لقاءات دورية لأعضاء محاورات المصريين

[mandoo]

لم يظهر تقرير مجموعة الرياض حتى الان الى النور (وده دليل اخر على انها تعمل فى صمت) مع انه يثرى بالعديد من المناقشات والحوارات الشيقه والجاده والثقافيه وان كانت اكثر عملية بعيدة بعض الشئ عن الادب والفنون والاصفهانى والاسوانى وكانت ركيزة الحوار عن اسباب تردى الحالة الاقتصاديه والاخلاقيه والسياسية فى مصر وغياب الامن والممارسات السلبيه لبعض عناصر الشرطه والسؤال المحير دائماا هتعمل ايه لما تنزل مصر؟؟؟؟؟؟؟؟؟؟؟

وتحدث ايضاا كل منا عن وظيفته وظروف عمله وكيف انه يحب عمله او يرغب فى تغيره او البحث عن فرص اخرى ......عارضاا كل فرد على الاخر خدماته مرحباا بتقديمها فى اي وقت وعند اول طلب....

وطبعاا انتقلنا الى الحديث عن موضوع الهجره لكندا والى استراليا ضاربين بذلك امثله وحكايات ....وكان هناك ايضاا معارض لفكرة الهجرة الى بلاد الغرب من الاساس..(محاورات حقيقى يعنى)......

ولما كان بيننا من يمثل سنوات الخبره والعطاء فقد تطرق الى موضوع التربية السليمه واثرها فى تكوين النشئ وانعكاس ذلك على اخلاقيات المجتمع ككل محذراا من بعض السلبيات التى قد يرتكبها الاباء غير واعين الى ما يزرعه فى نفوس النشئ الجديد من جذور طالحه..ضارباا ايضاا من الامثال والعبر ما يؤكد صدق حديثه......

ولم تسلم السعوديه ايضاا من حوارات المصرين فقد ناقشنا موضوع الكفاله وايجابياته وسلبياته (انا اول مره اعرف ان له ايجابيات امبارح بصراحه..) ......

وقد ساد جو غير تقليدى من الود والاحترام ومناقشات فى الامور الحياتيه اليوميه...بل انى اجزم ان البعض منا خرج بصداقات قد تدوم للابد.....وانا بالنسبالى الموضوع مش جديد...انا اتعرفت على واحد من قبل عن طريق المحاورات وطلع جارنا فى مصر ومقدم هجره كنداا ونشات بينا صداقه قويه كمان وده كان من اول اسبوع ليه كعضو فى المحاورات ...ده غير العضو metwallly اللى اتعرفت عليه امس وكان زبون عندى فى الصيدليه...هنا فى السعوديه

ناهيك عن الموضوعات الكثيره التى تاهت بين الموضوعات الكثيره الاخرى والموضوعات التى انتهت الى بداية موضوعات جديده اخرى فقد كان اللقاء مركزاا وكان على كل عضو ان يقول كل شئ ويسمع كل شئ فى عالم واقعى مولود لتوه من عالم تخيلى تربطهم بوابة زرقاء سماويه تسمى محاورات المصرين ........

وقد اتفق الاعضاء امس على ترتيب لقاءات اخرى ..على ان تكون تلك الاخرى فى استراحه من استراحات الرياض ليتسنى لنا ادخال نشاطات اخرى على هذا اللقاء....

ارجو ان اكون قد وفقت ووفيت (وان كنت مختصراا) فى نقل احداث لقاء 29 مايو الذى تم فى الرياض .....متمنياا ان تدوم تلك اللقاءات ان شاء الله......

هلا و الله اخ جيمى كفيت ووفيت و الله

واضح ان كل الناس كانت مكسله تكتب بس انت بقى كسرت حاجز الصمت و حكيت على كل حاجه

الا صحيح هوه احنا اتكلمنا فى الكلام الكبير ده كله؟ ده انا زى ما اكون كنت قاعد مع ناس تانية خالص

الواضح كده ان الواحد مع كباية اللاتيه بينسى الدنيا من حواليه :) :D :lol:

و الشىء الغريب و اللافت فى الموضوع ان مع الوصفه الغلط اللى بعتها على المحاورات و ملف الجووجل ايرث المضروب اللى قيفناه انا و mffaswan

الا ان كل الناس وصلت للكافيه بسهوله :ninja:

واضح جدا ان الناس دى مش سهلة و بالذات البشمهندس mandoo اللى قفشنا و احنا مستخبيين منه فالمرة الجاية ان شاء الله هننقى مكان ولا الجن الازرق يعرف يوصل له :)

انا لسه راجع من الشغل وقلت ياواد إدخل إكتبلك كلمتين عن لقاء أمس ومادار بيننا من نقاش وإذا بى أفاجأ بأن الأخ جيمى الصيدلى عملها وسبقنى طبعا إستحيت أكتب أى كلمة بعد اللى قرأته ( أرزاق بقى ).

أما بخصوص الجن الأزرق فأنا عندى ألوان تانية وسهل جدا أعرف مكانكم حتى ولو كان فى قمقم

لكن أنا مندهش جدا من تجاهل مشرفى الرياض لإجتماعنا وكأن الأمر لايعنيهم لذا أتمنى أن نتشرف بلقائهم فى الإجتماع القادم ونحن جادون فعلا أن يكون اللقاء القادم فى إحدى الإستراحات ليكون للسيدات نصيب أيضا فى المشاركة .

مع خالص تحياتى لكم جميعا

[وليد صفوت]

السلام عليكم،

كعادة لقاءات المحاورات كانت رائعة اجتماعياً و هذا يكون دائماً أكبر حافز بالنسبة لى لحضور الاجتماعات.

لن اتحدث عن كل شخص قابلته لآن المجال هنا لا يسمح بكمية الحروف التى قد اعبر بها، و لكن يكفى ان هذا الاجتماع كان عبارة عن قاعة يجلس فيها معظم شرائح المجتمع، و الدليل على هذا كمية الموضوعات التى تناولناها.

شكراً سكوب على ترتيبك الرائع للاجتماع و شكراً استاذ عادل على الحضور و الف شكر أبيه احمد محمود لحضوره (بناءً على طلبى wst:: ) و شكراً لكل اللى حضروا... حتى المخبرين :)

تحياتى،

[waloaa]

كم كنت شغوفة جدا وانا في طريقي لمكان اللقاء

لم اتمالك نفسي وانا اتخيل لقاء افاضل كأمثال الاستاذ عادل و سكوربيون وباقي اعضاء المحاورات

وبالرغم من اقتراب الموعد النهائي لامتحانات الماجستير الخاصة بي والتي لم يتبقى عليها سوى اقل من 20 يوم والعديد غيرها من المشغوليات

إلا انني اتخذت القرار و كنت حريصة جدا على ذلك اللقاء......

لقاء تلك الشخصيات والعقول التي طالما حلمت بتحويلها من عالم الخيال الى عالم الواقع

كم كانت تجربة متميزة و مثمرة بحق بالنسبة لي

تبين لي من ذلك اللقاء .....العديد والعديد من الملاحظات

فبالرغم من تلك المواضيع الهادفةو التي دار حولها اللقاء...إلا إنني استمتعت جدا بما كان حول الحوار

احسست بالجو الاسري الرائع الذي يربط المشرفين ببعضهم البعض ويربطهم كذلك بالاعضاء

وكم كانت عديدة هي الذكريات التي يتندرون بها فتتعالى معها الضحكات

ويتذكرون المشاركات الاولى التي جمعت بينهم وكم كانت بينهم من أختلافات أولية في وجهات النظر

لم تلبث ان ذابت..... بعد ما تفاهم الطرفان

لاحظت كذلك" الروح"التي تجمع الاستاذ الفاضل عادل بالمشرفين ....علاقة صداقة ..أخوة ...أبوة....أظنها اسمى كثيرا مما قد تحصره كلمة او كلمات

أستاذ عادل الذي كان بحق تجسيد لما تخيلته فيه من صفات....حرصه الشديد على الترحيب بالحضور

والتعرف عليهم ومناقشتهم في وجهات نظرهم

رغبته في سماع الاقتراحات لتحسين الاداء داخل ابواب المحاورات المختلفة

لاحظت كذلك وجودي وسط كوكبة من الافاضل سواء من الاعضاء او المشرفين والذي يدور بينهم الحوار في سلاسة شديدة

دونما تعصب لوجهة نظر على اخرى ودونما رغبة في الانتصار لصالح تلك الوجهة من الرأي

العديد والعديد من الملاحظات.....أقصد الذكريات التي حفرها ذلك اللقاء في مخيلتي ....والتي أظنها ستبقى حية في ذاكرتي حتى موعد اللقاء القادم بإذن الله

[waloaa]

خواطر شخصية حول اللقاء

الحديث الممتع لأستاذ عادل معنا ....أصابني ب حالة من الاعجاب فوق الاعجاب الذي كان

واضاف إلى رصيد ذلك اللقاء عندي......الكثير والكثير

الفاضلة ذات القلب الابيض :blush2: ....حقا هي اسم على مسمى

الفاضل سكوربيون ....توقعت ان اعرفه من بين الحضور بال "زمزمية" اللي معاه واللي هي كل اللي حيلته

وفعلا سألته عليها....فأشار (بكل حكمة)إلى شنطة الكتب التي أشتراها لتوه ...بأنها دي زمزميته في الحياه

بنت مصرية وماادا........من أفضل ثنائيات اللقاء....أضفوا بحق جو من البهجة والمرح على اللقاء

دماثة خلق كل من الافاضل: أبو عمر و الاستاذ وليد صفوت والباشمهندس ياسر....منحتني مكسب جديد بتعرفي عليهم :lol:

مقابلة الفاضل احمد محمود والفاضل سكوربيون.....عرفتني شكل المشرفين الحقيقي ....ودحضت لدي نظرية الاشاكيف المخيفة

تم تعديل 31 مايو 2009 بواسطة waloaa

[elfakhrany]

انا فعلا مشتاف انى أحضر مثل هذه اللقاءات وأتعرف على مثل هؤلاء الأفاضل فى العالم الواقعى

[bentmasria]

أرض الواقع دائما تحمل المفاجآت وكل مرة نلتقى نرى وجوها جديدة حالمة تحمل خبرات لا نتوقعها وتصيبنا دائما بالتوقف ثم الاعجاب الشديد بجيل واعد يقوى على هموم بلاده وقضاياها

كنت مستمعة اكثر من مشاركة طبعا لوجود الاستاذ مادا ولكن لم يفتنى سوى القليل فى مائدة عمرت بالحب والحكمة والدفء والود الراقى

استاذنا الكبير استاذ عادل والفاضل كامل والاستاذ احمد ووليد الذى انفرد بطفلى تماما وشاركه كل العابه لساعات فى صبر ورقة والباشمهندس ياسر ابن النيل الجميل وصديقه جميل الروح ومفاجأتى ابوعمر فقد توقعت من كتاباته انه يفوق عمره أعمار وسيدات اللقاء القلب الابيض التى يشع من وجهها دفء العالم ونقاءه وفتاتها الجميلة وكذلك ولاء كنموذج للمثقفة الواعية التى تخوض بآرائها فى جميع المجالات بثقة وفهم جميعهم اشعرونى ان العالم مازال يذخر بعقول واعية وقلوب دافئة وانه كما قال كامل

فيه فايدة

واختتم اللقاء بحضور الاستاذ اسماعيل للتحية وانفرد بحديث مطول مع الاستاذ عادل حول اساليب الكتابة المتنوعة وطرق تناول الموضوعات وغيرها وكيف انه كان يشاهدنا فى صمت حتى قرر مشاركتنا وانصرفنا ونحن لا نريد المغادرة حقا ونتمنى فعلا ان تجمعنا لقاءات اخرى قريبة لنستزيد من هذه الروح الواعدة ونطرح الجديد والمزيد من الموضوعات والقضايا

اسعدتنا بلقائك يا استاذ عادل واسعدتمونا جميعا يا اعضاء الادارة بحضوركم الجميل وجمعكم لنا

فشكرا حقا

البنت المصرية ومادا افندى

[se_ Elsyed]

مقابلة الفاضل احمد محمود والفاضل سكوربيون.....عرفتني شكل المشرفين الحقيقي :sad: ....ودحضت لدي نظرية الاشاكيف المخيفة :sad:

حرام عليكي بوظتي لي المفاجأة

بما ان نظريتك عن الاشكايف فاظت قصدي باظت

يبقى انا مش هاجي القاء بتاع اغسطس الجاي ...

ولو ان مستر اكس اللي ما فيش حد شافه وعاش اكتر من 85 سنه كان ناوي يظهر للعلن

بس بما اننا ذكرنا سيرة الاشاكيف ... فربنا يجعل كلامنا خفيف عليهم .. وكما كنت بقى .. وننفذ الخطة البديلة " حاوريني يا طيطا " :sad:

[arora]

خواطر شخصية حول اللقاء

الحديث الممتع لأستاذ عادل معنا ....أصابني ب حالة من الاعجاب فوق الاعجاب الذي كان

واضاف إلى رصيد ذلك اللقاء عندي......الكثير والكثير

الفاضلة ذات القلب الابيض :sad: ....حقا هي اسم على مسمى

الفاضل سكوربيون ....توقعت ان اعرفه من بين الحضور بال "زمزمية" اللي معاه واللي هي كل اللي حيلته

وفعلا سألته عليها....فأشار (بكل حكمة)إلى شنطة الكتب التي أشتراها لتوه ...بأنها دي زمزميته في الحياه

بنت مصرية وماادا........من أفضل ثنائيات اللقاء....أضفوا بحق جو من البهجة والمرح على اللقاء :sad:

دماثة خلق كل من الافاضل: أبو عمر و الاستاذ وليد صفوت والباشمهندس ياسر....منحتني مكسب جديد بتعرفي عليهم :sad:

مقابلة الفاضل احمد محمود والفاضل سكوربيون.....عرفتني شكل المشرفين الحقيقي ....ودحضت لدي نظرية الاشاكيف المخيفة :sad:

كان نفسى احضر اللقاء ده واتعرف عليكى يا waloaa

فانت فعلا انسانة فاضلة ومحبة وتسعى لفعل الخير دائما

وايضا هذى الصحبة الفريدة من رموز المحاورات

لكن مسافتنا بعيده واولادنا لسه مخلصوش امتحانات

[ذهبية]

الف مبروك تجمعكم بنجاح وكم كنت اتمنى ان اكون معكم و اتعرف على الشخصيات التى طالما عرفتها بين

السطور وكم كنت اتمنى ان احضر معكم تحول الخيال الى حقيقة واسعد معكم بهذة اللحظات التى تعبر اقلامكم

عنها بمنتهى التلقائية و السعادة

لكم منى احلى تحية واتمنى ان تعلنوا عن الاجتماع القادم اليوم و التاريخ من الان حتى يستطيع لم يحضر

هذة المرة ان يحضر المرة القادمة باذن الله

ذهبية

[waloaa]

مقابلة الفاضل احمد محمود والفاضل سكوربيون.....عرفتني شكل المشرفين الحقيقي :lol: ....ودحضت لدي نظرية الاشاكيف المخيفة

حرام عليكي بوظتي لي المفاجأة

بما ان نظريتك عن الاشكايف فاظت قصدي باظت

يبقى انا مش هاجي القاء بتاع اغسطس الجاي ...

ولو ان مستر اكس اللي ما فيش حد شافه وعاش اكتر من 85 سنه كان ناوي يظهر للعلن

بس بما اننا ذكرنا سيرة الاشاكيف ... فربنا يجعل كلامنا خفيف عليهم .. وكما كنت بقى .. وننفذ الخطة البديلة " حاوريني يا طيطا "

معلش يا سي السيد

شد حيلك انت و المرة اللي جاية في اغسطس تكون معانا ان شاء الله.....ونشوف مستر اكس دا شكله ايه؟؟؟

وبكده تحطم لينا مش بس نظرية الاشاكيف المخيفة ....لأ وكمان نظرية سي السيد عبد الجواد :sad:

ولو فاضي ممكن ندخل بعدها على النظرية النسيبة ....واهوا كله نظريات :)

[waloaa]

خواطر شخصية حول اللقاء

الحديث الممتع لأستاذ عادل معنا ....أصابني ب حالة من الاعجاب فوق الاعجاب الذي كان

واضاف إلى رصيد ذلك اللقاء عندي......الكثير والكثير

الفاضلة ذات القلب الابيض ....حقا هي اسم على مسمى

الفاضل سكوربيون ....توقعت ان اعرفه من بين الحضور بال "زمزمية" اللي معاه واللي هي كل اللي حيلته

وفعلا سألته عليها....فأشار (بكل حكمة)إلى شنطة الكتب التي أشتراها لتوه ...بأنها دي زمزميته في الحياه

بنت مصرية وماادا........من أفضل ثنائيات اللقاء....أضفوا بحق جو من البهجة والمرح على اللقاء :lol:

دماثة خلق كل من الافاضل: أبو عمر و الاستاذ وليد صفوت والباشمهندس ياسر....منحتني مكسب جديد بتعرفي عليهم

مقابلة الفاضل احمد محمود والفاضل سكوربيون.....عرفتني شكل المشرفين الحقيقي :wub: ....ودحضت لدي نظرية الاشاكيف المخيفة :sad:

كان نفسى احضر اللقاء ده واتعرف عليكى يا waloaa

فانت فعلا انسانة فاضلة ومحبة وتسعى لفعل الخير دائما

وايضا هذى الصحبة الفريدة من رموز المحاورات

لكن مسافتنا بعيده واولادنا لسه مخلصوش امتحانات

شكرا ليكي يا arora :)

دا أنا اللي كان نفسي اتشرف بمعرفتك

ان شاء الله اللقاء القادم نتقابل كلنا :أنا وانتي وذهبية وفتفوتة حبيبتي المفتفتة ولولا وريمو ودودي وايمانو و ضحى وبركةوايمو وسوسوراني........وكل اعضاء المنتدى :wub:

[ذهبية]

وانا اتمنى لقائك يا ولاء انتى و كل اعضاء المحاورات المحترمين بجد فانتم نعم الاصدقاء و نعم الاخوات

و ياريت يا ولاء تقولوا اللقاء التانى امتى و فين علشان نعمل حسابنا من الان

لكى من احلى تحية لاجمل ولاء فى المنتدى

[Nassarlink]

قمه رباعيه محاوراتيه بالمنصوره

تم اليوم الجمعه 26 يونيه 2009

من الساعه الخامسه عصرا

حتي الساعه التاسعه مساء

انعقاد قمه رباعيه محاوراتيه طارئه بالمنصوره

بين حسام يوسف و السيد منير و حمودي ونصار

وذلك بالوطن الام المنصوره

غلب علي القمه مناقشه بعض القضايا الحيويه

فيما يخص الهجره الي كيبيك

وذلك لما يتسم به اصحاب السمو والمعالي من خبرات في شئون الهجره :unsure:

هذا ولم يتم عقد مؤتمر صحفي بعد القمه

لاسباب غير معلومه :unsure:

[Nassarlink]

المكان ::: ◄ المنصوره

الزمان :::◄ الخميس القادم

الحدث:::◄ قمه محاوراتيه مصغره

كان هذا تقليد للأستاذ عادل ابو زيد لابد منه

ابتداء من اليوم

وعلي مدار الاسبوع

يتم الاعداد لعمل لقاء قمه مصغر محاوراتي بالمنصوره

وتعد هذه القمه الثانيه في العام الحالي 2009

علي ان تعقد القمه يوم الخميس القادم الموافق 10/10 ان شاء الله

يحضر القمه كل من

د حسام يوسف

الاستاذ السيد منير

HAMOUDI

omrazez

biobasha

Ebn Sina

abdelhalim

والعبد لله

Nassarlink

والدعوه مفتوحه لكل من يرغب في المشاركه

سواء بالحضور شخصيا

او علي الهاتف

او من خلال الانترنت

والجدير بالذكر

ان جدول اعمال هذه القمه يحتوي علي موضوعات شتي مهمه

تتناسب مع اهميه المرحله الحاليه

نصّار

تم تعديل 2 أكتوبر 2009 بواسطة Nassarlink

[ذهبية]

ياترى فين فى المنصورة ياريت تحديد المكان و الساعة كام بالضبط

[Nassarlink]

ياترى فين فى المنصورة ياريت تحديد المكان و الساعة كام بالضبط

ان شاء الله في المنصوره

في حي توريل

بس المكان هيتحدد بالضبط يوم الثلاثاء ان شاء الله

لان امامنا مكانين

واليوم الخميس 8 اكتوبر

مش 10 ده كانت غلطه مطبعيه

طبعا جدول الاعمال هيكون 90 % من الهجره لكيبيك

وده بسبب مناسبه الانترفيو اليومين الجايين ِسواء فيِ مصر او سوريا

نصّار

[ذهبية]

لية ما يكون المكان فى النادى الاجتماعى اللى فى الاستاد دة مجرد اقتراح

لو تم تحديد الميعاد ياريت الابلاغ بية قبل يوم الخميس

ذهبية

[حسام يوسف]

من أرض المنصورة الغالية أكتب لكم

دلوقتى يا عم نصار انا معاك فى أى يوم تجمع

وفى أى حاجة فيها الناس الجميلة دي

بس برجاء مراعاة الماتش المصيري بين مصر وزامبيا

واقتراحات هنعمل ايه تبعا لنتيجة اللقاء المصيري؟

نقطة جانبية

كتير من الأخوة الأعضاء بالمنتدي

من المهتمين بالهجرة الى كندا

وخصوصا فرع الخونة

موجودين الأيام دي بالقاهرة وما حولها انتظارا للمقابلات الهامة هذا الشهر

ياريت ينسقوا ويحضروا

الدعوة عامة :sad:

تم تعديل 3 أكتوبر 2009 بواسطة حسام يوسف

[Amr Radwan]

يا ريتني كنت معاهم .. يا ريتني كنت معاهم ..

بجد .. جميل جدا التجمع ده .. و الايجابية في تحويل المعرفة و الخبرات الي الاخرين ..

فعلا كنت اتمني ان اتواجد في مصر لحضور مثل هذا اللقاء

تحياتي لكم جميعا

[حسام يوسف]

يا ريتني كنت معاهم .. يا ريتني كنت معاهم ..

بجد .. جميل جدا التجمع ده .. و الايجابية في تحويل المعرفة و الخبرات الي الاخرين ..

فعلا كنت اتمني ان اتواجد في مصر لحضور مثل هذا اللقاء

تحياتي لكم جميعا

ان شاء الله تتعوض ونتقابل كلنا فى مصر يا باشمهندس عمرو

أنت مكسب لأى حد يعرفك

وتحيات المجموعة كلها هنا ليك

وخصوصا الخونة

خاين

خاين :sad: