حد يعرف معقب مضمون فى الرياض؟

[aboyoumna]

السلام عليكم اخوانى الكرام اعضاء المنتدى

ارجو منكم ان تدلونى على معقب مضمون يقوم بالاتى:

1- عمل تأشيرة زيارة تجارية او زيارة عمل لى فأنا مقيم بمصر والكفيل السعودى موجود بالرياض ولكنه احتار من عدم التزام من يتفق معهم لانجاز هذه المهمةز

2- ان يكون لديه القدرة على تحويل الزيارة الى اقامة(وبالطبع ذلك يرجع لعلاقات المعقب)

لاننى مصاب بفيروس سى وهذه الطريقة الوحيدة لدخولى السعودية بالزيارة ثم تحويل الزيارة لاقامة

[aboyoumna]

فين اهل الخبره والنصيحة

[المخنوق دائما]

أظن ان الكفيل هوه المفروض يجيبلك معقب مضمون

لان ببساطه هوه اللى عايش فى السعوديه ويعرفها اكتر منى ومنك

وعموما اكيد حد من الاعضاء مر قبل كده بتجربه مماثله ويعرفلها حل

ضاقت ولما استحكمت حلقاتها فرجت وكنت أظنها لا تفرج

اللهم إن أحييتنى غريبا فلا تميتنى غريبا

[بندق أفندى]

اعتقد انى أعرف أحدهم .. بس تحويل الزيارة دى أمر من الداخلية يعنى فوق طاقات المعقبين

[بندق أفندى]

اعتقد انى أعرف أحدهم .. بس تحويل الزيارة دى أمر من الداخلية يعنى فوق طاقات المعقبين

هأساله لك اذا بيقدر يعملها

[doha]

انا مش عاوزه احبطك بس على فكرة في تحليل تاني بيتعمل هنا للفايروس في السعوديه بعد ماترجع وكاجراء اولي عشان تستخرج الاقامه .. يعني حتى لو تصرفت في مصر وطلعت مش هتقدر تعمل اقامه هنا لان هينطلب منك التحليل برضه .. وعلى فكرة مش عاوزه اكون سيئة النية ولا ( بهدي النفوس ) بس لو قريبك الي هنا عاوز يتصرف كان اتصرف .. انا بقولك كده خوفا من انك تكون بتثقل عليه بس وهو محرج منك فمضطر يقولك اي تبرير لان اصلا الي انت طالبه منه صعب جدا ..

على كل حال الارزاق بيد الله ومش معنى ان طلع عندك الفايروس ان خلاص دي نهاية العالم سبحان الله يمكن عامل كده عشان يصرف نظرك عن موضوع السعوديه لانه كاتب لك رزق تاني اكبر في حته تانية ..

اعتمد على ربنا وباذن الله هتفرج من اوسع الابواب ..

[aboyoumna]

اخوانى الكرام

شكرا لردودكم وتفاعلكم بموضوعى

ااخى المخنوق دايما يا عم ليه تتخنق وربنا سبحانه وتعالى موجود صلى على النبى كده ووحد الله

المعقبين فعلا موجودين بس هوه مايعرفش حد مضمون على حسب ماسمعت ان معظمهم مش ملتزمين لكن بنحاول

الاخ بندق افندى جزاك الله خيرا على سعيك لمساعدتى وموضوعى له شقين

اولا الزيارة ثانيا وده الاهم الاقامة وانا عرفت وده عن طريق كفيلى ان الموضوع ده موجود يعنى مش مستحيل وبيتكلف كتير من 10الى 15 الف ريال ب المشكلة فى جدية من سيقوم بهذا الموضوع

او الحل التانى جواب من الامير كتوصية وده برضه موجود شكرا اخى مرة تانية

الاخت الكريمة DOHA

انا عارف انى لما اروح السعودية هيتعمل تحاليل تانية والى اعرفة كمان ان الامور دى بتتم فى معامل اهلية يعنى بتخلص بالفلوس ولو كان امر التحليل ده فى السعودية مستحيل وماينفعش انا كنت صرفت نظر على طول لكن لما سألت وكفيلى سأل لقى ان ليها صرفة وان اللى يقوم بتحويل الزيارة لاقامة عارف انى ماينفعش احلل امال هوه بياخد مبلغ ثمن تأشيرة ليه؟

وعلى كل حال قريبى ده اللى هوه الكفيل فعلا عايز يخدمنى بأى شكل وبيسعى بكل طاقتة وبيلاقى ناس بس كلامهم مش جد شوية يقولوله بكرة وبعدين الاسبوع الجاى وهكذا يعنى مش لاقى حد يخلص على طول يعنى واحد علاقاتة جامدة

ااقول لحضرتك على سبيل المثال:

فى الاول بعتلى تأشيرة سائق وانا لا معايا رخصة ولا بعرف اسوق دورت على حد يخلصلى الرخصة لقيت واحد من اياهم والغرابة انه امين شرطة فى المرور نفسة وبرضه يقولى استنى يومين وكمان يومين والحكاية دخلتلها فى شهر طبعا سيبته وشوفت غيرة قالى هتكلفك قد كده 600جنية غير المصاريف العادية بتاعة الرخصة حوالى 500 جنية والـ600دول بس عشان اعدى من اختبار السواقة وفعلا رحت الامتحان وركبت العربية والله ماتلعطش بيها متر والظابط بتاع الاختبار قالى قالى انزل ونده على اللى بعدى ----روحت بعد يومين اشوف النتيجة لاقيتنى ناجح واستلمت الرخصة

هوه ده الفرق بين واحد بيخلص وواحد تانى مالوش علاقات يعنى مايقدرش يعمل حاجة بتاع كلام وبس وبيمطوحنا وخلاص

وهوه ده اللى انا بدور علية واحد مضمون يحللى المشكلة دى

الارزاق بيد الله والحمد لله على كل حال لكن زى ماحضتك عارفة ان الحال فى مصر من سىء الى اسوأ ون شاء الله لما اروح السعودية هيبقى فيه شغل خاص بينى وبين الكفيل يعنى مشروع مشاركة على الاد كده واستقر فى الرياض بإذن الله دعواتك لينا ربنا يفرجها برحمتة وبقدرته سبحانه وتعالى

وشكرا لطيب كلامك

[alex man]

صديقى العزيز لا تقلق من التحليل هنا انا شخصيا صدرت لى إقامة ولم اعمل اى تحليل نهائيا ولم اذهب الى مستشفى

بالنسبة الى تحويل الزيارة الى اقامة تحتاج الى امر من الداخلية لازم تكون تعرف احد شخصيا وليس معقب بمعنى اى فرد يكون شغل فى قصر

[aboyoumna]

الاخ الفاضل alex man

هوه ده بالظبط اللى انا بدور عليه

الله يبشرك بالخير

[بندق أفندى]

المعقب اللى قلت هأسأله لك .. قال ما عادش بيشتغل فى القصة دى عشان مش كل مرة بتيجى الموافقة ..

[aboyoumna]

جزاك الله خيرا يا بندق افندى

وشكر الله لك مجهودك الغالى

[aboyoumna]

ايه يا جماعة؟؟؟؟

ماحدش عارف يساعدنى

فين العلاقات؟؟؟؟؟؟؟؟؟؟؟؟؟؟؟؟؟؟؟؟؟

ومستعد ادفع والله

بس المهم الجدية