شوية احترام لمصر و ابنائها ... هل هذا كثير؟؟

[سهل جدا]

لكن الكلام الصحيح هو إن التحدث باللغة الإنجليزية بدون حاجة لذلك (من باب المنظرة يعني) هو اللي حرام

الله يرضى عليك يا سهل ...

هات بقى من القرآن والسُنة ما يُثبت ذلك ..

أنا يا سيدي راجل بأتمنظر بالإنجليزي والفرنساوي ... إيه الحرمانية في كده ؟

أيوه إيه هو يعني ذنبي أو يندرج تحت أي من الكبائر أو الذنوب أو اللمم حتى ؟

يا عم سهل ... يا عم سهل

التحليل والتحريم ده شيء في مُنتهى الخطورة وبيهوي بالإنسان إلى سابع نار

الحاج سين سين , يا حبيب قلبي من جوة :aslam:

يا عم أنا ما بحرمش ولا بحلل , أنا بذكر ملخص لكلام أهل العلم في الموضوع

عموما التحدث بلغات أجنبية في بلاد الإسلام بدون حاجة لذلك كالتعلم أو غيره منهي عنه

ودي بيسموها الرطانة

ودا مش موضوعنا , لكن عموما لو عاوز المزيد عن الموضوع ده , شوف البحث ده :

إضغط هنا لزيارته

نرجع للموضوع الرئيسي بقى

انت بصراحة قولت كلام مهم قوي في الموضوع , وأنا استفدت منه كثير

دعني أصفق لك على هذا الكلام ..

للاسف ومع إحترامي للإخوة السعوديين الزملاء معنا هنا ...

كثير من السعوديين في منتهى العنصرية .. حتى بين بعضهم البعض وده شائع ومعروف .... فهذا من قبيلة فلان وده من قبيلة علان وده خضيري وده بدوي وده عبد .. آه ماهو اللي لونه أسود هنا يعني عبد على طول حتى لو كان وزير ... واظن جميعنا قرأ وسمع ما قاله إمام الحرم الجديد الشيخ عادل الكلباني وعن شعوره لإنه أول إمام أسود للحرم ..

وهم يزرعون تلك الصفات في الإطفال منذ الصغر الا المثقفين ومن رحم ربي .. ونحن هنا نرى بأعيننا طفل معفن عنده 10 سنين مثلاً وهو يتطاول بالضرب على السائق الفلبيني او الأندونيسي او الشغالة الفلبينية ... أما أعين الجميع .... أومال لما يكبر هايعمل إيه ؟

انا عن نفسي كنت ممكن أشحت بس ما أدخلش ولادي مدارس فيها اطفال سعوديين ...

واحد زميلي هنا زوجته سعودية وهو مصري ... وأهل زوجته ماعندهمش الحزازيات دي .. والعيال دخلوا المدرسة وكانوا بيتكلموا مصري لإن أمهم تتحدث مع أبيهم بنفس اللهجة في البيت ... والحمد لله أول سنتين تلاته بقى ياخدهم عند كاترة نفسيين لإن الأطفال الأبرياء اللي معاهم في المدرسة إترييقوا عليهم وهاتك يا قلة ادب يومياً .. لحد ما لقى الحل إنهم يتكلموا باللهجة السعودية بقية حياتهم ..

تفتكروا الطفل ممكن يخترع كده من نفسه وإنه سعودي والباقي كلهم اجانب حقيرين .. ولا ده زرع من الأب والأم ؟

كان عندي في العمارة هنا جيران سعوديين في الدور اللي تحتي مباشرة ... وعندهم بنات من سن أولادي ... وعندي العيال في مدارس إنترناشونال ولا يعرف ده سعودي ولا ده سوداني ... وبيتعاملوا هما وأطفال الجيران اللي من مختلف الجنسيات بمنتهى التلقائية والحب ويمكن لو سألتهم جنسية حازم صاحبك إيه والله ما يعرف .. لإن الجنسية الموحده عنده هي إنه طفل والأخر طفل ولا يعرف حدود ولا جوازات سفر وجنسيات ودرجات

لحد ما لقيت إبني طالع بيعيط في مره ويقولي : يا بابا البنات ضربوني وقالوا لي إنت مصري وأبوي وامي قالوا لنا ما تلعبوش مع المصريين ... خلي بالكم دول بنات 7 و 8 سنوات ؟

وانا كنت قايل له عيب الولد يضرب بنت .. وعيب الراجل يضرب ست ..

فأتكرر الموضوع وبقوا زي قُطاع الطرق ومصطادين الواد طالع نازل .. وإبني أساساً مش هفأ أو عيل يتاكل بسهولة لكن أنا بأفرمله وبأعلمه الأخلاق والاحترام ..

فقلت له إتوكل عالله وإتعامل مع الهدف ..

وبقى يمسكهم يعجنهم لحد ما أهلهم هما اللي بقوا يقولوا حوشوا إبنكم عننا .. والعيال في الرايحه والجاية يضربوا له تعظيم سلام من بعد ما أنضربوا على عينهم ..

ما بالك هو لو مع عيال زي دي في المدرسة يومياً ؟

بالمناسبة إسألي أي طفل من أي جنسية في مدرسة سعودي .. بيحصل معاه حضرتك نفس الشيء ... بل يحدث مع المدرسن والمدرسات أنفسهم .. وتلاقي عيل مفعوص معفن في إبتدائي يقوم يتهكم على استاذ عشان سوداني أو سوري ، لإنهم هو زرعوا فيه إنه سعودي عليه الصلاة والسلام وهذا هو رأس ماله بغض النظر عن تعليمه إيه أو ثقافته إيه ..

اما عن موضوع إن إبنك بقى يتكلم اللهجة السعودية .. فده من أخطر ما يكون ... لا لعيب اللهجة .. بالعكس دول إخواتنا وحبايبنا ولا نحمل لهم إلا كل خير ... لكنها مسألة هويه .. فزي السعودي ما يقبلش يتحدث ليل نهار باللهجة المصرية ... نحن كمان يجب أن نعتز بلهجة بلدنا ..

ههههه ... لما إبني بقى يلعب مع العيال دي بعد ما روضهم إبتدوا يقولوا له تعالى نعلمك سعودي ... آه والله .. طفل عادي وبيلعب وممكن يكتسب بعض الكلمات ..

فلقيته في مره جاي بيقول لي : شوفت بقى أنا بقيت اتكلم إنجليزي وفرنساوي وسعودي يا بابا ... فقلت له الإنجليزي والفرنساوي عارفهم .. سمعني بقى وأشجيني إتعلمت إيه سعودي ؟ .... والله هذا حدث .. فقال لي إسمع إتعلمت منهم :

إنجلع ( يعني غور في داهيه )

دف وجهك ( يعني ورينا عرض كتافك أو غور برضوا تمشي عالوشين يعني الكملة دي )

يا كلب ( دي شتيمة شائعة هنا )

وغير بقى كلمات قذرة تانية يعف لساني عن إني أقولها علموها له في حصة واحده ..

فقلت ونعم التربية والتعليم ..

قشطه لحد كده وإوعى تلعب مع الأولاد دول اللي بيقولوا كلمات وحشه ... ما بالكم لما يكونوا بنات ... بنات ؟

إنقلي إبنك أي مدرسة يا أختنا ... إن شالله لو باكستانية ...

أما إنه بيكره مصر .. فبالعكس ...

الطفل مالوش دعوى باحداث أو مشاكل سياسية أو إقتصادية .. بل إنه يرى بلده احسن بلد في الدنيا لإنها منفتحه وفيها أهله وبيتفسح فيها وفيها كل شيء بيحبه ... لكن ده رد فعل لإنهم بيعايروه إنه مصري أو من جنسية غير سعودية وهو نقص لديهم ليس إلا ..

وأزيدك من الشعر بيتا

بعض السعوديين لما يتقدموا لوظيفة , فيتم سؤاله السؤال الطبيعي: ما مؤهلاتك ؟!!

فينظر باستغراب واستنكار ويقول: أنا سعودي !!!

وكأن كلمة أنا سعودي هذه مؤهل عالي !!!

طبعا أنا ما بجمعش , لكن في منهم فعلا نسبة كبيرة عندهم عنصرية واضحة إلا من رحم الله

[precanadian]

سيدتي الفاضله:

قريت المداخلات سريعا

حضرتك بتقولي انك عشتي جزء من طفولتك في السعوديه. هل كان لك اخوه صبيان في مدارس سعوديه؟

علي كل حال انقل لك تجربتي وخصوصا اني عشت ابتدائي واعدادي في السعوديه وفي الباحه تحديدا منذ 72 الي 82 .

1) لازم لازم تطلعيه من المدرسه ولا نقاش في ذلك. لا تقولي سعودي خاص او حكومي . الي بيحصل معاه رغم فظاعته لا كنه لا يقارن باي تحرش جنسي مكن يتعرض له من التلاميذ او المدرسين المنحرفين.

2) انا مقيم في مكه زيك. يا اما توديه المدارس المصريه الغير مرخصه او هناك باصات مدارس انترناشنال بتيجي مكه كل يوم .الي اعرفه مدرسه الوادي . انا اولادي في المدارس الغير مرخصه واولاد معظم الاطباء . لكن بعض الزملاءيرسلون اولادهم لمدارس الوادي (منهج بريطاني)

3) موضوع مصر وقيمه المواطن والوطن احتراما لقواعد العبه في المنتدي لن اتكلم عنها لكن اقول لك ( من هانت عليه نفسه هانت علي الناس ) واحنا هينين جدا علي مصر داخلها وخارجها.

تحياتي لحضرتك وربنا يرشدك للصح

[اسماعيل امين]

كل ما تتحدثون عنه هو ثمن لضريبه الغربه .يدفعها الصغار قبل الكبار .

حتي عندما يعود صغارنا من الغربه ويلتحقوا بمدارس وجامعات وطنهم لا يجدوا من يحتضنهم ويلتف حولهم ويعمل علي دمجهم مع ابناء وطنهم يعوضهم عما فاتهم .ضريبه ما فيش مفر منها غير:-

1- تقليل مده الغربه 6 سنوات مثلا .

2- ادخالهم مدارس خاصه للمغتربين في بلاد الغربه .

3- تعاون الجاليات المغتربه في عالم يخصهم يعيش فيه ابنائهم .

4- وجود برنامج صادق في مدارسنا وجامعاتنا لمساعدت ابنائنا علي اندماجهم مع ابناء وطنهم عند العوده (اعذرني بأحلم بذلك).

نداء الي شعوب بلاد الغربه :-

عاد بعض زملائي من المانيا وفرنسا بعد عدت سنوات عندما كنت اتحدث مع ابنائهم عن هذه البلاد واتعمد اهانتها كنت اشعر انه وطنهم الثاني بل يغيروا عليها ويدافعوا عنها اكثر من غيرتهم علي بلاد المحروسه الوطن الام .نعم هناك عنصريه ولكن استثناء وليس القاعده .

كل طفل عائد من بلادكم بعد سنوات الغربه يعتبر سفير لبلادك ينشر انطباعه عن بلادكم بين ابناء وطنه

[سهل جدا]

الظاهر ان احنا لازم ننقل جدة فعلا على بال ما موضوع الهجرة ده يتم

ربنا كريم

بيتك ومطرحك يا حاجة مصرية مغتربة

دا إن ما شالتكوش الأرض نشيلكم على دماغنا من فوق

[عبير يونس]

ده ايه النور ده يا فندم الباشا بذات نفسه في التوبيك المتواضع بتاعي

يا أهلا و سهلا

و الله كلام حضرتك رائع

و خلاني أضحك لما وقعت من الضحك

حقيقي هم يبكي و هم يضحك

و خصوصا على الآنسة حنفي جارتكم و اختها ابو الدبل اللي بيضربوا ابن حضرتك

بس شفيت غليلي لما عرفت انه رقعهم الطريحة المعتبرة

كان هذا استهلال لابد منه

على رأي الأستاذ الفاضل عادل أبو زيد

للاسف ومع إحترامي للإخوة السعوديين الزملاء معنا هنا ...

كثير من السعوديين في منتهى العنصرية .. حتى بين بعضهم البعض وده شائع ومعروف .... فهذا من قبيلة فلان وده من قبيلة علان وده خضيري وده بدوي وده عبد .. آه ماهو اللي لونه أسود هنا يعني عبد على طول حتى لو كان وزير ... واظن جميعنا قرأ وسمع ما قاله إمام الحرم الجديد الشيخ عادل الكلباني وعن شعوره لإنه أول إمام أسود للحرم .

الظاهر انه ده عام الزعماء الأفارقة :ninja:

وهم يزرعون تلك الصفات في الإطفال منذ الصغر الا المثقفين ومن رحم ربي .. ونحن هنا نرى بأعيننا طفل معفن عنده 10 سنين مثلاً وهو يتطاول بالضرب على السائق الفلبيني او الأندونيسي او الشغالة الفلبينية ... أما أعين الجميع .... أومال لما يكبر هايعمل إيه ؟

اللهم احفظنا wst::

انا عن نفسي كنت ممكن أشحت بس ما أدخلش ولادي مدارس فيها اطفال سعوديين ...

واحد زميلي هنا زوجته سعودية وهو مصري ... وأهل زوجته ماعندهمش الحزازيات دي .. والعيال دخلوا المدرسة وكانوا بيتكلموا مصري لإن أمهم تتحدث مع أبيهم بنفس اللهجة في البيت ... والحمد لله أول سنتين تلاته بقى ياخدهم عند كاترة نفسيين لإن الأطفال الأبرياء اللي معاهم في المدرسة إترييقوا عليهم وهاتك يا قلة ادب يومياً .. لحد ما لقى الحل إنهم يتكلموا باللهجة السعودية بقية حياتهم ..

تفتكروا الطفل ممكن يخترع كده من نفسه وإنه سعودي والباقي كلهم اجانب حقيرين .. ولا ده زرع من الأب والأم ؟

طبعا مش محتاج اجابة

كان عندي في العمارة هنا جيران سعوديين في الدور اللي تحتي مباشرة ... وعندهم بنات من سن أولادي ... وعندي العيال في مدارس إنترناشونال ولا يعرف ده سعودي ولا ده سوداني ... وبيتعاملوا هما وأطفال الجيران اللي من مختلف الجنسيات بمنتهى التلقائية والحب ويمكن لو سألتهم جنسية حازم صاحبك إيه والله ما يعرف .. لإن الجنسية الموحده عنده هي إنه طفل والأخر طفل ولا يعرف حدود ولا جوازات سفر وجنسيات ودرجات

لحد ما لقيت إبني طالع بيعيط في مره ويقولي : يا بابا البنات ضربوني وقالوا لي إنت مصري وأبوي وامي قالوا لنا ما تلعبوش مع المصريين ... خلي بالكم دول بنات 7 و 8 سنوات ؟

وانا كنت قايل له عيب الولد يضرب بنت .. وعيب الراجل يضرب ست ..

فأتكرر الموضوع وبقوا زي قُطاع الطرق ومصطادين الواد طالع نازل .. وإبني أساساً مش هفأ أو عيل يتاكل بسهولة لكن أنا بأفرمله وبأعلمه الأخلاق والاحترام ..

فقلت له إتوكل عالله وإتعامل مع الهدف ..

وبقى يمسكهم يعجنهم لحد ما أهلهم هما اللي بقوا يقولوا حوشوا إبنكم عننا .. والعيال في الرايحه والجاية يضربوا له تعظيم سلام من بعد ما أنضربوا على عينهم ..

ما بالك هو لو مع عيال زي دي في المدرسة يومياً ؟

بالمناسبة إسألي أي طفل من أي جنسية في مدرسة سعودي .. بيحصل معاه حضرتك نفس الشيء ... بل يحدث مع المدرسن والمدرسات أنفسهم .. وتلاقي عيل مفعوص معفن في إبتدائي يقوم يتهكم على استاذ عشان سوداني أو سوري ، لإنهم هو زرعوا فيه إنه سعودي عليه الصلاة والسلام وهذا هو رأس ماله بغض النظر عن تعليمه إيه أو ثقافته إيه ..

ههههههههههههههههه عجبتني اوي سعودي عليه الصلاة و السلام

بالمناسبة

مرة بنت جيراننا قالت لي ان المفروض يتحجبوا على المرأة الأجنبية زي ما بيتحجبوا على الرجالة

و فسرتلي بعبقرية فذة ان الأجنبية يعني اللي ما هي سعودية!!!!!

اما عن موضوع إن إبنك بقى يتكلم اللهجة السعودية .. فده من أخطر ما يكون ... لا لعيب اللهجة .. بالعكس دول إخواتنا وحبايبنا ولا نحمل لهم إلا كل خير ... لكنها مسألة هويه .. فزي السعودي ما يقبلش يتحدث ليل نهار باللهجة المصرية ... نحن كمان يجب أن نعتز بلهجة بلدنا ..

طبعا خطر لأنه معتقد ان اللهجة المصرية دي تقلل من شأنه لأن هيتعرف انه مصري ودي طبعا بقت جريمة اليومين دول :ninja:

ههههه ... لما إبني بقى يلعب مع العيال دي بعد ما روضهم إبتدوا يقولوا له تعالى نعلمك سعودي ... آه والله .. طفل عادي وبيلعب وممكن يكتسب بعض الكلمات ..

فلقيته في مره جاي بيقول لي : شوفت بقى أنا بقيت اتكلم إنجليزي وفرنساوي وسعودي يا بابا ... فقلت له الإنجليزي والفرنساوي عارفهم .. سمعني بقى وأشجيني إتعلمت إيه سعودي ؟ .... والله هذا حدث .. فقال لي إسمع إتعلمت منهم :

إنجلع ( يعني غور في داهيه )

دف وجهك ( يعني ورينا عرض كتافك أو غور برضوا تمشي عالوشين يعني الكملة دي )

يا كلب ( دي شتيمة شائعة هنا )

اول كلمة اتعلمها ( اقلب وجهك) يعني وريني عرض كتافك برضه

وغير بقى كلمات قذرة تانية يعف لساني عن إني أقولها علموها له في حصة واحده ..

:sad:

فقلت ونعم التربية والتعليم ..

قشطه لحد كده وإوعى تلعب مع الأولاد دول اللي بيقولوا كلمات وحشه ... ما بالكم لما يكونوا بنات ... بنات ؟

إنقلي إبنك أي مدرسة يا أختنا ... إن شالله لو باكستانية ...

لو حكمت حقعده في البيت يا فندم و يمتحن في السفارة :egyflag:

:aslam:

أما إنه بيكره مصر .. فبالعكس ...

الطفل مالوش دعوى باحداث أو مشاكل سياسية أو إقتصادية .. بل إنه يرى بلده احسن بلد في الدنيا لإنها منفتحه وفيها أهله وبيتفسح فيها وفيها كل شيء بيحبه ... لكن ده رد فعل لإنهم بيعايروه إنه مصري أو من جنسية غير سعودية وهو نقص لديهم ليس إلا ..

هوة لسه مش مدرك طبعا الكلام ده

انا بس الكلام دق ناقوس الخطر أمامي

و لا بد من وقفة :waf:

همة فعلا في عندهم اتجاه في مكة بالتحديد انه مش من المفروض تدريس اللغة الانجليزية ( او اي لغة اجنبية) و لا محاولة نشرها

و ان اللي بيساعد على نشرها منافق!!!!

و الكلام ده سمعته بودني على لسان أحد المشايخ في اذاعة القرآن الكريم

انا سمعت كلام زي ده بس عن تحريم بيع الملابس الداخلية النسائية أو البرفانات الحريمي لإنها تساعد على الفجور .... لوووووووولللللي ..

:110:

[عبير يونس]

سيدتي الفاضله:

قريت المداخلات سريعا

حضرتك بتقولي انك عشتي جزء من طفولتك في السعوديه. هل كان لك اخوه صبيان في مدارس سعوديه؟

علي كل حال انقل لك تجربتي وخصوصا اني عشت ابتدائي واعدادي في السعوديه وفي الباحه تحديدا منذ 72 الي 82 .

1) لازم لازم تطلعيه من المدرسه ولا نقاش في ذلك. لا تقولي سعودي خاص او حكومي . الي بيحصل معاه رغم فظاعته لا كنه لا يقارن باي تحرش جنسي مكن يتعرض له من التلاميذ او المدرسين المنحرفين.

2) انا مقيم في مكه زيك. يا اما توديه المدارس المصريه الغير مرخصه او هناك باصات مدارس انترناشنال بتيجي مكه كل يوم .الي اعرفه مدرسه الوادي . انا اولادي في المدارس الغير مرخصه واولاد معظم الاطباء . لكن بعض الزملاءيرسلون اولادهم لمدارس الوادي (منهج بريطاني)

3) موضوع مصر وقيمه المواطن والوطن احتراما لقواعد العبه في المنتدي لن اتكلم عنها لكن اقول لك ( من هانت عليه نفسه هانت علي الناس ) واحنا هينين جدا علي مصر داخلها وخارجها.

تحياتي لحضرتك وربنا يرشدك للصح

اللهم آمين

و جزاك الله كل خير على النصيحة

و ربنا يقدم اللي فيه الخير

معلش سؤال لحضرتك

من الصورة الرمزية تصورت ان حضرتك مقيم في كندا

هوة حضرتك مقدم هجرة لكندا؟

لو كنت مقدم يا ريت أعرف أكثر عن الاجراءات ع الخاص لو أمكن

و لك جزيل الشكر

[سهل جدا]

يا جماعة الخير .... الله يرضى عليكم

حد برضه عايش في بلد خليجي يدخل إبنه مدرسه حكوميه مع أبناء البلد

إنتو كده بتدمروا نفسية و كرامة أبنائكم

دي بديهيات عارفها كل اللي عايشين في الخليج

مش لازم مدرسه إنترناشيونال لو مفيش إمكانيات .... دخلوهم أي مدرسه خاصه لا يدخلها أبناء البلد

والله انتم عقدتوني يا جماعة

ابني الكبير السنة الجاية هايدخل مدرسة , مش عارف أعمل معاه إيه بس

فكّرتوني بواحد سوري معانا في الشغل لما لاقى المدارس في السعودية بالشكل ده

راح مسفّر زوجته وعياله لبلدهم , والسبب الوحيد هو: إن أولاده يتعلموا كويس في مدارس كويسة

وفي الصيف يجيبهم زيارة عنده في السعودية, وفي أجازة نصف السنة هو بينزلهم أجازة شهر , وعلى هذا الحال علطول

تفتكروا دا حل كويس ؟؟!!!

[عبير يونس]

كل ما تتحدثون عنه هو ثمن لضريبه الغربه .يدفعها الصغار قبل الكبار .

حتي عندما يعود صغارنا من الغربه ويلتحقوا بمدارس وجامعات وطنهم لا يجدوا من يحتضنهم ويلتف حولهم ويعمل علي دمجهم مع ابناء وطنهم يعوضهم عما فاتهم .ضريبه ما فيش مفر منها غير:-

1- تقليل مده الغربه 6 سنوات مثلا .

2- ادخالهم مدارس خاصه للمغتربين في بلاد الغربه .

3- تعاون الجاليات المغتربه في عالم يخصهم يعيش فيه ابنائهم .

4- وجود برنامج صادق في مدارسنا وجامعاتنا لمساعدت ابنائنا علي اندماجهم مع ابناء وطنهم عند العوده (اعذرني بأحلم بذلك).

نداء الي شعوب بلاد الغربه :-

عاد بعض زملائي من المانيا وفرنسا بعد عدت سنوات عندما كنت اتحدث مع ابنائهم عن هذه البلاد واتعمد اهانتها كنت اشعر انه وطنهم الثاني بل يغيروا عليها ويدافعوا عنها اكثر من غيرتهم علي بلاد المحروسه الوطن الام .نعم هناك عنصريه ولكن استثناء وليس القاعده .

كل طفل عائد من بلادكم بعد سنوات الغربه يعتبر سفير لبلادك ينشر انطباعه عن بلادكم بين ابناء وطنه

كلام حضرتك سليم

و ده انا شخصيا تعرضت له اثناء الدراسة في الجامعة

كنت زي الغريبة في وسط بلدي

و فعلا الغربة ممكن تبقى بلد تاني

او ذكرى مزعجة تود لو تشطبها من ماضيك

و هذا ما أخشى انه حدث مع ابني فعلا

شكرا على المداخلة جزاك الله كل خير

[عبير يونس]

يا جماعة الخير .... الله يرضى عليكم

حد برضه عايش في بلد خليجي يدخل إبنه مدرسه حكوميه مع أبناء البلد

إنتو كده بتدمروا نفسية و كرامة أبنائكم

دي بديهيات عارفها كل اللي عايشين في الخليج

مش لازم مدرسه إنترناشيونال لو مفيش إمكانيات .... دخلوهم أي مدرسه خاصه لا يدخلها أبناء البلد

والله انتم عقدتوني يا جماعة

ابني الكبير السنة الجاية هايدخل مدرسة , مش عارف أعمل معاه إيه بس

فكّرتوني بواحد سوري معانا في الشغل لما لاقى المدارس في السعودية بالشكل ده

راح مسفّر زوجته وعياله لبلدهم , والسبب الوحيد هو: إن أولاده يتعلموا كويس في مدارس كويسة

وفي الصيف يجيبهم زيارة عنده في السعودية, وفي أجازة نصف السنة هو بينزلهم أجازة شهر , وعلى هذا الحال علطول

تفتكروا دا حل كويس ؟؟!!!

هوة مش حضرتك في جدة يبقى مفيش غير المدارس الانترناشيونال

بس هي فيها مشكلة ان حضرتك لازم تكمل له لو نزلتوا مصر في مدارس انترناشيونال برضه

و دي طبعا خيالية في مصر خاصة لو في أكتر من طفل

و لكن بما انه لسه حيدخل المدرسة يبقى مفيش غيرها

لا أؤيد أبدا ابتعاد الزوجة و الأولاد عن رب الأسرة

مضاره أكثر بكثير من نفعه

استخير ربنا

و ربنا يوفقك لكل ما يحب و يرضى

[بركة]

يعني مش هيبقى كويس حل المدارس المصرية ده يا أختي

لي صديقة عانت من هذه المدارس جدا لأن أولادها صبيان مش بنات والولد لازم يخرج

الطاقة اللي عنده في مدرسة وللا نادي فكده بقى لاهيبقى مدرسة ولا نادي

وبعدين كيف تتكون شخصيته وهو رايح مركز دروس خصوصية بس وليس مدرسة واحتكاك

طبيعي وبعدين حاولي بجد بجد جدة مش بعيد ولي صديقات كتير شغل أزواجهم في رابغ

وزوجاتهم واولادهم في جدة والدنيا ماشية ومافيش مشاكل ..

ولو حابة أي استفسارات أكتر راسليني على الخاص وربنا يقدم لكم ما فيه الخير ..

[عبير يونس]

يعني مش هيبقى كويس حل المدارس المصرية ده يا أختي

لي صديقة عانت من هذه المدارس جدا لأن أولادها صبيان مش بنات والولد لازم يخرج

الطاقة اللي عنده في مدرسة وللا نادي فكده بقى لاهيبقى مدرسة ولا نادي

وبعدين كيف تتكون شخصيته وهو رايح مركز دروس خصوصية بس وليس مدرسة واحتكاك

طبيعي وبعدين حاولي بجد بجد جدة مش بعيد ولي صديقات كتير شغل أزواجهم في رابغ

وزوجاتهم واولادهم في جدة والدنيا ماشية ومافيش مشاكل ..

ولو حابة أي استفسارات أكتر راسليني على الخاص وربنا يقدم لكم ما فيه الخير ..

جزاكي الله كل خير ربنا يكرمك يارب

احنا حاولنا قبل كده و اللي حوالينا قفلوها في وشنا و صعبوها علينا

جدة ما شاء الله كبيرة و واسعة و معرفش فيها حد

و لا اعرف ايه المناطق الكويسة

الموضوع عايز بحث

يبقى كتر خير حضرتك لو حضرتك و الاخوة الكرام اللي عايشين في جدة يعملولنا موضوع عن أحياء جدة

او لو في فعلا موضوع موجود يا ريت تكتبوا لي الرابط

[بركة]

أختي الغالية أحب أأكد لك انني أرحب بأي إستفسار أو صداقة شخصية بيننا

في الحياة العامة وإعتبري ياستي أن خلاص بقالك ناس وعزوة في جدة

أنا وولادي وزوجي معاكم ان شاء الله وربنا قبل الكل

ماتخافيش ان شاء الله المسألة بسيطة

ولو حبيتي نتراسل في التفاصيل على الخاص أهلا وسهلا

ولو حبيتي أكلمك أو تكلميني أبعتلك تليفوني على الخاص أو زي ماتحبي

و يارب نبقى أخوات وأصحاب ..

[عبير يونس]

أختي الغالية أحب أأكد لك انني أرحب بأي إستفسار أو صداقة شخصية بيننا

في الحياة العامة وإعتبري ياستي أن خلاص بقالك ناس وعزوة في جدة

أنا وولادي وزوجي معاكم ان شاء الله وربنا قبل الكل

ماتخافيش ان شاء الله المسألة بسيطة

ولو حبيتي نتراسل في التفاصيل على الخاص أهلا وسهلا

ولو حبيتي أكلمك أو تكلميني أبعتلك تليفوني على الخاص أو زي ماتحبي

و يارب نبقى أخوات وأصحاب .. :ninja:

و الله نتشرف يا فندم

و أكيد ارحب بصداقة حضرتك

و نتراسل على الخاص في التفاصيل ان شاء الله

بس برضه ياريت نفتح موضوع عن جدة و الحياة فيها و الأحياء و أهم الأماكن و هكذا

و هو يبقى ملف متكامل يساعد الكل

[زعلان]

بصي يا مصرية بما ان زوجك حيبقى رايح جي على مكا حارشح لحضرتك بعض المتناطق في جدة و الي بتقع في المنتصف و قريبة لطريق مكه يعني مش حيعلق في زحمة المدينة افضل المناطق لكي هي منطقة الشرفية شارع ولي العهد و انتي نازلة ناحية وسط البلد يعني طريق المدينة المتجه الى وسط البلد حتلاقي على الشارع و حوالين الشارع الرئيسي عدد لا بأس به من البنايات الجيدة في منطقة الشرفية و البغدادية و وزوجك من هناك يقدر بسهولة ياخد طريق مكه و خلال ساعة الا ربع بالكثير يكون في مكة وربنا يوفقكم

[عبير يونس]

بصي يا مصرية بما ان زوجك حيبقى رايح جي على مكا حارشح لحضرتك بعض المتناطق في جدة و الي بتقع في المنتصف و قريبة لطريق مكه يعني مش حيعلق في زحمة المدينة افضل المناطق لكي هي منطقة الشرفية شارع ولي العهد و انتي نازلة ناحية وسط البلد يعني طريق المدينة المتجه الى وسط البلد حتلاقي على الشارع و حوالين الشارع الرئيسي عدد لا بأس به من البنايات الجيدة في منطقة الشرفية و البغدادية و وزوجك من هناك يقدر بسهولة ياخد طريق مكه و خلال ساعة الا ربع بالكثير يكون في مكة وربنا يوفقكم

جزاك الله كل خير أخي الفاضل

و الموضوع حاليا على مائدة النقاش مع زوجي المحترم

و ربنا يقدم اللي فيه الخير

تحياتي

[precanadian]

اللهم آمين

و جزاك الله كل خير على النصيحة

و ربنا يقدم اللي فيه الخير

معلش سؤال لحضرتك

من الصورة الرمزية تصورت ان حضرتك مقيم في كندا

هوة حضرتك مقدم هجرة لكندا؟

لو كنت مقدم يا ريت أعرف أكثر عن الاجراءات ع الخاص لو أمكن

و لك جزيل الشكر

اختي الفاضله انا مقدم علي الهجره من زمن.

لو فكرتي يبقي لازم تقرأي المواضيع الاتيه

بنك معلومات من خبرات مهاجرين سابقين

كيف تهاجر لكيبك

كيف تهاجر فيدرال2009

ولو عندك اسئله سريعه

اسئله سريعه

هذا كبدايه . لان القوانين اتغيرت عن ايامي واصبح هناك لسته بالوظائف المطلوبه غير ان الاجرائات بتخلص في خلال 6 شهور لسنه .

cic.gc.ca

كل ده موجود جنبك في باب كندا وفي مواضيع كتير جدا مهمه

لكن الاهم هو قرار الهجره لانه مش سهل وله ضريبته قد يدفعها بعض الناس

والله الموفق

[عبير يونس]

اللهم آمين

و جزاك الله كل خير على النصيحة

و ربنا يقدم اللي فيه الخير

معلش سؤال لحضرتك

من الصورة الرمزية تصورت ان حضرتك مقيم في كندا

هوة حضرتك مقدم هجرة لكندا؟

لو كنت مقدم يا ريت أعرف أكثر عن الاجراءات ع الخاص لو أمكن

و لك جزيل الشكر

اختي الفاضله انا مقدم علي الهجره من زمن.

لو فكرتي يبقي لازم تقرأي المواضيع الاتيه

بنك معلومات من خبرات مهاجرين سابقين

كيف تهاجر لكيبك

كيف تهاجر فيدرال2009

ولو عندك اسئله سريعه

اسئله سريعه

هذا كبدايه . لان القوانين اتغيرت عن ايامي واصبح هناك لسته بالوظائف المطلوبه غير ان الاجرائات بتخلص في خلال 6 شهور لسنه .

cic.gc.ca

كل ده موجود جنبك في باب كندا وفي مواضيع كتير جدا مهمه

لكن الاهم هو قرار الهجره لانه مش سهل وله ضريبته قد يدفعها بعض الناس

والله الموفق

والله مش عارفة اشكر حضرتك ازاي

موضوع الهجرة ده في بالي بقى له سنة تقريبا

مش لأننا مش واخدين قرار

لأننا مش لاقيين طريق

لأن زوجي هوة اللي ما شاء الله شهادات و خبرة

بس ما لوش في موضوع اللغات ده

هوة مش ميح يعني

هو مستواه متوسط في الانجليزي و الفرنساوي

بس هو مبيمارسش اللغة و مش متجرأ عليها

و انا شهادتي في مجال و خبرتي في مجال تاني

و خبرتي كلها فري لانسر

يعني مفيش عقود و أوراق خبرة و الكلام ده

بس اللغات ما شاء الله

ممكن أجيب المطلوب بسهولة في اللغتين

بس الانجليزي أقوى طبعا

بس انا بأقوي نفسي في الفرنساوي

عشان يبقوا الاتنين ممتازين ان شاء الله

هي دي المشكلة

لو انا صاحبة الطلب

حيبقى في مشكلة الخبرة لأنهم مش حيعترفوا بخبرة مترجم حر و مدرس حر و شغل في مدارس من الباطن

كل ده مش حا ينفع

و لأن كمان خبرتي دي في اللغات مش نفس تخصصي في البكالوريوس اللي هوة المحاسبة

يعني لو قدمت كمحاسبة مفيش خبرة

و اذا قدمت كمدرسة انجليزي أو مترجمة مفيش شهادة

جوزي ما شاء الله بكالويوس كيمياء حيوية و دبلوم تربوي و دبلومة في فسيولوجي النبات و خبرة في التدريس 23 سنة ما شاء الله

و أوراقه تمام

بس في اللغات صعب يحصل المستوى المطلوب في الايلتس و أكيد مش حيجيب الفرنساوي اللي يدخلنا كيبيك

و كمان سنه 48 سنة و انا داخلة في ال 37 السنة دي يعني مش بعيد اوي عن 35

انا بأفكر في كيبيك اوي

و معنديش مشكلة حياتي تبقى كلها فرنساوي

لأني حبقى بايلينجول

و ساعتها ممكن اشتغل في الترجمة هناك

انا كل اللي املكه لغات

و شهادة المحاسبة اللي من 14 سنة ما عملتش فيها حاجة

ناس قالولي اضرب شهادات خبرة في المحاسبة

بس انا بصراحة مقدرش اعمل كده

و مقدرش ابتدي حياة جديدة بالغش

حتى لو حتعدي عليهم و ما كشفوهاش برضه مش حقدر

كمان ان حياتي اللغات

يعني يا حأدرس في معاهد يا حاترجم

هوة ده اللي اعرف اعمله

بس ادخل كيبك ازاي؟؟؟

[عبير يونس]

المعجزة اللي مستنياها تدخلني اني الاقي عقد عمل و ادخل بتصريح عمل و اقدم الهجرة من هناك

بس زي ما قلت محتاجة معجزة

[yassir]

المعجزة اللي مستنياها تدخلني اني الاقي عقد عمل و ادخل بتصريح عمل و اقدم الهجرة من هناك

بس زي ما قلت محتاجة معجزة

:closedeyes:

بقدر حزنى على الظروف على التى تمر بها أسرتك الكريمه من اشكاليات الحياه فى أرض الخوف بقدر تقديرى لشجاعتك الحديث عن هذه الظروف و كيف أن العنصريه أصبحت قهوه الصباح فى أقدس بقاع الأرض .لم تتوافر هذه الشجاعه للكثيرين من عشاق الحياه فى نعال الكفاله الذين يهللون فى كل مداخله بحياتهم السعيده فى أرض الجزيره المغتصبه من قبل ال سعود و كيف ان السعوديين يحبون المصريين و ان الذى اختاروا الهجره للغرب ماهم الا حفنه من المتنكريين لأوطانهم .

أسأل الله ان يوفقك لهجره ترفع عنك وطأة الأستضعاف و أدعو الله أن يعينك و يوقفك فى تربيه اولادك . و لا أعتقد انك ستحتاجى لمعجزه فمنذ صدور لسته الوظائف بدأ يظهر على الساحه عدد كبير من المكاتب تعمل على أستقدام عاملين من الخارج لتغطيه العجز المتوقع نتيجه سياسات الهجره الجديده حتى الان ماتزال الوظائف منحصره فى الممرضات و مشرفات الحضانات و لكن بأذن الله تتسع المسأله شيئا فشيئا و تجدى الملائم لكى بأذن الله . وفقك الله.

[عبير يونس]

المعجزة اللي مستنياها تدخلني اني الاقي عقد عمل و ادخل بتصريح عمل و اقدم الهجرة من هناك

بس زي ما قلت محتاجة معجزة

:closedeyes:

بقدر حزنى على الظروف على التى تمر بها أسرتك الكريمه من اشكاليات الحياه فى أرض الخوف بقدر تقديرى لشجاعتك الحديث عن هذه الظروف و كيف أن العنصريه أصبحت قهوه الصباح فى أقدس بقاع الأرض .لم تتوافر هذه الشجاعه للكثيرين من عشاق الحياه فى نعال الكفاله الذين يهللون فى كل مداخله بحياتهم السعيده فى أرض الجزيره المغتصبه من قبل ال سعود و كيف ان السعوديين يحبون المصريين و ان الذى اختاروا الهجره للغرب ماهم الا حفنه من المتنكريين لأوطانهم .

متنكرين للأوطان؟؟

يقولون الأسرة هي النبتة الأولى في المجتمع

و أنا و زوجي غير قادرين على تعهد تلك النبتة

هل أترك النبتة تذبل و تموت من أجل الوطن؟

لست من أنصار يا بلادي

فداكي

انا و الولاد يا بلادي فداكي

أولادي أهم من أي شيء

و من غيرهم مفيش أسرة و لا في مجتمع و بالتالي مش هيبقى في وطن

للأسف احنا جيل اتربى على الأغاني الوطنية في المناسبات

و ما شافش خير مصر اللي بتوع زمان شافوه و اتنعموا بيه

على حسب ما اتربيت في الغربة

مصر قيمة جميلة و تاريخ عظيم و فخر

و ان المصري بيحمل مصر جواه و بيروح بيها كل مكان

و هو ده اللي بأربي ولادي عليه

بس احنا ما زلنا محتاجين حاضر نعيش فيه

و مستقبل بفضل الله و توفيقه يكون مشرق

أو آلة زمن ترجعنا نعيش في مصر في بدايات القرن العشرين

ولأن آلة الزمن خيال

مفيش غير اننا ندور على حاضر نعيشه

مفيش غير ان احنا نشيل الماضي على كتافنا و نمشي ندور على مكان يستوعبنا بماضينا

و ليس هناك أنسب من مكان فيه الكثيرون مثلنا يحملون أصولهم إلى أرض جديدة

أسأل الله ان يوفقك لهجره ترفع عنك وطأة الأستضعاف و أدعو الله أن يعينك و يوقفك فى تربيه اولادك . و لا أعتقد انك ستحتاجى لمعجزه فمنذ صدور لسته الوظائف بدأ يظهر على الساحه عدد كبير من المكاتب تعمل على أستقدام عاملين من الخارج لتغطيه العجز المتوقع نتيجه سياسات الهجره الجديده حتى الان ماتزال الوظائف منحصره فى الممرضات و مشرفات الحضانات و لكن بأذن الله تتسع المسأله شيئا فشيئا و تجدى الملائم لكى بأذن الله . وفقك الله.

اللهم آمين

فعلا احنا من المستضعفين في الأرض و المؤلم أن من يستضعفنا هم أخوة الدين و اللغة!!!

يا ريت لو عند حضرتك فكرة عن المكاتب دي أو لينك ليها يبقى كتر خيرك

و شكرا جزيلا على التعاطف الوجداني اللي بقينا مفتقدينه جدا

و ما بنلاقيش بداله غير لوم و تقطيم و تثبيط للهمة

بارك الله فيك و وفقك لكل ما يحب و يرضى

تحياتي