مدينه بيشه

[rewsha]

يا جماعه حد يعرف اي معلومه عن مدينة بيشه .جاي لجوزي عمل هناك(طبيب)عايزه اعرف اقرب مكان للترفيه منها ايه؟وعلى بعد كام كيلوا .المطاعم هناك.المدارس.السكن .الاسواق.اي معلومه الله يرضى عليكم .ضروري

[elfakhrany]

يا جماعه حد يعرف اي معلومه عن مدينة بيشه .جاي لجوزي عمل هناك(طبيب)عايزه اعرف اقرب مكان للترفيه منها ايه؟وعلى بعد كام كيلوا .المطاعم هناك.المدارس.السكن .الاسواق.اي معلومه الله يرضى عليكم .ضروري

بيشة تقع في الجزء الشمالي من المنطقة الجنوبية من المملكة العربية السعودية. وترتفع عن سطح البحر بحوالي (3600) قدم. وبها قرابة (240) قرية تنتشر على ضفتي وادي بيشة وروافده

تابع الموضوع من هنــــا

[rewsha]

شكرا جزيلا .للاخ الفخراني .ربنا يكرمك.

[se_ Elsyed]

هنا بيشه ...

خدي يا مدام روشه .. ده جورنال زي الإيجيبشن جازيت كده أو الأهرام عبدو .. بس إسمه بيشه توداي ... مش عارف هاتعرفي اللغة البيشية .. ولا هاتضطري تستخدمي جوجل ترانسليت عشان تفهمي الأخبار دي :sad: :D .. عامةً أنا أعرف ناس في بيشة لو حاجه عصلجت معاكي قوليلي على طول

صوت بيشه الحُر

mfb:

mfb:

ups:

[ozoozo]

انا بنزل بيشه مره او اتنين كل شهر للعمل وللاسف اني اقولك انها مدينه صغيره جدا جدا وممله جددااااااااااااااااااااااااااااااااااااااااااااااااااااااااااااااااااااااااااااا

ااااااااااا الي اقصي الحدود والحاجه الوحبده اللي الناس بتروح تتفسح فيها هناك هي هايبر باندا لانها الحاجه الوحيده الحضاريه الموجوده هناك فبما عدا ذلك لا يوجد اي شئ للترفيه اذا اعتبرنا باندا ترفيه اساسا واقرب بلد ليكم فيها ترفيه وتسوق هي ابها علي بعد 250 كم وبرضه المدارس اعتقد انه لا يوجد مدارس انترناشيونال هناك -سيبيني اتاكدلك من المعلومه دي-

باختصار بيشه تعتبر سجن.........................

[rewsha]

ربنا يكرمك . معلش باتعبك معايه

[se_ Elsyed]

والحاجه الوحبده اللي الناس بتروح تتفسح فيها هناك هي هايبر باندا لانها الحاجه الوحيده الحضاريه الموجوده هناك فبما عدا ذلك لا يوجد اي شئ للترفيه اذا اعتبرنا باندا ترفيه اساسا

في هناك عروض دلوقت على زيت العربي ولا خلص العرض ده ؟ :D

[ozoozo]

والحاجه الوحبده اللي الناس بتروح تتفسح فيها هناك هي هايبر باندا لانها الحاجه الوحيده الحضاريه الموجوده هناك فبما عدا ذلك لا يوجد اي شئ للترفيه اذا اعتبرنا باندا ترفيه اساسا

في هناك عروض دلوقت على زيت العربي ولا خلص العرض ده ؟ :D

والله مابهزر انت روح هناك كده بعد المغرب هاتلاقي كل واحد واخد المدام والعيال وهايم علي وجهه هناك وبيشتري اي حاجه وخلاص .......

[se_ Elsyed]

والحاجه الوحبده اللي الناس بتروح تتفسح فيها هناك هي هايبر باندا لانها الحاجه الوحيده الحضاريه الموجوده هناك فبما عدا ذلك لا يوجد اي شئ للترفيه اذا اعتبرنا باندا ترفيه اساسا

في هناك عروض دلوقت على زيت العربي ولا خلص العرض ده ؟ :D

والله مابهزر انت روح هناك كده بعد المغرب هاتلاقي كل واحد واخد المدام والعيال وهايم علي وجهه هناك وبيشتري اي حاجه وخلاص .......

عارف يا ريس انك بتتكلم جد

لي زملاء هنا من الجنوب وبيحكوا لي ان تلك المدن صغيرة جداً وامكانياتها محدودة وعايزه اللي يعيش فيها يبقى من الشغل للبيت وممن البيت للسوبر ماركت

وما يسألش بقى عن ترفية او مدارس انترناشونال ولا كل هذا الترف

وسبحان الله

ما لا يُعجبني .. قد يعجب غيري

[MZohairy]

يا جماعة الخير

حرام عليكم تعقدوا الست

حضرتك تقدري تروحي تقضي شهر مع زوجك و لو لقيتي الوضع غير مريح على الطبيعه فكروا مع بعض و خدوا القرار السليم

بس طبعا خلي سقف توقعاتك منخفض للوضع المريح هناك خصوصا و ان اول سؤال ليكي كان على اماكن الترفيه

بالتوفيق

[mama nona]

الاخت روشة

السلام عليكم

انا عايزاكى متتعقديش وخلى الامور إيزى خالص

انا معرفش بيشة دى شكلها ايه ولا عمرى رحتها بس انا كنت ف بلد اسمها الليث قبل ما نيجى الرياض

انا هاعتبر انه الليث شبه بيشة على سبيل المثال للمدن الصغير ة

البلد كانت عبارة عن شارعين بالطول وزيهم بالعرض

تخيلى كنا بنقف فالاشارة لوحدنا

كان المغرب بيأدن متلاقيش حد ماشى خالص فالشارع

علاقتى بالدنيا كانت مالبيت للشغل وفعلا للسوبر ماركت زى ما سى السيد قالك

كان فيه مستشفى حكومى واحد بس فالبلد ومعاه مستوصف خاص واحد وتخيلى المستوصف ده مكنش فيه فيه 2 دكاترة وممشينه زى النار

طبعا مفيش وسائل ترفيه غير انك تنزلى تتمشى ع رجلك والغبرة تقوم والجو يقلب ونرجع بسرعه البيت

كان فيه طريق كده مفيهوش لمبات حتى كله ضلمة كل ما اقول لزوجى نتمشى يودينى فيه

ال وايه كنا مسمينه طريق العشاق mfb:

عشان كل واحد مراته تقوله خرجنى ياخدها تمشى فالطريق الضلمة ده عشان محدش يشوفها وعشان تحرم تقوله تخرجنى

بس الحمد لله فعدنا سنتين ولما اتيحت لنا فرصة احسن مترددناش مع انها كانت بنفس المميزات ويمكن اقل

اه نسيت اقولك مكنش فيها الا مدارس حكومى على هيئة حوش كده والعيال فيه

شوفتى اديكى ظلمتى جيزان وقلتى عليها كلها بدو وقرود ...........................

طلعلك فالبخت بيشه ........................

كل ده وانا مش عايزة اعقدك

ممكن تروحى فترة كده تجربى حظك وتعيشى والسنتين بيعدو هوا

وبعدها دورى تانى ع مكان افضل

وان شاء الله بالتوفيق

[rewsha]

اقول لكم بقه على خبر..............بس انا مش زعلانه............................اكيد عرفتوه.

شهادة الخبره مانفعتش

وبالتالي يمكن ما نسافرش خالص.

وانا متشكره جدا للناس اللي فرحوا لى والناس اللي مدوني (بس مش مدوني على رجلي)مدوني بالمعلومات عن بيشه وصدق اللي قال

بيشه مافيهاش عيشه.......

[شرف الدين]

يا جماعة بلاش تعقدوا الست ... على الأقل عندها هايبر بنده... ما بالكم الخرج مفيش فيها هايبر بنده حتى وأدينا عايشين من ست سنين .. لا جراح في قلوب ولا دمع حزين

تم تعديل 19 مايو 2009 بواسطة شرف الدين

[ALivE]

يا جماعة بلاش تعقدوا الست ... على الأقل عندها هايبر بنده... ما بالكم الخرج مفيش فيها هايبر بنده حتى وأدينا عايشين من ست سنين .. لا جراح في قلوب ولا دمع حزين

والله لسه بقول الخرج وما ادراك ما الخرج ..

بس برضه من اللى سمعناه الخرج احسن كتير من بيشه . مثلا :-

* فبها بندا ( هى مش هايبر بس اهو حاجه من ريحتها ) وبتمشى الحال

* وطبعا جيان بصراحه رائعه بالنسبه للخرج

* فيها منتزهات لا بأس بها .(( وللعلم هيفتتحوا قريب منتزه جديد جنب جيان وشكله هيقى رائع )) ..

* وميزه حلوه كمان بصراحه . قريبه من الرياض (ساعه تكون هناك )

* من عيوبها ( كلها بدو ونادرا ما تجد فيها تفكير ناضج واسلوب راقى

وبصراحه ميخنقنيش اد كلمة (( مصاريه )).. تحريف كبير فى اللغه ..

_________

والسلام عليكم ورحمة الله وبركاته

تم تعديل 19 مايو 2009 بواسطة ALivE

[Dr.mmfriend]

السلام عليكم

السؤال الى بيطرح نفسه على الساحه دلوقت

انتى جايه تدورى على الترفيه فى السعوديه!!!!!!!

مستحيل طبعا الا نادرا جدا جدا

الفكره كلها انتوا هتدفعوا سنه او اتنين من عمركم وتاخدوا كام

وهل المبلغ يستاهل ولا لا؟

وهل انتوا محتاجينه لهدف معين مثلا ولا السفر لمجرد السفر

لو نفسك فى الترفيه متجيش السعوديه من اصله اساسا

شوفوا سفر لدبى او قطر او البحرين

اما لو لفتره قصيرة ولهدف معين ما في مشكله

وربنا يوفقكوا وتروحوا مكان كويس

[mama nona]

اقول لكم بقه على خبر..............بس انا مش زعلانه............................اكيد عرفتوه.

شهادة الخبره مانفعتش

وبالتالي يمكن ما نسافرش خالص.

وانا متشكره جدا للناس اللي فرحوا لى والناس اللي مدوني (بس مش مدوني على رجلي)مدوني بالمعلومات عن بيشه وصدق اللي قال

بيشه مافيهاش عيشه.......

ان شاء الله اكيد ده خير لكم

متزعليش نفسك هتتحل بإذن الله

حاولى تسعى من جهة اخرى لاستخراج شهاد ة تانية بس لازم تكونو متأكدين انه اختامها سليمة

حاولى تسعى ع عقود ف مكان تانى غير السعودية

كلمى الاستاذ ربيع ال وثق الشهادة اخدى رأيه واسأليه حلها ايه اهو يمكن يفيدك بأى حاجة .

ان شاء الله هيكون خير

[banaga]

امال احنا نعمل اية بقى يا جماعه ؟؟؟ انا بقى عايش فى جده بقالى سنة و نص جمبى البحر و جمبى مكه نص ساعة و اكون فى الحرم و المدينة 3 ساعات بالكتير و كافيهات و قهاوى مصرية و الكورنيش و المولالالالالات كتييييييييييييييييييييييييييييييييير اوى اوى تفتكرو مراتى هتعرف تعيش هنا ؟؟؟ :)

[rewsha]

والله ياجماعه اولا:باشكر كل اللي اهتم وكتب لي ولو معلومه صغيره تفيدني في اي حاجه.

ثانيا:بجدبجد اكتر حا جه استفدتها لما فكرنا في موضوع السفر ده هوه اني كسبت معرفه ناس زي الفل من المحاورات وعرفت ان الدنيا بخير

ثالثا:عسى ان تكرهوا شيئا وهو خير لكم .اللي حصل ده خير والسفربرضه نصيب والحمد لله .وهوه على فكره الناس ما عقدتنيش من بيشه في الحوار هنا.لا انا كنت متعقده جاهزه لان حاولت ابحث في النت علشان او صل لاي معلومه عن بيشه والاماكن اللي فيها بصراحه لم اجد اي معلومه مبشره بالخير

وطبعا متشكره للناس اللي بيحاولوا يشجعوني اني اخوض التجربه واجرب

بس الحمد لله الموضوع اتحسم من عند ربنا وشهادة الخبره مانفعتشوالموضوع وقف بعد ما اخدنا رقم النت .

وبالنسبه يادكتور mmfriendانا كنت باساْل عن الترفيه لانها مش هاتبقى غربع وكتمة نفس كمان .انا شايفه الناس عماله تشتكي

وبعدين لو اي مكان مثلا الرياض او جده او الدمام ماكنتش ساْلت لكن بيشه من اسمها وموقعها اللي توقعته لاقيته.

ولو الخرج (للناس بتوع الخرج)صدقوني افضل لان ساعه وتكون في الرياض.انما دي اقرب مكان ليها هوه ابها 250 كيلو او خميس مشيط

عموما متشكره جدا لتفاعلكم مع الموضوع

[rewsha]

الاخ/banaga اقول لك تعمل ايه علشان زوجتك تعرف تعيش؟ ...انت اللي بتساْل اهو

تسيب جده وتروح بيشه.

[banaga]

و الله يا ست روشة انا بهزر انا فعلا كنت عايز اتنقل اصل جده غالية بالذات السكن و كنت عايز اتحسد و اروح حته ارخص بس مش بيشه يعنى ممكن المدينة او الطايف بس هو كله نصيب يعنى انا الاول كنت فى الرياض و بعدين اتنقلت جده فعادى يعنى و عاوز اقولك انه عادى كلها غربه والله انا شايف ان السعودية مفهاش غير الحرمين / الحرم النبوى / و الحرم المكى فالميزة بقى ان الواحد يكون جمبهم او جمب حاجة منهم او المنطقة الغربية و خلاص و انشاء الله ربنا يوفقك انتى و جوزك فى حاجة تانية احسن

( انا لسه مجبتش مراتى انا لسة راجع اجازة من مصر و كتبت كتابى بس و انشاء الله ابقى اعزمكو فى الفرح )