خراب بيوت مستعجل

[Lordo]

آخر قرار صدر من تلات تيام:

الشركة اللي تعاملها بالدولار ولها حساب بالدولار (فيه ناس بتقول الشركات اللي بتتعامل في مجال السياحة بس) لما يروحوا يسحبوا فلوس من حسابهم ياخدوها كالتالي:

25% منها دولارات

75% منها بالجنيه المصري حسب سعر البنك (اللي هو أقل جنيه على الأقل النهارده من سعره الحقيقي)

الدنيا مقلوبة وربنا يستر :baaa:

[White heart]

أولا مرحبا بك يا Lordo فى أول مداخلة لك....

انا لدى سؤال هنا خاص بالتعاملات المالية لشركات السياحة، لماذا تحتاج شركات السياحة الى سيولة نقدية "دولارية" فى داخل بلدنا؟

حسب معلوماتى فمعظم مصاريفهم فى الداخل هى بالعملة المحلية، المفروض انهم منفذ دخول العملات الصعبة و ليس العكس.

معلهش أصلى انا مش متعمق قوى فى المسائل الأقتصادية و حابب أفهم .... شكرا و مرحبا بك ثانية.....

[فــيــروز]

يا وايت هارت يا عزوزى "تغيير يعنى بدل ما اقول لك يا عزيزى"

سؤالك ده سؤال ولا تاييد للموقف الحكومى؟ :-)

اصل المفترض لو انا فتحت حساب بالدولار ابقى آخد فلوسى بالدولار مش ربعها بس و الباقى بالاسكرته الانتيكى المعروفه بالجنيه المصرى !! بصرف النظر عن احتياجى انا !!

ده اولا :-) ثانيا الشركات دى ممكن تحتاج سيوله دولاريه لان اى بلد اجنبى بتاخد افواج ليه بتدفع الرسوم المطلوبه بالدولار !! بيتهيالى كده والله اعلم ..

[White heart]

يا وايت هارت يا عزوزى "تغيير يعنى بدل ما اقول لك يا عزيزى"

حلوة قوى "عزوزى" دى ... طالعة من بقك زى السكر...

لا صدقينى ... انا مقصدتش تأييد للحكومة، أنا حبيت فعلا أفهم.

و بصراحة انت فعلا عندك حق فى حكاية استرداد ما وضعته فى الحساب بغض النظر عن أحتياجى .... بس يظهر ان الحكومه ظروفها صعبه اليومين دول ... و بدل ما حسابات الناس فى البنوك تتأمم ... قالوا نتبع سياسة "تبرعوا لكسوة الشتاء و لسداد ديون مصر" حد يقدر يقول لأ؟؟!! ( طبعا الكلام دة لو الخبر صحيح؟؟!! )

و لو ان انا بأحاول أعقلها فى دماغى من ناحية تانية و شايفها مكلكعه قوى ....

يعنى مثلا فائدة البنوك كانت تتراوح ما بين 15 و 10 % على ما أعتقد، و فيه اللى قعد يحوش و يقتصد سنين بهدف استثمار المبلغ و زيادته، و بعدين جه الجنيه و أتخفس بيه الأرض و أتعوم، و الدولار بدل ما كان 3.5 بقى ب 7.5 !!! يبقى الناس اقتصدت و حوشت السنين دى كلها على اية؟! ما كانت صرفت الفلوس ساعتها و استفادت بيها على الأقل كان قيمتها أعلى من قيمتها حاليا حتى و بعد اضافه الفائدة!!!