دليل السياحة الداخلية في مصر

[الجدار]

بسم الله

شوفوا يا جماعة بلدنا دي على أد ما فيها أماكن تحفة

عايز أعرف ليه ماعندناش مرجع متخصص يدلنا عن الأماكن اللي عندنا بتفاصيلها والمواصلات اللي ممكن تستخدمها وأماكن الإسكان فيها وتفاصيل التفاصيل

يعني انا بقالي 3 أسابيع بدور على النت على أي معلومات عن مدينة راس سدر ونفسي أروح هناك لأني سمعت انها مدينة تحفةز

كل اللي لقيته معلومات عامة

يعني مثلاً حد يتخيل واحد بيوصف الرحلات الى القاهرة والمفروض انه بيدي معلومات لسايح يروح جاي يقول وعندك الأهرامات والقلعة والحسين

طيب يا فرحتي

ولا أسكندرية فيها قلعة قايتباي والمنتزه والمعمورة وكل سنه وانت طيب

حاجه في الشرق وحاجة في الغرب

يعني لو قريت الموضوع تحس انك حتلف الدنيا في يوم

طيب ليه ماعندناش إحترافيه ؟؟

ليه وزارة الثقافة ماتعملش موقع موسوعي زي ويكيبيديا يبقى متخصص في السياحة الداخلية في مصر وكل واحد ممكن يضيف ويزود المعلومات اللي موجوده

مش لازم وزارة الثقافة يعني حد يبقى عنده خبره في المواضيع ديه ويتطوع ويبتدي

يعني السايح يهمه الآتي

المدينة دي مشتى ولا مصيف

الأماكن اللي ممكن يزورها والمواصلات اللي تروح المكان ده

امكانية انه يزور كذا مكان في يوم واحد أو زي ما بيقولوا برنامج يصلح ليوم فسحة أو أسبوع وهكذا

تكاليف المعيشة في المدينة دي

طبيعة السياحة اثرية ولا بحرية ولا استشفائية ولا دينية

هل ده طلب صعب أو خبراء السياحة مش عارفين الموضوع ده ؟؟

يا ريت حد يفهمني

والله الواحد بيحزن لما يلاقي الأجانب عافين بلدنا أكتر مننا

سؤالي لو حد يعرف سايت أو كتاب أو اي حاجه تعتبر دليل لأي سائح بالعربي أو بالإنجليزي يا ريت ما يتأخرش

[د هشام ابراهيم]

عايز أعرف ليه ماعندناش مرجع متخصص يدلنا عن الأماكن اللي عندنا بتفاصيلها والمواصلات اللي ممكن تستخدمها وأماكن الإسكان فيها وتفاصيل التفاصيل

..............

طيب ليه ماعندناش إحترافيه ؟؟

.............

هل ده طلب صعب أو خبراء السياحة مش عارفين الموضوع ده ؟؟

يا ريت حد يفهمني

والله الواحد بيحزن لما يلاقي الأجانب عافين بلدنا أكتر مننا

سؤالي لو حد يعرف سايت أو كتاب أو اي حاجه تعتبر دليل لأي سائح بالعربي أو بالإنجليزي يا ريت ما يتأخرش

أسئلتك ديه استنكارية و لا إستفسارية يا صديقي

علي العموم لو بتدور علي مواقع مصرية فيه موقع وزارة السياحة و موقع الهيئة العامة للاستعلامات ....هي صحيح مواقع معوقة انما اللي موجود ..... لو عايز أجنبي برضه فيه انما بتبقى موجهة أساسا لصاحب البلد ...كندي أمريكاني انجليزي و هكذا

Tour Egypt

SIS

[الجدار]

أسئلتك ديه استنكارية و لا إستفسارية يا صديقي ;)

علي العموم لو بتدور علي مواقع مصرية فيه موقع وزارة السياحة و موقع الهيئة العامة للاستعلامات ....هي صحيح مواقع معوقة انما اللي موجود ..... لو عايز أجنبي برضه فيه انما بتبقى موجهة أساسا لصاحب البلد ...كندي أمريكاني انجليزي و هكذا

Tour Egypt

SIS

والله هي الأسئلة استنكارية استفسارية

اصل مش متخيل ازاي بلد فيها كل الأماكن دي ومافيش تفاصيل لأي مكان يعني صباح التوهان

والله عيب كبير قوي

ده يا سيدي تدخل أي موقع لأي بلد اجنبية تلاقي تفاصيل التفاصيل لو عايز تروح المكان الفولاني عندك مواصلات كذا وكذا وكذا

لو استخدمت ده متوسط الوقت كذا ولو ده المتوسط كذا

في فنادق كذا في مطاعم كذا في في في

العملية مش صعبة

لأ وشركات السياحة عندنا تحفة يعني مش بتخلق طلب على الأماكن المجهولة سياحياً بالنسبه للمصريين

لأ بتشوف الناس عايزة تروح فين وأديها رحلات.

طبعاً مافيش مانع ان أي شركة سياحة بتدور على أرباح ، بس أعتقد موضوع زي ده مش حيخسر الشركة.

انا شايف جميع الرحلات دلوقتي (مرسى مطروح - اسكندرية - شرم - الغردقة) وكل سنة وانت طيب

طيب فين باقي الأماكن والله انا شايف اماكن تحفة في مصر

بس للأسف مافيش معلومات كفاية ليها

مش عارف يمكن الموضوع مش مهم من وجهة نظر ناس كتير

بس انا شايف انه عيب علينا اننا نضيع السياحة مننا اللي كانت ميزة تنافسية لينا

زي ما ضيعنا القطن اللي كنا بنصدره للعالم وزي ما ضيعنا حاجات كتير

:blink: الموضوع وسع كده ليه ؟؟

..... لو عايز أجنبي برضه فيه انما بتبقى موجهة أساسا لصاحب البلد ...كندي أمريكاني انجليزي و هكذا

ضحكتني يا دوكـ :lol: فعلاً هما دول صحاب البلد wst::

ألف شكر يا باشا على اللينكات اللي بعتهالي

ندور على قبرص أحسن

تم تعديل 20 مايو 2009 بواسطة الجدار