وتخبى كل الحلو

بس انا مقتنعه بحاجه ان ربنا مدى كل واحد الاربعه وعشرين قرات بتوعه

ياصحه يامال ياجمال يافلوس ياعيال -----المهم فى عدل وكل واحد اخذ زى التانى بس فى الحاجه الى تسعده

فلازم الواحد يحمد ربنا على كل حاجه

علشان عرفه بعد كده مش حيكون شايف الى الوحش فقط وحينسا كل النعم الحلوه

ربنل يهدى

[عبير يونس]

بالفعل في كثير من الناس بيبالغوا في الخوف من الحسد

وتلاقيهم دائما يشتكوا ويحكوا مشاكلهم لكل من هب ودبّ , عشان يخزوا العين

وهذا كله منافي لقول الله تعالى: {وأما بنعمة ربك فحدث}

المفروض إن الواحد يظهر نعمة ربنا عليه

ولما ربنا يوسع عليه في الرزق المفروض يبان أثر النعمة ديه عليه

زي ما رسول الله صلى الله عليه وسلم قال: (إِذَا آتَاكَ اللَّهُ مَالًا فَلْيُرَ أَثَرُ نِعْمَةِ اللَّهِ عَلَيْكَ وَكَرَامَتِهِ)

الحالة الوحيدة اللي الواحد يخفي النعمة فيها (أويخزي العين زي ما بيقولوا), لما يكون واحد حسود جدا ومعروف بالحسد , في الحالة ديه ممكن يخفي بعض النعم عنه .. لكن مش عن كل الناس

أستاذ سهل جدا

اهلا بحضرتك

انا بأحس ان الناس بقت فعلا بتبالغ في خوفها من العين و الحسد

في كل حاجة

و بتخاف تقول انها في نعمة

مع ان زي ما حضرتك تفضلت

ربنا بيقول

{ و أما بنعمة ربك فحدث}

يعني احنا لما بنعمل كده

كأننا و العياذ بالله بنجحد نعمة ربنا علينا و بننكرها

و كمان بندي للعائن و الحاسد حجم أكبر من حجمهم

لأن ربنا قادر يحفظنا من شرهم

[عبير يونس]

تظهر هذة المظاهر والمعتقدات كلما قل الايمان باللة فى قلوب العباد

وكلما طغت المادة على تفكير العباد واصبحت كل همهم ستجدهم يذدادون حمقآ وتسطيحآ لكل شئونهم

اننا نترك اخطائنا وراء ظهورنا بصورة مرضية ونتهم الحسد فى ما يحل بنا من فشل او اخفاقات ونحاول ان نكذب ..

ونكذب ونكون اول من يصدق الكذب ..

كلما اذداد الجهل والامية كلما انتشرت الرذائل والخرافات والجهل والأمية ليست حكرآ على من لا يعرف القراءة والكتابة لكن هناك متعلمين لا يعرفون من امرهم شيئآ لانهم غير مثقفين او مطلعين على ثقافتهم الأسلامية

فنجد متعلم جاهل وأمى بدينة وان ذكرناة امامة استكبر وأدعى انة تخلف وهذا من اسباب ما نصل الية من تواضع فكرى وادبى ونترك مصائرنا الى الابراج والأحلام والحسد ونسينا أن العمل والأجتهاد هو ما ينفع الناس

كلام حضرتك سليم تماما

عجبني جدا نقطة اننا بنعلق الفشل على شماعة الحسد

فعلا ده بقى اسهل تبرير لفشلنا في أي حاجة

اننا خدنا عين او ان حد بيحسدنا

طبعا ده لا يمنع ان الحسد موجود و العين موجودة

و ربنا ذكر لنا كيف نتقيهما

و اننا لازم نحافظ على أذكار الصباح و المساء و قراءة المعوذتين

و حابة اني اوضح ان في ناس كتير بتخلط بين العين و الحسد

العين ممكن تجيلنا من أقرب الناس و ممكن حضرتك تدي نفسك عين في المراية مثلا لو بصيت فيها و عجبك شكلك و مقلتش ما شاء الله

اللهم كما حسنت خلقي حسن خُلقي

و ممكن تديها لحد من ولادك لو شفته كده و مقلتش ما شاء الله و دعيت له و حصنته

يعني العين ممكن تيجي من أي حد

و الحذر منها ضروري

و اتقاء شرها مفيش اسهل منه

كلمة " ما شاء الله " توقف تأثيرها فورا

أما الحسد و العياذ بالله

فده من السبع الموبقات المهلكات يعني من الكبائر

و هو تمني زوال النعمة

يعني واحد يكون بيكرهك و بيحقد عليك و يتمنى الخير اللي انت فيه يزول و العياذ بالله

و دي درجات طبعا

يعني الكراهية هي اول السلم

ان واحد ما بيتفقش معاك او مبيطيقكش و قد يقف الأمر عند هذا الحد

و اذا تطور الأمر يصبح حاقدا

و الحاقد هو اللي بيبص لك في الخير اللي انت فيه و يتساءل ليه انت و مش هو

و يتولد لديه شعور دائم بالظلم و انه المفروض هو اللي يبقى مكانك

و اللي يمثله المثل " يدي الحلق للي بلا ودان"

و طبعا دي بداية للوصول للحسد و العياذ بالله

فتلاقيه وصل لدرجة انه نفسه اللي عندك يزول حتى لو ما جالوش هوة

المهم انت لأ

و في ناس بيتطور معاها الموضوع انها تتمنى زوالك من الدنيا بكاملها

و عل فكرة مش شرط ابدا ان حد يتمنى لك زوال النعمة لأنه محروم منها

و ياما ناس بتحسد ان عندك فلوس و همة عندهم

او ان عندك ولاد و همة عندهم

... الخ نعم المولى عز و جل

يعني موضوع الحسد ده كبير

و مش ببساطة كده أي حد نتهمه انه حساد و العياذ بالله

و الحل بسيط جدا

هو الالتزام بأذكار الصباح و المساء و تحصين انفسنا و أولادنا

عشان ننتبه لحياتنا و نخرج من دوامة الخوف المستمر من زوال النعم

و الحقيقة ان الله تعالى هو المعطي الوهاب المنعم

و طول ما احنا في معية الله

مين ده اللي يقدر يصيبنا بأي مكروه

[عبير يونس]

فعلا يامصريه مغتربه عندك حق ناس كتيره بتعمل كده

او بتتعمد انها تقول كل الاخبار الوحشه

وتخبى كل الحلو

بس انا مقتنعه بحاجه ان ربنا مدى كل واحد الاربعه وعشرين قرات بتوعه

ياصحه يامال ياجمال يافلوس ياعيال -----المهم فى عدل وكل واحد اخذ زى التانى بس فى الحاجه الى تسعده

فلازم الواحد يحمد ربنا على كل حاجه

علشان عرفه بعد كده مش حيكون شايف الى الوحش فقط وحينسا كل النعم الحلوه

ربنل يهدى

كلام جميل جدا يا emano

حضرتك ابرزت نقطة في غاية الأهمية

الانسان مينفعش ياخد كل حاجة

و ربنا سبحانه و تعالى أعلم بيه من نفسه

{ ألا يعلم من خلق و هو اللطيف الخبير}

و هو سبحانه يعلم ايه اللي يسعدنا و ايه اللي احنا محتاجينه

سبحانك ربي

تقدر و لا أقدر و تعلم و لا أعلم و أنت علام الغيوب

هو وحده اللي يعرف مين اللي الفقر يقربه من ربنا أكتر لأنه لو بقى غني حيفتري

و مين اللي الغنى يقربه من ربنا اكتر لأنه في طبعه انه يعطي المحتاج و حيستخدم المال صح

و مين اللي المرض يقربه من رنا اكتر لأنه الصحة ممكن تخليه يفتري

و مين اللي الصحة تقربه من ربنا اكتر لأنه حيستخدمها صح و في ما يرضي الله

و قس على ذلك باقي النعم

له سبحانه حكمة في اعطائها و حكمة في منعها

طبعا كلامي مش معناه ان كل فقير و مريض وحشين و عشان كده ربنا اداهم فقر و مرض

و انهم كانوا حيفتروا لو اغتنوا و و ربنا شفاهم

لأن احيانا الفقر و المرض ممكن تكون ابتلاءات من ربنا للعبد

و بعدها يغنيه و يشفيه

عشان كده أهلنا قالوا ان الستر و الصحة من أهم النعم

و رأيي أن أهم النعم هي الرضا بما قسم الله

اللهم اقدر لنا الخير حيث كان و رضنا به يا رحمن

آمين

[elfakhrany]

أختى الفاضلة مصرية مغتربة

أصبر على حسد الحسود فان صبرك قاتله

كالنار تأكل بعضها ان لم تجد ما تأكله

ماسبق كان استهلالا لابد منه ( حقوق الملكية الفكرية محفوظة لاستاذنا الكبير عادل ابو زيد )

الحسد مذكور بالقرأن الكريم (( ومن شر حاسد إذا حسد))

الحسد ألا وهو مرض من أمراض القلوب وللحسد أنواع كثيرة ( الحسد فى المال , الحسد فى الصحة , الحسد فى الأولاد , الحسد فى المنصب , الحسد فى الممتلكات )

إن الحسد يبدأ وكأنه سرطان حميد يقلق صاحبه بالغيبة والنميمة والكذب وغيره من الاعراض ولكن هذا الورم الحميد شأنه أي ورم حميد قد يتحول إلى سرطان خبيث سريع الانتشار بأكل كل خليه فيها خير في قلب صاحبه ويستبدل خلايا القلب التي امتلأت خيراً بخلايا سرطانيه خبيثه شيطانيه فينقلب القلب من قلب مريض بسرطان حميد إلى سرطان خبيث يميت القلب

وأتفق تماما مع الأستاذ محمود و أرى أنه من طرق العلاج ( التقرب من الله والصلاة فى وقتها - الاكثار من الأستغفار - الأيمان بالقدر خيره وشره - نتذكر قول الرسول صلى الله عليه وسلم ( حب لأخيك ماتحب لنفسك )

[ابو حودة]

الرد على هذا الموضوع هو التأكيد على ان بعض الناس يفعلون ذلك

ولكن الرد عليهم هو قول الرسول الكريم " لا تتمارضوا فتمرضوا فتموتوا "

وكذلك قول الله تعالى " وإن شكرتم لاذيدنكم "

لكن لو فيه واحد معروف فعلا انه حسود يبقى الواحد يحاول يتجنبه وكلمة الحمد لله افضل من الدنيا وما فيها

[student]

الرد على هذا الموضوع هو التأكيد على ان بعض الناس يفعلون ذلك

ولكن الرد عليهم هو قول الرسول الكريم " لا تتمارضوا فتمرضوا فتموتوا "

وكذلك قول الله تعالى " وإن شكرتم لاذيدنكم "

لكن لو فيه واحد معروف فعلا انه حسود يبقى الواحد يحاول يتجنبه وكلمة الحمد لله افضل من الدنيا وما فيها

( ولئن شكرتم لأزيدنكم )

[esocial]

أنا لست مع موضوع خزى العين عن طريق التحدث عن مشكلات ومتاعب وغيره لكن ما يحيرنى أن من يتحدث عن مشاكله نقول بيخزى العين ومن يتحدث عن النعم التى ظهر منها وما بطن نقول عنه بيتفشخر وبيتمنظر على الناس

ما هو الحل أذا كان واحد بيتكلم عن مصايب الدنيا كلها كأنه بيمر بيها والتانى بيتكلم كما لو انه أمتلك الكون كله ويتفاخر ويتحدث عن أشياء كأنه غير عن الناس التانية ؟

أنا شايف أن الواحد يبقى طبيعى أحسن وكمان لو انك شوفت شخص يتحدث عما ليس فبه فمن الأفضل عدم فتح اى حوار معه أو أحراجه بلباقة أو تغير مجرى الحوار سواء من يتفاخر أو من يخزى عنه العين

[ابو حودة]

( ولئن شكرتم لأزيدنكم )

شكرا على التصحيح وعفوا على هذا الخطأ غير المقصود

[عبير يونس]

أختى الفاضلة مصرية مغتربة

أصبر على حسد الحسود فان صبرك قاتله

كالنار تأكل بعضها ان لم تجد ما تأكله

ماسبق كان استهلالا لابد منه ( حقوق الملكية الفكرية محفوظة لاستاذنا الكبير عادل ابو زيد )

الحسد مذكور بالقرأن الكريم (( ومن شر حاسد إذا حسد))

الحسد ألا وهو مرض من أمراض القلوب وللحسد أنواع كثيرة ( الحسد فى المال , الحسد فى الصحة , الحسد فى الأولاد , الحسد فى المنصب , الحسد فى الممتلكات )

إن الحسد يبدأ وكأنه سرطان حميد يقلق صاحبه بالغيبة والنميمة والكذب وغيره من الاعراض ولكن هذا الورم الحميد شأنه أي ورم حميد قد يتحول إلى سرطان خبيث سريع الانتشار بأكل كل خليه فيها خير في قلب صاحبه ويستبدل خلايا القلب التي امتلأت خيراً بخلايا سرطانيه خبيثه شيطانيه فينقلب القلب من قلب مريض بسرطان حميد إلى سرطان خبيث يميت القلب

وأتفق تماما مع الأستاذ محمود و أرى أنه من طرق العلاج ( التقرب من الله والصلاة فى وقتها - الاكثار من الأستغفار - الأيمان بالقدر خيره وشره - نتذكر قول الرسول صلى الله عليه وسلم ( حب لأخيك ماتحب لنفسك )

شكرا على المداخلة الرائعة

و فعلا الحل لكل الأمور هو التقرب من الله تعالى

[عبير يونس]

الرد على هذا الموضوع هو التأكيد على ان بعض الناس يفعلون ذلك

ولكن الرد عليهم هو قول الرسول الكريم " لا تتمارضوا فتمرضوا فتموتوا "

وكذلك قول الله تعالى " وإن شكرتم لاذيدنكم "

لكن لو فيه واحد معروف فعلا انه حسود يبقى الواحد يحاول يتجنبه وكلمة الحمد لله افضل من الدنيا وما فيها

صح كلامك

ما هو ده اللي بنقولوا

الانسان اللي بيدعي البلاء يعرض نفسه لسخط الله و للبلاء الحقيقي و العياذ بالله

( البلاء بالمنطق)

يعني ما ينطقه الانسان بلسانه

يعني اللي طول الوقت يقول منين وهو احنا لاقيين ناكل فعلا ربنا بيفقره و ما يلاقيش ياكل

و اللي بيتظاهر بالمرض فعلا ربنا بيمرضه

و هكذا

ده انا سمعت عن حاجة اسمها توزيع البلاء

يعني توزعه ع الناس

و كان في واحدة قريبتنا الله يهدينا و يهديها مصورة ورقة طلاقها الله يعافيكم جميعا

و بتوزعها على بنات العائلة تصوروا

عشان كده لازم ندعي دايما لما نشوف حد مبتلى

" اللهم عافهم و لا تبتلينا "

[عبير يونس]

أنا لست مع موضوع خزى العين عن طريق التحدث عن مشكلات ومتاعب وغيره لكن ما يحيرنى أن من يتحدث عن مشاكله نقول بيخزى العين ومن يتحدث عن النعم التى ظهر منها وما بطن نقول عنه بيتفشخر وبيتمنظر على الناس

ما هو الحل أذا كان واحد بيتكلم عن مصايب الدنيا كلها كأنه بيمر بيها والتانى بيتكلم كما لو انه أمتلك الكون كله ويتفاخر ويتحدث عن أشياء كأنه غير عن الناس التانية ؟

أنا شايف أن الواحد يبقى طبيعى أحسن وكمان لو انك شوفت شخص يتحدث عما ليس فبه فمن الأفضل عدم فتح اى حوار معه أو أحراجه بلباقة أو تغير مجرى الحوار سواء من يتفاخر أو من يخزى عنه العين

خير الأمور الوسط

هذا هو منهج الاسلام

يعني دايما نعيش بمبدأ لا افراط و لا تفريط

يعني خزي العين وحش و كمان الفشخرة وحشة

و زي ما حضرتك تفضلت

الانسان يبقى طبيعي أحسن

و حتى لو في مشاكل بجد

ايه اللي يفيد اننا نحكيها للناس؟

الناس بطبيعتها بتقلق

ممكن تعتبر اللي بيشتكي عايز منهم حاجة

او ممكن كمان تعتبره بيخزي العين

عشان كده قالوا الشكوى لغير الله مذلة

[زعلان]

انا مع موضوع ان الشكوى لغير الله مذلة - الحمد لله دائما على كل حال حتقول للناس همومك طب حيعملولك ايه يعني محدش حيعملك حاجة ولا حيفيدك بشيء يبقى احتفظ بهموك لنفسك لحد ما تعديها و ان شاء الله كله يبقى تمام

حتى لو حد بيحسدك قول الحمد لله ان الناس شايفاني في نعمه و بتحسدني و العيب منك انك مش شايف النعمه ده

في ناس احيانا بيتدايقوا مني لأني بخبي اي اخبار سيئة لحد ما تعدي بعمل كده مع اغلب الاصدقاء و الأهل اصله ليه ازعج الناس و ادايقهم معايا وهما مفيش في ايديهم حاجة طبعا في ناس بيفهموني غلط و بيزعلوا بس انا مبحبش اثقل عى حد ولا اضايقه بدون داعي و بعدين مش حلو الواحد يعد يشتكى من كل حاجة وكل كبيرة وصغيرة

ممكن بعد ما المشاكل تعدي و كله يبقى كويس تتكلم من باب الذكريات و تبادل الخبرات

[عبير يونس]

انا مع موضوع ان الشكوى لغير الله مذلة - الحمد لله دائما على كل حال حتقول للناس همومك طب حيعملولك ايه يعني محدش حيعملك حاجة ولا حيفيدك بشيء يبقى احتفظ بهموك لنفسك لحد ما تعديها و ان شاء الله كله يبقى تمام

حتى لو حد بيحسدك قول الحمد لله ان الناس شايفاني في نعمه و بتحسدني و العيب منك انك مش شايف النعمه ده

في ناس احيانا بيتدايقوا مني لأني بخبي اي اخبار سيئة لحد ما تعدي بعمل كده مع اغلب الاصدقاء و الأهل اصله ليه ازعج الناس و ادايقهم معايا وهما مفيش في ايديهم حاجة طبعا في ناس بيفهموني غلط و بيزعلوا بس انا مبحبش اثقل عى حد ولا اضايقه بدون داعي و بعدين مش حلو الواحد يعد يشتكى من كل حاجة وكل كبيرة وصغيرة

ممكن بعد ما المشاكل تعدي و كله يبقى كويس تتكلم من باب الذكريات و تبادل الخبرات

كلامك سليم يا فندم

بس اللي بيخزوا العين مبيبقوش عايزين حل للمصايب اللي بيحكوها للناس

و غالبا بيبقوا بيبالغوا أو بيألفوا من الأساس

كل ده عشان نبقى شايفينهم مصابين و مبتلين

و نقول يا عيني مش متهنيين

نقوم بقى ما نبصلهمش

بس استغربت من اللي بيزعلوا انك ما حكيتلهمش على المشاكل!!!

مش عارفة يعني زعل مجاملة يعني و الا ازاي؟

هوة بقى في حد النهارده عايز يعرف مشاكل حد و الا حد عنده وقت حتى لمشاكله هوة ؟؟؟

الناس اللي بتزعل دي

يا بتجامل و الحقيقة ما عندهمش وقت حتى يفتكروك من بابه ( و دول أغلب الناس اللي حوالينا)

يا بتحب تعرف كل حاجة و انت ما اشبعتش فضولهم

(و طبعا دول بيبقوا مقهورين مش بس زعلانين)

يا بتتلكك عشان تزعل

( و دول من نوعية لو قلتلهم صباح الخير يقولوا لك كده برضه و كمان بتقول صباح الخير الله يسامحك)

يا اما بيحبوك و كان نفسهم يقفوا جنبك ( و دول قلة و احيانا يندر وجودهم من أصله)

و بعدين ازاي ما بتحبش تحكي مشاكلك و مسمي نفسك زعلان؟

ده انت بتلكك بقى

عشان نقولك : ايه بس اللي مزعلك؟؟ :closedeyes:

[عبير يونس]

حتى لو حد بيحسدك قول الحمد لله ان الناس شايفاني في نعمه و بتحسدني و العيب منك انك مش شايف النعمه ده

ده كلام جميل جدا

و يا ريتنا قبل ما نندب حظنا - حتى لو بيننا و بين أنفسنا - على حاجات راحت مننا او على حاجات نفسنا فيها

اننا نفتكر النعم اللي معانا فعلا

[زعلان]

بصراحة هو في منهم الفضولي و ده لما زوجته عرفت قلها وهي لسه على التلفون ازاي دانا لسه مكلمه من يويمن و ما قليش انه حيعمل عملية وهو من النوع الي بيحب يعرف الاخبار و لما يكلمني دايما يعقد يقررني و عمره ما يقول حاجة لا عن شغله ولا عن نفسه ورغم انه عرف وقتها مكلمنيش غير بعدها بيومين

في النوع الثاني و ده لو كان عرف كان تحامل على نفسه و جه وقت العملية وده من النوع الي بيشوف ان ده واجبه واول ما زوجته قالت له اتصل على طول وكان حيجي لولا اني قلتله انا خارج من المستشفى خلاص بس جه قابلني بعدها بيومين واستغرب ان انا بعاني من الموضوع بقالي 6 شهور وما قلتش لحد رغم اننا اتقابلنا كثير خلال الفترة ده

ربنا ابتلاني بابتلاء يبقى بيني و بين ربنا الناس ملهاش ذنب

في صديق تاني دايما يعد يلومني لما نتكلم وازاي اني مطنشه فتحت الضغط مرة من كل خمس مرات اقوله على حاجة من الحجات الي شغلاني علشان يعذرني اني مشغول خليني اتصل بيه دلوقتي لحسن زمانه زعلان على فكره ده كان عارف اني عملت عملية ولحد دلوقتي ما اتصلش

تم تعديل 18 مايو 2009 بواسطة زعلان

[زعلان]

في صديق تالت ده في كندا و كان عارف موعد العملية و قالنا حنكلمكوا بعد العملية وبصراحة كنت منتظر مكالمته بس يا دوب بعد مسج من تلفون زوجته كمان

شايفه الاصدقاء يبقى الواحد يحتفظ بهمومه لنفسه وبلاش يزعج بيها حد