يا اسكندرانية....عندكم على كوبرى ستانلى و فى المنتزه

[~Heba~]

القاهرة و اسكندرية

العاصمة و المدينة الكبيرة

يمكن هما بالنسبة لفتاة صعيدية مثلى حلم جميل حيث الخدمات بشتى انواعها و الوظائف و طبعا فيه الزحمة و الضيق الذى لا احبه ايضا

بالاضافة لانعدام الأمان و كثرة الجريمة

لكن هذا شئ طبيعى جدا بسبب ارتفاع الكثافة السكانية

لكن لما يوصل الأمر لمخالفات أخلاقية فى الشارع العام هنا محتاجين وقفة

سأحكى لكم موقف رأيته بأم عينه فى القاهره منذ ما يزيد عن ثلاث سنوات

كنت انا برفقة ثلاثة من اخوتى و هم رجال كبار اصغرهم يبلغ من العمر ثلاثين عاما وكنا ماشيين عادى فى الطريق لا اتأبط ذراع اى منهم و لا حتى امسك بيده

و فجأة و احنا ماشيين فى الشعر وجدت شابين ولد و بنت و البنت طبعا يظهر على ملابسها قلة الاحتشام

و الاتنين كانوا بيجروا فى الشارع لغاية ما بقوا قدامنا و قربوا من بعض و هو احتضنها بذراعه و هى لفت ذراعها على خصره فى منظر لا اراه فى اى مكان فى الصعيد الذى جئت منه منظر نعتبره غير أخلاقى حتى لو كانت اخته فالطريق العام له آدابه

ما دفعنى لكتابه هذا الموضوع هو فيديو شاهدته بالصدفة البحته يظهر مخالفات أخلاقية (شابين فى وضع مخل ) على كوبرى ستانلى بالاسكندرية

و تذكرت موضوع كنت قد قرأته زمان فى ملحق الحوادث لجريدة الجمهورية يتحدث عن ممارسات غير اخلاقية شبيهه بذلك و لكن فى حدائق المنتزه

هذه المرة اكثر من مجرد احضان و لكن قبلات و اعناق فى الأماكن العامة

ساعتها شعرت انه كاتب الخبر يبالغ ربما

معقولة لا يوجد من يستنكر هذا الفعل و يلوم الشابين على ممارستهم غير الأخلاقية

معقولة الناس ممكن تمر بمنظر زى ده و لا حتى تقولهم عيب؟؟!!!

طبعا انا تعرفت على كثير من الزملاء الأسكندرانية هنا فى المحاورات و فى منتديات اخرى و كلهم اشخاص محترمين و أريد ان اعرف رأيهم فى مثل هذه الممارسات اذا كان الأمن و شرطة الآداب تخلت عن دورها لماذا تخلى الناس عن النهى عن المنكر

اريد معرفة ريكم فى مثل هذه التصرفات و ما هو رد فعلكم اذا رأيتموها تحدث امامكم فى مكان عام؟؟!!

تم تعديل 15 مايو 2009 بواسطة ~Heba~

[لولا]

وهل تعتقدين يا هبه ان الموقف الذى رأيته يمثل ظاهره وسلوك شائع متكرر الحدوث سواء فى القاهره او الإسكندريه ؟!

وراء اجابتك ستكون آرائنا !!

وهل حقا تحول المصرى لشخص لا يهتم الا بشؤونه ولا يتحرك له جفن امام تصرف خارج عن العرف او التقاليد او الدين فى مكان عام

كما قلتى

معقولة لا يوجد من يستنكر هذا الفعل و يلوم الشابين على ممارستهم غير الأخلاقية

معقولة الناس ممكن تمر بمنظر زى ده و لا حتى تقولهم عيب؟؟!!!

لولا

[~Heba~]

لو جاوبت و قلت ايوة اجابتى ربما تكون غير دقيقة لانى لا اعيش فى اى من القاهرة و الاسكندرية لكن لما هذه الممارسات تجد طريقها الى الصحف و يستنكرها كاتب الخبر و كذلك تجد طريقها الى الانترنت و تنشر فى موقع اليوتيوب تحت عنوان يستنكرها ايضا فربما هذا يعنى انها اصبحت تمثل ظاهره

و الحقيقة انها حتى لو حادثة فردية او ظاهره لن تفرق فليس شرطا ان يحدث القتل امامى مرارا و تكرارا حتى استنكره و اصفه بانه جريمة

الفعل الفاضح فى الطريق العام تستنكره كل القوانين و الاعراف فى اى مجتمع فى الدنيا هذه قاعدة و لها شواذ طبعا لكن ربما يختلف تعريف كلمة فاضح من مجتمع لآخر

فرأيى انه حدثت مرة او اتنين او بتحصل كتير لابد ان نستهجنها و نرفضها و نحاول ان نمنعها لان عظيم النار من مستصغر الشرر

اما عن سلبية المصريين فلا تحتاج لرأيى لتأكيدها

و ما انتشار التحرش بالفتيات الا صورة من صور هذه السلبية

و اعتقد انه لا فرق بين التحرش و بين وجود مثل هذه الممارسات اللهم ان الأول بدون رضاها و الثانى برضاها و فى كل الأحوال يجب التدخل بقدر الاستطاعة لمنعه حتى من باب الأمر بالمعروف و النهى عن المنكر.

[esocial]

هذا المنظر لا يقتصر على القاهرة والأسكندرية فحسب بل بأغلب المدن داخل مصر والمشكلة ليس مشكلة الناس بالشارع الذين يشاهدون هذه المناظر و الأفعال الغير مستحبة ولكن المشكلة مشكلة سوء النظام وعدم تواجد الأمن وعدم استجابتهم لهذه المواقف بحجة كبر مساحة مصر وكثافتها السكانية العالية لكن بأستطاعتهم التخلص من هذه الأمور ( التحرش ، الأباحية، النصب ، السرقة ، الأفعال الغير مقبولة ... وغير ذلك ) عن طريق تشجيع الناس على التبليغ وسرعة أستجابة قوات الأمن من التواجد فى المكان وتوعية الناس للتغلب على هذه المخالفات عن طريق الأتصال والتبليغ وتوفير فرقة للرد على شكاوى المواطنين ومتابعتها واخذ الأمور بجدية وليس بأستهتار وعدم مبالاه .

ونتمنى أن تكون بلدنا مصر من أفضل الدول على مستوى العالم بالأمن والأمان والنظام والتحضر فلا يقبل بأقل من هذا على هذه البلد التى تم ذكرها بالقران فى 28 موضعا .

مع الشكر

[pink rose]

و الله يا هبة زي ما قال الاخ esocial دا ما بقاش يقتصر على القاهرة و الاسكندرية بس لكن اظنه امتد لاكتر من مدينة مصرية

و انا رأيي ان سبب كده قلة او عدم التربية بمعنى اصح و غياب دور الاهل في متابعة الابناء بالشكل الصحيح لاننا للاسف في زمن اغبر فعلا كل حاجه مفتوحة دشات انترنت مليان مواقع مخلة تليفزيون و افلام لا تقطع منها المناظر المسفة سينمات مفتوحة على البحري

فا اللي بيحصل دا رد فعل طبيعي جدا

اما بالنسبة لموضوع مافش حدش حمش كده و عنده دم لما يشوف منظر كده يقوم يكلم العيال دي اكيد في بس الاكترية بصراحة لأ

لان اللي يعمل كده اكيد مش هامه حد و لو كان عنده قدر و لو بسيط من الادب ما كانش عمل كده اصلا

فالناس ممكن تكون بتخاف يفتح عليها مطوة و لا يقوله كلمتين سافلين او تخاف يكون المحروس و المحروسة من ابناء الطبقة الواصلة في البلد

و لو حد تكرم و اتصل بالامن ابقي تعالي قابليني لو حد عبرك و رد عليكي اصلا و لو رد ممكن يقل ادبه

بصي انا بصراحة حصل معايا الموقف دا بس خوفت اصلا و مشيت بعيد كنت عند عمارات مصطفى كامل اللي على البحر و كانت الدنيا ضلمة و كنت ماشية مع اتنين صاحباتي و لقينا اتنين في عربية و مش هاقول كانوا بيعملوا لانها مفهومة يعني

احنا التلاتة اترعبنا بصراحة دا غير الكسوف فا استحالة كنت هاروح اخبطلهم على العربية و اقولهم احترموا نفسكم

كان ممكن الحليوة ينزل يرزعني كام قلم محترمين او يقولي كلام سافل مش هاقدر ارد عليه

لكن من يومها و انا فعلا حزينة بس بجد ما كنتش اقدر اعمل حاجه

عارفه احنا لما بنروح المنتزة مع المغرب لازم نمشي على طول عشان ما نتصدمش بمناظر تؤذينا و على فكرة في هناك عساكر و الله بس عاملين زي خيال المآتة كده لا بيهشوا و لا بينشوا

المفروض فعلا زي الاخ esocial ما قال الشرطة و الامن يتواجدوا وجود فعلي لمنع البلاوي دي و كمان يكون فيه تشجيع على التلبيغ لو حد شاف حاجه

و ربنا يستر علينا و على اولادنا و يهدي كل عاصي اللهم آمين

[doudy]

القاهرة و اسكندرية

العاصمة و المدينة الكبيرة

يمكن هما بالنسبة لفتاة صعيدية مثلى حلم جميل حيث الخدمات بشتى انواعها و الوظائف و طبعا فيه الزحمة و الضيق الذى لا احبه ايضا

بالاضافة لانعدام الأمان و كثرة الجريمة

لكن هذا شئ طبيعى جدا بسبب ارتفاع الكثافة السكانية

لكن لما يوصل الأمر لمخالفات أخلاقية فى الشارع العام هنا محتاجين وقفة

سأحكى لكم موقف رأيته بأم عينه فى القاهره منذ ما يزيد عن ثلاث سنوات

كنت انا برفقة ثلاثة من اخوتى و هم رجال كبار اصغرهم يبلغ من العمر ثلاثين عاما وكنا ماشيين عادى فى الطريق لا اتأبط ذراع اى منهم و لا حتى امسك بيده

و فجأة و احنا ماشيين فى الشعر وجدت شابين ولد و بنت و البنت طبعا يظهر على ملابسها قلة الاحتشام

و الاتنين كانوا بيجروا فى الشارع لغاية ما بقوا قدامنا و قربوا من بعض و هو احتضنها بذراعه و هى لفت ذراعها على خصره فى منظر لا اراه فى اى مكان فى الصعيد الذى جئت منه منظر نعتبره غير أخلاقى حتى لو كانت اخته فالطريق العام له آدابه

ما دفعنى لكتابه هذا الموضوع هو فيديو شاهدته بالصدفة البحته يظهر مخالفات أخلاقية (شابين فى وضع مخل ) على كوبرى ستانلى بالاسكندرية

و تذكرت موضوع كنت قد قرأته زمان فى ملحق الحوادث لجريدة الجمهورية يتحدث عن ممارسات غير اخلاقية شبيهه بذلك و لكن فى حدائق المنتزه

هذه المرة اكثر من مجرد احضان و لكن قبلات و اعناق فى الأماكن العامة

ساعتها شعرت انه كاتب الخبر يبالغ ربما

معقولة لا يوجد من يستنكر هذا الفعل و يلوم الشابين على ممارستهم غير الأخلاقية

معقولة الناس ممكن تمر بمنظر زى ده و لا حتى تقولهم عيب؟؟!!!

طبعا انا تعرفت على كثير من الزملاء الأسكندرانية هنا فى المحاورات و فى منتديات اخرى و كلهم اشخاص محترمين و أريد ان اعرف رأيهم فى مثل هذه الممارسات اذا كان الأمن و شرطة الآداب تخلت عن دورها لماذا تخلى الناس عن النهى عن المنكر

اريد معرفة ريكم فى مثل هذه التصرفات و ما هو رد فعلكم اذا رأيتموها تحدث امامكم فى مكان عام؟؟!!

كدة زعلتينى منك يا هبه و انا بحب اسوان

المناظر دى و التصرفات الغير اخلاقية مش فى اسكندرية بس

و طبعا انا كاسكندرانية ارفضها تماماو كل الناس المحترمة اكيد رايهم زى طبعا

و من راى منكم منكرا فليغيره المفروض اللى يقدر يمنع تصرف زى دة طبعا ما يتاخرش

و العنوان يا هبه زعلنى ليه الاسكندرانية او اسكندرية بالذات دة فى كل حتة ممكن تلاقيه و مش فى مصر بس كمان

كل حتة فيها الجيد و الردىء

دودى

[elfakhrany]

أنا متفق معاك تماما أخى esocial

ولكن ده ميمنعش أنى أعترف أن نسبة السلبية زادت جدا وبصراحة هى مش سلبية وبس دى أصبحت سلبية وأنانية وكل واحد بيقول أنا مالى ودى صفات جديدة كلها على الشعب المصرى لانتشار الفساد اللى أصبح زى السرطان ولو مقدرناش عليه هيفضل الوضع يسوء أكثر فأكثر

أختى العزيزة remo

بالنسبة للعساكر اللى فى المنتزة أو غير المنتزة كلهم بيبحثوا عن أى مصدر لجلب المال لمواجهة أساسيات الحياة وعليه بيغضو بصرهم مقابل جنيه او 2 جنيه وطبعا دى حاجة هيتحاسبوا عليها يوم القيامة

[~Heba~]

كدة زعلتينى منك يا هبه و انا بحب اسوان

المناظر دى و التصرفات الغير اخلاقية مش فى اسكندرية بس

و طبعا انا كاسكندرانية ارفضها تماماو كل الناس المحترمة اكيد رايهم زى طبعا

و من راى منكم منكرا فليغيره المفروض اللى يقدر يمنع تصرف زى دة طبعا ما يتاخرش

و العنوان يا هبه زعلنى ليه الاسكندرانية او اسكندرية بالذات دة فى كل حتة ممكن تلاقيه و مش فى مصر بس كمان

كل حتة فيها الجيد و الردىء

دودى

عزيزتى دودى انا بالتأكيد لا أقصد بالموضوع أى إساءة لأهل الاسكندرية و كما هو واضح اشرت فى البداية انى احترم و اقدر كل الزملاء الاسكندرانية اللى اتعرفت عليهم هنا و بالطبع هؤلاء الشباب بفعلهم المشين لا يمثلون أهل الاسكندرية و لا حتى اهل مصر

عزيزتى انا لما طرحت الوضوع لم يكن فى بالى ما فهمتيه

و لوكان هذا حدث فى اسوان و رأيته بنفسى سأتحدث عنه بنفس الطريقة و بذات العنوان

و طبعا اتفق معاك ان كل حتة فيها الجيد و الردئ

و اذكرك انه فى الاسكندرية فى رمضان اللى فات كان فيه مسجد كبير عندكم مش فاكرة اسمه تجمع فيه المصلين بأعداد كبيرة فى منظر ينم عن قدر الايمان و الدين الذى يتمتع به اهل اسكندرية

يعنى شايفة اهم النقيضين عندكم جانب سلبى و جانب إيجابى و نتمنى ان الايجابى يطغى فنجد ذلك الرجل الذى يصلى التراويح فى رمضان يحاول يمنع هذه المظاهر اذا صادفها فى اى وقت من بقية اوقات السنة

[doudy]

خلاص يا هبه سماح المرة دى ولا يهمك

بس اعرفى يعنى ان الاسكندرانية جدعان قوى

يلا حصل خير و ربنا يهدىصحاب الافعال المشينة اللى للاسف

مش بتعيبهم بس كمان بتعيب المكان اللى هما فيه

ربنا يسامحهم و يهديهم

[eslam elmasre]

الاخت هبه

وبما انني اعيش واعشق مدينتي الاسكندريه اقول لكي كلامك حقيقي بدرجه كبيره

اصبحت المنتزه ملتقي العشاق الفجره ومعذرة في التعبير وليس هذا شيء جديد فكل الاسكندرانيه يعلمون ذلك جيدا ولا يمكن ان يكون هناك رجل محترم يصطحب خطيبته ويحترمها اذا توجه بها الي المنتزه لكي يقضي وقت طيب معها ويتغزلون في جمال الطبيعه الخلابه وكلام الانشا

لدرجه انني لا استطيع اصطحاب اولادي الي ذلك المكان القذر واذا حدث فاقوم بتحديد اقامتهم في اماكن عامه ممتلئه بالرواد والا لو انحرفوا قليلا شمال او جنوبا شرقا او غربا فسيشاهدوا مشاهد فاضحه فجه

حتي رجال الشرطه علي ما يبدوا ان سلطاتهم محدده في حفظ الامن فقط بعيدا عن تصويب المنحرفين الذين بما يفعلونه يعد جريمه يعاقب عليها القانون وهي جريمه الفعل الفاضح في طريق عام

اصبح رجال الشرطه في هذه المنطقه لا حيلة لهم وكأن الامر مفروض عليهم وهو غض الطرف عن تلك الافعال المشينه علي اعتبار ان تلك المنطقه هي منطقه سياحيه ولا يقبل تدخلات من الشرطه وذلك حفاظا علي السياحه وازدهارها علي حساب الاخلاق