الى كل مدخن..ازمات القلب قادمه لامحاله

[Egypt]

انا طبيب وعمرى 37 سنه ومدخن

بدات التدخين من سنة الامتياز يعنى من 11 سنه

التدخين كان شئ اساسى

وكنت غير مقتنع بتحذيرات القلب والسرطان وكنت اعتبر ذلك كلام لامحل له من الاعراب

لان كتير عندهم سرطان مش بيدخنوا وكثير من المدخنين ماعندهمشى سرطان

كنت لا افكر ابدا فى انى اتوقف عن التدخين

المهم من اسبوعين حسيت بكتمة بسيطة

زميلى اخصائى الباطنه اخدنى وعملى رسم قلب

الكارثه طلع عندى نقص فى الدم الواصل لعضلة القلب (cardiac ischemia)

مع انى لسه صغير فى السن و37 سنه ليست السن المتعارف عليه ان يحدث فيه امراض القلب

المهم تم منعى عن التدخين

وبصراحه قلت ابطل لمدة 5 ايام حتى اخرج من المستشفى وبعد كده ارجع لحياتى الطبيعيه وارجع للتدخين

المهم خرجت من المستشفى بسلامة الله ولكن لاقيت نفسى مش محتاج للتدخين

ولاول مره احس ان طعم فمى حلو

الى كل مدخن ادق ناقوس الخطر

الحق نفسك الان

ماتقولشى انك لسه صغير

ارجوك توقف الان

[~Heba~]

الى كل مدخن ادق ناقوس الخطر

الحق نفسك الان

ماتقولشى انك لسه صغير

ارجوك توقف الان

بادرةطيبة منك يا دكتور ان تطلق هذا التحذير و عن تجربة شخصية

و لسة كنت بقول لزميلنا زوهيرى انهارده و بحاول اقنعه يفكر فى الاقلاع عن التدخين و افتكرت استاذى الرياضيات ايام الثانوى كان فظيع جدا مبيبطلش دخان فى الحصة فى المدرسة فى الدرس الخصوصى

قلتله مرة مش خايف ليجيلك مرض من كتر الدخان ده

قاللى لسة بدرى لما اكبر و اعجز وكدة كدة لما الواحد بيعجز صحته بتضعف سواء دخن او مدخنش

حاولت اقنعه ان التدخين بيعجل بالأمراض مقدرتش

قلتله طيب ولادك!!!

و هو ما شاء الله عنده 6 اولاد

المهم انه بعدها بسنتين عرفت انه توقف عن التدخين

واكيد كان بتحذير طبى

تقريبا كل اللى اعرفهم توقفوا عن التديخن لم يكن ذلك إلا بتحذير شديد من الطبيب

غير كدة لا نصائح و لا اى حاجة بتأثر فيهم

مرة تانية شكرا لك يا دكتور

و اتمنى ان زوهيرى يشوف موضوعك ده

تم تعديل 16 مايو 2009 بواسطة ~Heba~

[MZohairy]

شوفتي بقى يا هبه؟؟؟؟

اهو قال الى كل مدخن

مقالش الى كل مشيش :blink:

[السويفي]

السلام عليكم:

اولا حمدا لله على سلامتك .....ومبروك على ترك التدخين

لا اريد ان اكون متشائما ولكن دعوتك لن تجد اذانا صاغيه

لانك مثال بسيط على هذا .......

انت طبيب تجاهلت كل ما تعرفه عن اضرار التدخين ظنا منك انها لن تصيبك

وعندما علمت بمرضك وتوقفت قليلا كنت تهئ نفسك للاستمرار بعد فتره لولا فضل الله عليك انه كرهك فيها

ادعو الله ان يتوقف الجميع عن التدخين بدون ان تصيبهم امراض

تم تعديل 16 مايو 2009 بواسطة السويفي

[MZohairy]

آمين يا رب العالمين

[Egypt]

والله الموضوع مش هزار

ارجوكم الحقوا انفسكم

احساس سئ انك تحس ان نومتك فى المستشفى كان بايدك انت (اينعم كله بامر الله بسى انا كنت السبب)

يعنى مش عدوى ولا واحد بيكرهنى هو اللى دخلنى المستشفى

كان لما واحد زميلى او زوجتى يقوله بطل كنت بارد عن جهل وعنجهيه بالجمله الخايبه اللى انا مش عارف جبتها منين (التدخين عايز صحة ومال وهم ...والتلاته عندى)

ارجوكم توقفوا الان

واللى مش هيبطل هيفنكرنى وهو نايم فى المستشفى