السلام عليكم

[الغلبان]

أخوكم الغلبان يحييكم.

و انتظروا منه أفضل المشاركات إن شاء الله.

بس انتم ادعو لي أخرج من حالة الكسل الفكري و اللامبالاة اللي انا فيها اليومين دول و هتشوفوا أحلى شغل بإذن الله.

أخوكم الغلبان

قوي ...

قوي قوي ...

قوي قوي قوي ...

[بنت شعنونة]

اهلا وسهلا يا استاذ غلباااااان "كلنا غلابة والله"

نورتينا يا فنددددددم

ويارب ترمي الكسل كدا وكلنا نرميه كمااان

ونتمنى لك اقامة سعيدة معانا "وش ريسيبشنست"

[الغلبان]

ده نورك يا أختي ...

ربنا يحفظ مقامك ..

و ياخد بيدنا و يدك ...

بس ايه السرعة دي ؟؟

على طول رد و ترحيب كده؟؟

دانا لسه ملحقتش أطرقع صوابعي بعد ما كتبت المشاركة الأولانية !!

متشكرين يا ستي.

[White heart]

دة اية الهنا دة كله ... ربنا يزيد و يبارك ...

بشبوشة ... و هاندىكرافت ....و لوردو ... و أدى الغلبان جانا ...

يا الف مرحب بالغلبان ..

و ما تقلقش حالتك دى ليها علاج ممتاز عندنا ...

خصوصا لو انضميت الى شركه "طفشانسكوربيو" ... البلية هاتلعب معاك و تبقى اية .... شحاااااااااات أد الدنيا!!!

و دعواتنا ليك علشان تورينا أحلى شغل ياعم...

مرحبا بك ثانية..

[sos]

يا مراحب يا مراحب بالاعضاء الجدد...

الا انى قلق حبتين من الاسم...

فكلنا هذا الغلبان..

سؤال كده على الماشى هل لك علاقة بصاحب هذا التوقيع؟؟ اعترف ... سيبوه يارجالة هو هيتكلم لوحده...

دنا غلبـــــــــــــان

[متفائل]

مرحبا بيك يا أخ غلبان

ليه يا عم كده مكنت خليك مبسوط أحسن

فكرتني بمسرحية المتزوجون

مدام حنفي :

لكن الغلابة أكتر لكن الغلابة أكتر

لينا :مسعودي إحنا غلابة؟؟؟؟؟

مسعود :

لأ يا روحي إحنا مساكين....

والله انا خايف حد يسجل باسم مسكين بعد كده ولا اسم إسم الطبقة الكادحة والا صحيح مهو فيه هندكرافت

[se_ Elsyed]

أنا كنت مقاطع الترحيب بأي حد بينضم جديد .. علشان معظمهم بيكتب مداخلة واحده ويذهب مع الريح ..

لكن أسمك اللي شدني بصراحة ..

مرحباً بك وسط أخواتك المساكين يا غلبان ..

هات يابني سندوتش طعمية وكوز ميه لأخونا الغلبان

[متفائل]

وجب يا معلم

هو صحيح مابيدفعش خالص بس يالله كله بثوابه

وبعدين إيه التوقيع ده يا س س

فكرتني بالكتاب الأخضر بتاع القزافي

لا حرية لشعب يأكل من وراء البحار

مش عارف بحار إيه عملي فيها السندباد هو كمان

[etreby]

أهلا بالأخ غلبان. شرفتنا. كلنا هنا غلابه وحياتك.

سندوتش طعمية بحاله يا سي السيد؟؟؟ انت باين عليك عاوز تفلس المنتدى. انت مسمعتش سعر الدولار بقى بكام؟

سك على السندوتش و كفاية بقسماطاية مغمسة فى شاى و لبن بس من غير سكر.

معلش يا استاذ غلبان بس لا يكلف الله نفسا إللا وسعها.

[se_ Elsyed]

أهلا بالأخ غلبان. شرفتنا. كلنا هنا غلابه وحياتك.

سندوتش طعمية بحاله يا سي السيد؟؟؟ انت باين عليك عاوز تفلس المنتدى. انت مسمعتش سعر الدولار بقى بكام؟

سك على السندوتش و كفاية بقسماطاية مغمسة فى شاى و لبن بس من غير سكر. 

معلش يا استاذ غلبان بس لا يكلف الله نفسا إللا وسعها.

الأخ إتربي .. أرجو الرجوع إلى موضوع " أين الفينو يا ظلمه " في باب الإقتصاد ....

يابويا الناس ملاقيه الفينو تيجي حضرتك وتقولي بقسماط وشاي بلبن !!!

طب خليها رغيف من أبو شلن ونشممه طعميايه ومشي حالك .. والراجل أساساً غلبان ومش هايمانع ( هو لاقي )

[etreby]

يعنى افهم من كلامك ان البقساطاية الواحدة أغلى من الرغيف ابو شلن؟؟؟

يانهار اسود يا جدعاااااااان.

دى الدنيا بقت غالية بشكل!!!!!!!

وش واحد مكسوووووف و عبييييييط.

[Faro]

يا ألف هلا بيك ياغلبــان

العقول العظيمة تناقش الأفكار؛ 

العقول المتوسطة تناقش الأحداث؛ 

العقول الصغيرة تناقش الأشخاص.

ياسيد غلبــان

نحن فى المنتدى نناقش الأفكار , الأحداث والأشخاص ... فماذا تعني بذلك ؟؟؟؟

هل هذا تصنيف لأعضاء المنتدى أم خطأ مطبعي ؟

[فــيــروز]

أهلا بالأخ غلبان. شرفتنا. كلنا هنا غلابه وحياتك.

سندوتش طعمية بحاله يا سي السيد؟؟؟ انت باين عليك عاوز تفلس المنتدى. انت مسمعتش سعر الدولار بقى بكام؟

سك على السندوتش و كفاية بقسماطاية مغمسة فى شاى و لبن بس من غير سكر. 

معلش يا استاذ غلبان بس لا يكلف الله نفسا إللا وسعها.

بس خلى بالك

بعد ما تغمسها فى الشاى ابو لبن تستنى لغاية ما تنقط كل الشاى ابو لبن اللى شربته وبعدين تقدمها له بالهنا و الشفا

منور يا جميل

[Salwa]

اعتقد اخى المحترم فارو..ان الزميل يقصد غلبان أى لاحول له ولاقوة.

زى ما واحد يقول للتانى بعد موقف معين.....سامحنى....

وده غلط كبير جدا جدا فى رأيى المتواضع.

لو واحد غلط..يقول آسف...او أعتذر.

والسماح بس نطلبه من ربنا.

قصدى يا اخى فارو.

ده مجرد كلمة...ومش شرط يكون القصد معناها حرفى.

مش عارفة ليه حاسة انى خرجت برة الموضوع؟

عموما....مرحبا بالأخ غلبان...

سلامى.

[sos]

بالمناسبة طالما مسألة توقيع االاخ الغلبان اخذت هذا الشكل...

هذا التوقيع مستعمل من خلال احد الاعضاء القدامى من فترة طويلة ولم ينتقدة احد..

لماذ ينتقد الان ...

يمكن علشان صاحب التوقيع اسمه غلبان...

[Proud Muslim]

أهلا و سهلا بأخونا الفاضل الغلبان ..

أظنني قد رأيت مشاركاتك في منتديات أخرى .. فلو كنت أنت ..

فالمنتدى قد كسب شخصا من الين نحسبهم على خير ..

فالغلبان الذي أعرفه من أخف الناس دما بصراحة ..

يا رب تكون هو ..خصوصا ان التوقيع هو نفسه .. :))))

بخصوص سرعة الردود .. هنا في المنتدى ..ستجد ان أسرع الردود تكون في مواضيع الترحيب و التهنئة .. في باب شؤون المحاورات ..

:)))))))))))))

أسأل الله أن يكون وجودك هنا بيننا مفيدا لنا و لك ان شاء الله .

أخوك :

proud muslim

[Lighthouse]

أخوكم الغلبان يحييكم. 

واحنا اغلب وبنحييك كمان رغم غلبنا الشديد وماحدش اغلب من حد

نورت المنتدى ونورك غطى ع الكهربة

بس على فكرة قبل ماتقعد وتتبحبح في القعدة وتصدق كلام سي السيد أو اي حد يعزمك على اكل هنا

كل ده كلام وعزومة مراكبية

حبيت اعرفك علشان تعمل حسابك وتجيب أكلك معاك واهو بالمرة ينوبنا من الاكل جانب

هل من معترض

مرحب مرحب

[الغلبان]

و علي ايه يا جدعان تخسروا بعض علشاني ؟!!!

لو وجودي هيضايقكم أنا ماشي ..

خلاص ...

محدش يمسك فيّ ...

سيبني يا جدع انت و هو ...

محدش يمسكني ..

سيب دراعي ..

باقول لك سيب ..

يا عمي خلاص...

إوعى كده ...

لا لا لا ...

أنا محبش حد يبوس راسي ...

لااااااااا

و على إيه تحلف بالطلاق ؟!!

خلاص يا عم ..

قعدنا ..

يا عمي خلااااااااااااص

قلنا قاعدين .

[الغلبان]

بصوا بقى ...

أنا قعدت بس علشان الراجل الطيب اللي كان هيبوس راسي ده ..

و الجدع اللي زعلني لما حلف علىّ بالطلاق، بس برده شكله كده جدع عترة و مجدع ..

الصراحة كلكم كده شكلكم ناس شربات و جدعان و اولاد بلد ..

أنا احب قوي العالم دي.

أرد بقى على حضراتكم واحد واحد ...

بس المشاركة الجاية :wink:

[Guest بشبوشة]