مجموعة ألعاب تعليمية رائعة للأطفال من 2 ل 10 سنوات

[محمد عبدالعزيز]

هذه الألعاب من أفضل ما رأيت فى عالم ألعاب الأطفال على الكمبيوتر.

الهدف منها تنمية مهارات الأطفال العقلية والعلمية ومهارات استخدام الكمبيوتر والذاكرة وغيرها, أكثر من 100 نشاط مناسب للأطفال بعيداً عن ألعاب العنف ومستويات مختلفة من الصعوبة وألوان جميلة مناسبة للأطفال, وفوق كل هذا مفتوحة المصدر وتدعم اللغة العربية والنسخة التى تعمل على نظام لينوكس مجانية بالكامل.

يوجد أيضاً نسخة يمكن تحميلها من أسطوانة بدون الحاجة لتركيب نظام لينوكس على الجهاز, نفس فكرة Live CD

هذه المجموعة اسمها «فهمت» (GCompris)

للمزيد من المعلومات والتحميل إضغط هنا

تم تعديل 17 مايو 2009 بواسطة محمد عبدالعزيز

[~Heba~]

جميلة يا باشمهدس

انا بنزلها دلوقتى بس الحجم كبير حوالى 100 ميجا

عندى اولاد اخواتى باعمار 3 و 4 و10 سنين ان شاء الله تفيدهم

الف شكر :blush2:

[محمد عبدالعزيز]

معلش الغالى تمنه فيه.

أنا بنتى عندها 3 سنين وبتلعب بيها وفرحانة جداً مع إنها يدوبك مالعبتش غير لعبتين أو تلاتة بس على قد سنها.

وابن صديقى كمان عنده حوالى 5 سنين, قلت له يجرب الألعاب دى معاه وكانت النتيجة جيدة جداً, وهو ده اللى شجعنى أكتب لكم عنها.

إن شاء الله ولاد إخواتك يستفيدوا منها ويستمتعوا بيها.

[emano]

ان شاء الله حنزلها وحبقى افلكم على النتيجه واه الاولاد يلعبو بيه فى الصيف بعد الامتحانات

[محمد عبدالعزيز]

ان شاء الله حنزلها وحبقى افلكم على النتيجه واه الاولاد يلعبو بيه فى الصيف بعد الامتحانات

أجازة سعيدة للأولاد

يارب تعجبهم ويستفيدوا منها أقصى استفادة.

عاوز أركز على إن اللعبة بتدعم اللغة العربية للى عاوز, حتى فى ملفات صوت عربية كمان ممكن استخدامها لزيادة المتعة للى يحب.

[aimen]

الله يسعدك يا بشمهندس محمد

بقولك يعنى على الطاير كده فيها العاب استراتيجة ( ذكاء يعنى ولا العاب ضرب ضرب ) اصل الواحد عاوز يلعب مش يفكر وبعدين هل يجوز انى العب بيها علما بأن اخر لعبة عرفتها هى zooma ولا افهم اى حاجة فى الألعاب الحديثة ( يعنى عارف السن وظروفه )

افتكر نزلت مجموعة العاب brain training للأطفال ( من ثلاث سنوات ) وللأسف معدتش المستوى التانى فى اللعبة

[msayed]

شكرا يا باشمهندس على الهدية دى

أنا بأنزلها الآن وواضح من الصور أنها ممتازة

[emano]

امال انا مش عارفه انزلها ليه ابنى الصغير قاعد وشايف حجات جميله بس مفش صوت ولى حركه

الله يكرمكم قولولى اعمل ايه بالضبط علشان ده

اول مره انزل حاجه

يعنى انا بضغط على تنزيل بس مش بينزل

الووووووووووووووووووووووووووحد سمعنى

[~Heba~]

امال انا مش عارفه انزلها ليه ابنى الصغير قاعد وشايف حجات جميله بس مفش صوت ولى حركه

الله يكرمكم قولولى اعمل ايه بالضبط علشان ده

اول مره انزل حاجه

يعنى انا بضغط على تنزيل بس مش بينزل

الووووووووووووووووووووووووووحد سمعنى

ايمانو

خدى ده الرابط المباشر

كلك يمين و اختارى save target as

تم تعديل 17 مايو 2009 بواسطة ~Heba~

[سهل جدا]

ألف شكر يا بشمهندس

[محمد عبدالعزيز]

الله يسعدك يا بشمهندس محمد

بقولك يعنى على الطاير كده فيها العاب استراتيجة ( ذكاء يعنى ولا العاب ضرب ضرب ) اصل الواحد عاوز يلعب مش يفكر وبعدين هل يجوز انى العب بيها علما بأن اخر لعبة عرفتها هى zooma ولا افهم اى حاجة فى الألعاب الحديثة ( يعنى عارف السن وظروفه )

افتكر نزلت مجموعة العاب brain training للأطفال ( من ثلاث سنوات ) وللأسف معدتش المستوى التانى فى اللعبة biggrin.gif

والله أنا شرحك فى موضوع الألعاب ده, أنا كنت مدمن فيفا وكوماندوز و Age of empires وهما دول آخر علاقتى بالألعاب. الواحد بيسمع عن ألعاب عجيبة وغريبة دلوقتى.

[محمد عبدالعزيز]

شكرا يا باشمهندس على الهدية دى

أنا بأنزلها الآن وواضح من الصور أنها ممتازة

شكراً ليك ويارب تكون مفيدة للأولاد

[محمد عبدالعزيز]

ألف شكر يا بشمهندس

شكراً ليك يا أستاذ سهل جدا

[fatfouta]

بجد شكرا يا محمد نزلتها لابنى امبارح وقعد يلعب بيها وكان فرحان اوى

بس عارف قبل ماسيبله الكمبيوتر يلعب بيها قعدت انا كمان العب ومارضتش اوريهاله غير لما خلصت

اشكرك جدا جدااااااااا

[محمد عبدالعزيز]

بجد شكرا يا محمد نزلتها لابنى امبارح وقعد يلعب بيها وكان فرحان اوى

بس عارف قبل ماسيبله الكمبيوتر يلعب بيها قعدت انا كمان العب ومارضتش اوريهاله غير لما خلصت

اشكرك جدا جدااااااااا

بصراحة أنا كمان بتلكك عشان ألعبها, أعمل نفسى بعلم بنتى وأقعد ألعب شوية, ماحنا كنا محرومين بقى من الحاجات دى واحنا صغيرين.

يلا... أهم حاجة الكتاكيت الصغيرين يلعبوا وينبسطوا ويفرحوا.

فى من ضمن الألعاب مجموعة لتنمية مهارات الحساب, بتبقى عبارة عن عمليات حسابية بتنزل من أعلى الشاشة, يعنى مثلاً تلاقى 1 + 2 = نازلة من أعلى الشاشة كده والمفروض الطفل يدوس على الرقم اللى بيمثل نتيجة العملية الحسابية دى وفى حالة الإجابة الصح بيزود رصيده نقطة. اللعبة دى عجبتنى جداً بصراحة, منها لعب ومنها تعليم بطريقة ممتعة جداً.

أنا بنصح بمجموعة الألعاب اللى بتنمى مهارات التعامل مع الكمبيوتر فى البداية للأطفال الصغيرين اللى لسه بيبدأوا تعلم الكمبيوتر, بجد بتجيب نتيجة كويسة جداً وبسرعة. بس مهم فى البداية يكون فى حد كبير مع الطفل عشان يوجهه, ومهم كمان الإلتزام بالمستويات والأنشطة المناسبة لعمر الطفل. يعنى مانسيبش الطفل يلعب أى لعبة وخلاص عشان تكون النتيجة كويسة.

[هشام عبد الوهاب]

الف شكر ...... جارى التحميل mfb: