لقاءات دورية لأعضاء محاورات المصريين

[Amr Radwan]

مش بقولكم يا ريتني كنت معاهم

انا فعلا مجرب تجمع مصريين من محاورات المصريين بجد بيكون له طعم تاني و خاصة ان كلنا عارفين بعض من غير من نشوف بعض .. عارفين بعض من خلال الحوارات و المواضيع و انا متاكد اننا كمان نقدر نكون معرفة كاملة عن شخصية كل واحد كماااان

عموما .. فعلا انا سعيد بالتجمع ده و خاصة انه فيه ولعتين wst:: عشان بموووووت فيه و اول مره اعرف انه فتح فرع في المنصورة

[ذهبية]

اولا دة تحيز جامد جدا للسيدات يا حضرات و المفروض بصراحة جمعيات حقوق المراة تتدخل فى هذا

يعنى اية يتم الاجتماع للرجال فقط

اولا انا من المنصورة و كان هيكون ليا الشرف انى احضر هذا الاجتماع النادر الحدوث

و كنت بافكر انى احضرة فى القاهرة اوم لما يكون عندى و جنبى فى المنصورة تقتصروة على الرجال و بدون ان تعلنوا عن مكان الاجتماع

دة بقى اجتماع رجالى و ممنوع دخول السيدات

مفيش اى سيدة او بنت هتحضر اجتماع دة الا لو جاء زوجها او اخوها معاها مووضوع الاولاد دة اعتقد انة مكنش هيحصل اساسا

و انتم لية تقرروا ان السيدات مش مهم يحضروا بحجة الاولاد بدون اخذ اراء الاخرين دة تسلط رجالى شديد

[Nassarlink]

اولا دة تحيز جامد جدا للسيدات يا حضرات و المفروض بصراحة جمعيات حقوق المراة تتدخل فى هذا

ابدا ابدا مفيش اي تحيز ا اخت ذهبيه

ولو حتي حضرتك كنتي حضرتي بدون اخوك او زوجك

انت كنتي هتبقي في وسط اخوانك

ده غير ان المجموعه كلها مهاجرين الي كندا ان شاء الله

يعني افكارهم تجاه المرأه اكثر ايمانا بحقوق المرأه

كل ما في الامر انا معرفش انك من المنصوره

ده غير اننا لما حددنا مكان الاجتماع كان بالتليفونات بيننا وبين بعضنا

حقيقي انا شخصيا آسف اني منسقتش للاجتماع بشكل افضل من كده

لكن اوعدك ان اجتماعنا القادم هيكون اشمل واوسع واكثر ترتيبا

اجتماعنا الاول في المنصوره من 4 شهور كنا 5 اعضاء

واجتماعنا التاني اصبح 11 عضو

اتمني اني اكون وضحت الصوره شويه وانك متكونيش زعلانه مننا

اخوكِ الكبير

نصّار

[عنبو]

Nassarlink مشاركة بتاريخ اليوم, 10:20 AM

إقتباس(ذهبية @ Oct 11 2009, 08:33 AM)

اولا دة تحيز جامد جدا للسيدات يا حضرات و المفروض بصراحة جمعيات حقوق المراة تتدخل فى هذا

ابدا ابدا مفيش اي تحيز ا اخت ذهبيه

ولو حتي حضرتك كنتي حضرتي بدون اخوك او زوجك

انت كنتي هتبقي في وسط اخوانك

ده غير ان المجموعه كلها مهاجرين الي كندا ان شاء الله

يعني افكارهم تجاه المرأه اكثر ايمانا بحقوق المرأه

كل ما في الامر انا معرفش انك من المنصوره

ده غير اننا لما حددنا مكان الاجتماع كان بالتليفونات بيننا وبين بعضنا

حقيقي انا شخصيا آسف اني منسقتش للاجتماع بشكل افضل من كده

لكن اوعدك ان اجتماعنا القادم هيكون اشمل واوسع واكثر ترتيبا

اجتماعنا الاول في المنصوره من 4 شهور كنا 5 اعضاء

واجتماعنا التاني اصبح 11 عضو

اتمني اني اكون وضحت الصوره شويه وانك متكونيش زعلانه مننا

اخوكِ الكبير

نصّار

كله تمام الا الكلام اللى بالاحمر

وسلام

[Nassarlink]

اعني من الجملتين دول انهم اتخذوا خطوات عمليه تجاه البحث عن حقوق الانسان عموما وحقوق المرأه خصوصا

يعني في مقابلات كيبيك واحد اترفض علشان قال ان في كندا مساواه

ردت عليه المستشاره ان المساواه بين الرجل والمرأه موجوده في مصر ايضا

وصقط في المقابله

لانه نسي ان يقولها ان البنك الاهلي المصري لا يعين ايناث من سنين طويله رغم المساواه في مصر

ارجو ان اكون وضحت قصدي

واشكرك علي متابعتك

نصار

تم تعديل 11 أكتوبر 2009 بواسطة Nassarlink

[Scorpion]

يعني انتم رتبتم و ضيعتوا وقتكم و صرفتوا فلوس و اتجمعتم في لقاء محاوراتي علشان تتناقشوا في امر الهجرة لكيبيك ؟؟؟

يعني مجموعة من كريمة الأعضاء خلقآ و تفكيرآ .. مثال للشباب المصري اللي الواحد بيفخر بيه .. كل همها هو الهجرة هما كمان ... بس !! ..

يا خسارة

من غير زعل يا شباب .. ربنا يعرف قد ايه انا بحبكم و بحترمكم .. و عارف اني ضربت كرسي في الكلوب بس كان نفسي حقيقي ان مقابلتكم يكون فيها مواضيع تانية غير الهجرة ..

[Nassarlink]

كان نفسي حقيقي ان مقابلتكم يكون فيها مواضيع تانية غير الهجرة ..

يا كبير مناقشه موضوع الهجره ده كان هدف واحد من اهداف اللقاء

ولانه موضوع الساعه بالنسبه للمجموعه اللي اتقابلت بسبب قرب موعد مقابلات كيبيك

ولكن الهدف الاساسي هو التعارف لان معظمنا مقابلناش بعض قبل كده

وطبعا الفضل للمحاورات إللي عرفتنا ببعض bv:-

[حسام يوسف]

الحقيقة مهما وصفت اليوم كان جميل قد ايه مش هقدر

حقيقي ناس محترمة

وجو تعاوني جدا

وخفة ظل لا مثيل لها

المشكلة انى باستثناء نصار وحمودي الللى اتشرفت بمقابلتهم قبل كدة

معرفتش أتوقع شكل أى حد من الزملاء

واكتشفت ان حتى توقعاتى ماكانتش فى مكانها خالص

حقيقي ناس جميلة

ورجالة تفرح

اتفنا من البداية فى الاجتماع على عدم ادراج موضوعات خلافية مثل حكم عبد الناصر

ورغم بعض المناوشات من عمر عبد العزيز الذي بادره ابن سينا بالرد الموضوعي

ومحاولات حمودي كالعادة النيل من عبد الناصر الا أن العبد لله تكفل بالرد بشكل حضارى جدا بالتهديد برقبة ازازة حاجة ساقعة :blink:

الا أن الجو العام كان أكثر من رائع

وأمتعنا مسيوعبد الحليم بقصصه فى سوريا

وانقاذه لعمر عبد العزيز فى مطار دمشق ولا زال مصرا على أقواله أن معه 650دولار مش :lol: 600

واتفقنا وتحاورنا فى بعض جوانب الحياة ومخاطر الهجرة

وأطلقها ابن سينا بشكل رصين ردا على من يشككون فى احلامنا فى حياة أفضل

أنه يشفق على من ليس لديه الا كل ما يحبط الاخرين

وطمأن الغالبية ممن حضروا الاجتماع بسهولة المقابلة للى لسة مادخلوهاش

يعنى العبد لله ومستر استروفي

كانت هذة بعض نقاط وردت في لقاء الخميس 8أكتوبر

وحقيقي

شكرا نصار

شكرا حمودي أبو ايد مهزوزة :sad:

[Scorpion]

كان نفسي حقيقي ان مقابلتكم يكون فيها مواضيع تانية غير الهجرة ..

مناقشه موضوع الهجره ده كان هدف واحد من اهداف اللقاء

ولانه موضوع الساعه بالنسبه للمجموعه اللي اتقابلت بسبب قرب موعد مقابلات كيبيك

ولكن الهدف الاساسي هو التعارف لان معظمنا مقابلناش بعض قبل كده

وطبعا الفضل للمحاورات إللي عرفتنا ببعض -_-

طب مش كنتم تقولوا .. بس عمالين تقولوا كيبيك و الكاباكوا .. و كل حلفاؤك خانوك يا ريتشارد .. لحد ما الواحد افتكر انكم ناويين تفتحوا فرع لسفارة كندا في المنصورة توفيرآ لنفقات التنقل ...

يبقي خلاص تنزل المرة دي .. و حقكم عليا في الكلوب اللي اتكسر ... مشوا حالكم بلمبة جاز مؤقتآ لحد ما ابعت اشتري واحد جديد ...

:)

[jessika]

اية دة اول مرة اقرا الموضوع دة واووووووووووووو يا بختكم

طيب اسمحولى اجاوب بقى بموت فى المسابقات والتخمين

اولا اللى بيصور حمــــــــــــــــــودى

ثانيا مسيو نصار اللى فى النص بقميص نص كم وشعرة يا عينى ابيض يعنى هانى شاكر بس اتغير شوية

ثالثا دكتور حسام اللى مليان شوية واقرع

رابعا عبد الحليم اللى شايل مارلبورو حمرا

اى خدمة عرفونا بالباقى بقى

[LA VIE]

السلام عليكم اد ايه يا جماعه اليوم كان جميل جدا جدا واد ايه الواحد كان فرحان انه اتعرف بالشخصيات المحترمه دى وكان فعلا الواحد نفسه اليوم مينتهيش الاعده متخلص مش عارف انا جالى احسسا انى اعرف الناس دى من زمان واد ايه الوقت كان جميل وبيعدى بسرعه وعلى العموم اتمنى ان المقبلات دى تتعاد تانى وان شاء الله ده هيكون بعد استروفى وحسام وويسلى لما يرجوا بى CSQ ان شاء الله والتوفيق للجميع سلامى على كل اللى فى المنتدى

[حسام يوسف]

اية دة اول مرة اقرا الموضوع دة واووووووووووووو يا بختكم

طيب اسمحولى اجاوب بقى بموت فى المسابقات والتخمين

اولا اللى بيصور حمــــــــــــــــــودى

ثانيا مسيو نصار اللى فى النص بقميص نص كم وشعرة يا عينى ابيض يعنى هانى شاكر بس اتغير شوية

ثالثا دكتور حسام اللى مليان شوية واقرع

رابعا عبد الحليم اللى شايل مارلبورو حمرا

اى خدمة عرفونا بالباقى بقى

(مليان وأقرع)؟

هية بقت كدة؟ :) -_-

[jessika]

لالالا اوعى تزعل يا دكتورنا بس بحاول اوصف شكلى بكحلها عمتها انا قصدى اقول دكتور حسام الطويل اطول واحد فيهم ولية هيبة

هههههههههههههههههههه

انت بقى يا لافى مين فيهم؟ ابو نضارة اللى جنب عبد الحليم؟

[Nassarlink]

اولا اللى بيصور حمــــــــــــــــــودى

هسيب الاجابه لحمودي لانه هو ادري ان كان بيصور او متصور

ثانيا مسيو نصار اللى فى النص بقميص نص كم وشعرة يا عينى ابيض يعنى هانى شاكر بس اتغير شوية

الشعر الابيض ده حركات للتمويه

متصدقيش الصوره

وهتعرفي كده لما نتقابل في كيبيك ان شاء الله

ثالثا دكتور حسام اللى مليان شوية واقرع

آخر حاجه كنت اتوقعها منك

انك تقولي عن الدكتور حسام كده

احنا بنهدي النفوس

كان المفرروض تقولي الراجل القييم الرزين

اللي لونه لون مصر

وملامحه ملامح مصر

ولو سمعتي صوته هتعرفي انه صوت مصر

حبه للناس قد حبه لمصر

نظرة عينيه كلها عشق لمصر

حركه ايديه اكنه شايل سلاح بيدافع بيه عن مصر

لو اتكلم يقول غزل في مصر

ولو سكت يبقي بيسمع صوت مصر

رابعا عبد الحليم اللى شايل مارلبورو حمرا

طبعا

سهله دي

لانه دايما بيسأل عن الكشف الطبي بالنسبه للمدخنين :)

اى خدمة عرفونا بالباقى بقى

يوم الخميس هنعلن عن الباقي

تحياتي

نصّار

[Nassarlink]

السلام عليكم اد ايه يا جماعه اليوم كان جميل جدا جدا واد ايه الواحد كان فرحان انه اتعرف بالشخصيات المحترمه دى وكان فعلا الواحد نفسه اليوم مينتهيش الاعده متخلص مش عارف انا جالى احسسا انى اعرف الناس دى من زمان واد ايه الوقت كان جميل وبيعدى بسرعه وعلى العموم اتمنى ان المقبلات دى تتعاد تانى وان شاء الله ده هيكون بعد استروفى وحسام وويسلى لما يرجوا بى CSQ ان شاء الله والتوفيق للجميع سلامى على كل اللى فى المنتدى

كان جميل بوجودك ياحبيب قلبي

[Nassarlink]

طب مش كنتم تقولوا .. بس عمالين تقولوا كيبيك و الكاباكوا .. و كل حلفاؤك خانوك يا ريتشارد .. لحد ما الواحد افتكر انكم ناويين تفتحوا فرع لسفارة كندا في المنصورة توفيرآ لنفقات التنقل ...

يبقي خلاص تنزل المرة دي .. و حقكم عليا في الكلوب اللي اتكسر ... مشوا حالكم بلمبة جاز مؤقتآ لحد ما ابعت اشتري واحد جديد ...

:)

عِشت لينا يا كبير

-_- تكسر وتشتري براحتك

واللبه الجاز من عندي هديه

منتظرين اللبه الفسفوريه

[jessika]

انت يا استاذ نصار بتجيب كل القفشات دى منين دة انا بجد فطست ضحك

تعيش وتضحكنا يا زعيم ....زعيم زعيم يعنى ولا عادل امام فى مسرحية الزعيم يا راجل

وبعدين مش هاتبطل تهدى نفوس انا قلت ان الراجل لية هيبة يعنى

دة بجد اطيب واحد هنا فى المنتدى هو دكتور حسام انت هاتقلى على اهل اسوان اسالنى انا انا قعدت 3 شهور باسوان ناس بجد محصلتش

اى خدمة يا دكتورنا ظبطتك اهو

منتظرين النتيجة يا زعيم

[jessika]

خد تخمين تانى اهو............اعتقد السيد منير اللى بشميز بنى بكم اللى جنب استاذ نصار

بس الغريبة فى شاب صغير قووووووووووى بقميص اسود واقف ورا وطويل دة كان جاى مع حد؟ اعتقد دة زيادة فى العدد وكمان صغير سنانا جدا ولا اية؟

ربنا يستر ومكنش بعك زى ما عملت مع دكتور حسا م ههههههههههههه

[عنبو]

كله عرف الدكتور حسااااام انا اول لما شفت الصوره قولت اكيد ده الدكتور حسام الراجل الكباااااااااااااااره الرزين طبعاً اساساً الدكتور حسام كان اتكلم قبل كده عن شكله فكان سهل التخمين

وبرده عرفت الاستاذ نصار من صورته الرمزيه كبرته شويه قولت اكيد ده

اما الباقى فمعرفتش اجيب ولا واحد فيهم

يلاااااااا بقى انزلوا بالحل ؟؟

[غريق]

كله عرف الدكتور حسااااام انا اول لما شفت الصوره قولت اكيد ده الدكتور حسام الراجل الكباااااااااااااااره الرزين طبعاً اساساً الدكتور حسام كان اتكلم قبل كده عن شكله فكان سهل التخمين

وبرده عرفت الاستاذ نصار من صورته الرمزيه كبرته شويه قولت اكيد ده

اما الباقى فمعرفتش اجيب ولا واحد فيهم

يلاااااااا بقى انزلوا بالحل ؟؟

انا اعتقد ان عبد الحليم اللي في ايده السجاير المارلبورو

و عمر عزيز الي علي شمال عبد الحليم

بس كده الباقي مش هعرف

تم تعديل 13 أكتوبر 2009 بواسطة غريق