ممكن أنضم لهذا المنتدى

[Handicraft]

السلام عليكم ورحمة الله وبركاته

ممكن انضم ليكم ؟

اخوكم هاندكرافت

[سقراط المصري]

هم هم ( واحد بيفكر في الإجابه)

مبدئياً مافيش مانع وأهلاً وسهلاً بك معنا

بس يا حلو لازم تقولنا حاجه تشجعنا على قبولك، يعني مثلاً عندك محل جزاره ، او بتلعب في السوق السوداء ، او بتهرب دولاراتك بره مصر ، او حرامي مخضرم ، او عضو مجلش شعب اونطجي . لأن كل ما سبق ينقصنا في المنتدى.

اما إذا كنت رجل محترم ، وذوق ، وتتحاور بأخلاق ، فأحب أقولك ان الصنف ده موجود عندنا بوفرة والحمدلله.

وعلى كل الاحوال انا عن نفسي موافق على دخولك ، وشرفتنا ونورتنا ، واهلاً بك معنا.

أخوك الصغير

شقراط

[sos]

يـامــرحــــب

[حشيش]

ممكن انضم ليكم ؟ 

اخوكم هاندكرافت

للأسف مش ممكن...فكما تعلم ياعزيزى هاندكرافت العضوية فى هذا المنتدى قاصرة على أبناء الطبقة الراقية فى المجتمع...وإنته ما تأاخذنيش يعنى....

أخوك

حشيش باشا أغا

[حشيش]

كتب هاندكرافت

يا برج الحمام .. 

في سطح بيتى ، عاد للبرج الحمام ..

وبعدين إيه الكلام البلدى ده...حمام إيه وفراخ إيه...إنته مش عارف إن الحاجات دى ممنوعة هنا...حتملى لنا الدنيا ريش...سوفاج...

لا أوافق على عضوية هاندكرافت...

[جـورج]

كتب هاندكرافت

يا برج الحمام ..

في سطح بيتى ، عاد للبرج الحمام ..

وبعدين إيه الكلام البلدى ده...حمام إيه وفراخ إيه...إنته مش عارف إن الحاجات دى ممنوعة هنا...حتملى لنا الدنيا ريش...سوفاج...

لا أوافق على عضوية هاندكرافت...

لا معلش يا حشيش يا خويا

اذا كان الحمام محشى

فايبقى اهلا و سهلا و مرحبتين

[White heart]

انا طبعا بالنيابه عن نفسى ماعنديش أى مانع ....

مرحبا بك يا عزيزى

[Mohammad Abouzied]

الاول انت زملكاوي ولا اهلاوي

[linux]

الاول انت زملكاوي ولا اهلاوي

يا أستاذ محمد السؤال مسئول غلط!!

السؤال الصحيح يكون:

أنت أهلاوي ولا زملكاوي

لذا وجب التنوية

[Mohammad Abouzied]

بس في منتدى المصريين يختلف لاننا احنا معارضه

[linux]

بيني و بينك ... الأهلي بتاع اليومين دول مايستاهلش!

مرحبا بالأخ هاندي كرافت

و بعدين هوا أيه موضوع الأستأذان ده؟ هوا حمام ياعم؟!

يا راجل سمي و أدخل برجلك اليمين فى الزحمة!

[maksoof]

يا سيدنا هنديكرافت

أهلا و سهلا و مرحبا بك فى المنتدى. طبعا ممكن تنضم أول ما تدفع الرسوم: 200 دولار أوراق بنكنوت صغيرة و نمرها مش مسلسلة. سعادتك تحطهم فى كيس خضار و تسيبهم تحت الجميزة. حاقولك مكانها أول ما تقوللى إن المبلغ جاهز.

أما بالنسبة لأخونا حشيش فمتشلش فى بالك. هو ما بيحبش أمريكا ولا فلوسهم فيعنى ممكن تكسب تأييده لو إديته "قرش".

[ragab2]

عفوا

تم ترجمة العنوان من ....

ممكن انضم لهذوها المنتدى ؟؟ ممكن هه ممكن ؟؟

الى ...

ممكن أنضم لهذا المنتدى

[Lancelot]

طبعا ممكن تنضم أول ما تدفع الرسوم: 200 دولار أوراق بنكنوت صغيرة و نمرها مش مسلسلة. سعادتك تحطهم فى كيس خضار و تسيبهم تحت الجميزة. حاقولك مكانها أول ما تقوللى إن المبلغ جاهز.

تم القبض علي العضو مكسوف بتهمة إدعاء أحقية جمع رسوم .... من المعروف أن الوكيل الوحيد لجمع الرسوم في المنتدي هو السيد الطفشان ....

صرح بذلك السيد لانسلوت مدير أعمال السيد الطفشان و الذي يحل محله في غيابه ....

كاندي كرافت ... باصي لي الفلوس و الأبليكيشن جاهز ....

قولي ... إنت أخو WarCraft ....

[DARWEEN]

أما أنتوا عالم ....

ياساتر عليكوا ياساتر .....

الراجل بيسأل سؤال ردوا عليه بكلمه وخلاص مش كل واحد يكتب موضوع

ياعم هاندي كرافت

لأ

معلش ياباشا القافيه حكمت

[DARWEEN]

طبعا ممكن تنضم أول ما تدفع الرسوم: 200 دولار أوراق بنكنوت صغيرة و نمرها مش مسلسلة. سعادتك تحطهم فى كيس خضار و تسيبهم تحت الجميزة. حاقولك مكانها أول ما تقوللى إن المبلغ جاهز.

تم القبض علي العضو مكسوف بتهمة إدعاء أحقية جمع رسوم .... من المعروف أن الوكيل الوحيد لجمع الرسوم في المنتدي هو السيد الطفشان ....

صرح بذلك السيد لانسلوت مدير أعمال السيد الطفشان و الذي يحل محله في غيابه ....

كاندي كرافت ... باصي لي الفلوس و الأبليكيشن جاهز ....

قولي ... إنت أخو WarCraft ....

أنت شغال الله ينور أنت ومكسوف بقى يالانس .... وأنا أقول أشتراكات الأعضاء الجداد مابتوصلش ليه

ياحبيبي أنا الشريك الوحيد للطفشان هنا والأيراد بيتوزع بالنص

والقبض بالدولار واليورو

واخدلي بالك ياعم هاندي .... رقم الحساب حيوصلك في رساله خاصه وسيتم تفعيل أشتراكك بعد وصول المبلغ ..

أرزق يارب

[Handicraft]

سقراط المصري

أولا أشكرك انك فكرت وبعدين فكرت ولقيت ان من مصلحة المنتدى انها تضم عضو من طبقة عموم الشعب ، يعنى اكيد لو عندى محل جزارة كنت زمانى بدل ما استأذنت وزعت على كل عضو نص كيلو من الموزه قدام باب المنتدى والنص التانى بعد ما اخد العضوية وانول شرف القبول.

SOS

شكرا جزيلا على الترحيب

حشيش

فكما تعلم ياعزيزى هاندكرافت العضوية فى هذا المنتدى قاصرة

يا حشيش يا خويا انا مطلبتش ايد العضويه صحصح معانا ولا ايه نظام الصنف معاك ومعلش حتى لو طلبت ايد العضوية انت مش ولى امرها يعنى وبعدين الحمام اللى مش عاجبك ده لما رجع لسطح البيت كان شايل فى رجليه خيرات ربنا يعنى انت تعرف جوز الحمام من دول تمنه 100 جنى.

جـورج

لا معلش يا حشيش يا خويا 

اذا كان الحمام محشى

طبعا طبعا كل اوامرك مجابه اشر بس محسى مشوى لو كمان مطبوخ بريشه وهو كله فى سبيل الوطن وبعديم ما هو لازم نهتم بالأمن الغذائى فى المنتدى ونحافظ على وزن الأعضاء السمان يييه قصدى الثمان.

White heart

شكرا جدا لذوقك ومن الواضح ان ليك خبرات كويسه فى الرسم ويمكن نستفيد منك ... "واحد استغلالى طحن".

بس صورة مين من الأعضاء اللى حضرتك حاططها فى الرد دى ؟؟

Mohammad Abouzied

والله يا اخى محمود انا لا ده ولا ده بعد منديال 90 وطريقة اللعب اللى جبتلى البرى برى بس على العموم ان لا اهلاوى ولا زملكاوى بس اسمى احمد تعرف بقى باشجع مين ؟؟؟

linux

و بعدين هوا أيه موضوع الأستأذان ده؟ هوا حمام ياعم؟! 

يا راجل سمي و أدخل برجلك اليمين فى الزحمة!

يا سيدى ما له دخول الحمام على رأى مش عارف مين الواحد يدخل ربنا اعلم بيه يطلع زى الفل وخصوصا لو حمام التلات بس المصيبة لو اتحرق الحمام والواحد جوه الواحد ساعتها يعمل ايه ؟؟؟ :cry:

maksoof

الرسوم: 200 دولار أوراق بنكنوت صغيرة و نمرها مش مسلسلة. سعادتك تحطهم فى كيس خضار و تسيبهم تحت الجميزة. حاقولك مكانها أول ما تقوللى إن المبلغ جاهز

قلبى بيقولى ان عملية سيما فقش مش حتتم الليله وشكلكوا حتخلعوا بالفلوس وانا البس الكلابوش وتطلع صورتى فى الجرايد واقى مشهور. يا باشا الفلوس تحت امرك 200 دولار بنس بنس يعنى حضر لموأخذه زكيبه وعربيه كارو لزوم التمويه علشان ندفن الديك.

ragab2

عفوا 

تم ترجمة العنوان من .... 

ممكن انضم لهذوها المنتدى ؟؟ ممكن هه ممكن ؟؟ 

الى ... 

ممكن أنضم لهذا المنتدى

هل لى أان اعرف يا استاذ رجب ان كانت اللغه الرسمية للمنتدى هى الفصحى أم العامية من اجل ان اقوم بالالتزام بقواعد الكتابة فى المنتدى وعفوا لم اكن ملما بالقواعد والإرشادات فأرجو المعذره شكرا

Lancelot

كاندي كرافت ... باصي لي الفلوس و الأبليكيشن جاهز .... 

قولي ... إنت أخو WarCraft ....

يا جماعه ايه النظام شكلى كده وقعت فى منتدى للمافيا حتى الأعضاء بيبلغوا عن بعض ادى الأخ مكسوف بلغوا عنه وياترى مين عليه الدور عقلى بيقوللى انفد بجدلك قبل رجل ما تيجى وتبقى عضو فى المنظمه قصدى المنتدى.

مين واركرافت ده ده تشابه كرفتات الظاهر الأخ بشترى كرفتاته برضه من قدام دار القضاء العالى.

وشكرا لكل من قام بالرد على رسالتى المتواضعه وادعو لكم كلم بالخير وارجو من الله ان يكون انضمامى للمنتدى فيه الصالح لى ولكم.

السلام عليكم

[goold]

ياهلا ومرحبا (( HANDICRAFT ))

حلو اوى موضوع الترحيب بتاع حضرتك بعد مانمت من القراءة فى مواضيع اخرى لقيت نفسى بصحصح واضحك من الردود الظريفه لاعضاء المنتدى ..

[White heart]

صورة مين من الأعضاء اللى حضرتك حاططها فى الرد دى ؟؟

بصراحة يا هاندى دى مش صورة حد من الأعضاء،

دى صورة أخو "المظمظيل" سعااااااااااااااااااد تبع الست أمينة....

لو عايز تتعرف على العائلة الكريمة و قصه حياتهم ....

فضى نفسك كدة شوية و طل طلة على الموضوع دة:

سكوت

[Handicraft]

goold

أهلا ومرحبا بيكى/بيك ويارب تكونى صحصحتى كده وفرفشتى لأن ده فى حد ذاته هدف نبيل من وجود الواحد وسطكم ان الواحد يغير المود

White heart

بصراحة يا هاندى دى مش صورة حد من الأعضاء، 

دى صورة أخو "المظمظيل" سعااااااااااااااااااد تبع الست أمينة.... 

لو عايز تتعرف على العائلة الكريمة و قصه حياتهم .... 

فضى نفسك كدة شوية و طل طلة على الموضوع دة: 

سكوت بتاع العزيز "elbana"

يا باشا شكرا على الواجب الجميل ده والموضوع الدسم بس للأسف ملحقتش ولا سندوتش واحد ربنا يسامح اللى التهمهم كلهم وكمان الحاجه الساقعة لقيتها خلصت وللأسف كمان معرفتش انام ممن الدوشة ربنا يسامحك انا كنت حاسس انى جوه فيلم باب الحديد بس احلى حاجه فى الموضوع ده بصراحة ريحة الحواوشى كانت تجنن بس للأسف كان فيه حد كل كل الحواوشى ورمى الورق على الأرض فتلاقى التوبيك هناك ورق حواوش مالى الأرضية السيراميك بتاعة التوبيك.