ممكن أنضم لهذا المنتدى

[Lighthouse]

يادي الكسوف

جيت متأخرة

سامحنى يااخي العتب ع النظر

اهلا ومرحبا بك بيننا ونورت المنتدى

دقي يامزيكا

المنتدى انضم له عضو جديد

ومش بس كده لا ده ابتدا بداية قوية وردوده زي العسل

نورتنا وخد دول ياعم

[بنت شعنونة]

اهلا بيك وسهلا يا استاذ هاند

نورتيناااااااا يا فندم

ونتنمنى لك اقامة سعيدة معناااااااا : ))

[ragab2]

عفوا 

تم ترجمة العنوان من .... 

ممكن انضم لهذوها المنتدى ؟؟ ممكن هه ممكن ؟؟ 

الى ... 

ممكن أنضم لهذا المنتدى 

هل لى أان اعرف يا استاذ رجب ان كانت اللغه الرسمية للمنتدى هى الفصحى أم العامية من اجل ان اقوم بالالتزام بقواعد الكتابة فى المنتدى وعفوا لم اكن ملما بالقواعد والإرشادات فأرجو المعذره شكرا

أعتقد

ياعم هاند كرافت أن العنوان كان صناعة يدوية وواخد شوية عامية على أردو وسواحيلى

.........

المهم

الحمد لله على السلامة ومرحب بك بين أهلك واخوانك

تحياتى

[elbana]

يا باشمهندس هاندي عدم المؤاخذة يا باشا ، سعادتك ممكن تكون كونت صورة غلط عن المكان ، إن احنا ناس ماديين يعني وحاجات من دي ، لكن اللي اتكلموا في الفلوس دول والرسوم والدولارات والحمام وكده دول قلة قليلة أغرتها المادة وتفرقت بهم سبل الحياة وأعمتهم الأقدار ولا يمثلوا الشعب المصري الأصيل في شيء .

كده يا جماعة خليتوا شكلنا وحش قدام الراجل .. راجل ضيف جديد .. يقول علينا إيه دلوقتي .. ولا كلمة ..ده انتوا فضحتونا .. بس يا حشيش نزل إيدك وأقف جنب زمايلك لحد ما آجي لكم

بس خمسة كده بعد إذن سعادتك يا أستاذ هاندي على جنب .. أخوك هنا مسيطر على المنتشئة والكل بيعمل لي ألف حساب ، سيجارة يا باشا ..

كنت عايز بس أعرف حضرتك إن فيه مبلغ بسيط بيندفع رسم دخول لموضوع (سكوت) اللي محسوبك كاتبه .. إوعى تفهمني غلط .. بس أحونا وايت هارت أنا موصيه ما يدخلش حد إلا لما يحصل منه الرسوم لكن هو نسي ..

ولو مافيش فكة هات وأنا أفك لك ..

طب ألاقي معاك سيجارة ..

همم شكلك منفض ..

طب ماشي يا باشا .. أشوفك .. عموماً نورت المنتدى (من تحت الضرس) إنت هنا بين إخواتك وحبايبك (وش واحد كداب) ..

[Handicraft]

DARWEEN

ياساتر عليكوا ياساتر ..... 

الراجل بيسأل سؤال ردوا عليه بكلمه وخلاص مش كل واحد يكتب موضوع 

ياعم هاندي كرافت 

لأ

وأنا اما أقول لأ تبقى ...... لأ .... حنفــــــــــــــــــــى ، مفيش حنفى ...... خلاص حتنزل المره دى .

يا باشا الـ لأ دى أحلى من الـ لأ بتاعة صباح فى فيلم شارع الحب.

Lighthouse

يادي الكسوف

جيت متأخرة

سامحنى يااخي العتب ع النظر

اهلا ومرحبا بك بيننا ونورت المنتدى 

دقي يامزيكا

يا افندم حضرتك مش متأخره ولا حاجه انا الظاهر اللى كتبت الرساله بدرى شويه ولازم الرساله الجايه اراعى الموضوع ده ده انا فى قمــــــة الخجل من نفسى.

ويا ريت بدام فيه مزيكا وكده يعنى نسمع نشيد الصباح وتحية العلم لأنى بقالى يجيى 10 سنين ما سمعتهمش .... ودقى يا مزيكه احلى سلام لأختنا لايت هاوس اللى منوره المكان.

بنت شعنونة

اهلا بيك وسهلا يا استاذ هاند 

نورتيناااااااا يا فندم 

ونتنمنى لك اقامة سعيدة معناااااااا : ))

ونرجو من الساده الركاب ربط الأحزمه وغلق أجهزة الموبايل والإلتزام بالمقاعد لأن الطائرة على وشك الإقلاع من مطار بركة السبع.

يا افندم المكان منور بأهله والواحد يدوبك عابر سبيل (واخد بالك يا دارون انت والبنا ولانسوليت عابر سبيل يعنى تجوز عليه الصدقه مش يدفع!!)

ragab2

أعتقد 

ياعم هاند كرافت أن العنوان كان صناعة يدوية وواخد شوية عامية على أردو وسواحيلى 

......... 

المهم 

الحمد لله على السلامة ومرحب بك بين أهلك واخوانك 

تحياتى

يا باشا والله انا كتبت العنوان فعلا كده علشان يتناسب مع الأسم وده كان قصدى حتى تلاقى الإسم كان كله نمنمات وشغل أرابيسك بس حصل خير يعنى وليا عندك عنوان ومتشكرين على الترحيب وانا طبعا اتشرف انى اكون معاكم ....

elbana

دول قلة قليلة أغرتها المادة وتفرقت بهم سبل الحياة وأعمتهم الأقدار ولا يمثلوا الشعب المصري الأصيل في شيء

ولسوف يكتب التاريخ بمداد من فخر موقفكم المشرف من القضية ضد

من سولت لهم انفسهم التلاعب بمقدرات هذا الشعب .... تثفيق حاد.

كده يا جماعة خليتوا شكلنا وحش قدام الراجل .. راجل ضيف جديد .. يقول علينا إيه دلوقتي .. ولا كلمة ..ده انتوا فضحتونا .. بس يا حشيش نزل إيدك وأقف جنب زمايلك لحد ما آجي لكم

يا باشا لا وحش ولا حاجه بالش الحساسيه المفرطه دى وبعدين الأخ حشيش الظاهر اتقبض عليه وشكلهم صادروه كده محدش سامع له صوت ولا له ريحه دخان حتى (قلبى بيقولى الراجل زعل يا حشيش انا آسف لو كنت زعلت منى ولا حاجه كلمتين بجد).

بس خمسة كده بعد إذن سعادتك يا أستاذ هاندي على جنب .. أخوك هنا مسيطر على المنتشئة والكل بيعمل لي ألف حساب ، سيجارة يا باشا ..

طبعا ما هى الحاره لازم لها فتوه مجدع يدافع عن الحرافيش وياخد حقهم من الأغنيا .... عشور عشور عشور عشور

ولو مافيش فكة هات وأنا أفك لك ..

طيب معاك فكة 17 جنيه اصل كل فلوس مجمده وانت عارف البنك اللى باتعامل معاه اقل من 17 جنيه ما يرضاش اسحب .

عموماً نورت المنتدى (من تحت الضرس) إنت هنا بين إخواتك وحبايبك (وش واحد كداب) ..

عموما المنتدى منور بأهله والحاره من غير فتوه زى الموبايل من غير شحن (وش واحد منافق طحن) وطبعا انا عارف انى بين اهلى ... وناسى (وش واحد عامل ان الكدبه بلعها)

وشكرا ليكم كلكم على ذوقكم ومستواكم العالى واتمنى انى اكون عند مستوى المشاركة فى منتداكم الجميل ده.

[Lancelot]

يا عم هاندي إنت دمك زي العسل و الله .... أنا مش قادر أبطل ضحك .... خلاص يا سيدي هنديلك إعفا من الرسوم .... بس خلي بالك ده جر رجل ... يعني لما تجدد الإشتراك لازم تدفع ....

مين واركرافت ده ده تشابه كرفتات

واركرافت ده يا سيدي .... لعبة إستراتيجية هايلة جدا جدا ... إزاي ما تعرفهاش يا راجل .... واضح إنكم مش قرايب .... وار كرافت من المنصورة ... أكيد إنت من الكرافتية بتوع الصعيد ...

الظاهر الأخ بشترى كرفتاته برضه من قدام دار القضاء العالى.

لا و الله ..... الكرفتات بتخنقني و مش بتليق علي الفانلة الخضرا و الحزام بتاع السيف ....