اتجوزت ؟ عاوز تتجوز ؟ 0000اتفضل معانا

[قلب ابيض]

احبائى كل اعضاء المنتدى الموقر

تفاعلا مع الموضوعات الحيويه بمنتدانا المحترم

وانبثاقا من موضوع اخونا وابننا الباشمهندز ياسر

وانطلاقا من وازع داخلى وفضووووول شخصى

كفايه بقى تفاعلا وانبثقا وانطلاقا 000000

الموضوع يا جماعه الخير انى فكرت شويتين فى حال ولادنا والمراحل اللى مرينا بيها فى حياتنا على اختلاف اماكنا ومستوانا العلمى والمادى والاجتماعى والثقافى

لاقيت ان اللى اتجوز مننا خلال فتره زمنيه معينه كان حالهم تقريبا واحد من كفاح ومشقه لتوفير امكانيات الزواج البسيطه جدا اللى تكفل فقط بدايه حياه زوجيه كريمه

وبفضل الله بيفتحها ربنا علينا على قدر تعبنا

المهم : دلوقتى لما ابنى يجى ويقولى عاوز ااتجوز00 لاء ده قبل ما يفكر ببنفكر كآباء وامهات نوفر له الشقه ازاى ؟ "خاصه مجتمعنا نحن كمغتربين " ونحدد مبلغ اد ايه لشراء

الشبكه 0

وده ليه ؟؟؟ لاننا مش عاوزينهم يتعبوا زينا او بمعنى اخر فى ظل الظروف الأقتصاديه دى على ما يحوش شبكه وشقه وتجهيز هيكون اصلع وطلع له كرش ونكون احنا بخ :blush2:

يعنى بشكل او بأخر عاوزين نفرح بيهم ونفرحهم

سؤالى هنا :

ياترى ايه السن الامثل للزواج للرجل " يجيب عليه الطرفين -محاورين ومحاورات "

فرق السن المثالى بين الزوجين كام سنه ؟؟

تقبل او تقبلى ان يكون الزوج اصغر م الزوجه ؟؟

وليه؟؟؟؟

للحديث بقيه

تم تعديل 15 مايو 2009 بواسطة قلب ابيض

[الباشمهندس ياسر]

بما انى انا صاحب المولد

و اللى الحفلة اشتغلت عليه خلاص

هكون اول واحد يجاوب

افضل سن للشاب عشان يتجوز بعد ما يخلص الجامعه و الجيش و يمسك شغل يعرف يفتح بيه بيت

يعنى من 24 مثلا

الفرق بين الزوجين ف السن :

من التجارب اللى شفتها ف حياتى

من -3 سنة لغاية 12 سنة

و حتة سالب 3 معناها ان البنت كانت اكبر م الولد ب 3 سنين

بالنسبالى عايز عروستى اصغر منى

[Alrefaey]

انا لى نظرة مختلفة شوية فى موضوع السن الامثل للزواج وايضا التأمين المادى لضمان زواج الابناء

الزواج من وجهة نظرى غير مرتبط بسن محدد بالرغم انى افضل انه لايقل عمر الشاب عن 27 سنه والبنت 22

احد جيرانى فى العمارة التى اسكن فيها فى الرياض صينى الجنسية وهو رجل عجوز بينما انا لا اتجاوز 28 سنة

المهم هذا الرجل عاش معظم حياتة فى السعودية ولاحظت ان اولادة وبناتة وعددهم 5 يمتهنوا جميعا مهن طبية

ويعملون فى افضل مستشفيات الرياض زى التخصصى والحرس والملك فهد

وفى احد المرات حكالى عن نفسة من 15 سنة وقال

كان معى فى تلك الفترة مليون ريال تقريبا مع السكن والسيارة الى اخرة ففكرت بأن اعمل مشروع او اشترى عقارات

أوامن بها مستقبل اولادى وكانت هناك اقتراحات كثيرة منها اقامة مشروع او عقار او اضع لكل واحد منهم مبلغ معين فى البنك

او شىء

جمع اولادة وكانو فى مراحل مختلفة من التعليم لكن معظمهم كان فى الثانوية العامة واخر المتوسط وسألهم ايه رأيكم

كل واحد فيكم له معايا 200 الف ريال بالنسبة للولد تحب انك تاخدهم وتجوز بيهم او تشترى بيت وانتوا يابنات تحبو اضعهم لكم

فى البنوك ولا نجهزكم بيها فى جوازكم

رد الاولاد جميعا وقالو لا

احنا عاوزين نتعلم تعليم جيد بالخارج ولما نرجع نمسك وظائف محترمة هنا بالخليج منها نقدر نعمل كل اللى نبغاة

وبالفعل الولد اخد 200 الف بعد ان انتهى من البكالوريوس بالسعودية وطار على اليابان اخذ ماجستير فى الاشعة

ورجع اشتغل براتب محترم ودرس بالجامعه

الاربع بنات لأن ليس لهم تعليم جامعى بالمملكة سافرو على بلد عربية درسو بكالوريوس وبعدها على بريطانيا لتكملة درسات عليا

او دبلومة او ماستر ورجعو بعدها على الخليج مسكو وظائف بأعلى الرواتب ومنها جهزو انفسهم وتزوجن كلهم بزواجات محترمة

عفوا طولت عليكم بس اكيد انتم فهمتهم انا عايز اقول ايه

ليس بالشرط انى اوامن لأبنى ان شاء الله يعنى بأعتبار ماسيكون الضمان المادى للزواج والشقة وخلافة

لكن المهم انى اربية جيدا اعلمة كويس اختار له مجال ينفعه فى مستقبلة وليس هناك مانع انى أسس له النواه اللى يبنى بيها مستقبلة

لذاخلاصة القول على رأى المثل الصينى لا تعطى ابنك سمكة يأكلها ولكن علمه كيف يصطادها او حول ذالك المعنى

[بركة]

فرق السن من وجهة نظري لازم الزوج يكون أكبر في وقتنا الحالي لأن أيام الرسول كانت هناك

حالة مختلفة حيث تربية الصحراء والتجارة التي تربي وتجعل من الرجل عاقلا

أما الان النضج الفكري بيتأخر على ما الشاب يتخرج ويشتغل ويبتدي يعتمد عليه

فعلى أيام زواجي سنة 1996 كان الفرق الكويس من 4 الى 7 معقول جدا

لكن دلوقتي لا يمكن يكون أقل من كده ........

[السويفي]

السلام عليكم:

اعتقد ان المسأله تختلف فمن الشباب من يصلون لمرحله النضج الفكري والعاطفي في سن 21 مما يؤهلهم لتاسيس ورعايه اسره...

ومنهم من في 26 وليس عندهم القدره في حسن الاختيار او تحمل المسؤوليه...

ليس الاستقرار المادي وحده من يحدد سن الزواج ....

وللاباء نظره في تحديد هل الابن وصل لمرحله النضوج وحسن التصرف والاختيار

واعتقد انه لا يوجد افضليه لفروق معينه في السن بين الزوجين ....ولكنها ترجع لمدي توافقهم ولو كانو بسن بعض او انها اكبر نته

تم تعديل 15 مايو 2009 بواسطة السويفي

[سهل جدا]

ياترى ايه السن الامثل للزواج للرجل " يجيب عليه الطرفين -محاورين ومحاورات "

أنسب سن للزواج للشاب والفتاة هو بعد سن البلوغ بفترة يسيرة .. يعني تقريبا كده من عمر 16 سنة

فإذا كان الشاب عنده القدرة المادية فليسارع بالزواج , وإن كان أهله مقتدرين ماديا فليزوجوه..

احنا دلوقتي في زمن الفتن وباب الشهوات مفتوح على مصراعيه

والحرام لازم يكون له بديل حلال

ولو شوفنا المجتمعات الغربية دلوقتي , هانلاقيه الشباب والفتيات في عمر 18 سنة عايشين كالمتزوجين لكن في الحرام طبعا

أقصد (بوي فريند وجيرل فيرند)

فإيه المانع نخليها (زوج فريند) وزوجة فريند) :)

فرق السن المثالى بين الزوجين كام سنه ؟؟

تقبل او تقبلى ان يكون الزوج اصغر م الزوجه ؟؟

وليه؟؟؟؟

فرق السن ده لم أجد له قاعدة من الواقع تضبطه

رأيت زواجات ناجحة جدا فيها تفاوت في الأعمار بجميع الأشكال ... سواء الزوج أكبر أو الزوجة , وسواء كان الفارق كبير أو صغير

وبعدين هانروح بعيد ليه

أنجح زواجتين في التاريخ الإسلامي زواج الرسول صلى الله عليه وسلم من السيدة خديجة رضي الله عنها وكان فارق العمر 15 سنة لصالح السيدة خديجة رضي الله عنها

وزواج الرسول صلى الله عليه وسلم من السيدة عائشة وكان فارق العمر أكثر من ثلاثين سنة لصالحه صلى الله عليه وسلم

الشاهد من كلامي , إنه لا يوجد قاعدة تضبط هذه المسألة , وإنما هي ميول شخصية تفرق من واحد لآخر

[لولا]

اعتقد الفرق ده فى السن بين الزوج والزوجه الغرض الأساسى منه النضج وتحمل المسئوليه والقدره على القياده الحكيمه للحياة ككل .

احب اضيف حاجه وهى ان الموضوع بيخضع بشكل آخر البنت عايزه ايه من الراجل ؟؟ ايه المواصفات اللى تهمها جدا خارج نطاق "انا بحبه يابابا!!"

اصل معليش احيانا الحب بيكون مش بيخلى الواحد يتعرف بعمق بالطرف التانى خصوصا لو الجواز تم بسرعه والعقلانيه كانت غايبة نوعا ما فى التقييم.

نفس الشيء اكيد ينطبق على الشاب هو محتاج ايه فى شريكه حياته ، طريقه تفكيرها ،درجة نضجها ، ثقافتها واى مواصفات تهمه جدا وجودها

فى حياتهم تمثل اهمية كبيره وتعتبر من عوامل النجاح العلاقه .

عن نفسي يا قلب ابيض لو مكنتش اتجوزت بعد قصة حب من ثانوى كنت حبقى مصرة جدا ان جوزى يكون اكبر منى اقل حاجه ب 8 سنين وده ليه اسباب

كتير جدا عندى مرتكزه بشكل اساسي على درجة النضج والتعامل مع الحياة .

وفى النهايه الموضوع يخضع لحالات ومعايير تختلف من شخص لآخر .

لولا

[Falcon Crest]

فرق السن من وجهة نظري لازم الزوج يكون أكبر في وقتنا الحالي لأن أيام الرسول كانت هناك

حالة مختلفة حيث تربية الصحراء والتجارة التي تربي وتجعل من الرجل عاقلا

أما الان النضج الفكري بيتأخر على ما الشاب يتخرج ويشتغل ويبتدي يعتمد عليه

فعلى أيام زواجي سنة 1996 كان الفرق الكويس من 4 الى 7 معقول جدا

لكن دلوقتي لا يمكن يكون أقل من كده ........

اسمحيلي يا افندم باعتراض بسيط : مفيش حاجه اسمها لازم بس المهم يكون الطرفين عندهم قناعه بالامكانيات العقليه لبعض علشان ميحصلش مشاكل بعد كده لان انا بشوف " أعوذ بالله من أنا" ان النضج العقلي ليس له سن محدد لانه معتمد علي عوامل كتيره اوي زي اسلوب التربيه و البيئه و نوعيه التعليم و تجارب الحياه و ده مش مرتبط بسن معين يعني ممكن تلاقي شاب عنده 24 سنه و يتميز برجاحه عقل اكتر من الي عنده 40 سنه

موضوع الفرق في السن مش محدد من وجهه نظري يعني مثلا الفرق بيني و بين زوجتي 7 سنوات و في بعض اصخابي 13 سنه و مهماش حاسين بالفرق ده خالص و الجياه لذيذه معاهم الحمد لله

موضوع ان الزوج لاوم يكون اكبر ده مش اساسي لان في حالات كتير الزوجه اكبر من الزوج يعني 2 او 3 سنين و الحياه ماشيه كويس اهم حاجه يكونوا مقتنعين ببعض

[emano]

انا حقول تجربه قريبه من كلام سهل جدا وهى ناجحه

احنا عندنا جيران الاب الكبير مجوز بناته واولاده

فى العماره بتعته ولما الاحفاد كبرو يعنى يادوبك خلصو الثانويه العامه كانوا بيكتبو الكتاب على طول

يعنى الولد ياخذ بنت خالته من نفس العماره

يعنى كل واحد ياخذ من البنات فى العماره وعلى سنه 2 كليه يتزوج

والله ماشاء الله عليهم بيحبوا بعض جدا

ومفيش اى مشاكل

وكلهم بقى عندهم اولاد كمان وعلى فكره هما سكنين فى نفس العماره لانها عماره كبيره قوى

[emano]

موضوع السن ده متوقف على الشخصيه يعنى انا الفرق بينى وبين زوجى شهر

بس عقله متزن وكبير

فى ناس بيكون عقلهم صغير حتى لوهو كبير

انا شايفه ان البنت والولد يتجوزو بدرى بدرى احسن

مع طبعا مساعده الاب والام بس هما كمان لازم يتحملو المسؤليه

بس فى الاخر كل حاجه قصمه ونصيب

انا نفسى بنتى تاخذ الثانويه العامه واجوزها على طول وطبعا لازم تكمل التعليم بتعها

وانا اقعد بالاولاد طبعا لو كنت لسه على وش الدنيا

يامين يدينا طوله العمر

انا شايفه ان التعليم هو اهم من الفلوس لان بالعلم ممكن يجيب الفلوس وكل حاجه بعد كده

اما الفلوس بس عادى ممكن يضيعها وميحسش بقمتها

ولى ايه

[fatfouta]

فكرتونى بواحدة كانت جارتى قبل ماتجوز وكانت من سنى وكنا بنقعد كتير مع بعض ونتكلم وكده

وكانت بتشتغل هى واختها الصغيرة فى مكان واحد ومامتهم كانت ست كويسة اوى وبتحب الناس ومش من الناس المعقدين بمعنى انها كانت بتخليهم يعزموا زمايلهم فى الشغل رجالة وستات وبنات وولاد وعادى وييجوا عندهم وكده بس فى نفس الوقت هما كانوا مش بيروحوا طبعا وبصراحة الست مامتهم دى انا شخصيا كنت بحبها اوى

ماعلينا جه فى يوم واحد زميلهم فى الشغل قال لاختها الصغيرة بصراحة انا عاوز اتقدملك عشان انا بحب عيلتكم اوى وبحب مامتك ونفسى ابقى من العيلة دى ..... وقالها كده بالضبط لا قالها بحبك انتى ولا حاجة دب الكلمتين وخلاص

ودى اتغاظت بقى وجت حكيتلنا وقالت يعنى يحب العيلة وماما يعنى وانا ايه هيتجوزنى كده عشان العيلة ومارضيتش توافق ابدااا وعلمنا معاها البدع ومافيش فايدة

وهو كان اكبر من الاخت الصغيرة اللى هو اتقدملها ورفضته لكن كان اصغر من الاخت الكبيرة بخمس سنين يا ولاد والله (حد فاهم حاجة)

المهم جه اتقدم بعد كده للكبيرة اللى هو اصغر منها بخمس سنين بعد ماترفض من الصغيرة بشده تخيلوا

وهى جت وقعدت تعيط وتقول لا ماتجوزش عيل وواحد اصغر منى بده كله واذاى يكون اتقدم لاختى الصغيرة وبعدين يتقدملى انا ليه هو انا الاستبن بتاعته........وكان رده برضو عجيب وقالها انا بحب عيلتكم جدااا وحاسس انى لو دخلت فيها هبقى مبسوط وسعيد فى حياتى

ولما كانت تيجى تاخد راينا نقعد نقولها لا ده عيل بالنسبالك اوعى تعملى كده والله يا جماعة فضل يزن على ودان مامتها وباباها وهى نفسها ييجى سنتين لغااااااايت ماوافقوا واتجوزا فعلا ودلوقتى عندهم ولدين وبنت ماشاء الله ذى القمر ربنا يسعدهم

يعنى عاوزة اقول من القصة دى انه موضوع انها تبقى اصغر او اكبر ده بيبقى على حسب الشخص نفسه متقبل ده ولا لأ

انا اخويا متجوز واحدة اسبانية اكبر منه باربع سنين وانت عارفينهم بقى دول لا يبان عليهم سن ولا حاجة وهى نفسها مابتنكسفش يوم ماسألناها سنك اد ايه قالت ادامنا ولا همها حاجة واحنا اخواته الاربعة البنات قاعدين ادامها ودى عليها بجاحة ولا خافت نقول حاجة

صعب علينا اخونا وقلنا ليه تتجوز واحدة سنها كبير عليك لكن اهو سعيد معاها وربنا برضو يسعده هنقول ايه

ونماذج من كده كتير بنقابلها

طب والله اعرف واحدة صاحبه اختى الانتيم هما تلات بنات الكبيرة بتاعتهم كبيرة عليهم اوى يعنى بينها وبين الصغيرين حوالى 12 سنه وطبعا جوزها بيقولوله يا ابيه كذا

راحت الصغيرة فيهم لما وصلت لل36 وماتجوزتش يا عينى جالها واحد مقتدر جدااااا وعنده 62 سنه والله قبلت واتجوزة وتخيلوا لسه مخلفة بنوته من كام شهر وعايشة معاه ومبسوطة والله اعلم

وبعدين مرة كنا قاعدين معاها وجه جوزها واتضايقت من نفسى جدااا الراجل بيكلمنا وكده وانا واختى مش عارفين نقوله ايه يا اونكل ولا يا ابيه ولا يا حاج كذا وهى قعدت تضحك بعد مامشى وقالت يا جماعة عادى نادوه باسمه هو بيحب كده

اختها بقى الكبيرة عليها دى تقعد تقولها شفتى فايدة انك تتجوزى واحد كبير ايه آدى جوزك وجوزى دلوقتى صحاب اوى...... وكانوا واخدين الموضوع ضحك وعادى جداا

يعنى مجتمعنا بيدقق على حاجات ممكن تبقى مالوش لازمة التدقيق فيها لان ده برضوا يرجع لتقبل الشخص نفسه

وانا لا بغتاب حد ولا بنم انا قصدى انقل قصص حقيقية نستفيد ممنها كلنا متجوزين ومش متجوزين

فتفوتتكم

تم تعديل 15 مايو 2009 بواسطة fatfouta

[Abu Reem]

السؤال المهم إللي محيرني قوي

هل الحب بيجعل اختيار شريك الحياة يتم بطريقة صحيحة أم يؤثر على صحة الاختيار وعلى رؤية جميع الجوانب في الطرف الأخر ،،والسبب في السؤال ده أن الواحد كان بيحب كتير لدرجة أن لا يتصور أنه سيستطيع أن يتزوج من احد أخر غير محبوبته ، وبعدين لما الموضوع ينتهي على لا شيء وتمر بعض السنوات ، ويرجع يشوف أو يفتكر الإنسان او الإنسانة اللي يكون بيحبه ، يقول (( إيه الهبل إللي كنت فيه ده ،، أنا الست دي كنت إزاي بافكر أتجوزها ))

- أما السن وفارق السن فمسائل نسبية لا تؤثر كثيرا إلا بعد مرور 20 سنة على الجواز أو اكثر أهم شيء

( هو هل الإنسان يكون تام النضج والخبرات عندما يقرر الإختيار أما مازال تفكيره لم ينضج ويكتسب الخبرات اللازمة لأخذ القرار المصيري )[/font]

[ذهبية]

و الله موضوع فرق السن دة بيختلف من حالة الى حالة و حسب ظروف العروسين و العائلة من الناحيتن

يعنى صعب تتعم او يكون ليها قانون خاص بيها او نقول لو مكنش كدة دة ينفع و مينفعش

يعنى بالنسبة ليا فرق السن بينى و بين زوجى حوالى 12 سنة فى بداية زواجى و قبل الخلفة طبعا كان

فية فرق فى الشكل والتفكير و التصرفات لكن مع مرور الوقت تجد الرجل بعد الزواج نفسيتة بتهدى

و يحلو كدة و يضغر و بالة يروق و يرمى الحمل كلة على الزوجة تلاقى الزوجة بقى بحكم الحمل و الولادة و تربية الاولاد حالها اتغير من حال الى حال

ودايما اضحك مع جوزى و اقولة انت سنك ثبت يا حبيبى و انا اللى باحصلك

لا و بعدين الزوجة الضغيرة بتجبر الراجل انة يهتم بنفسة و يتشيك علشان يليق عليها و يدلعها بقى علشان حاسس انها ضغيرة

كتير بنسمع عن قصص ان الرجل لما يحس انة كبر شوية فى السن يروح يحب و يتزوج اضغر منة علشان يحس انة شباب

الاحسن بقى انة ياخدها من الاول كدة و تفضل متدلعة علية العمر كلة

[قلب ابيض]

بما انى انا صاحب المولد

و اللى الحفلة اشتغلت عليه خلاص

هكون اول واحد يجاوب

افضل سن للشاب عشان يتجوز بعد ما يخلص الجامعه و الجيش و يمسك شغل يعرف يفتح بيه بيت

يعنى من 24 مثلا

الفرق بين الزوجين ف السن :

من التجارب اللى شفتها ف حياتى

من -3 سنة لغاية 12 سنة

و حتة سالب 3 معناها ان البنت كانت اكبر م الولد ب 3 سنين

بالنسبالى عايز عروستى اصغر منى

بما انك صاحب المولد والله انا خايفه تطلع من المولد بلا حمص يا هندسه n2&(

ربنا يريح قلبك ان شاء الله وييسر لك امورك قريبا جداااااااا :happy:

انا لى نظرة مختلفة شوية فى موضوع السن الامثل للزواج وايضا التأمين المادى لضمان زواج الابناء

لذاخلاصة القول على رأى المثل الصينى لا تعطى ابنك سمكة يأكلها ولكن علمه كيف يصطادها او حول ذالك المعنى

والله يا استاذى الفاضل كلامك حلو جدا وده من الواقع زى ماذكرت 000وانا معاك فى المثل الصينى ده بس فى زمننا وتمن غربتنا دى ايه المانع انى ادى له صناره ومعاها الطعم كمان ؟؟؟ فاهمنى

[قلب ابيض]

ماعلينا جه فى يوم واحد زميلهم فى الشغل قال لاختها الصغيرة بصراحة انا عاوز اتقدملك عشان انا بحب عيلتكم اوى وبحب مامتك ونفسى ابقى من العيلة دى ..... وقالها كده بالضبط لا قالها بحبك انتى ولا حاجة دب الكلمتين وخلاص

فتفوتتكم

يا فتفت يا اوختى انتى بتاخدى من على لسانى وتتكلمى 000تصدقى ان الموقف ده حصل معانا بجد وحاليا يعنى لسه بنار الفرن والله

واحد متقدم لبنتى عشان اسرتها وقال لنا بصراحه انا بموت فى عيلتكم ومش شايف نفسى الا جوز بنتكم يعنى اتمنى اكون ابن لماما " قلب ابيض " وبنتى اتجننت تقول : طب يخليها فى سره --يعمل نفسه الاول معجب بى لوحدى وبعدين انتو 000ورفضاه من اكتر من سنه وهو نفسه طويل وكلنا بنحبه فقلت له انا ما بلاها سوسو خد ناديه :happy: n2&(

بس الفرق بينهم البنتين 10 سنين 00

يعنى والله الشاب كلنا نفسنا يكون مننا بجد الا هى موصره الحاحا انها متبقاش ضمنا

ما قلت لك يا ياسر خدها وعليها مروحه n2&(

السؤال المهم إللي محيرني قوي

هل الحب بيجعل اختيار شريك الحياة يتم بطريقة صحيحة أم يؤثر على صحة الاختيار وعلى رؤية جميع الجوانب في الطرف الأخر ،،والسبب في السؤال ده أن الواحد كان بيحب كتير لدرجة أن لا يتصور أنه سيستطيع أن يتزوج من احد أخر غير محبوبته ، وبعدين لما الموضوع ينتهي على لا شيء وتمر بعض السنوات ، ويرجع يشوف أو يفتكر الإنسان او الإنسانة اللي يكون بيحبه ، يقول (( إيه الهبل إللي كنت فيه ده ،، أنا الست دي كنت إزاي بافكر أتجوزها ))

- أما السن وفارق السن فمسائل نسبية لا تؤثر كثيرا إلا بعد مرور 20 سنة على الجواز أو اكثر أهم شيء

( هو هل الإنسان يكون تام النضج والخبرات عندما يقرر الإختيار أما مازال تفكيره لم ينضج ويكتسب الخبرات اللازمة لأخذ القرار المصيري )[/font]

كلام جميل وكلام معقول مقدرش اقول حاجه عنه بجد يا ابو ريم والله حاجه عجيبه الواحد جوه التجربه بتكونن نظرته قاصره على الحاله جدا اقصد انه مش شايف حاجه واضحه الا انه بيحب وبس

ولكن بعد فتره بتروح السكره وتيجى الفكره 00وتلاقيه بيقول لنفسه ايه السذاجه دى ؟؟ ياريتنى سمعت كلام فلان ولا فلانه

وموضوع الفرق اللى ما بيبنش الا بعد 20 سنه ده مبهم ومحتاج توضيح من سيادتك ان امكن

و الله موضوع فرق السن دة بيختلف من حالة الى حالة و حسب ظروف العروسين و العائلة من الناحيتن

يعنى صعب تتعم او يكون ليها قانون خاص بيها او نقول لو مكنش كدة دة ينفع و مينفعش

يعنى بالنسبة ليا فرق السن بينى و بين زوجى حوالى 12 سنة فى بداية زواجى و قبل الخلفة طبعا كان

فية فرق فى الشكل والتفكير و التصرفات لكن مع مرور الوقت تجد الرجل بعد الزواج نفسيتة بتهدى

و يحلو كدة و يضغر و بالة يروق و يرمى الحمل كلة على الزوجة تلاقى الزوجة بقى بحكم الحمل و الولادة و تربية الاولاد حالها اتغير من حال الى حال

ودايما اضحك مع جوزى و اقولة انت سنك ثبت يا حبيبى و انا اللى باحصلك

لا و بعدين الزوجة الضغيرة بتجبر الراجل انة يهتم بنفسة و يتشيك علشان يليق عليها و يدلعها بقى علشان حاسس انها ضغيرة

كتير بنسمع عن قصص ان الرجل لما يحس انة كبر شوية فى السن يروح يحب و يتزوج اضغر منة علشان يحس انة شباب

الاحسن بقى انة ياخدها من الاول كدة و تفضل متدلعة علية العمر كلة

هنا بالذات يا ذهبيه اسمحى لى اقولك "نشنت يا فالح " الموضوع بحذافيره مع اختك تماما000فعلا الفرق اللى 10 او اكتر بهبابه بس ده كله ميزات فى نظرى

للرجل والمرأه على حد سواء للى قلتيه وبالاضافه الى ان البنت دايما تلاقى اللى يحتويها بحنانه ورجاحه عقله والرجل يلاقىها دايما فتاه احلامه لانها مهما كبرت هى اصغر منه والشاطر اللى يحتفظ بحيويته وشبابه اكتر بمعنى خفه الظل او جمال الروح بالعلاوه الا الاهتمام بالمظهر العام دايما مش بقى خلاص خلفنا والعيال كبروا 000هانخد زماننا وزمن غيرنا ؟؟؟؟؟

[قلب ابيض]

ياترى ايه السن الامثل للزواج للرجل " يجيب عليه الطرفين -محاورين ومحاورات "

أنسب سن للزواج للشاب والفتاة هو بعد سن البلوغ بفترة يسيرة .. يعني تقريبا كده من عمر 16 سنة

فإذا كان الشاب عنده القدرة المادية فليسارع بالزواج , وإن كان أهله مقتدرين ماديا فليزوجوه..

احنا دلوقتي في زمن الفتن وباب الشهوات مفتوح على مصراعيه

والحرام لازم يكون له بديل حلال

ولو شوفنا المجتمعات الغربية دلوقتي , هانلاقيه الشباب والفتيات في عمر 18 سنة عايشين كالمتزوجين لكن في الحرام طبعا

أقصد (بوي فريند وجيرل فيرند)

فإيه المانع نخليها (زوج فريند) وزوجة فريند) :happy:

فرق السن المثالى بين الزوجين كام سنه ؟؟

تقبل او تقبلى ان يكون الزوج اصغر م الزوجه ؟؟

وليه؟؟؟؟

فرق السن ده لم أجد له قاعدة من الواقع تضبطه

رأيت زواجات ناجحة جدا فيها تفاوت في الأعمار بجميع الأشكال ... سواء الزوج أكبر أو الزوجة , وسواء كان الفارق كبير أو صغير

وبعدين هانروح بعيد ليه

أنجح زواجتين في التاريخ الإسلامي زواج الرسول صلى الله عليه وسلم من السيدة خديجة رضي الله عنها وكان فارق العمر 15 سنة لصالح السيدة خديجة رضي الله عنها

وزواج الرسول صلى الله عليه وسلم من السيدة عائشة وكان فارق العمر أكثر من ثلاثين سنة لصالحه صلى الله عليه وسلم

الشاهد من كلامي , إنه لا يوجد قاعدة تضبط هذه المسألة , وإنما هي ميول شخصية تفرق من واحد لآخر

والله يا استاذى الفاضل انا من مؤيدى الزواج المبكر وبشده 00اولا لانى اعتبر نفسى ممن تزوجوا مبكرا فالتجربه شخصيه ولله الحمد ناجحه جدا اكملت دراستى وانا مع زوجى حتى الدراسات العليا 00وعند من الاولاد ولله الحمد البنين والبنات والحمد لله ربنا كرمنا فى حياتنا وفى اولادنا

ولما جيت اطبق ده على ولادى اتعرضت لسخريه الاقربين منى

انتى عاوزه تكبرى نفسك ؟ العيال لسه صغيره ؟ سيبوهم يشقوا ويتعبوا عشان يحسوا بالقرش

وما الى ذلك

طيب بعد عمر طول او قصر بأمر الله مش اللى بنعمله ده ليهم ؟ يعنى ورثهم؟ طيب ما يورثوا على حياه عيننا ونفرح بيهم ومعاهم

ولا ايه رأيكم ؟؟

[عبير يونس]

اسمحوا لي أشارك معاكم في الموضوع المهم جدا جدا

شوفوا يا جماعة انا شخصيا أؤمن ان الزواج ده له اوان في وقت ربنا محدده

يعني مفيش حاجة اسمها انهو احسن؟ الزواج المبكر و الا اللي بعض النضج؟

و أرى ان كل واحد و ظروفه

و تبعا للشاب و الفتاة و مدى تحملهم للمسئولية

في شاب من أول ما يشب تحس انه راجل بجد و يعتمد عليه

و بنت تحسي انها ناضجة و يعتمد عليها و هي لسه بنت 16 سنة

و على العكس

في شاب وصل للتلاتين و مينفعش يشيل مسئولية و تحسه مهزوز

و بنت في اواخر العشرينات او التلاتينات و ما تحسش انها ممكن تتحمل مسئولية بيت و اطفال

يعني مفيش قاعدة

و العبرة بالقدرة على التكيف

يعني عن نفسي تزوجت في منتصف العشرينات بعد التخرج و العمل

و لم اتكيف سريعا مع متطلبات الزواج

و اخدت فترة على ما اتأقلمت برغم اني اعتبر ناضجة و مش عيلة صغيرة

و اخوات زوجي مثلا كلهم تزوجوا قبل ما يكملوا العشرين

و ما شاء الله كنت بأحس انهم أكثر مني قدرة على القيام بدور الزوجة المسئولة عن بيت و أطفال

شوفي يا اختي الفاضلة قلب ابيض

حضرتك ادرى باولادك و شخصياتهم

اذا شايفهم قد المسئولية

توكلي على الله و جوزيهم فورا و افرحي بيهم و فرحيهم

و ما تحطيش ودنك لكلام الناس اللي عمرك ما حترضيهم و دايما حتلاقي منهم اللي يخالفك

و على فكر بقى السن مالوش دعوة بالاحساس بالقرش

في ناس ما شاء الله بتوعى للقرش و تحافظ عليه من صغرها و في ناس شياب ميعرفوش قيمة القرش

و طبعا حضرتك معاكي حق

ما هو كله ليهم

يبقى تفرحوا كلكم في حياة عينكو

و اذا كنتوش انتو اللي تساعدوهم مين اللي حيساعدهم؟

ده مفيش بعد الأب و الأم

ربنا يبارك في أعماركم جميعا

المهم تستخيري كويس و ربنا يقدملك اللي فيه الخير

و ما تنسيش تعزميني على الفرح

:happy:

[elfakhrany]

أنا مش متجوز بس من وجهة نظرى شايف أن الموضوع مش مسألة مين أكبر ومين أصغر الموضوع أن يكون فيه تحمل للمسئولية من الطرفين وايضا يكون فيه توافق وتفاهم بين الشخصيتين لذلك أنا أفضل أن لاتقل فترة الخطوبة عن سنة ( على رأى المثل تعرف فلان : أيوة ., طيب عاشرته ؟ : لأ . تبقى متعرفوش ) :blink:

أما بالنسبة لمساعدة الأولاد فطبعا بخلاف التعليم دة أكيد بس فى نقطة مهمة أنى لازم أخلى الولد يعتمد على نفسه الأول ويتعب عشان بعد كدة يقدر يتحمل مسئولية أسرة و أولاد وفى الوقت اللى أشوفه بقى ناضج ومعتمد على نفسه أكيد هساعدة :lol:

وبالنسبة للسن الأمثل للزواج من وجهة نظرى من بعد التخرج و الاعتماد على النفس لأن الواحد فى الكلية بيشوف الدنيا بمنظور أما لما يتخرج ويحتك بالحياة العملية منظورة بيختلف كتير . وشكرا جزيلا :unsure:

تم تعديل 16 مايو 2009 بواسطة elfakhrany

[عنبو]

احبائى كل اعضاء المنتدى الموقر

تفاعلا مع الموضوعات الحيويه بمنتدانا المحترم

وانبثاقا من موضوع اخونا وابننا الباشمهندز ياسر

وانطلاقا من وازع داخلى وفضووووول شخصى

كفايه بقى تفاعلا وانبثقا وانطلاقا 000000

الموضوع يا جماعه الخير انى فكرت شويتين فى حال ولادنا والمراحل اللى مرينا بيها فى حياتنا على اختلاف اماكنا ومستوانا العلمى والمادى والاجتماعى والثقافى

لاقيت ان اللى اتجوز مننا خلال فتره زمنيه معينه كان حالهم تقريبا واحد من كفاح ومشقه لتوفير امكانيات الزواج البسيطه جدا اللى تكفل فقط بدايه حياه زوجيه كريمه

وبفضل الله بيفتحها ربنا علينا على قدر تعبنا

المهم : دلوقتى لما ابنى يجى ويقولى عاوز ااتجوز00 لاء ده قبل ما يفكر ببنفكر كآباء وامهات نوفر له الشقه ازاى ؟ "خاصه مجتمعنا نحن كمغتربين " ونحدد مبلغ اد ايه لشراء

الشبكه 0

وده ليه ؟؟؟ لاننا مش عاوزينهم يتعبوا زينا او بمعنى اخر فى ظل الظروف الأقتصاديه دى على ما يحوش شبكه وشقه وتجهيز هيكون اصلع وطلع له كرش ونكون احنا بخ :unsure:

يعنى بشكل او بأخر عاوزين نفرح بيهم ونفرحهم

سؤالى هنا : :lol:

ياترى ايه السن الامثل للزواج للرجل " يجيب عليه الطرفين -محاورين ومحاورات "

السن الامثل للجواز لا يقل عن 25 سنه للراجل وللبنت لايقل عن 20 سنه

فرق السن المثالى بين الزوجين كام سنه ؟؟

يعنى مش شرط الموضوع مش قاعده على اقد ما هو توافق بين الاتنين ويكونوا فاهمين بعض او افكارهم ممكن تتماشى مع بعض مع شوية تنازلات من الطرفين لكن متنكش هى فى الشمال وهو فى الجنوب كده لابد واحد تنازل عن افكاره وشخصيته للاخر

تقبل او تقبلى ان يكون الزوج اصغر م الزوجه ؟؟

عادى بس على ما اعتقد السناء اللى فى عيلة الراجل مش هيقبلوا بكده لكن هو هيقبل لكن امه او اخته طبعا هتبقى مشكله وكل مشكله هتسمع كلام دانتى ...... وانتى ..... لا على ما اعتقد ينفع بس ميكنش له اخوات وامه مقدور عليها

وليه؟؟؟؟

للحديث بقيه

[قلب ابيض]

:lol: :unsure: أعتبره وعد يا عنبى ؟؟؟؟؟؟ :blink: :lol:

سورى والله 00ما أخدتش بالى لان ردك دخل جوه الاقتباس

فأفتكرتك نسيت تكتب الرد 000فأعتبرته وعد بالرد

متسرعه اعمل ايه ؟؟؟

بس انا رأى من رأيك 0000من همه خد اد امه " دى اول حاجه هاتتقال عند اول لحظه نمرده000"

تم تعديل 16 مايو 2009 بواسطة قلب ابيض