ازاي بتستمتع بالحياة شاركنا

[زعلان]

تحية لكم جميعا حبيت افتح موضوع هو الاول لي في باب المغتربين بابي المفضل هنا في المحاورات :blush2:

ارغب في ان نتشارك جميعا كيف نستمتع بحياتنا مالذي تفعله وتشعر بسعادة و استمتاع بالحياة من خلاله

في ناس بتستمتع بالسفر و زيارة اماكن جديدة في ناس بتستمتع بالرياضة وممارستها في ناس بتستمتع بالحياة بالاكل و الذهاب الى مطاعم جديدة

في ناس بتستمتع بمارسة هوايات مختلفه

سبب اني فتحت الموضوع ده في باب المغتربين هو ما اسمعه من البعض ان الواحد لازم يرجع مصر ويستمتع بحياته و كفاية غربية

فحبيت اعرف ليه ما بتستمتعوش بحياتكم في اي مكان في العالم

واذا كنتم حاسين انكم فعلا بتستمتعوا بحياتكم بغض النظر عن المكان و الزمان فخبرونا حتى نستفيد من خبراتكم

:big_boss:

[زعلان]

هو في ايه محدش عايز يشارك ليه ---- :blush2: تحبوا نعمل موضوع عن النكد

[elfakhrany]

الاستمتاع فى مصر هو بالتأكيد وجودك بين أهلك وأصدقائك المفضلين

أما الاستمتاع بالغربة بما انى مقيم بالخبر

1-الكورنيش ورياضة المشى

2-هواية صيد السمك

3-التغلب على اوقات الفراغ بالقراءة فى مواضيع متنوعة (تاريخ - سياسة - ثقافة - دين ) حيث انى من كارهى التلفزيون

4 -فى نهاية الاسبوع مشاهدة رياضة التطعيس السعودية و حفلات الشواء مع الاصدقاء

5-يوم الجمعة أعمال ادارية ( بما انى لسه عازب ) و الذهاب لشراء بعض المستلزمات وبعد المغرب حضور درس الجمعة بالمسجد

6- استغلال ساعة كل يوم فى تطوير مستقبلى المهنى عن طريق الاطلاع و معالجة نقاط الضعف التى لا يخلو انسان منها

[زعلان]

فخراني وهل فعلا بتشعر بمتعه فيما تفعل و لا ده مجرد استغلال للوقت انا حابب اعرف ايه الامور الي بتشعر بمتعه في ممارستها و بتحس ان بتتجدد و بتساعدك على الاستمرار في الحياة

[elfakhrany]

فخراني وهل فعلا بتشعر بمتعه فيما تفعل و لا ده مجرد استغلال للوقت انا حابب اعرف ايه الامور الي بتشعر بمتعه في ممارستها و بتحس ان بتتجدد و بتساعدك على الاستمرار في الحياة

أنى أشارك فى المحاورات واقرأ مشاركات الأعضاء :blush2:

[alex man]

ياصديقى فى الغربة لاتوجد شىء اسمه استمتع وترفية الترفية بالنسبة للاطفال الذهاب الحديقة الملاهى لعب الكورة بالنسبة الى الكبار التسوق والذهاب الى المطاعم فى الغربة هذة الاشياء فى بلادنا الاستمتاع الوحيد الذهاب الى المصايف.

احب ان توضحى لى ماهو الاستمتاع بالحياة من وجهة نظرك انت

[alex man]

الفخرانى هى الخبر جميلة سوال

[elfakhrany]

الفخرانى هى الخبر جميلة سوال

اه دمها خفيف ولذيذة وفى اهتمام بيها من امارة المنطقة الشرقية

[Falcon Crest]

هو في ايه محدش عايز يشارك ليه ---- :blush2: تحبوا نعمل موضوع عن النكد

ليه بس يا استاذ زعلان

بص يا سيدي بما اني بشتغل 2 شهر و برجع 1 شهر اجازه فقمه استمتاعي اني العب مع بنتي طول الوقت و اخرج افسحها بالليل و نقضي اسبوع في اي مكان في مصر ز كده طول الشهر

الشهرين الي بره كلهم بيكونو علي الحفاره يا في البحر يا في الصحرا

قمه الاستمتاع عندي اني اخلص البئر قبل موعده و من غير مشاكل

لما اذاكر حاجه و افهمها بعمق

بستمتع لما بطبق حاجه جديده و تنجح

[alex man]

اذا ذهبت الى هناك ايه الاماكن اللى ممكن اذهب اليها والمطاعم اللى اروحها وكذلك عاوز شقق مفروشة كويسة ومش غالية

[زعلان]

انا و اسرتي مثلا بنحب السفر فبنحاول نسافر ونتعرف على بلدان جديدة و ثقافات جديدة وبنستمتع بده

انا كنت بحب ممارسة الرياضة بس للاسف حاليا ما بقدرش

بنحب نروح منتج نقضي يومين نغير جو ونقعد على الشاطيء و ننزل حمام السباحة

نروح مطعم جديد مختلف

نروح الملاهي - ملاهي مائية او عادية

نروح حديقة نفطر هناك و نقضي كم ساعة من الصبح والجو جميل

نروح مع اصدقائنا حديقة ونعمل حفلة شواء

نتعرف على اصدقاء جدد يكونوا ظراف

نروح مهرجان سينمائي او مسرحي

[زعلان]

قراءة كتاب جديد ممتع

اني اروح دورة تدريبية واحصل على مهارات جديدة

اني احضر محضرات و اذاكر و امتحن في مجال عملي برضه بيبقى جو جديد وممتع حتى لو لفترة صغيرة

[alex man]

فخرانى اجيب عن السوال عن الخبر عن الاماكن وامطاعم واسعار الشقق المفروشة هناك

[elfakhrany]

فخرانى اجيب عن السوال عن الخبر عن الاماكن وامطاعم واسعار الشقق المفروشة هناك

راسلنى على الخاص عشان منخرجش عن موضوع الاستاذ زعلان :blush2:

[حماده عبده]

أستاز زعلان السعاده والمتعة هي الرضا بما قسمه الله لك أذا كنت في غربه في بلدك المهم أنك في أرضه وفي ملكه .

[المخنوق دائما]

موضوع لذيذ بجد

أنا شخصيا أكتر متعه بالنسبه لى هى المصيف مع الشله فى مصر بشرط انى مايبقاش ورايا بعد المصيف ده مشاغل او حاجات معلقه لسه ماخلصتش

يااااااااااااااااااااااااااااااااااااااه على البحر والقعده على البلاج والسهر لحد الصبح ووووووووو

وكفايه بقى لحسن انا خلاص هعيط

[mokhtarelmalahy]

بستمتع بالحياه لحظه مابقى واقف على شاطىء البحر عندنا فى راس البر او فى اسكندريه بجد بنسى الدنيا وبحس انى سابح فى الفضاء .... ولما اروح بلد جديده مع انى لسه ماخرجتش من مصر...

ولما باخد خطوه ايجابيه فى حياتى المهنيه والعمليه زى مثلا دوره او تدريب فى مكان ما

لما بكون مع الناس اللى بحبهم ومزاجى حلو

واهم حاجه لما بفكر فى الانسانه اللى بحبها

[Alrefaey]

كى تستمتع بحياتك لابد ان يكون لك هدف معين تسعى الى تحقيقة وتعيش على امل الحصول علية وكلما تقدمت خطوة نحوة تشعر بنشوة سعادة ورضا عن نفسك

ولكى تصبح حياتك ممتعة لابد من تحقيق رضا الاتى

رضا ربك

رضا نفسك

رضا كل من حولك

الدنيا صعبة وفيها من العثرات الكثير ولكى تحقق السعادة لابد من وجود الحب ,حبك لخطيبتك او زوجتك واولادك واهلك حبك لعملك ولكل ما يحيط بك

دعك دوما من التشاؤم وكن دوما متفائل مقبل على الحياة عندك ثقة فى نفسك وفى ربك

يبقى الخلاصة من وجهة نظرى مقومات السعادة هى

الرضا + الحب + الامل+ التفائل

[MZohairy]

انا يا زعزع اكتر حاجه بقيت اكرهها هي السفر

خلااااص

رؤيتي للطياره بتزعجني

بس اللي بيفرحني حاليا هو رؤية الولاد فرحانين بالمكان الجديد و اللعب و الترفيه في كل مكان

و بالتالي انا مش طالب من ربك غير الستر

استمتع بالحياه ايضا لو ربيت كلب و ياريت يكون سان بيرنار

استمتع بالحياه لو زرعت زهور في الجناين اللي حوالينا و اشوفها بتكبر

استمتع بالحياه لو سمعت اغنيه لأم كلثوم و عبد الوهاب

استمتع بالحياه مع الصحبه الجميله الملائمه و المناسبه فقط

كنت بستمتع بالحياه لما اشيش بس الجماعه هنا سلخوني فمبقيتش اشيش

[Dr.mmfriend]

الاستمتاع فى مصر هو بالتأكيد وجودك بين أهلك وأصدقائك المفضلين

أما الاستمتاع بالغربة بما انى مقيم بالخبر

1-الكورنيش ورياضة المشى

2-هواية صيد السمك

3-التغلب على اوقات الفراغ بالقراءة فى مواضيع متنوعة (تاريخ - سياسة - ثقافة - دين ) حيث انى من كارهى التلفزيون

4 -فى نهاية الاسبوع مشاهدة رياضة التطعيس السعودية و حفلات الشواء مع الاصدقاء

5-يوم الجمعة أعمال ادارية ( بما انى لسه عازب ) و الذهاب لشراء بعض المستلزمات وبعد المغرب حضور درس الجمعة بالمسجد

6- استغلال ساعة كل يوم فى تطوير مستقبلى المهنى عن طريق الاطلاع و معالجة نقاط الضعف التى لا يخلو انسان منها

طيب ما تاخدنى معاك ياعم

مانا كمان مقيم بالخبر وبتنيل اروح على الكورنيش كل خميس وجمعه

بس ايه رياضه التطعيس دى؟؟؟

انت شكلك بقالك هنا كتير

طيب متدلنى يعم على الحاجات دى تكسب فيا ثواب

وابقي اعزمنى على حفلات الشواء دى

انا احسن واحد ياكل

هههههههههههه