أفكار لمصر بدون حقوق ملكية فكرية ®

[متفائل]

فيه موضوع جميل للاستاذ أخناتون

مشروع للمناقشة .. من اجل توفير الخير

http://www.egyptiantalks.org/bforums/viewt...pic.php?p=92993

بحييه عليه وعلى أنه حاول يفكر في مشروع يوفر الخير للبلد

إيه رأيكم الي عنده أي فكرة ولو صغيرة علشان خاطر مصر يكتبهلنا هنا ومين عارف يمكن الحكومة تقتبسها مننا وتنفذها

أنا عندي فكرة !! أه والله !!!

فيه طرق صحراوية كتيير في مصر في سينا و الصحراء الشرقية و الغربية

لو أتعمل منظومة ري بسيطة ماسورتي ماية بقطر مش كبير بطول الطريق الصحراوي وعلى جانبيه

ويتفرع منها مواسير على مسافات كل 200 300 متر وبعدين انابيب بلاستك للري بالتنقيط عرض المنظومة دي على جانبي الطريق حبذا ماكنش كبيرة علشان عدم هدر الماء وعلشان متكنش مكلفة يعني ممكن عرض 50 الي 100 متر كحد أقصي

وبعدين يبدر بزور نباتات مراعي على طول جانبي الطريق يعني برسيم أو أي نباتات تانية تصلح للرعي

وكل كيلو أو 2 كيلو يتعمل بيت صغير يسلم البيوت دي لمنتفعين من المشروع وكذلك عدد من الأغنام أو البقر وبزور نباتات رعي علشان يبدرها كل فتره

طبعا بعد فترة 3 أو 4 سنوات الأراض هتبقي خصبة بسبب التسميد الطبيعي وممكن تزرع محاصيل تانية غير محاصيل الرعي

إيه الميزه ؟؟؟ كزا ميزا !!!

1- المشروع كده مش هيكون مكلف أوي زي مشاريع الاستصلاح الكبيرة

2- توفير بروتين حيواني

3- الموضوع في الاول هيكون رعي يعني مفيش تكاليف كبيرة بتاعة زرعة وتسميد ومقامة أفات وغيرها

يعني بدر بزور رع ورعي الحيوانات و تسميد طبيعي

4 - تخيلو المنظر

مش ممكن دا هيبقي المنظر خرافي أكنك ماشي في الريف الانجليزي المشهور أرض خضر على جانبي الطريق و خراف أعده تلعب وتاكل وبقر شكله جميل ونظيف

5 ـ الطريق نفسه هيبقي محمي من الردم بالرمال

طبعا فيه ناس هتسأل طب والخدمات والمدارس والرعاية الصحية للناس الي هتبقي في المشروع على طول الطريق هتكون أزاي؟؟؟

كمان إدارة المشروع وتنفيزة من البداية هيكون مسؤلية مييين؟؟؟

أسيب لكو أنتو بأه التفكير في حلول للموضوع ده علشان يبقي فيه إثراء للمناقشة

منا كمان مش هعمل كل حاجة انا ياجماعة شايل البلد على كتافي ساعدوني شوية علشان أعملكوا مشروع تاني

تم تعديل 11 نوفمبر 2003 بواسطة متفائل

[متفائل]

أخواني وأحواتي الأعزاء

أغلبنا عارف مشاكل البلد واسبابها وياما أكلمنا عليها وبكينا على الحاله الي وصلنالها

فاضل اننا نبحث عن الحلول

وعلشان كده كنت عملت التوبيك ده علشان يكون فيه أمل وزي ما موضوع مناقشة المشاكل واسبابها قتل بحثا نوجه جهودنا لإيجاد حلول وأقتراح الافكار الي مش شرط تكون كلها رائعة ولا تقدم الحل السحري بس ممكن مجملها يفرز حل لبعض المشاكل

عاوزين يا جماعة أفكار مهما كانت صغيرة أو بسيطة بس تقدملنا حل لمشكلة ولو كانت صغيرة أو تفيد بأي شكل

تم تعديل 11 نوفمبر 2003 بواسطة متفائل

[متفائل]

طيب أدي فكرة في مجال التعليم !!!

عندنا النيل سات وعليه قنوات كتير للتعليم

بس عندي فكرة في اعتقادي هكون فعالة جدا في تعليم اللغات

ممكن يبقي فيه قناه أو أكثر ( قناه للانجليزي وأخري للفرنساوي وهاكذا حسب الحاجة )

برامج القناه دي تكون عادية جدا أخبار ومنوعات وافلام وبرامج حوارية (طبعا بالغة المخصصة للقناة يعني الانجليزية مثلا -خلي الانجليزي هو المثال الي هنكلم عنه) ممكن الاستعانة بمواد النيل سات بدون أي مجهو أضافي

إيه الإضافة ...

كل الحوار والكلام الي بيتقال يتكتب (زي الترجمة الي بتبقي على الافلام الاجنبية ) بس بالنجليزي

يعني المشاهد هيسمع الحوار ويقراه في نفس الوقت ومع الوقت هيكون عنده حصيلة لغوية كبيرة جدا وهيقدر بسهوله يظبط مخارج الافاظ ونتخلص من طريقتنا في نطق اللغات الاجنبية الي هي في أحيان كتيرة بتبدو مختلفة عن النطق الطبيعي وكأنها لكنة

طبعا ممكن علشان زياده فاعلية القناه وزياده الفايده للمبتدئين يتعمل برامج تعليم للمبتدئين الي معندهمش معرفة مسبقة باللغة

وان شاء الله ان متأكد أن الطريقة دي هكون فعالة بشكل كبير في تعلم اللغات الاجنبية وأعتقد ان تكلفة الموضوع مش كبيرة على الاطلاق وممكن تتنفذ على بعض القنوات الموجوده بالفعل

تم تعديل 11 نوفمبر 2003 بواسطة متفائل

[إبن مصر]

فكره كويسه يا متفائل واذكر ان قناه TV5 الفرنسيه تعمل نفس الشىء اللغه فرنسيه والكتابه ايضا فرنسيه ولكن هذا يخص اللغات فقط ..

الا تعتقد معى ان موضوع التعليم وتصور حلول له يبدأ من مرحله تعلم الكلام العربى الاول ...

ابن مصر

[ابو حلاوه]

في مصر لا توجد سياسة علاجية بالمعني المفهوم .. و العلاج في مصر عبارة عن مزيج غريب من اقتصاديات السوق و خدمة اجتماعية مجانية .. و النتيجة غير طيبة ان لم تكن فاشلة

العلاج كأي سلعة اقتصادية أخرى .. له تكلفته و له معاييره و له مستهلكه .. هناك مستهلك و هناك مقدم للخدمة و لكن لا توجد معايير للخدمه العلاجية ..

في اوروبا و بالتحديد في الدول التي تتبني سياسات التكافل الاجتماعي .. التأمين الصحي الحكومي بيعمل كطرف وسيط بين مقدمي الخدمة سواءا مستشفيات عامة او خاصة و بين مستهلك الخدمة العلاجية و بيحدد عدة معايير جودة شاملة و تكاليف العلاج .. بمساندة من بعض التأمينات الخاصة التكافلية

و في الولايات المتحدة توجد شركات تأمين خاصة HMO بتتولي تلك المسئولية بالاضافة لبعض المؤسسات الفيدرالية خاصة فيما يتعلق بالفقراء و المسنين و الاطفال

في مصر لا توجد تلك المؤسسات الوسيطة .. و لا يوجد وسيلة لتحديد تكاليف الخدمة و جودتها و مراجعة معايير الجودة باستمرار مع المؤسسات المقدمة للخدمة

و من المعتاد للأطباء و المستشفيات و المرضي أيضا الدخول في مفاوضات هزلية لتحديد الاتعاب و من غير النادر ان تنتهي بعض التدخلات الطبية بكوارث بسبب نقص بعض المعدات الاساسية و التي لا يمكن ان تعمل بدونها مستشفي

هناك في مصر بعض الارهاصات مثلا ما تقدمه النقابات المهنية لخدمات تأمين و تعاقدات لأعضائها و هو ما يحدد علي الاقل تكلفة الخدمة و يعطي للخدمة الطبية شكل من الجدية .. بالرغم من ان الاسعار في معظم الاحوال مجحفة جدا للمشاركين فيه من الاطباء..

و لكن نظام التامين النقابي يسمح الي حد كبير بتوزيع عادل للمرضي علي الاطباء المشاركين ..

و تبقي مسألة جودة الخدمة و هي متروكة للسمعة الطيبة و الدعاية أكثر منها لمعايير دقيقة و محددة ..

نحن في مصر في حاجة للآتي

تفكيك التأمين الصحي الحكومي بصورته الحالية لعدة كيانات هرمية و مستقلة في وقت واحد

خلق تكتلات نقابية قادرة علي عمل مشاريع تأمين صحي كبيرة للأعضاء المشاركين من خلال وفرة الامكانيات المادية المشتركة و القدرة علي المطالبة بجودة معينية للخدمة

ايجاد مؤسسات استشارية مستقلة هدفها تحديد معايير للخدمة الصحية و تقسيم جهات تقديم الخدمة الطبية لعدة مستويات من الاجر و الجودة

باختصار في مصر مريض و طبيب و لكن لا يوجد وسيط بين المريض و الطبيب

نحن في حاجة الآن لهذا الوسيط الاداري و المالي لرفع كفائة الخدمة

[متفائل]

نحن في مصر في حاجة للآتي

تفكيك التأمين الصحي الحكومي بصورته الحالية لعدة كيانات هرمية و مستقلة في وقت واحد

خلق تكتلات نقابية قادرة  علي عمل مشاريع تأمين صحي كبيرة للأعضاء المشاركين من خلال وفرة الامكانيات المادية المشتركة و القدرة علي المطالبة بجودة معينية للخدمة

ايجاد مؤسسات استشارية مستقلة هدفها تحديد معايير للخدمة الصحية و تقسيم جهات تقديم الخدمة الطبية لعدة مستويات من الاجر و الجودة

باختصار في مصر مريض و طبيب و لكن لا يوجد وسيط بين المريض و الطبيب

نحن في حاجة الآن لهذا الوسيط الاداري و المالي لرفع كفائة الخدمة

<span style='font-family:arial'></span>

أخي العزيز أبو حلاوة

التأمين الصحي وكافالة نوعية وجودة الخدمة الصحية المقدمة من خلاله بالطريقة الي أقترحتها أمر طيب

بس ماذا عن الخدمة الصحية المقدمة لغير القادرين والي مش ممكن أدراجهم في أي منظومة تأمين صحي حيث انهم ملهمش نقابات ولا دخول ثابته

أزاي نكفلهم خدمة صحية جيدة بالمجان أو بتكاليف زهيدة ؟؟

هل دي كما هو موجود دلوقتي تبقي مسؤلية الحكومة فقط ولا لازم يدخل فيها مؤسسات خيرية مثلا ؟؟

كيف يتم التعامل مع هذا الامر في فرنسا مثلا حيث انه المثل الي انتا مطلع عليه؟

أخي العزيز ابن مصر

انا فكرت بس في فكرة بسيطة لتطورير تعليم اللغات الاجنبية

تي في 5 لحقت تاخد الفكرة :) :)

[فــيــروز]

اقترح ان يكون هناك برنامج لدعم الصناعات الصغيره

ويكون فيه قروض للاسر لتشترك بالكامل فى هذا البرنامج الذى من المفترض ان يشمل اجزاء للتدريب على الصناعه نفسها و اخرى للمبادئ التسويق و الاداره

او حتى ممكن يكون فيه تكامل بين مجموعه من الاسر بعضها تقوم بالانتاج و البعض الآخر يتولى التسويق و البيع بعد تدريبه

يعنى يكون المشروع الصغير يدار بواسطة اسره مع بعضها "سمعت انهم بيعملوا كده فى الصين" او مجموعه من الاسر التى تعيش فى منطقه واحده مثلا

واظن ان ده هيدينا فوايد كتير

اولها و اهمها طبعا ان يكون هناك مصدر دخل غير تقليدى للاسر المشتركه

ثانيا التخلص بالتدريج من مشكلة البطاله

ثالثا اذا كان الانتاج جيد سيرحمنا من عبء استيراد ما يمكن انتاجه بمصر و بالتالى نوفر فى العمله الصعبه ..

وطبعا حان وقت الصحيان من النوم و كفاية احلام بقى :)

[ragab2]

عندى مشروع يهوس

وينهى كل أشكال الفساد المنتشرة فى البلد

المشروع هو فصل كل موظف مهمل أو متكاسل أو مرتشى أو معطل ومماطل لمصالح الناس ولا نكتفى بنقله

لأن الميكروب يبتر ولا ينقل

دون رحمة أو هوادة وتعيين من هو أفضل منه دون مراعاة كلمة قطع العيش حيث أننا سنصل عيش الأصلح منه

ايه رأيكم فى المشروع .. ؟

[wa7d]

المشروع هو فصل كل موظف مهمل أو متكاسل أو مرتشى أو معطل ومماطل لمصالح الناس ولا نكتفى بنقله

هوه طبعا لن ينصلح الحال بدون تطهير جهاز الدولة . ولكن علشان نعملها صح نخليها كده .

فصل الموظف الذى لا يؤدى واجبات وظيفته ، عن جهل . أما إذا كان مهمل أومتكاسل أو مرتشى فيتم محاكمته ويعاقب حسب القانون .

[صعيدي]

السلام عليكم

عندى فكرة تساهم فى خفض نسبة الامية بدرجة كبيرة

تخيلوا اننا فى القرن الواحد والعشرين وفى عصر الكمبيوتر flx: توجد نسبة اميه تتراوح ما بين 44% الى 56% :angry: mf-:

الحل بكل بساطة هو الجيش

ازاى ;)

مدة الخدمة الإزامية للمجند بدون مؤهل هى 3 سنوات

اعتقد انها فترة كافيه جدا لمحو الامية كاملا وخاصة لان القوات المسلحة غنية بكوادرها كما انها ممكن ان تستغل طاقات المجنديين من حملة المؤهلات العليا فى هذا المجال

بصراحة لقد حزنت عندما كنت مجند ووجدت ان بعض المجنديين لايستطيعون قراءة اسمائهم على التصاريح :) :)

[ابو حلاوه]

متفائل كتب

أخي العزيز أبو حلاوة

التأمين الصحي وكافالة نوعية وجودة الخدمة الصحية المقدمة من خلاله بالطريقة الي أقترحتها أمر طيب

بس ماذا عن الخدمة الصحية المقدمة لغير القادرين والي مش ممكن أدراجهم في أي منظومة تأمين صحي حيث انهم ملهمش نقابات ولا دخول ثابته

أزاي نكفلهم خدمة صحية جيدة بالمجان أو بتكاليف زهيدة ؟؟

هل دي كما هو موجود دلوقتي تبقي مسؤلية الحكومة فقط ولا لازم يدخل فيها مؤسسات خيرية مثلا ؟؟

كيف يتم التعامل مع هذا الامر في فرنسا مثلا حيث انه المثل الي انتا مطلع عليه؟

عزيزي متفائل .. اصطلاح العلاج المجاني يفكرني بالخرافات الشهيرة الغول و العنقاء .. الطب بالرغم من طبيعته الاجتماعية يتكلف و يتكلف الكثير و الحفاظ علي جودة الخدمة فقط و ليس تحسينها يتطلب استثمارات مستمرة ...

مصر لديها القدرة لأسباب كثيرة لتوفير خدمات صحية اوليه و طبيه بشكل جيد و بتكاليف محدودة الي درجة كبيرة ... المشكلة كما قلت لك في الاساس هي انعدام الوسيط بين مقدم الخدمة و متلقيها و عدم وجود عامل شفافيه في سوق العلاج .. من ناحية معايير الجودة و الاسعار ...سواءا في الخدمات الصحية ا لاولية او العلاج او حتي الدواء ...

فيما يتعلق بالمريض غير القادر .. في فرنسا هو مطالب كغيره بدفع تكاليف العلاج .. عدا ان التأمين الصحي بيوفر امكانية تغطية التكاليف الشاملة اذا تبين من خلال دخل المريض او طبيعة المرض المزمنه استحالة ذلك بل و يتم منح المريض العديد من الاعانات الاجتماعية

في امريكا يتولى ذلك بعض هيئات العلاج التابعة للحكومة الفيدرالية كالميديكار او الميدايد .

اي ان مقدم الخدمة نفسه لا يتكلف علي الاطلاق مصاريف علاج المريض و انما يتحملها صندوق التأمين الصحي ..

المستشفيات العامة في مصر بتدار بشكل كله بيعمل كله من خلال ميزانية ثابته الجزء الاكبر منه للمرتبات و الحوافز و الجزء الاقل للصيانة و التحديث و التدريب .. و طبعا من غير النادر ان نرى معدات معدات متهالكة من الستينات ما زالت في الخدمة و اذا تم الاستغناء عنها انتقلت فورا لمستوصف او عيادة خاصة لتستمر في العمل ..

المفروض ان تتم محاسبة المستشفى علي كل تدخل طبي تقوم بالقيام به للمرضى من خلال تسعيرة محددة يتم مراجعتها كل فترة و هو ما لا يحدث في مصر

الادوية ايضا تمثل في مصر حوالي خمسين الي ستين في المائة من ميزاينية الصحة في مصر .. مع انها بتمثل في امريكا ما لا يزيد عن خمسة في المائة فقط .. و في فرنسا حوالي سبعه في المائة فقط .. و لو ان هناك ما يمكن استنتاجه من ذلك هو ان ميزانية الصحة في مصر تمثل عشر الاحتياج الحقيقي للشعب .. و الاستنتاج الاخر ان العنصر البشري في تقديم الخدمات الصحية سواءا فنيا او اداريا علي آخر قائمة الاولويات و هو ما يعارض المنطق السليم

الملخص

.. المريض الفقير من حقة ان يجد العلاج المناسب و لكن فكرة العلاج المجاني نفسها فكرة كاذبه و ليس لها مكان علي ارض الواقع و الحل خلق نظام تأمين صحي لتغطية الطبقات الفقيرة الغير قادرة و هي فكرة يمكن تعميمها من خلال الرقم القومي و لو تتذكرون بطاقة التموين القديمة .. هل يمكن عمل بطاقة صحية علي نفس المنوال ؟؟ للطبقات الغير قادرة

من الممكن تقليل تكاليف العلاج في مصر و رفع جودته بسرعة شديدة فنحن لدينا المقومات الضرورية لذلك و لكن تنقصنا كيانات وسيطة يمكنها تولي ادارة التمويل و معايير الجودة

الدواء يمثل في مصر ازمة من لا ازمة .. بسبب الطبيعة العشوائية للعرض و الطلب .. و النتيجة السيئة للأاداء يشعر بها المريض اولا ثم ترتد علي كفائة الخدمات الصحية و اخيرا على شركات الادوية نفسها .. و اعتقد انه من اول القطاعات التي يجب ان يتم تنظيمها .. و يكفي انه في مصر من الممكن ان نجد دواءا واحدا تنتجه ست او سبع شركات باسامي تجاريه مختلفه .. و لتسويق الدواء بتضطر الشركات لصرف مبالغ طائلة علي الدعاية و الصيدليات يدفعها المريض اولا و النظام الصحي كله ورائه .. في حين ان اي شركة تأمين يمكنها توفير ما لا يقل عن ثلثي او ثلاثة ارباع مصاريف الدواء من خلال التعاقد مع شركة الادوية لتوفير المنتج لمرضاها ...

[محمود تركى]

السلام عليكم

عندى فكرة تساهم فى خفض نسبة الامية بدرجة كبيرة

تخيلوا اننا فى القرن الواحد والعشرين وفى عصر الكمبيوتر :P  توجد نسبة اميه تتراوح ما بين 44% الى 56% :D  :D

الحل بكل بساطة هو الجيش

ازاى ha)

مدة الخدمة الإزامية للمجند بدون مؤهل هى 3 سنوات

اعتقد انها فترة كافيه جدا لمحو الامية كاملا وخاصة لان القوات المسلحة غنية بكوادرها كما انها ممكن ان تستغل طاقات المجنديين من حملة المؤهلات العليا فى هذا المجال

بصراحة لقد حزنت عندما كنت مجند ووجدت ان بعض المجنديين لايستطيعون قراءة اسمائهم على التصاريح :D  ha)

عزيزى الأخ صعيدى

عندما حاول صديق لى, و كان ضابطا فى الجيش أيام عبد الناصر, أن يُعلم الجنود فى سريته القراءة و الكتابة, أتهموه بأنه يحاول تاليب الجنود ضد النظام, أى تفتيح عقولهم, كما اتهموه أنه بتطوعه هذا أثبت أنه " يسارى"

و لن تصدق هذا, و لكن ما حدث هو إحالته على الإستيداع, قبل أن يصل الى سن الأربعين.

النهاية السعيدة للقصة, أنه اشترى قطعة أرض قرب فايد, ظل يعمل فيها بنفسه, ختى تم استصلاحها, و أصبحت مزرعة نموذجية, و ربنا فتحها عليه, بعد أن أن شحططه النظام الديكتاتورى.

إذا حاولوا تعليم المجندين القراءة و الكتابة فى الجيش, فسوف يتم إعطاء المقاولة لأحد المحاسب.

[فــيــروز]

يا خساره .. احيل للاستيداع !! :D

ده انا كنت داخله احيى الاخ صعيدى على الفكره الجميله :D

[DARWEEN]

قبل كل الأفكار الجميله دي نسينا أهم حاجه

لازم حد يفهم المواطن المصري أنه بني آدم

له حقوق البني آدميين في الدنيا كلها

له الحق أن الناس تحترمه في كل مكان مادام أنسان شريف

له بلد لازم يحبها ويشتغل علشانها

من غير مواطن محترم في بلده فلا أمل في الأصلاح في أي مجال

[متفائل]

دكتور رجب أوحالي بفكرة تفعل مشروعة لفصل الموظفين المرتشين و المهملين والمعطلين

صندوق شكاوي chn: :P :P

طبعا زمانتكوا بتأولو سازج ده ولا إييه

خلوني أشرح الفكرة

1 - كل موظف في مصلحة حكومية مهما كان صغير ولا كبير يكون معلق بدج على هدومة مكتوب عليه اسمه وحبذا يكون في البدج صورته كمان :angry:

2 - يكون فيه صندوق في مكان واضح في المؤسسة مخصص للشكاوي من الموظفين ويكون مقفول بأرقام سرية :angry:

ويوجد تحتيه نموزج (مطبوع في دفتر يقطع من ويوضع في الصندوق) واضح وسهل لتقديم شكوي من موظف يكتب فيها المواطن اسمه ورقم تليفونه و اسم الموظف الي بيشتكي منه حتي لو كان رئيس المصلحة والشكوي نفسها

3 - الصندوق ده يفتح بشكل دوري من قبل لجنة من خارج المصلحة (لجنة رقابية) chn:

ويتم بحث الشكاوي بجدية وبمنتهي الدقة ومعاقبة الموظفين بالطريقة المناسبة

4- تخيلوا بأه الموظفين الأممير وهما بيعاملوا الناس بكل لطف وزوق علشان عرفين إيه الي ممكن يحصلهم لو عملوا غير كده gra:- arg::

3 ـ

[Mohd Hafez]

قبل بداية شهر رمضان الكريم .. أشتريت كم كيلو جرام من البلح الأسود الطازج .. وارد إيران .. وعندما ذهبت للمحل كانت علب البلح البلاستيك مرصوصة على تربيزة ومعرضة للهواء بشكل عادي جدا .. أي أنها لم تكن محفوظة في ثلاجة .. واعلم جيدا أن صاحب المحل قد أستورد هذا التمر من إيران منذ قرابة ثلاثة أسابيع قبل رمضان .. وتم شحنه من إيران لماليزيا في فترة قرابة شهر من الزمن . بمعني أخر .. أن البلحة التي أكلها اليوم قد مضي عليها قرابة شهرين ونصف مقطوفة من النخلة .. ولازالت طازجة ..

والسؤال هنا . لو قطفت عدد من البلح الأسود الطازج وعدد من المانجو .. وعدد من أي نوع من الفواكه التي تحتوي على سكريات .. وعرضتها للجو لقرابة شهرين ونصف .. ستجد أن جميع الفاكهة قد فسدت تماما بعد أول أسبوعين .. بينما يظل البلح كما هو دون أي إفساد .. وهذا يعني إحتواء البلح على مادة حافظة طبيعية لا تتوافر في باقي الفواكهة ..

ومصر والشرق الأوسط من أشهر مناطق إنتاج البلح .. فهل من الممكن إجراء أي بحث لإستخراج تلك المادة الحافظة الطبيعية وأستخدمها كمضاد للبكتريا .. ربما أيضا تفيد في علاج الغرغرينا ..

فكرة أفكر فيها كلما مددت يدي على البلح للإفطار . .

تم تعديل 22 نوفمبر 2003 بواسطة EGYPT5

[Scorpion]

للرفع

موضوع هام فتحه العزيز متفائل ... و بمناسبة عيد ميلاده ( محتاجين الأمضا علشان كارت النقابة يا سي السيد ) ... اجد ان أحسن تهنئة له أن أقوم برفع موضوعه هذا ....

في انتظار أفكاركم ...

[حسام حسن]

ارجوا فقط ابداء الراى فى المقترحات التالية :

نقل جميع المنشأت العسكرية الى خارج القاهرة الكبرى مثلا الكلية الحربية والاستفادة من مساحة الارضى الممنوحة لها عن طريق طرح الارض للاستثمار مما يوفر عائد اقتصادى بالاضافة الى فرص مل كثيرة بالاضافة الى محاولة بناء نهضة عمرانية بمصر مثل تلك الموجودة فى بعض دول الخليج عن طريق بناء مراكز تجاريو عاى مساحات شاسعة

نقل جامعة القاهرة الى مدينة 6 اكتوبر مع الحفاظ على النظام المعمارى للجامعة وطرح المبانى الموجودة بداخلها للاستثمار عن طريق شركات سياحة عالمية لادارة الفنادق وجعل هذة المنطقة منطقة سياحية مغلقة مما يوفر فرص عمل بشكل كبير . هذا بعد توفير المواصلات وتجهيز مبانى الجامعة الجديدة بشكل يراعى الاساليب العلمية الحديثة واعداد الطلاب المتزايدة مما ينعكس بالايجاب على العملية التعليمية ككل بالاضافة الى خلق مجتمع عمرانى جديد بجوار الجامعة الجديدة مبنى على اسس هندسية حديثة مع العلم ان تمويل بناء هذة الجامعة من استثمار مبانى جامعة القاهرة

اعطاء ايضا مجمع التحرير لشركة فندقية عالمية لادارتة بالاستثمار مما يخفف الضغط عن منطقة نصف البلد ويجمل القاهرة ويوفر فرص عمل بالاضافة لى العائد من استثمار المبنى للحكومة

القيام بحملة قومية مماثلة لما قام بها السيد : احمد سعيد صوان محافظ الدقهلية لزراعة اعداد كبيرة من الاشجار ولكن مع الاختلاف فى اننا نرغب فى زراعة 25 مليون نخلة فى اماكن صالحة يحددها المختصون وبذلك نساعد على تنقية جو القاهرة او مصر بشكل عام من التلوث الموجود فى القاهرة حاليا بالاضافة الى الاستفادة من نوى البلح بالشكل الامثل ايضا مع ضرورة التركيز تنشيط حرفة او الصناعات القائمة على سعف النخل

[khedr]

اهلا.....بالعميد

انت قلت ابداء الرأي فقط...ماشي

الكلام ده جميل ومعقول لكن لناس يهمها التخطيط مش التلخبيط

سؤال ...ولا اقصد به اي شئ ( الاستفاده من نوي البلح بالشكل الامثل) ...تقصد ايه..

دعني ارحب بك اولا علي اول مشاركاتك وتمنياتي ان نستفيد من وجودنا مع بعضنا

مرحبا بالعميد ( ولا تشابه اسماء)

[khedr]

اخونا الغالي حسام

فيه مقال اليوم علي الاخبار فيه نوع من توارد الخواطر مع المقال

لك وللجميع لو احببت للاطلاع عليه

http://www.elakhbar.org.eg/issues/16749/0503.html