شوية احترام لمصر و ابنائها ... هل هذا كثير؟؟

[عبير يونس]

حضرتك هنا بيعتبروا الآثار الفرعونية أصنام

و بيقولوا اللي بنى الأهرامات الجان عشان كان الفراعنة سحرة

ده جه مرة يقوللي الانجليزي حرام عشان ده لغة الكفار

و من و هو في اولى ابتدائي قال لي الرياضيات مررررررررة صعبة !!!!

أنا فعلا مجرمة اني سبته في المدرسة دي لحد ما وصل للمرحلة دي

مع انها والله أحسن مدرسة خاصة في مكة

المشكله ليست فى المدرسه المشكله فى العقول التى قابلها و سيقابلها فى المدرسه

لو حضرتك نقلتيه لن يتغير عليه اكثر من اسم المدرسه و اسم من سيقابلهم هناك

لكن العقول ستظل هى هى

دى ثقافه بلد ان جاز ان يطلق عليها مسمى ثقافه اساسا

الحل يتلخص فى ان تصلحى انت معه ما يفسدونه هم (و انا اعترف انها مهمه صعبه جدا )

تاثير الفكر ( السعودى ) على الاجيال التى نشات هناك

يحتل موقع متقدم جدا مع اسباب اخرى كثيره جدا فى الازمه الثقافيه و الحضاريه التى يعانيها المجتمع المصرى حاليا

على الاقل حضرتك بتحاولى تقاومى لكن للاسف كثيريين جدا استسلموا بل و اصبح منهم ما يمكن ان يطلق عليهم الملكيين اكثر من الملك

سيدتي الفاضلة .. مصرية مغتربة ..

ما يقوله ابنك .. يمكن الرد عليه بسهولة .. و هذه السهولة تكمن في بساطة الردود .. بمعنى:

الآثار الفرعونية ليست أصناماً .. لإن الصنم يعبد .. و نحن لا نعبد هذه الأصنام .. بل نتعامل معها على كونها آثار الأولين .. و في القرآن ممطالبة لنا بالتفكر و التدبر في أمور الأولين و أخذ العبرة منهم بما ينفعنا في دنيانا و ديننا ..

أما مسألة الهرم .. فالرد الطبيعي إن هذه خرافات .. لا أساس لها من الصحة .. و لكن نحن لدينا ما يدل و يؤكد على إن البناة الحقيقين هم المصريين .. و مقابر العمال أسفل سفح الهرم أكبر دليل على ذلك ..

الإنجليزي .. أيوة لغة الكفار (من لا يوحد و يشهد) و لكن الرسول صلى الله عليه و سلم .. من عرف لغة قوم .. أمن شرهم .. و ده فيه حث على التعلم حتى و لو كانت لغة الكفار ..

أنتي لم تجرمي في شيء و هذا وارد حتى في مصر هنا .. ففي بعض مدارس المدن الصعيدية .. تجدين النزعات القبلية بين التلاميذ .. فهذا يفتخر كون عائلته من الأشراف مثلاً .. و هذا يرد عليه إنه من الجعافرة .. و غالباً تحدث مشاحنات .. قد تصل في بعض الأحيان إلى الضرب .. أريد أن أقول إن هذا وارد و طبيعي بين أطفال في سن ابنك ..

ناقشيه دوماً و لا تتركي النقاش مفتوح لإجتهاده .. خاصة إن الموضوعات التي يناقشها معك هي بالفعل مناقشات ينتج عنها تشكل شخصيته في المستقبل.

لك كل التحية

ما اختلفتش مع حضرتك

و كلام حضرتك سليم تماما

بس ابني في سن لو قلت له أي حاجة بيروح تاني يوم يرددها في المدرسة

هي دي المجتمع الوحيد بالنسبة له

مفيش نادي و لا اجتماعيات

و هو طبعا لا يدرك يعني ايه ما يتكلمش

عشان كده انا في صراع دائم

اقوله يسكت و اطلعه سلبي

و الا اسيبه يتناقش و اتحمل العواقب في مكان لا يسمح بالنقاش و لا يرحم من يحاول مجرد التفكير؟؟؟

[زعلان]

خلاص الحل انكم تنتقلوا جدة وجوزك بقى يجي على نفسه ويروح ويجي كل يوم الموضوع ساعة رايح ساعة جاي بالكثير بس علشان خاطركم و خاطر العيال و بجد حتشموا نفسكم شوية من قرف مكه او لو ينفع ينقل شغله جدة يبقى شيء كويس

[dawn walker]

عذرا يا أخي ده بس لما تصورت رد فعل المدير التربوي اللي كان عايز يجيب لجوزي الشرطة عشان بيشتكي

الوكيل اللي ضرب ابني على ظهره بخرطوم المياه و صفعه على وشه

و اتهمه انو جاي يتهجم عليهم

مع ان جوزي و الله العظيم في حاله و جنب الحيط

و اتنازل كتير عن حقوقه و قبل بالظلم كتير عشان ميعملش مشاكل

خلصى السنة دى وحولى لابنك على مدرسة تانية ....لان الخاسر الوحيد فى الموضوع ده هو ابنك اللى شايف والده مش عارف يجيبله حقه ....

[hanzalah]

أختي الفاضلة مصرية مغتربة

أتمنى عليك وعلى زوجك الفاضل أن تنقلوا طفلكم من هذه المدرسة وهذا الجو العنصري

الاموال يمكن تعويضها

التشوه النفسي صعب جدا ترميمه وعلاجه

واعتقد ان القضية الاهم التي يجب ان تناقشيها مع زوجك الفاضل بهدوء وسعة أفق .. متى سنعود الى مصر

أو في حالة تعذر العودة خلال سنوات معدودة (أقل من خمس سنوات)

إذن يجب طرح بديل والبحث عنه بجديه (قد يكون تغيير محل العمل داخل السعودية نفسها الى جده أو تبوك أو المنطقة الشرقية)

أو بديل مختلف تماما مثل الهجرة الى كندا مثلما يفعل كثير من مغتربي الخليج

ادعو الله اي يهيء لكم من أمركم رشدا

وينقذكم من مدارس السعودية ومرضاها

[se_ Elsyed]

للاسف ومع إحترامي للإخوة السعوديين الزملاء معنا هنا ...

كثير من السعوديين في منتهى العنصرية .. حتى بين بعضهم البعض وده شائع ومعروف .... فهذا من قبيلة فلان وده من قبيلة علان وده خضيري وده بدوي وده عبد .. آه ماهو اللي لونه أسود هنا يعني عبد على طول حتى لو كان وزير ... واظن جميعنا قرأ وسمع ما قاله إمام الحرم الجديد الشيخ عادل الكلباني وعن شعوره لإنه أول إمام أسود للحرم ..

وهم يزرعون تلك الصفات في الإطفال منذ الصغر الا المثقفين ومن رحم ربي .. ونحن هنا نرى بأعيننا طفل معفن عنده 10 سنين مثلاً وهو يتطاول بالضرب على السائق الفلبيني او الأندونيسي او الشغالة الفلبينية ... أما أعين الجميع .... أومال لما يكبر هايعمل إيه ؟

انا عن نفسي كنت ممكن أشحت بس ما أدخلش ولادي مدارس فيها اطفال سعوديين ...

واحد زميلي هنا زوجته سعودية وهو مصري ... وأهل زوجته ماعندهمش الحزازيات دي .. والعيال دخلوا المدرسة وكانوا بيتكلموا مصري لإن أمهم تتحدث مع أبيهم بنفس اللهجة في البيت ... والحمد لله أول سنتين تلاته بقى ياخدهم عند كاترة نفسيين لإن الأطفال الأبرياء اللي معاهم في المدرسة إترييقوا عليهم وهاتك يا قلة ادب يومياً .. لحد ما لقى الحل إنهم يتكلموا باللهجة السعودية بقية حياتهم ..

تفتكروا الطفل ممكن يخترع كده من نفسه وإنه سعودي والباقي كلهم اجانب حقيرين .. ولا ده زرع من الأب والأم ؟

كان عندي في العمارة هنا جيران سعوديين في الدور اللي تحتي مباشرة ... وعندهم بنات من سن أولادي ... وعندي العيال في مدارس إنترناشونال ولا يعرف ده سعودي ولا ده سوداني ... وبيتعاملوا هما وأطفال الجيران اللي من مختلف الجنسيات بمنتهى التلقائية والحب ويمكن لو سألتهم جنسية حازم صاحبك إيه والله ما يعرف .. لإن الجنسية الموحده عنده هي إنه طفل والأخر طفل ولا يعرف حدود ولا جوازات سفر وجنسيات ودرجات

لحد ما لقيت إبني طالع بيعيط في مره ويقولي : يا بابا البنات ضربوني وقالوا لي إنت مصري وأبوي وامي قالوا لنا ما تلعبوش مع المصريين ... خلي بالكم دول بنات 7 و 8 سنوات ؟

وانا كنت قايل له عيب الولد يضرب بنت .. وعيب الراجل يضرب ست ..

فأتكرر الموضوع وبقوا زي قُطاع الطرق ومصطادين الواد طالع نازل .. وإبني أساساً مش هفأ أو عيل يتاكل بسهولة لكن أنا بأفرمله وبأعلمه الأخلاق والاحترام ..

فقلت له إتوكل عالله وإتعامل مع الهدف ..

وبقى يمسكهم يعجنهم لحد ما أهلهم هما اللي بقوا يقولوا حوشوا إبنكم عننا .. والعيال في الرايحه والجاية يضربوا له تعظيم سلام من بعد ما أنضربوا على عينهم ..

ما بالك هو لو مع عيال زي دي في المدرسة يومياً ؟

بالمناسبة إسألي أي طفل من أي جنسية في مدرسة سعودي .. بيحصل معاه حضرتك نفس الشيء ... بل يحدث مع المدرسن والمدرسات أنفسهم .. وتلاقي عيل مفعوص معفن في إبتدائي يقوم يتهكم على استاذ عشان سوداني أو سوري ، لإنهم هو زرعوا فيه إنه سعودي عليه الصلاة والسلام وهذا هو رأس ماله بغض النظر عن تعليمه إيه أو ثقافته إيه ..

اما عن موضوع إن إبنك بقى يتكلم اللهجة السعودية .. فده من أخطر ما يكون ... لا لعيب اللهجة .. بالعكس دول إخواتنا وحبايبنا ولا نحمل لهم إلا كل خير ... لكنها مسألة هويه .. فزي السعودي ما يقبلش يتحدث ليل نهار باللهجة المصرية ... نحن كمان يجب أن نعتز بلهجة بلدنا ..

ههههه ... لما إبني بقى يلعب مع العيال دي بعد ما روضهم إبتدوا يقولوا له تعالى نعلمك سعودي ... آه والله .. طفل عادي وبيلعب وممكن يكتسب بعض الكلمات ..

فلقيته في مره جاي بيقول لي : شوفت بقى أنا بقيت اتكلم إنجليزي وفرنساوي وسعودي يا بابا ... فقلت له الإنجليزي والفرنساوي عارفهم .. سمعني بقى وأشجيني إتعلمت إيه سعودي ؟ .... والله هذا حدث .. فقال لي إسمع إتعلمت منهم :

إنجلع ( يعني غور في داهيه )

دف وجهك ( يعني ورينا عرض كتافك أو غور برضوا تمشي عالوشين يعني الكملة دي )

يا كلب ( دي شتيمة شائعة هنا )

وغير بقى كلمات قذرة تانية يعف لساني عن إني أقولها علموها له في حصة واحده ..

فقلت ونعم التربية والتعليم ..

قشطه لحد كده وإوعى تلعب مع الأولاد دول اللي بيقولوا كلمات وحشه ... ما بالكم لما يكونوا بنات ... بنات ؟

إنقلي إبنك أي مدرسة يا أختنا ... إن شالله لو باكستانية ...

أما إنه بيكره مصر .. فبالعكس ...

الطفل مالوش دعوى باحداث أو مشاكل سياسية أو إقتصادية .. بل إنه يرى بلده احسن بلد في الدنيا لإنها منفتحه وفيها أهله وبيتفسح فيها وفيها كل شيء بيحبه ... لكن ده رد فعل لإنهم بيعايروه إنه مصري أو من جنسية غير سعودية وهو نقص لديهم ليس إلا ..

همة فعلا في عندهم اتجاه في مكة بالتحديد انه مش من المفروض تدريس اللغة الانجليزية ( او اي لغة اجنبية) و لا محاولة نشرها

و ان اللي بيساعد على نشرها منافق!!!!

و الكلام ده سمعته بودني على لسان أحد المشايخ في اذاعة القرآن الكريم

انا سمعت كلام زي ده بس عن تحريم بيع الملابس الداخلية النسائية أو البرفانات الحريمي لإنها تساعد على الفجور .... لوووووووولللللي ..

[mffaswan]

السلام عليكم و رحمة الله ..

لا يا أختي .. حل النقل من المدرسة لن يغير من الأمر شيء .. و أنا من وجهة نظري (التي قد تكون سليمة و قد تكون خاطئة) إن الحل يكمن في إعداد الطفل نفسه داخل البيت .. فلو تأسس داخل البيت جيداً .. لن يهرب من أي مشكلة في حياته .. و سيواجه ما يقابله بشجاعة و بحكمة ..

ما يواجهه إبنك في المدرسة .. هو أمر عادي .. يمكن التغلب عليه من خلال صب الرعاية و الاهتمام على الطفل داخل البيت ..

مقارنة بمشكلة ابنك .. فإن فكرة التحويل من المدرسة لمجرد إن هناك من يضايقونه .. أو إن هناك من يضربه (كأي تلميذ وليس بشك تعسفي) تتشابه تماماً مع فكرة تركي لعملي لإني أحس بالإضطهاد في عملي! .. و أنا أرى هذا هروب من المشاكل .. و عدم قدرة على مواجهتها ..

يمكن لأبنك أن يرد على أقرانه بطريقة منطقية مقنعة إذا تعود عليها داخل البيت .. أنا أعلم إن هذه المهمة صعبة .. و لكنها ضرورية لتأسيس شخص سوي نفسياً قادر على مواجهة أمور حياته .. لا أن يهرب منها ..

و بالتأكيد سيشعر الأبن إنكم قد حولتوه من المدرسة للهروب من مشكلات ما تواجهه .. و عندها سيرى من خلالكم إن هذه هي الطريقة المثلى لحل المشكلات .. فأنت و والده قدوته .. فإن كانت القدوة تفعل ذلك .. فلا غضاضة على إن فعلت نفس الشيء!

أعانكم الله

[Falcon Crest]

للاسف ومع إحترامي للإخوة السعوديين الزملاء معنا هنا ...

كثير من السعوديين في منتهى العنصرية .. حتى بين بعضهم البعض وده شائع ومعروف .... فهذا من قبيلة فلان وده من قبيلة علان وده خضيري وده بدوي وده عبد .. آه ماهو اللي لونه أسود هنا يعني عبد على طول حتى لو كان وزير ... واظن جميعنا قرأ وسمع ما قاله إمام الحرم الجديد الشيخ عادل الكلباني وعن شعوره لإنه أو إمام أسود للحرم ..

وهم يزرعون تلك الصفات في الإطفال منذ الصغر الا المثقفين ومن رحم ربي .. ونحن هنا نرى بأعيننا طفل معفن عنده 10 سنين مثلاً وهو يتطاول بالضرب على السائق الفلبيني او الأندونيسي او الشغالة الفلبينية ... أما أعين الجميع .... أومال لما يكبر هايعمل إيه ؟

انا عن نفسي كنت ممكن أشحت بس ما أدخلش ولادي مدارس فيها اطفال سعوديين ...

واحد زميلي هنا زوجته سعودية وهو مصري ... وأهل زوجته ماعندهمش الحزازيات دي .. والعيال دخلوا المدرسة وكانوا بيتكلموا مصري لإن أمهم تتحدث مع أبيهم بنفس اللهجة في البيت ... والحمد لله أول سنتين تلاته بقى ياخدهم عند كاترة نفسيين لإن الأطفال الأبرياء اللي معاهم في المدرسة إترييقوا عليهم وهاتك يا قلة ادب يومياً .. لحد ما لقى الحل إنهم يتكلموا باللهجة السعودية بقية حياتهم ..

تفتكروا الطفل ممكن يخترع كده من نفسه وإنه سعودي والباقي كلهم اجانب حقيرين .. ولا ده زرع من الأب والأم ؟

كان عندي في العمارة هنا جيران سعوديين في الدور اللي تحتي مباشرة ... وعندهم بنات من سن أولادي ... وعندي العيال في مدارس إنترناشونال ولا يعرف ده سعودي ولا ده سوداني ... وبيتعاملوا هما وأطفال الجيران اللي من مختلف الجنسيات بمنتهى التلقائية والحب ويمكن لو سألتهم جنسية حازم صاحبك إيه والله ما يعرف .. لإن الجنسية الموحده عنده هي إنه طفل والأخر طفل ولا يعرف حدود ولا جوازات سفر وجنسيات ودرجات

لحد ما لقيت إبني طالع بيعيط في مره ويقولي : يا بابا البنات ضربوني وقالوا لي إنت مصري وأبوي وامي قالوا لنا ما تعلبوش مع المصريين ... خلي بالكم دول بنات 7 و 8 سنوات ؟

وانا كنت قايل له عيب الولد يضرب بنت .. وعيب الراجل يضرب ست ..

فأتكرر الموضوع وبقوا زي قُطاع الطرق ومصطادين الواد طالع نازل .. وإبني أساساً مش هفأ أو عيل يتاكل بسهولة لكنه أنا بأفرمله وبأعلمه الأخلاق والاحترام ..

فقلت له إتوكل عالله وإتعامل مع الهدف ..

وبقى يمسكهم يعجنهم لحد ما أهلهم هما اللي بقوا يقولوا حوشوا إبنكم عننا .. والعيال في الرايحه والجاية يضربوا له تعظيم سلام من بعض ما أنضربوا على عينهم ..

ما بالك هو لو مع عيال زي دي في المدرسة يومياً

بالمناسبة إسألي أي طفل من أي جنسية في مدرسة سعودي .. بيحصل معاه حضرتك نفس الشيء ... بل يحدث مع المدرسن والمدرسات أنفسهم .. وتلاقي عيل مفعوص معفن في إبتدائي يقوم يتهكم على استاذ عشان سوداني أو سوري ، لإنهم هو زرعوا فيه إنه سعودي عليه الصلاة والسلام وهذا هو رأس ماله بغض النظر عن تعليمه إيه أو ثقافيته إيه ..

اما عن موضوع إن إبنك بقى يتكلم اللهجة السعودية .. فده من أخطر ما يكون ... لا لعيب اللهجة .. بالعكس دول إخواتنا وحبايبنا ولا نحمل لهم إلا كل خير ... لكنها مسألة هويه .. فزي السعودي ما يقبلش يتحدث ليل نهار باللهجة المصرية ... نحن كمان يجب أن نعتز بلهجة بلدنا ..

ههههه ... لما إبني بقى يلعب مع العيال دي بعد ما روضهم إبتدوا يقولوا له تعالى نعلمك سعودي ... آه والله .. طفل عادي وبيلعب وممكن يكتسب بعض الكلمات ..

فلقيته في مره جاي بيقول لي : شوفت بقى أنا بقيت اتكلم إنجليزي وفرنساوي وسعودي يا بابا ... فقلت له الإنجليزي والفرنساوي عارفهم .. سمعني بقى وأشجيني إتعلمت إيه سعودي ؟ .... والله هذا حدث .. فقال لي إسمع إتعلمت منهم :

إنجلع ( يعني غور في داهيه )

دف وجهك ( يعني ورينا عرض كتافك أو غور برضوا تمشي عالوشين يعني الكملة دي )

يا كلب ( دي شتيمة شائعة هنا )

وغير بقى كلمات قذرة تانية يعف لسان عن إني أقولها علموها له في حصة واحده ..

فقلت ونعم التربية والتعليم ..

قشطه لحد كده وإوعى تلعب مع الأولاد دول اللي بيقولوا كلمات وحشه ... ما بالكم لما يكونوا بنات ... بنات ؟

إنقلي إبنك أي مدرسة يا أختنا ... إن شالله لو باكستانية ...

أما إنه بيكره مصر .. فبالعكس ...

الطفل مالوش دعوى باحداث أو مشاكل سياسية أو إقتصادية .. بل إنه يرى بلده احسن بلد في الدنيا لإنها منفتحه وفيها أهله وبيتفسح فيها وفيها كل شيء بيحبه ... لكن ده رد فعل لإنهم بيعايروه إنه مصري أو من جنسية غير سعودية وهو نقص لديهم ليس إلا ..

همة فعلا في عندهم اتجاه في مكة بالتحديد انه مش من المفروض تدريس اللغة الانجليزية ( او اي لغة اجنبية) و لا محاولة نشرها

و ان اللي بيساعد على نشرها منافق!!!!

و الكلام ده سمعته بودني على لسان أحد المشايخ في اذاعة القرآن الكريم

انا سمعت كلام زي ده بس عن تحريم بيع الملابس الداخلية النسائية أو البرفانات الحريمي لإنها تساعد على الفجور .... لوووووووولللللي ..

عندك كل الحق يا "س س " و احب اضيف نقطه بسيطه انهم لو رجعو مصر و اشتغلو بنفس المجهود الي بيبذلوه في السعوديه ممكن يعيش كويس اوي و غير كده هايكون في بلده

[pink rose]

انا صعقت من كلمة الانجليزي حرام عشان لغة الكفار اهلا وسهلا احنا فين يا اخوانا

دا كلام عيّل صغير يا ست ريمو

انتوا خلاص هاتعمموا الحكم

لا طبعا , ما حدش قال إن تعلم الإنجليزي حرام أبدا

لكن الكلام الصحيح هو إن التحدث باللغة الإنجليزية بدون حاجة لذلك (من باب المنظرة يعني) هو اللي حرام

لأن المفروض نعتز بلغتنا

انا اسفة جدا يا استاذ سهل جدا

العيل الصغير دا ما نزلش من بطن مامته بيقول الكلام دا من لنفسه كده اكيد سمع من امه و ابوه و اهله و لو في لسا ناس بتفكر كده يبقى على الدنيا السلام

الناس اللي بتفكر كده حد فيهم يقدر يقولي الدين الاسلامي ازاي انتشر في الاندلس مثلا او القسطنطينية و لا في دول شرق اسيا او في اوروبا و امريكا حاليا

انا مش مع تعلم الانجليزية او اي لغة تانية من باب المنظرة لا طبعا دا فراغ عقلي و اللي بيحشر كلمات انجليزي وسط العربي ما بحبش اتعامل مع الناس دي كتير بصراحة و معاك في النقطة دي تماما

لكن لازم نتعلم لغة من باب الثقافة مثلاو التعامل مع الغير

حاجه تانية افتكرتها دلوقتي لما كانت الدولة الاسلامية زمااااااااااااااااااااااان في عزها و تقدمها و ازدهارها كان بيجي طلاب العلم ليها من كل مكان وبيتعلموا عربي عشان ينهلوا من الحضارة دي و بدأوا يترجموا كتب العلم العربية للغاتهم و هو دا اللي وصلهم للي هما فيه بعد تطوير العلم اللي نقلوه طبعا

نفس الحاجه احنا المفروض نعملها دلوقتي مراكز ترجمة لترجمة كتب العلم الموجودة دلوقتي و نفس الشئ يحصل لان العلم بيبدأ من حيث انتهى الاخرون مش هانبدأ الف باء علم من اول و جديد

عشان كده انا شايفة ان دي اهمية تعلم اللغات لكن اللي يقول دا لغة الكفر يبقى معلش ما فيش مخ اصلا و مدام هي دي لغة الكفر خلاص يا معلم ما تتفرجش على تلفزيون و ما تشغلش مكانس و لا مغاسل و لا اي اجهزة لان الكفار هما اللي عملوها و جاية منهم و خالينا بقى قاعدين في البادية نقول شعر و دمتم على كده

اظن لو الرسول عليه الصلاة و السلام سمع الكلام دا هايحزن اوي لانه عليه الصلاة و السلام كان بيبعت سفراء للدول لنشر الاسلام يعني اللي كان بيعرف لغة قوم كان بيبتعه ليهم عشان يفهمهم الدين

لا حول و لا قوة الا بالله على الناس ربنا يهدي

هما دول اللي انا معترضه عليهم يا استاذ سهل جدا

تم تعديل 19 مايو 2009 بواسطة remo

[بركة]

ما دفعني لطرح الموضوع أن ابني اللي ما كملش 9 سنوات

بيشتم مصر و بيتبرأ انه مصري عشان كل يوم في المدرسة بيسمع كده

و بيقولوا يا مصري ( كأنها شتيمة)

الولد لسه صغير و ما يعرفش مصر

كل اللي قدرت عليه اني اخدت قرار انا و باباه اننا السنة الدراسية الجديدة ان شاء الله مش حنودي المدارس السعودية تاني

و بنفكر جديا نسيب السعودية بحالها

و ما حدش يقوللي ان دي سلبية

هي فعلا سلبية

بس حضراتكم عارفين ان في بلادنا العربية ممنوع الكلام

و ابني من النوع الثورجي

يعني ما ينفعش اسيبه

و الا حنتأذي كلنا

و كمان مش عايزة اربيه على الذل و الخنوع

طب اعمل ايه؟

انا اتربيت في السعودية و دخلت مدارسها

و كنت بأشوف الحاجات دي كتير

بس والدي هو و والدتي الله يرحمهم كانوا بيزرعوا فيا حب مصر

و كانوا دايما بيحطوا قدام عينيا مزايا مصر

و ازاي ان مالهاش مثيل في العالم

طبعا انا ما بدأتش أسأل الا في اعدادي مثلا

اما ابني بدأ بدري اوي

من سنة اولى ابتدائي!!!

ابني بيعاني من التفرقة العنصرية

و حاسس بيها

و عارف انه بيتعاقب على الشقاوة عشان مصري

بينما بيتقال لأهل البلد معلش دي آخر مرة حتى لو كانت المرة العشرين!!!

ده كلام ابني بالحرف

كل اللي باقدر عليه اني دايما أقوله ان احنا مصريين و بلدنا مصر

و ما باسمحلوش يكرر الكلام الوحش عن مصر و المصريين

ولاد حضرتك سكتوا و سمعوا الكلام

لأن أكيد محدش بيقوللهم في المدارس : يا مصريين

والله يامصرية هذا حدث مع ابني انا كمان بس بشكل متداري شوية

يعني المدرس يوميا يكتب لنا في النوتة لم يقرأجيدا , لم يحفظ جيدا , مستوى الطالب

ضعيف أرجو الاهتمام .....ومن دا كتير

جابلنا احباط وحسينا ان الولد عمره ما هيبقى كويس ..

بس ازاي ما انا بزاكرله والمشكله مش في الولد أنا متأكده ..

فأقنعت ابوه ونقلنا الولد فورا من مدرسته الحكومية الى مدرسة انترناشيونال

والمهم اني استثمر في اولادي مش في الفلوس اللي هاشيلها لهم واللي ربنا العالم

مهما شيلت في المستقبل هيبقالها قيمة وللا هتشتري لهم حاجة واللا ساعتها الرغيف هيبقى ب10 جنية

فعلا الواحد مش عايز يركز مع الموضوع ده لحسن هيكره الغربة أكتر

بس والله السبب في ده حاجات يطول شرحها ......

[se_ Elsyed]

لكن الكلام الصحيح هو إن التحدث باللغة الإنجليزية بدون حاجة لذلك (من باب المنظرة يعني) هو اللي حرام

الله يرضى عليك يا سهل ...

هات بقى من القرآن والسُنة ما يُثبت ذلك ..

أنا يا سيدي راجل بأتمنظر بالإنجليزي والفرنساوي ... إيه الحرمانية في كده ؟

أيوه إيه هو يعني ذنبي أو يندرج تحت أي من الكبائر أو الذنوب أو اللمم حتى ؟

يا عم سهل ... يا عم سهل

التحليل والتحريم ده شيء في مُنتهى الخطورة وبيهوي بالإنسان إلى سابع نار

[زعلان]

يعني يا عم سي السيد جيت تكحلها عميتها هويت بالراجل الى سابع نار انا عديت على كلمة حرام الي قالها و عديتها لأني قلت يمكن بيتكلم مجازا و من المبالغة و اللفظ لا يقصد به المعنى الحقيقي للتحرم

ويا عم ولا يهمك اتكلم انجليزي و يابني لو عايز

[عبير يونس]

خلاص الحل انكم تنتقلوا جدة وجوزك بقى يجي على نفسه ويروح ويجي كل يوم الموضوع ساعة رايح ساعة جاي بالكثير بس علشان خاطركم و خاطر العيال و بجد حتشموا نفسكم شوية من قرف مكه او لو ينفع ينقل شغله جدة يبقى شيء كويس

و الله انا آسفة اني أقول اني طهقت من الدول العربية كلها

مع ان الشعوب طبعا ما لهاش دعوة

و طبعا عمري ما أنسى اني اتربيت في وسطهم

بس الأيام دي راحت خلاص

دلوقت معادش غير الأزمات و الخنقة و كره الأجانب و الرغبة الملحة في التخلص منهم و تطفيشهم هو أضعف الإيمان

ازاي أقدر أعيش مع ناس بيبصولنا على اننا واخدين رزقهم ؟؟؟

ناس نفسهم النهاردة قبل بكرة يطردونا بره

عشان يقدروا يعيشوا و ياخدو حقوقهم اللي احنا واخدينها؟

احنا بنفكر جديا في الهجرة

بس طبعا الموضوع مش سهل كده و بين يوم و ليلة

دي اجراءات معقدة و مكلكعة

و يمكن ده اللي مصبرني

لأن الكل بيقول الهجرة من الخليج أفضل من الهجرة من مصر

ربنا يقدم اللي في الخير

بس أكيد السنة الجاية لو لينا عمر

و لو فضلنا في مكة ابني حيقعد في البيت و يذاكر مصري و يمتحن في السفارة

و يا ريتني عملت كده من السنةدي

بس قدر الله و ما شاء فعل

ربنا يستر

السنة الجاية رابعة

و ابني مش واخد على مذاكرة مصر

و اخته حتبقى في تانية يعني ملهاش سفارة

و التانية في اولى

همة البنات بصراحة مدلعينهم و مش شايفة معاهم مشاكل الحمد لله

اللهم الا في الصيف اللي فات وديتهم تحفيظ بعد العصر و أعمارهم 5 سنين و 6 سنين

كانوا كل يوم يرجعوا لي بحاجة شكل

مرة تقولهم بلاش الشنطة اللي عليها صورة فلة

و مرة عايزاهم يلبسوا كم طويل برغم انهم كانوا لابسين كم تلتين مش كت يعني!!!

آخرها الأبلة قالت لهم الكفار اللي بيسمعوا أغاني

رحت مقعداهم في البيت خالص

المصيبة ان الكل بيفتي

بعلم و بغير علم

كل من اتحجبت بقت من امهات المؤمنين

و كل من التحى بقى من الصحابة و التابعين

و النوعيات دي واخدين راحتهم اوي اوي هنا

و همة دول اللي على وش الفتة زي ما بيقولوا

و طبعا احنا في نظرهم معندناش دين من أصله

و دي عقد من نوع مختلف

سنفرد لها موضوع خاص بإذن الله

[زعلان]

نصيحة بلاش حكاية التحفيظ ده بلاوي مراكز تحفيظ القران في السعودية اكبر من نفعها ربنا يستر على الاطفال

و بالنسبة للهجرة احسنلكم تاهجرو وربنا يوفقكم بس اسعوا بجد في الموضوع و قدموا بسرعه معاكي حق العالم العربي لايسعنا نحن العرب

تم تعديل 19 مايو 2009 بواسطة زعلان

[بركة]

حضرتك هنا بيعتبروا الآثار الفرعونية أصنام

و بيقولوا اللي بنى الأهرامات الجان عشان كان الفراعنة سحرة

ده جه مرة يقوللي الانجليزي حرام عشان ده لغة الكفار

و من و هو في اولى ابتدائي قال لي الرياضيات مررررررررة صعبة !!!!

أنا فعلا مجرمة اني سبته في المدرسة دي لحد ما وصل للمرحلة دي

مع انها والله أحسن مدرسة خاصة في مكة

المشكله ليست فى المدرسه المشكله فى العقول التى قابلها و سيقابلها فى المدرسه

لو حضرتك نقلتيه لن يتغير عليه اكثر من اسم المدرسه و اسم من سيقابلهم هناك

لكن العقول ستظل هى هى

دى ثقافه بلد ان جاز ان يطلق عليها مسمى ثقافه اساسا

الحل يتلخص فى ان تصلحى انت معه ما يفسدونه هم (و انا اعترف انها مهمه صعبه جدا )

تاثير الفكر ( السعودى ) على الاجيال التى نشات هناك

يحتل موقع متقدم جدا مع اسباب اخرى كثيره جدا فى الازمه الثقافيه و الحضاريه التى يعانيها المجتمع المصرى حاليا

على الاقل حضرتك بتحاولى تقاومى لكن للاسف كثيريين جدا استسلموا بل و اصبح منهم ما يمكن ان يطلق عليهم الملكيين اكثر من الملك

الحقيقة ردك حفزني اني ارد عليه

انا نقلت ابني لمدرسة انترناشيونال بادارة لبنانية وطاقم تدريس لبناني

والحقيقة ناس محترمين جدا وحسسونا ان احنا مش في السعودية خلاص

احب ارسملك الصورة الان البيت مصري , قنوات التليفزيون مصري , المدرسة مشكل اولاد مصريين

على لبنانيين على سوريين على اردنيين من الاخر مافيش حاجة سعودية غير الناس اللي في الشارع

و ما صادف حياتنا بدون قصد مننا ولهذا نتحمل الغربة لأننا أحطنا أنفسنا بمن نريد ولا ندخل أنفسنا الى

متاهة تربية السعوديين لأبنائهم ولا لنظام حياتهم المختلف .

[ايهاب سالم]

يا جماعة الخير .... الله يرضى عليكم

حد برضه عايش في بلد خليجي يدخل إبنه مدرسه حكوميه مع أبناء البلد

إنتو كده بتدمروا نفسية و كرامة أبنائكم

دي بديهيات عارفها كل اللي عايشين في الخليج

مش لازم مدرسه إنترناشيونال لو مفيش إمكانيات .... دخلوهم أي مدرسه خاصه لا يدخلها أبناء البلد

تم تعديل 19 مايو 2009 بواسطة ايهاب سالم

[عبير يونس]

عذرا يا أخي ده بس لما تصورت رد فعل المدير التربوي اللي كان عايز يجيب لجوزي الشرطة عشان بيشتكي

الوكيل اللي ضرب ابني على ظهره بخرطوم المياه و صفعه على وشه

و اتهمه انو جاي يتهجم عليهم

مع ان جوزي و الله العظيم في حاله و جنب الحيط

و اتنازل كتير عن حقوقه و قبل بالظلم كتير عشان ميعملش مشاكل

خلصى السنة دى وحولى لابنك على مدرسة تانية ....لان الخاسر الوحيد فى الموضوع ده هو ابنك اللى شايف والده مش عارف يجيبله حقه ....

المشكلة مش كده

المشكلة أخطر من كده

ابني عارف كويس ان باباه لما راح اشتكى عرض نفسه للخطر عشانه

يعني ابني حاسس بالذنب

لأن الموضوع لو كبر و حب أخينا الوكيل المبجل يثبت لنا انه ممكن يعمل و يسوي فينا

وابني عارف ان المشاكل هنا بين المواطن و الأجنبي تنتهي دائما لصالح المواطن فوريا ظالما او مظلوما

و يتم ترحيل الأجنبي بمنتهى السهولة

و ده شيء ابني عارفه تماما

شفت حضرتك هول المصيبة

[ايهاب سالم]

سمعني بقى وأشجيني إتعلمت إيه سعودي ؟ .... والله هذا حدث .. فقال لي إسمع إتعلمت منهم :

إنجلع ( يعني غور في داهيه )

دف وجهك ( يعني ورينا عرض كتافك أو غور برضوا تمشي عالوشين يعني الكملة دي )

يا كلب ( دي شتيمة شائعة هنا )

فيه كمان

"الزج في ويهك "

[عبير يونس]

يا جماعة الخير .... الله يرضى عليكم

حد برضه عايش في بلد خليجي يدخل إبنه مدرسه حكوميه مع أبناء البلد

إنتو كده بتدمروا نفسية و كرامة أبنائكم

دي بديهيات عارفها كل اللي عايشين في الخليج

مش لازم مدرسه إنترناشيونال لو مفيش إمكانيات .... دخلوهم أي مدرسه خاصه لا يدخلها أبناء البلد

يا أستاذي الفاضل هوة حضرتك فاكر ان ابني في مدرسة حكومية

ده ان شاء الله ما كان عنه اتعلم من أصله

ده في أحسن مدرسة أهلية في مكة

و احنا في مكة معندناش مدارس انترناشيونال حضرتك

عندنا تجارب هندية و باكستانية

لامين من بعض جمعية و عاملينها

بأسوأ الإمكانيات و أقذر المباني

عشان مصاريفها منخفضة لتناسب دخل الجالية الهندية في مكة اللي مرتباتهم 800 ريال و ألف ريال

المدرسة اللي هوة فيها حاليا من أحسن البدائل أمامي

أو لنقل أحسنها على الإطلاق

و مفيش غير المدارس المصرية اللي طبعا معمولة من الباطن و غير معترف بيها

يعني تقدر تقول حضرتك مراكز دروس خصوصية مش أكتر

المدرسة الأهلية دخلته فيها عشان السباحة و الكاراتيه و هو حائز على الحزام البرتقالي و التربية البدنية كل يوم

و الرحلات و خلافه

لكن في مراكز الدروس الخصوصية اللي بقول عليها مفيش أي نشاط من أي نوع

ده غير انها لامة المصريين من كل البيئات و المجتمعات المختلفة و اللي لا يمكن تجتمع مع بعض في مصر ابدا

و المدرسين حدث و لا حرج

و الا بلاش

ما علينا

[عبير يونس]

حضرتك هنا بيعتبروا الآثار الفرعونية أصنام

و بيقولوا اللي بنى الأهرامات الجان عشان كان الفراعنة سحرة

ده جه مرة يقوللي الانجليزي حرام عشان ده لغة الكفار

و من و هو في اولى ابتدائي قال لي الرياضيات مررررررررة صعبة !!!!

أنا فعلا مجرمة اني سبته في المدرسة دي لحد ما وصل للمرحلة دي

مع انها والله أحسن مدرسة خاصة في مكة

المشكله ليست فى المدرسه المشكله فى العقول التى قابلها و سيقابلها فى المدرسه

لو حضرتك نقلتيه لن يتغير عليه اكثر من اسم المدرسه و اسم من سيقابلهم هناك

لكن العقول ستظل هى هى

دى ثقافه بلد ان جاز ان يطلق عليها مسمى ثقافه اساسا

الحل يتلخص فى ان تصلحى انت معه ما يفسدونه هم (و انا اعترف انها مهمه صعبه جدا )

تاثير الفكر ( السعودى ) على الاجيال التى نشات هناك

يحتل موقع متقدم جدا مع اسباب اخرى كثيره جدا فى الازمه الثقافيه و الحضاريه التى يعانيها المجتمع المصرى حاليا

على الاقل حضرتك بتحاولى تقاومى لكن للاسف كثيريين جدا استسلموا بل و اصبح منهم ما يمكن ان يطلق عليهم الملكيين اكثر من الملك

الحقيقة ردك حفزني اني ارد عليه

انا نقلت ابني لمدرسة انترناشيونال بادارة لبنانية وطاقم تدريس لبناني

والحقيقة ناس محترمين جدا وحسسونا ان احنا مش في السعودية خلاص

احب ارسملك الصورة الان البيت مصري , قنوات التليفزيون مصري , المدرسة مشكل اولاد مصريين

على لبنانيين على سوريين على اردنيين من الاخر مافيش حاجة سعودية غير الناس اللي في الشارع

و ما صادف حياتنا بدون قصد مننا ولهذا نتحمل الغربة لأننا أحطنا أنفسنا بمن نريد ولا ندخل أنفسنا الى

متاهة تربية السعوديين لأبنائهم ولا لنظام حياتهم المختلف .

الظاهر ان احنا لازم ننقل جدة فعلا على بال ما موضوع الهجرة ده يتم

ربنا كريم

[عبير يونس]

أختي الفاضلة مصرية مغتربة

أتمنى عليك وعلى زوجك الفاضل أن تنقلوا طفلكم من هذه المدرسة وهذا الجو العنصري

الاموال يمكن تعويضها

التشوه النفسي صعب جدا ترميمه وعلاجه

واعتقد ان القضية الاهم التي يجب ان تناقشيها مع زوجك الفاضل بهدوء وسعة أفق .. متى سنعود الى مصر

أو في حالة تعذر العودة خلال سنوات معدودة (أقل من خمس سنوات)

إذن يجب طرح بديل والبحث عنه بجديه (قد يكون تغيير محل العمل داخل السعودية نفسها الى جده أو تبوك أو المنطقة الشرقية)

أو بديل مختلف تماما مثل الهجرة الى كندا مثلما يفعل كثير من مغتربي الخليج

ادعو الله اي يهيء لكم من أمركم رشدا

وينقذكم من مدارس السعودية ومرضاها

اللهم آمين

مع اني كنت دايما بافتخر و الله اني اتعلمت في مدارس السعودية زمان

و كانت حكومية كمان والله

لأن أيامي و انا صغيرة كانت المدارس الانترناشيونال في الرياض مفيهاش عربي و دين

فبابا الله يرحمه خاف عليا

و ما رضيش يدخلني فيها

والله ايام دراستي كانت جميلة و اتعلمت فيها بجد

و للأسف كنت فاكرة الموضوع لسه كده

مكنتش اتصور ان الحال تدهور للدرجة دي

الهجرة في بالنا أكيد خصوصا عشان تعليم الولاد

دول همة اهم حاجة في حياتنا

بس ربنا المستعان

ما هي برضه اجراءاتها معقدة

ربنا يقدم اللي فيه الخير