لقاءات دورية لأعضاء محاورات المصريين

[bent misr]

الاجابه علي مسابقة الصور

والله يا جماعه أنا سعيده جدا اننا اتعرفنا عليكم

كلكم ناس محترمه و مشرفين

بس بصراحه أنا معرفتش أخمن و لا واحد

الوحيد والله الي خمنته كان الاستاذ نصار

و طلع صح :D بس كنت متردده اني أقول

عقبال يا رب لما نتجمع في كندا الحبيبه على خير

ان شاء الله

[HDarwish]

سعيده بتعقيبك استاذ نصار00"انا كمان متبعاك من خرم الباب ومش قادره اتكلم "

والبركه فيكم يا كباكوا00خليتونا نغير من تجمعكم الجميل ده ربنا يجمعنا على المحبه دايما

المهم يا استاذ حسن حد فى الكويت ما يعرفش فين الجزيره الخضراء ؟؟؟ ما تقوله يا استاذ تامر000لحسن النضاره مش معايا ومش قادره اوصف له

بس احنا نجمع نفسنا ونجمع الاراء حول المكان والزمان وبعدين نكتب الوصف التفصيلى له بس نستقر الاول

ومعانا حتى الان الساده الافاضل :

الاستاذ تامر

الاستاذ حسن

سمبا" بالاكراه"

الحاج" فوزى أكيييييد"

" بوسى -ام مروان -ام نور -طبيبه مغتربه -" العنصر النسائ يا جماعه اين انتن :D "

اخوانى المحاورين بالكويت وينكم عساكم عالجوه 00نبى نسلف وهى حزه السوالف

والله يا قلب أبيض أنا ياما لفيت على الخليج من أول منطقة الزور لبعد الأبراج إني أتكعبل في الجزيرة المخضرة دي .. أبداً ..

دخلت على ويكيمابيا (زي جوجل إيرث كده) ولقيتها وحددت مكانها لكن برضه ما عرفتش أوصل لها ..

عموما بس إتوكلوا على الله وإن شاء الله أقدر آجي .. مش متفائل ..

[HDarwish]

حضرتك انا هنا

بس مش عارف بصراحة انتم بتسولفوا هنا ولا هناك في موضوع المغتربين المصريين في الكويت غير اصلا انا تعليقاتي هناك محدش بيبص عليها اصلا

كأنها لابسة طاقية الأخفا

وبصراحة المرتين اللي رديت فيهم في الموضوع محدش عقب علي كلامي خفت ان حد يكون واخد انطباع سئ عني :D

مع اني والله مبسوط كتير ان فيه مصريين بالكويت بيتكلموا في مواضيع مختلفة وبيردوا علي بعض

بس خلاص انا هروح اجيب واسطة كبيرة علشان تاخدوا بالكم من كلامي بعد كده

إزاي بس يا حسام ...

أنا لسه معقب على كلامك من شويه .. إنت بس اللي مداخلاتك قليلة شوية (مرتين) .. ما لحقناش ناخد لا انطباع سئ ولا انطباع جيد ..

بتهددنا ياسيدي بالواسطة ؟! .. مش حياكل معانا الكلام ده ..

وبعدين ده أنا شايلك للتقيل ..

على ما أظن إنت في الرقعي علشان كده بترشح (حدائق الرقعي للتجمع) وكمان علشان انت شغال في الصحة يبئا أكيد في الرقعي .. وبالتالي عايزك تقولنا أخبار الإيجارات عندك إيه لإني بدور عندك على شقة تكون صغيرة وإيجارها يكون أصغر .. وكمان ده غير إنك شغال في الطب النفسي يبئا أكيد محتاجك جدا .. أصلا أخوك نفسيا مش متظبط خالص وعايزلي كونسلتوا من الدكاترة النفسيين وكل واحد يمسك حته يشتغل عليها شوية .. ده غير حاجات تانية بس لما نتقابل واحكيلك .. (قول بئا عليه مصلحجي) .. إنت اللي جبته لنفسك ..

[حسام يوسف]

اولا اللى بيصور حمــــــــــــــــــودى

هسيب الاجابه لحمودي لانه هو ادري ان كان بيصور او متصور

ثانيا مسيو نصار اللى فى النص بقميص نص كم وشعرة يا عينى ابيض يعنى هانى شاكر بس اتغير شوية

الشعر الابيض ده حركات للتمويه

متصدقيش الصوره

وهتعرفي كده لما نتقابل في كيبيك ان شاء الله

ثالثا دكتور حسام اللى مليان شوية واقرع

آخر حاجه كنت اتوقعها منك

انك تقولي عن الدكتور حسام كده

احنا بنهدي النفوس

كان المفرروض تقولي الراجل القييم الرزين

اللي لونه لون مصر

وملامحه ملامح مصر

ولو سمعتي صوته هتعرفي انه صوت مصر

حبه للناس قد حبه لمصر

نظرة عينيه كلها عشق لمصر

حركه ايديه اكنه شايل سلاح بيدافع بيه عن مصر

لو اتكلم يقول غزل في مصر

ولو سكت يبقي بيسمع صوت مصر

رابعا عبد الحليم اللى شايل مارلبورو حمرا

طبعا

سهله دي

لانه دايما بيسأل عن الكشف الطبي بالنسبه للمدخنين :lol:

اى خدمة عرفونا بالباقى بقى

يوم الخميس هنعلن عن الباقي

تحياتي

نصّار

نصار

أنا قلقت wst::

انا حسام يوسف يا عمنا

مش حسام بدراوي :lol:

حد قالك انى داخل انتخابات قريب؟ :lol:

مصر بتشكرك يابوحة

مصر بتقدر اللى بتعمله عشانها

شوية وهسمع السلام الوطنى فى ودانى

(وش محمد سعد فى فيلم بوحة :lol:)

تم تعديل 17 أكتوبر 2009 بواسطة حسام يوسف

[Nassarlink]

نصار

أنا قلقت wst::

انا حسام يوسف يا عمنا

مش حسام بدراوي :lol:

حد قالك انى داخل انتخابات قريب؟ :lol:

مصر بتشكرك يابوحة

مصر بتقدر اللى بتعمله عشانها

شوية وهسمع السلام الوطنى فى ودانى

(وش محمد سعد فى فيلم بوحة :lol: )

مفيش فرق كبير يا د حسام بينك وبين حسام بدراوي

هو عضو مجلس شوري وانت عضو في المحاورات

هوأستاذ في طب النساء وانت استاذ الاساتذه في علم النساء

هوعضو مجلس أمناء مكتبة الاسكندرية وانت امين الأمناء علي اسرار المحاوراتيه

هورئيس لجنة التعليم بالحزب الوطني وانت رئيس لجنة التعليم علي الحزب الوطني

ده غير حاجات تانيه كتير لا يتسع المقام لذكرها :lol:

[Nassarlink]

الوحيد والله الي خمنته كان الاستاذ نصار

و طلع صح :lol: بس كنت متردده اني أقول :lol:

قولي الصراحه

كنت متردده تقولي

ولا أُحرجتي تقولي الراجل الكبير ابو شعر ابيض :lol:

[Simba]

على ما أظن إنت في الرقعي علشان كده بترشح (حدائق الرقعي للتجمع) وكمان علشان انت شغال في الصحة يبئا أكيد في الرقعي .. وبالتالي عايزك تقولنا أخبار الإيجارات عندك إيه لإني بدور عندك على شقة تكون صغيرة وإيجارها يكون أصغر .. وكمان ده غير إنك شغال في الطب النفسي يبئا أكيد محتاجك جدا .. أصلا أخوك نفسيا مش متظبط خالص وعايزلي كونسلتوا من الدكاترة النفسيين وكل واحد يمسك حته يشتغل عليها شوية .. ده غير حاجات تانية بس لما نتقابل واحكيلك .. (قول بئا عليه مصلحجي) .. إنت اللي جبته لنفسك

من غير ما تظن انا قولت اني ساكن في الرقعي ومش برشح حدائق لانها حديقة واحدة بس هناك لكنها مكان محبب لي جدا مش علشان قربها من المكان لكن انا بحبها وبحب جوها وبعدين ابعد مكان في الكويت يعني حتي لو علي الحدود نص ساعة وخلاص وتبقي هناك

بالنسبة لايجارات الرقعي هي بصراحة مرتفعة جدا بالنسبة لأن كل اللي شغالين في وزراة الصحة تقريبا ساكنين هناك وهي اقرب منطقة لمستشفيات منطفة الصباح

فالشقة اوضة وصالة صغيرة 175 دينار اوضتين وصالة 250 اوضتين وصالة مع غرفة خادمة 300 دينار 3 اوض وصالة 350 دينار

و350 دينار ده اعلي سعر ايجار في الرقعي

[dawn walker]

صورة حلوة

بس ابن سينا وحسام خلاف ما توقعت

استاذ نصار انت شكل لاعب تونسى مشهور تعرف مين هو ؟

[Nassarlink]

صورة حلوة

بس ابن سينا وحسام خلاف ما توقعت

استاذ نصار انت شكل لاعب تونسى مشهور تعرف مين هو ؟

ياتري مين ؟؟؟ B)

[dawn walker]

الزوبير بية

[Ebn Sina]

صورة حلوة

بس ابن سينا وحسام خلاف ما توقعت

استاذ نصار انت شكل لاعب تونسى مشهور تعرف مين هو ؟

طب ما قولتلناش برضه كنت متوقع إن يكون شكلى إيه أنا وحسام؟

إوعى تقول شكل لاعب جزائرى ؟ B)

[Nassarlink]

الزوبير بية

تقريبا

بس اعتقد ان وجه الشبه في الانف B)

[dawn walker]

ولو ان اصحاب الكتابات الرشيقة بيكونوا بدناء الا انك يا بن سينا خالفت القاعدة (التى اؤمن بها على الاقل )

ومعاكم واحد شكل ابراهيم الكردانى بردك

http://img45./img45/3339/img00450vs.jpg

[حسام يوسف]

ولو ان اصحاب الكتابات الرشيقة بيكونوا بدناء الا انك يا بن سينا خالفت القاعدة (التى اؤمن بها على الاقل )

ومعاكم واحد شكل ابراهيم الكردانى بردك

http://img45./img45/3339/img00450vs.jpg

حلوة أوى شبه ابراهيم الكرداني دي B)

وصيه عليه يا عم ووكر

لأحسن الراجل ده ضاغط عليه فى الكورس الفرنسي :hearts:

[حسام يوسف]

نصار

أنا قلقت wst::

انا حسام يوسف يا عمنا

مش حسام بدراوي :Exclam:

حد قالك انى داخل انتخابات قريب؟ :ph34r:

مصر بتشكرك يابوحة

مصر بتقدر اللى بتعمله عشانها

شوية وهسمع السلام الوطنى فى ودانى

(وش محمد سعد فى فيلم بوحة :lol: )

مفيش فرق كبير يا د حسام بينك وبين حسام بدراوي

هو عضو مجلس شوري وانت عضو في المحاورات

هوأستاذ في طب النساء وانت استاذ الاساتذه في علم النساء

هوعضو مجلس أمناء مكتبة الاسكندرية وانت امين الأمناء علي اسرار المحاوراتيه

هورئيس لجنة التعليم بالحزب الوطني وانت رئيس لجنة التعليم علي الحزب الوطني

ده غير حاجات تانيه كتير لا يتسع المقام لذكرها :lol:

علم النساء؟ B)

وبعلم على الحزب الوطنى؟ :hearts:

يانهار أثود :wub:

ايه يا حاج نصار بس البعتان بتاع بلاده ده

أنا عملتلك حاجة؟

ومن هذا المزنق بحب أؤكد عدم صحة معلومة النساء والحزب الوطنى دي خالص مالص بالص

وأنه لا علاقة لي تماما لا بالنساء ولا بالحزب الوطنى الديموقراطي

منك لله يانصار

انت هتوديني فى داهية برة وجوة :sad:

[Nassarlink]

علم النساء؟ :lol:

وكمان بتغير اقوالك wst::

نسيت موضوع عصر الديناصورات

[قلب ابيض]

تصريح[وسط][/وسط]

فشلت رابطه محاورى الكويت فى عقد الاجتماع الذى كان مقرر له الانعقاد الجمعه 23 -10

وبناءا عليه قررت انا قلب ابيض ان اتنحى 00000"وش جمال عبد الناصر "

عن عقد او الاشتراك او حتى الاشاره الى اجتماع اخر :lol:

والله على ما اقول شهيد

تم تعديل 21 أكتوبر 2009 بواسطة قلب ابيض

[Nassarlink]

تصريح

فشلت رابطه محاورى الكويت فى عقد الاجتماع الذى كان مقرر له الانعقاد الجمعه 23 -10

وبناءا عليه قررت انا قلب ابيض ان اتنحى 00000"وش جمال عبد الناصر "

عن عقد او الاشتراك او حتى الاشاره الى اجتماع اخر :lol:

والله على ما اقول شهيد

قلبك ابيض يا قلب ابيض

ممكن متتوفقوش اول مره لظروف كل واحد

لكن اكيد هتعرفوا تتوفقوا في محاوله تانيه او ثالثه

تذكري اصرار النمل الاسود يا قلب ابيض

تحياتي

[pocy]

فيها لاخفيها

ايه موضوع عصر الديناصورات ده وليه حاطط غمزه جنبه

لا احنا فينا من كده

[bent misr]

اييييييه الاخبار يا جماعه

مافيش اي اتفاقات جديده لمقابلات و لا اي حاجه

ياريت نفضل متواصلين مع بعض علطول :lol:

و ايه أخبارك يا أستاذ نصار يا ترى وصلتم لفين في الاجرات :happy: