هذه المهن لا تناسب المرأة

[~Heba~]

هذه المداخلة كنت قد كتبتها فى موضوع "تدى صوتك لمرشحة" و رأيت اننى سأخرج عن الموضوع فقلت افصلها

و كان رد على دكتور تهامى و اللى شافه فى كندا و عجبه من مهن تعمل فيها المرأة و انا اعارض بشدة عمل الرأة فى هذه المهن و إليكم رأيى بالتفصيل

.

تعالى كندا هتشوف الستات موجودين في كل مكان... قاضي ، وزير ، مبيض محارة ، سواق تريللا ، رصف طرق ، شرطية بوليسية ما اعتقدش حد اشتكى من إنهم ناقصات عقل أبداً في شغلهم!

المشكلة عندنا في أسلوب التربية والتنشئة للبنت من الصغر... البنت آخرها الجواز وبيتها وعيالها... إلى آخر الفيلم الهابط إياه!

للرد على الجزئية دى هنحتاج موضوع كامل و طبعا ميكونش له علاقة بالانتخابات

لكن باختصار حقولك ان المرأة لها وظيفة اساسية فى الحياة....و من تطوع خيرا فهو خير له

فيه قول جميل كانوا بيقول ان الرجل خلق من الأرض (التراب) فسمى آدم من "الأدمة" اى مادة الأرض لذلك اغلب تعامله فى الحياة مع الأرض يعمرها و يبنيها و يشهد فيه منافع له

اما المرأة فهى خلقت من ضلع حى فسمت حواء و كل تعاملها يكون مع الاحياء (الأطفال) لذلك تنبغ المرأة بشكل خاص فى الوظائف التى تتعامل فيها مباشرة مع الجانب الانسانى للناس كمثل مهنة الطب و التمريض

المرأة لم تخلق لتكون سائق تريلا او مبيض محارة او تعمل فى رصف الطرق الى آخر الأمثلة التى ذكرتها

اعتبر ان العمل فى تلك المهن مهين للمرأة لكن من اضطر فلا حرج عليها

نييجى لمسألة العمل كوزيرة او قاضية

عندك فرنسا فيه وزيرة عدل عملت ايه يعنى غير فضيحة بجلاجل عن ابن غير شرعى

طبعا ده مثال سئ للمراة لكن ما اقصده انها قدمت تنازلات و تخلت عن المهمة الرئيسية فى حياتها لاجل شئ جانبى غير اساسى و غير مفروض عليها

و طبعا المهن دى تعتمد الكفاءة و النوع ليس شرطا فيها...طيب ييجى حد يقولى دلوقتى ايه يعنى امراة واحدة تخلت عن هذا الدور الأساسى ..مش ضرورى يكونوا كل النساء على نفس الموجه و حياتهم لها نفس الرتم!!!

ارد و اقول طبعا ماشى موافقة لكن...لا يجب ان نعمم ذلك على النساء جميعهن و نقول ان النهم يصلحوا لكذا و لكذا

اذا وجدت من تناسبها ظروفها لمنصب مثل هذا فخير و بركة لكنها ومن فى مثل حالتها سيبقين قلة و أقلية و شئ طبيعى جدا فى نظرى ان نجد وزيرة او اتنين وسط اكثر من عشرة وزراء دى تقسيمة عادلة جدا فى نظرى

و على فكرة طبقا لنفس الرأى قال الشيخ الشعراوى فى تفسيره لمسألة ان شهادة الرجل تعدل شهادة امرأتين فى بعض الحالات برر هذا الحكم قائلا انه فى هذه الحالات غالبا يكون اطلاع النساء على هذه الأمور قليل بحكم ان النساء يغلب عليهم عدم المشاركة فى النشاط التجارى (الذى يستدعى الشهادة) لذا فإن خبرتهن قليلة و فسر كلمة "تضل" فى الآية قائلا ان تضل معناها لا تفهم او لا تعى لانها قليلة الخبرة بالأمور التجارية و العقود التى يُشهد عليها

و انا طبعا اتفق مع رأيه هذا

و طبعا طبقا لرأيى المفصل اعلاه انا بالفعل لو وجدت مرشحة فيها الكفاءة حديها صوتى لكن هذا لا يعنى انه بالضرورة يكون نص اعضاء المجلس سيدات لانهم يعنى نص المجتمع

لكن قلة وجود المرشحات..و العضوات ايضا شئ طبيعى و اتقبله

فما رأيكم دام فضلكم؟

تم تعديل 15 مايو 2009 بواسطة ~Heba~

[Alrefaey]

من وجهة نظرى ان المرأءة تنفع ان تعمل فى جميع المجالات لكن ليس بشكل مطلق وبأسلوب يقتضى الية معينة تضمن للمرأءة المحافظه عليها وعلى انوثتها وتتلائم مع

طبيعة تكوينها الجسمانى والفسيولوجى .

بمعنى معظم المهن الطبية متلائمة بينما الهندسة على سبيل المثال فتحتاج نوعا من التفصيل

لامانع من كونها مهندسة حاسب الى او الاقسام التى تعتمد بألاساس على التصاميم والقدرة العقلية لكن لى تحفظ على المجالات التى تقتضى جهدا بدنيا

فعلى سبيل المثال قسم التعدين والبترول

لحدعلمى هناك من يعمل فى المكاتب وهناك من ينزل المواقع لمدة شهر مثلا زى بريمة اخونا الفاضل د تهامى

فمرحبا بك حواء فى المكاتب والتصاميم والتقارير لكن تنزل مواقع وتغيب بالشهور

لانقول انها لا تنفع ان تقوم بهذ الدور ولكن نرى انه لا يتماشى مع طبيعاتها الناعمة ولا مع ديننا الحنيف

[سهل جدا]

من المهن التي لا تناسب المرأة: أن تكون رئيسة دولة

لأن الحاكم أو رئيس الدولة يشترط أن يكون رجلا, ولا يجوز للمرأة أن تتولى الولايات العامة

وذلك لما رواه البخاري أن رسول الله صلى الله عليه وسلم قال: (لَنْ يُفْلِحَ قَوْمٌ وَلَّوْا أَمْرَهُمْ امْرَأَةً)

وهذا في الولاية العامة (رئاسة الدولة) وما كان مثلها في الخطورة..

أما الولايات الأخرى كأن تكون مدير مدرسة أو شركة أو نحو ذلك فلا شيء فيها ..

[الباشمهندس ياسر]

سؤال دائما بيجى ف بالى

ليه الست فى الثقافة الغربية لما تهتم باولادها و بيتها و تسيب الشغل و الدنيا كلها بيتقال ف حقها اشعار

و انها ام مكافحة و انها و انها

بينما

الست عندنا لما تعمل نفس الشىء يتقال عليها رجعيه و كلام ملوش اى لازمة

[Falcon Crest]

سؤال دائما بيجى ف بالى

ليه الست فى الثقافة الغربية لما تهتم باولادها و بيتها و تسيب الشغل و الدنيا كلها بيتقال ف حقها اشعار

و انها ام مكافحة و انها و انها

بينما

الست عندنا لما تعمل نفس الشىء يتقال عليها رجعيه و كلام ملوش اى لازمة

المشكله يا باش مهندس ان في بعض الاعمال لا تناسب المرأه ابد زي العمل علي حفارات البترول في الصحرا و البحر و تغيب عن بيتها ايام طويله و تعيش في بيئه ربنا واحده الي اعلم بيها

و ربنا يبارك لنا في جمعيات حقوق المرأه

[مغتربة]

سؤال دائما بيجى ف بالى

ليه الست فى الثقافة الغربية لما تهتم باولادها و بيتها و تسيب الشغل و الدنيا كلها بيتقال ف حقها اشعار

و انها ام مكافحة و انها و انها

بينما

الست عندنا لما تعمل نفس الشىء يتقال عليها رجعيه و كلام ملوش اى لازمة

انا اقولك استاذ ياسر

لان الست فى الغرب لما بتعمل كده فبيكون دا بارادتها الشخصيه

هى شايفه ان ده انسب لها و لظروفها فبتعمله

و صحيح ان فى الغرب بيقدروا ليها تضحيتها دى

لكن مفيش حد فيهم هتلاقيهخ يبص بقى لباقى الستات الى بيشتغلوا و معملوش زيها

انهم مقصرين و انانيين و متحررين و مفرطيين فى جانب دينهم و هذه الاشياء

باختصار الاحترام يطال الجميع

و هذا ما نطلبه و ليس اكثر

من لا تريد العمل لا احد يستطيع اجبارها عليه و من تريد العمل فلها حريه الاختيار

و لكن بمطلق الحريه بعيدا عن حملات ضغط فكريه

يكون نتائجها الوحيده حرمان المجتمع من كفاءات حقيقيه

[الباشمهندس ياسر]

المشكله يا باش مهندس ان في بعض الاعمال لا تناسب المرأه ابد زي العمل علي حفارات البترول في الصحرا و البحر و تغيب عن بيتها ايام طويله و تعيش في بيئه ربنا واحده الي اعلم بيها

و ربنا يبارك لنا في جمعيات حقوق المرأه

انا بالمناسبة بشتغل ف البترول و مقضيها مواقع

و قابلت ياما بنات ف المواقع من كل الجنسيات

الاجنبيات منهن عاملين زى الشباب بالظبط

مفتكرش انى قابلت واحده منهن عندها حياء او خجل بل اوقات بحس انها راجل بس مستخبى

العربيات منهن و بكل اسف معظمهن مصريات على شوية بقى من سوريا على الجزائر على السودان على عمان كمان

بنات فيهن تحس فيها الادب و الاحترام بس فيها جراة غريبة مش عايز اقول لحضرتك شبه انهى فئة بالظبط

و طبعا الوسط نفسه وسط سىء جدا و ميشجعش ع الاستقامة او حتى على اى حاجة كويسه خالص

البترول تحديدا زى ما بيسموه dirty bussines

حتى البنت الكويسة بيبقى الطمع فيها شغال على اشده ووضع صعب فعلا

ياريت يا جماعه محدش يسيب بنته او اخته تشتغل ف المجال ده خالص

انا اقولك استاذ ياسر

لان الست فى الغرب لما بتعمل كده فبيكون دا بارادتها الشخصيه

هى شايفه ان ده انسب لها و لظروفها فبتعمله

و صحيح ان فى الغرب بيقدروا ليها تضحيتها دى

لكن مفيش حد فيهم هتلاقيهخ يبص بقى لباقى الستات الى بيشتغلوا و معملوش زيها

انهم مقصرين و انانيين و متحررين و مفرطيين فى جانب دينهم و هذه الاشياء

باختصار الاحترام يطال الجميع

و هذا ما نطلبه و ليس اكثر

من لا تريد العمل لا احد يستطيع اجبارها عليه و من تريد العمل فلها حريه الاختيار

و لكن بمطلق الحريه بعيدا عن حملات ضغط فكريه

يكون نتائجها الوحيده حرمان المجتمع من كفاءات حقيقيه

اى حد بيفكر بالمنطق و نتكلم نقطة نقطة

استحالة انه يبص من زاوية و يسيب التانية

رغم ان انا من انصار عدم عمل المرأة عموما

انما ده ميمنعش انى مؤمن باحتياجنا ليها فى تخصصات كتير

و تقريبا ف معظم الاماكن ف حياتنا

انما بشروط لازم تتوافر

اولها الحفاظ عليها هى و احترام انسانيتها و احترام انها انثى

يعنى احترام انها اضعف من الرجل ف البنية و ف المشاعر

و التعامل معاها بافضل صورة ممكنة

انما الواقع غير كده خالص

[Falcon Crest]

المشكله يا باش مهندس ان في بعض الاعمال لا تناسب المرأه ابد زي العمل علي حفارات البترول في الصحرا و البحر و تغيب عن بيتها ايام طويله و تعيش في بيئه ربنا واحده الي اعلم بيها

و ربنا يبارك لنا في جمعيات حقوق المرأه

انا بالمناسبة بشتغل ف البترول و مقضيها مواقع

و قابلت ياما بنات ف المواقع من كل الجنسيات

الاجنبيات منهن عاملين زى الشباب بالظبط

مفتكرش انى قابلت واحده منهن عندها حياء او خجل بل اوقات بحس انها راجل بس مستخبى

العربيات منهن و بكل اسف معظمهن مصريات على شوية بقى من سوريا على الجزائر على السودان على عمان كمان

بنات فيهن تحس فيها الادب و الاحترام بس فيها جراة غريبة مش عايز اقول لحضرتك شبه انهى فئة بالظبط

و طبعا الوسط نفسه وسط سىء جدا و ميشجعش ع الاستقامة او حتى على اى حاجة كويسه خالص

البترول تحديدا زى ما بيسموه dirty bussines

حتى البنت الكويسة بيبقى الطمع فيها شغال على اشده ووضع صعب فعلا

ياريت يا جماعه محدش يسيب بنته او اخته تشتغل ف المجال ده خالص

'طلعنا زمل يا هندسه انا بشتغل في schlumberger متخصص في حاجه اسمها Directional Drilling و انته عارف بيئه الحفر عامله ازاي بيكون مطلوب مني احيانا اني اساعد البنت كطلب ودي من مديري يعني مش لازم بس الحقيقه انا مش باساعد اي بنت تتطلع معاي الحفاره لانها قبلت الشغل ده و عارفه انو مش سهل و بيئه متعبه و كمان بتاخد مرتب عالي جدا لسه international Staff و بيكون رد فعلهم غير طيبعي في المشاكل ( متهي الغباء) و مع اي موقف او مشكله تعيط و للاسف انا اشتغلت مع جنسيات كتير و كلهم متشابهين في حاجه

واجده العياط في المشاكل

انا مش ضد عمل المرأه بس تشتغل في مكان لائق و محترم يليق بطبيعتها و أنوثتها و في نفس الوقت تحافظ علي نفسها من اي مجتمع مش كويس

و يا جماعه زي الباشمندس ياسر ما قال شغل البنت علي الحفارات في البحر او الصحرا منتهي الاهانه للبنت

[icehearted girl]

اتفق معاكي تماما ياهبه

بس تفتكروا اي اللي ممكن يخلي المرأة تتخلي عن جزء كبير أوي ومهم من طبيعتها وتشتغل في عمل مش مناسب

هل هي فعلا مضطرة لكدا بسبب ظروفها ولا النغمة القديمة اللي مبقتش اسمعها حاليا الاوهي محاولة اثبات الذات؟؟

تفتكروا وجهة نظر الناس هتختلف لما يلاقوها فعلا محتاجة الشغل دا؟

[SoSo R]

مساء الخير:

مش عارفة ليه أنا مش مقتنعة بموضوع إن فى شغلانات للستات و شغلانات للرجالة!!

صحيح إن المجتمع بيفرض ساعات الموضوع دة علينا...و نظرة الناس و الكلام دة

لكن لو المجتمع صحى...يبقى المفروض إن ما فيش حاجة تمنع

موضوع القدرات البدنية و الذهنية دة كلام للأستهلاك المحلى...فض مجالس يعنى

يعنى البنات لما بيدخلوا كليات عملية...ما بيقولوش السكشن دة للولاد عشان قدرة تحملهم أكبر و هنعفى منه البنات !!

و أنا كان ليا صاحبتى فى كلية طب بيطرى كانت بتحكيلى عن العملى بتاعهم...حاجة شبه مستحيلة

ما بيجيش بأه الدكتور ولا المعيد...يقول معلهش إركنى على جنب أنتى عشان قدراتك البدنية يا عينى يا بنتى على قدك و صحتك مش مساعداكى

قبل كدة شفت برامج كتيرة عن إقتحام سيدات من الأحياء الشعبية للأعمال المهنية...بصراحة حاجة تشرف

رغم إن مستوى تعليمهم ضعيف...لكن تلاقى واحدة

بتشتغل فى سمكرة السيارات وواحدة كانت بتسوق تريلاوواحدة فى السباكة

طيب لو المجتمع وسع رؤيته شوية...مش ممكن نكسب ناس أكتر فى مجالات أكتر؟!

ما يبقاش نظرتنا إن الست مكانها تقعد على مكتب تشرب فى شاى و قهوة و بلاش البهدلة...

أما بالنسبة لموضوع قعدتها فى البيت و تربيتها للأولاد...حاجة ما تنقصش منها بس لو هى مقتنعة بكدة...مش حاسة إنها إتركنت على الرف خلاص وهتصدى من الركنة

أفتكر لقاء عملته أوبرا مع زوجة أرنولد شواردزينجر بعد توليه منصب حاكم نيويورك بتسألها برنامجك إيه فى الفترة الجاية...

قالت لها السؤال دة إتسألته فى الطيارة و أنا جاية...وقلت لها أنا مجرد ربة منزل أرعى أولادى...و بعدين لقيت أنا ليه بقول مجرد؟؟!!

دى حاجة مهمة جدا و هى دى محور البرنامج بتاعى فى الفترة الجاية.

بصراحة...إجابة فى منتهى القوة..عجبتنى جدا

تحياتى

سوسورانى

[Alshiekh]

أقول كلمتين ورزقى على الله واعتقد انه قد سبق النقاش فى هذه الجزئية من قبل

لايوجد شيئ اسمه وظيفة تناسب المرأة ووظيفة تناسب الرجل ، لكن ممكن نقول وظيفة تتناسب مع البنية الجسمية لكل منهما.

هناك رجل لايستطيع حمل 20 كيلوجرام وهناك امرأة تستطيع جمل 100 كيلوجرام ( نطر كمان ).

طول عمر المرأة وهى تعمل فى الاعمال المختلفة وبالذات فى الريف ، فكم من أرملة قامت بتربية ابناؤها الصغار اعتمادا على مهنة الفلاحة وما استتبعها من مجهود شاق قبل الماكينات الحديثة ، وكم من امرأة قامت ( بعزق الزريبة ) وتحميل السباخ والذهاب الى الغيط واحضار تراب ناشف بدلا من السباخ كى تترب لمواشيها.

كم من أمرأة أستغلت فى " الفاعل " فى الصحراء لبناء قواعد الصواريخ استعدادا لحرب 1973 وكم من امرأة استشهدت فى سبيل الوطن وكن كلهن نساء فقيرات تسعين لتربية ابناؤهن او للمساعدة فى مصروف البيت.

أنا لازلت اتحدث عن مصر ، وليس امريكا او كندا.

لماذا ننسى النساء البسيطات فى الريف او فى المدينة اللائى يعملن فى التجارة الغير مستقرة واللائى ينتشرن فى الاسواق سواء اليومية او الاسواق الاسبوعية فيبدأن يومهن قبل الفجر ويعدن بعد العصر او حتى ليلا الى منازلهن.

اليست كل تلك الاعمال من الاعمال الشاقة التى تنوء بها اكتاف الرجال؟

لماذا ننسى هؤلاء وهن كثيرات فى مجتمع فقير مثل مصر ، وماذا عن البوابات والشغالات اللائى تركن قراهن سعيا وراء لقمة العيش والتى من اجلها يتحملن امذلة والاهانة والتحرش؟

وفى المدينة ، ماذا عن العاملات فى المصانع وهمن يمثلن نسبة كبيرة وكلهن يعملن اعمالا يدوية على الماكينات ولسن جالسات على مكاتب مكيفة ، وماذا عن الممرضات وعاملات النظافة باى جهة كانت ، اليست كل تلك الاعمال من الاعمال الشاقة؟

فى رأيى سائقة التريلا اكثر راحة من سيدة لم تكن محظوظة لتتعلم قيادة السيارات ولم تتح لها فرصة ان تكون سائقة تريلا فيرتفع بذلك دخلها وتعمل عملا اكثر راحة.

الخلاصة هى أن المرأة مثلها مثل الرجل تعمل فى كل المجالات منذ بدأ الخليقة وحتى الآن فهى فى كبد مثلها مثل الرجل ، كما قال الله سبحانه وتعالى ، والوظيفة الوحيدة المحجوزة لها هى الحمل والرضاعة ، ومادون ذلك فهى قادرة على عمله والقيام به بحرفية ومقدرة عالية عندما ترغب فى ذلك وعندما تتاح لها الفرصة.

[~Heba~]

استاذ محمد طبعا عندك حق المرأة المصرية من زمان تعمل فى فلاحة الأرض

لكن ده مش فى كل مناطق مصر و لا النشاط الزراعى كله انما احياناما يناسبه منه مثل الحصاد

احنا مثلا فى الصعيد الجوانى لاااااا تعمل المرأة فى زراعة الأرض و لا بتعزق و لا بتحصد

الا طبعا لوكانت مضطرة

انما غير كدة لأ

و انا عن نفسى عمرى ما رحت غيط

و مش عارفة صراحة لو قلت لابويا عايزة اروح الأرض حيقولى ايه :lol: بس الأكيد انه حيستغرب :blink:

المهم بعض انواع المحاصيل يعمل فى حصادها احيانا النساء و الاطفال لانها تحتاج لمهاره معينة فى القطف ودى معلومة قالتهالى واحدة من اسيوط كنتش اعرفها صراحه

لما قلتلها انا بشوف ستات بيشتغلوا فى الزرع عندكم قالتالى دى محاصيل معينة عايزة ايد خفيفة

انما ان الست تعزق دى عمرى ما شفتها وده عمل شاق جدا لايمكن يوجد رجل معيل للمرأة و يتركها تقوم به

تم تعديل 16 مايو 2009 بواسطة ~Heba~

[MZohairy]

شفت واحده تقول للقمر قوم وانا اقعد مطرحك سايقه الاوتوبيس الكبير اللي بعربيتين مربوطين في بعض

قلت سبحان الله لو دي جت اشتغلت في هيئة النقل العام بتاعتنا

كان اكيد الهيئه حتختلف و النقل حيختلف و العام حيختلف

[Alshiekh]

استاذ محمد طبعا عندك حق المرأة المصرية من زمان تعمل فى فلاحة الأرض

لكن ده مش فى كل مناطق مصر و لا النشاط الزراعى كله انما احياناما يناسبه منه مثل الحصاد

احنا مثلا فى الصعيد الجوانى لاااااا تعمل المرأة فى زراعة الأرض و لا بتعزق و لا بتحصد

الا طبعا لوكانت مضطرة

انما غير كدة لأ

و انا عن نفسى عمرى ما رحت غيط

و مش عارفة صراحة لو قلت لابويا عايزة اروح الأرض حيقولى ايه :lol: بس الأكيد انه حيستغرب :blink:

المهم بعض انواع المحاصيل يعمل فى حصادها احيانا النساء و الاطفال لانها تحتاج لمهاره معينة فى القطف ودى معلومة قالتهالى واحدة من اسيوط كنتش اعرفها صراحه

لما قلتلها انا بشوف ستات بيشتغلوا فى الزرع عندكم قالتالى دى محاصيل معينة عايزة ايد خفيفة

انما ان الست تعزق دى عمرى ما شفتها وده عمل شاق جدا لايمكن يوجد رجل معيل للمرأة و يتركها تقوم به

يبدو ياباشمهندسة انك لم تقرأى كلامى بكامله ، فقد قلت " فكم من أرملة قامت "

والحديث لم يكن عما يحدث فى وجه قبلى او بحرى ، بل عما يمكن للمرأة أن تفعله او على الادق الوظائف التى لاتناسب المرأة ، وماذكرته كان فقط للتدليل على ان المرأة يمكنها القيام بأى عمل لو رغبت فى ادائه.

[Alshiekh]

شفت واحده تقول للقمر قوم وانا اقعد مطرحك سايقه الاوتوبيس الكبير اللي بعربيتين مربوطين في بعض

قلت سبحان الله لو دي جت اشتغلت في هيئة النقل العام بتاعتنا

كان اكيد الهيئه حتختلف و النقل حيختلف و العام حيختلف

قصدك كانت هيئة النقل حاتقفل ابوابها من كثرة التحرش الذى سيحدث للسائقات وبدل مايطلع الحرامى يسرق محفظة ، حاتطلع عصابات تخطف السائقات :blink: :lol:

[~Heba~]

مساء الخير:

مش عارفة ليه أنا مش مقتنعة بموضوع إن فى شغلانات للستات و شغلانات للرجالة!!

صحيح إن المجتمع بيفرض ساعات الموضوع دة علينا...و نظرة الناس و الكلام دة

لكن لو المجتمع صحى...يبقى المفروض إن ما فيش حاجة تمنع

موضوع القدرات البدنية و الذهنية دة كلام للأستهلاك المحلى...فض مجالس يعنى

سوسورانى,اسم جميل وجديد عليا

اول مرة اتقاطع معاكى فى حوار

و ان شاء اختلافنا يكون بود

شوفى يا ستى تعرفى ربنا لما قال " بما فضل الله بعضهم على بعض"

لماذا لم يقل بما فضل الرجال على النساء

كدة صراحة...لانه لم يكن يعنى ان جنس الرجال عموما مفضل على جنس النساء و لكن قد امرأة مميزة عن كثير من الرجال كما تميزت السيدة عائشة بعلمها و دينها , وكما تميزت ولادة بنت المستكفى ببلاغتها و فصاحتها, وكما تميزت مارى كورى بتفوقها فى العلوم.....وكم من رجل لا يفقه شيئا لا فى الدين و لا الشعر و لا العلوم

لذا لو قسنا هذا الأمر على مسألة الصلاحية و المقدرة على عمل او وظيفة ما

بالفعل ربما توجد امرأة تصلح لعمل ما اكثر من كثير من الرجال

و العكس صحيح

طيب لماذا عند تحديد القوامة قال انها للرجال؟!

لان هذا هو الأغلب و الأعم ان يكون الرجال هم الأصلح لها

رأيى بإختصار انه فيه وظائف تصلح للمرأة لكن بشكل نادر و شاذ ولا يعنى صلاحيتها له انه كل النساء عموما يصلحن لهذا العمل و بشكل مطلق

تقدر تسمى الموضوع قدرات فردية

اوظروف كمثل الاضطرار...مش بيقولوا المضطر يركب الصعب

قبل كدة شفت برامج كتيرة عن إقتحام سيدات من الأحياء الشعبية للأعمال المهنية...بصراحة حاجة تشرف

الحقيقة انه مسألة تشرف او لا.... لا تهم كثيرا و لو كانت كذلك يبقى انا اتشرف بأن تختار المرأة ما يناسبها لانها تعتقد انها ستبدع فيه و ليس نكاية فى الرجال و لان بعضهم يرى انها لا تصلح له فترغب فى ان تثبت لهم العكس....لا افضل ان تلجأ حواء لمثل هذا الفكر

وتحياتى لك يا سوسورانى

ونفسى اعرف ماذا يعنى الاسم :blink:

تم تعديل 16 مايو 2009 بواسطة ~Heba~

[~Heba~]

يبدو ياباشمهندسة انك لم تقرأى كلامى بكامله ، فقد قلت " فكم من أرملة قامت "

والحديث لم يكن عما يحدث فى وجه قبلى او بحرى ، بل عما يمكن للمرأة أن تفعله او على الادق الوظائف التى لاتناسب المرأة ، وماذكرته كان فقط للتدليل على ان المرأة يمكنها القيام بأى عمل لو رغبت فى ادائه.

اذن احنا متفقين الا فى العبارة الأخيرة

انا ارى انه انها تعمل فى مثل هذه الوظيفة التى تخالف امكانيتها التى فطرت عليها لوكانت مضطرة

اما الرغبة.... فلما ترغب المرأة فى العمل المجهد المتعب الذى ربما يعيقها عن المهام الأخرى الهم كرعاية بيتها و أولادها....؟؟؟!!!!!!

تم تعديل 16 مايو 2009 بواسطة ~Heba~

[SoSo R]

مساءك ورد يا هبة:

سوسورانى,اسم جميل وجديد عليا

اول مرة اتقاطع معاكى فى حوار

شكرا يا فندم على الثناء على أسمى ...اللى مش هاقدر أقولك على معناه بس هينت بسيط كدة هو عبارة عن إينشيالز

تانى حاجة عجبنى تعبيرك بتاع تقاطع الحوار...بصراحة معبر جدا

أنا بقى قريت لك قبل كدة و بتعجبنى دماغك فى معظم المواضيع اللى ما أتقاطعتش معاكى فيها قبل كدة فى حوار

نيجى بأة لموضوعنا...

إحنا تقريبا مش مختلفين...تقدرى تقولى آرائنا مكملة لبعض

لكن النقطة الوحيدة اللى بتقوليها و أنا مش متفقة معاكى فيها هو أن السيدة تختار الأعمال الصعبة إذا كانت مضطرة فقط....هنا أختلف معكى

ليه لازم تكون مضطرة؟!!

وليه ما تجربش حتى لو عشان تثبت نفسها ...مش نكاية فى الرجل ولا حاجة

بس عشان تكتشف حاجة هى ما تعرفهاش فى روحها أو إمكانيات مدفونة

و بعدين أنتى ليه حاطة إرتباط شرطى بين شغلة صعبة و فيها بهدلة وبين تقعد فى البيت تربى عيالها

طيب ما هى الشغلة السهلة اللى ورا مكتب...مش هتبقى قاعدة فى البيت برضه؟!!

يعنى فى الحالتين العيال هيتربوا....ولا إيه رأيك؟؟

تحياتى

سوسورانى

[الباشمهندس ياسر]

'طلعنا زمل يا هندسه انا بشتغل في schlumberger متخصص في حاجه اسمها Directional Drilling و انته عارف بيئه الحفر عامله ازاي بيكون مطلوب مني احيانا اني اساعد البنت كطلب ودي من مديري يعني مش لازم بس الحقيقه انا مش باساعد اي بنت تتطلع معاي الحفاره لانها قبلت الشغل ده و عارفه انو مش سهل و بيئه متعبه و كمان بتاخد مرتب عالي جدا لسه international Staff و بيكون رد فعلهم غير طيبعي في المشاكل ( متهي الغباء) و مع اي موقف او مشكله تعيط و للاسف انا اشتغلت مع جنسيات كتير و كلهم متشابهين في حاجه

واجده العياط في المشاكل

انا مش ضد عمل المرأه بس تشتغل في مكان لائق و محترم يليق بطبيعتها و أنوثتها و في نفس الوقت تحافظ علي نفسها من اي مجتمع مش كويس

و يا جماعه زي الباشمندس ياسر ما قال شغل البنت علي الحفارات في البحر او الصحرا منتهي الاهانه للبنت

اه يا نجم

slb الله يعينك

ده مفيش اجازات الا بالقطارة

انا بقى ف mbpetroleum و بشتغل ف welltesting

و قبل كده كنت fabrication eng.انما ضغط كتيييييييير فغيرت الكاريير

اى خدمة,,, احنا تحت الطلب

[Falcon Crest]

'طلعنا زمل يا هندسه انا بشتغل في schlumberger متخصص في حاجه اسمها Directional Drilling و انته عارف بيئه الحفر عامله ازاي بيكون مطلوب مني احيانا اني اساعد البنت كطلب ودي من مديري يعني مش لازم بس الحقيقه انا مش باساعد اي بنت تتطلع معاي الحفاره لانها قبلت الشغل ده و عارفه انو مش سهل و بيئه متعبه و كمان بتاخد مرتب عالي جدا لسه international Staff و بيكون رد فعلهم غير طيبعي في المشاكل ( متهي الغباء) و مع اي موقف او مشكله تعيط و للاسف انا اشتغلت مع جنسيات كتير و كلهم متشابهين في حاجه

واجده العياط في المشاكل

انا مش ضد عمل المرأه بس تشتغل في مكان لائق و محترم يليق بطبيعتها و أنوثتها و في نفس الوقت تحافظ علي نفسها من اي مجتمع مش كويس

و يا جماعه زي الباشمندس ياسر ما قال شغل البنت علي الحفارات في البحر او الصحرا منتهي الاهانه للبنت

اه يا نجم

slb الله يعينك

ده مفيش اجازات الا بالقطارة

انا بقى ف mbpetroleum و بشتغل ف welltesting

و قبل كده كنت fabrication eng.انما ضغط كتيييييييير فغيرت الكاريير

اى خدمة,,, احنا تحت الطلب

لا يا هندسه انا مظبتهم 2:1

بس الحمد لله علي كل شئ