عن البى بى سى .. وفاة حفيد الرئيس مبارك

[مغتربة]

لا حول ولا قوة الا بالله

انا لله وانا إليه راجعون

[emano]

لاحول ولاقوه الابالله

انا لله وانا اليه راجعون

يارب يصبر امه ويجرها فى مصيبتها ويخلفها خيرا منها

لادايم الا وجه الله عزوجل

[hgalal]

لا حول ولا قوة إلا بالله .. وإنا لله وإنا إليه راجعون

ربنا يلهم امه وابيه الصبر ويجرهم في مصيبتهم

(قال تعالى

"وبشر الصابرين الذين إذا جاءتهم مصيبه قالوا إنا لله وإنا إليه راجعون")

[doudy]

انا لله و انا ايه راجعون

ربنا يتغمده برحمته و يصبر اهله

فعلا حسرة كبيرة لاهله و للناس كلها

[Egypt]

انا لله انا اليه راجعون

البقاء لله وحده

اللهم اغفر له وارحمه

اللهم الهم اهله الصبر

[znaty]

انا لله وانا اليه راجعون

اللهم اجعله شفيعا لوالديه

[بنت الشاطئ1]

البقاء للة

انا مش فاهم يعنى اية مات بسبب اكل غذاء فاسد

لا داعى لاى كلام يحمل فى محتواة اى شئ تانى الان علشان عيب

ما حدش جاب سيرة غذاء فاسد يا استاذ محمد

[محسن ممتاز]

ان لله وان اليه راجعون في 1300 مصري شهداء العباره وكل المصريين في حوادث القطارات كل يوم والتاني . الظاهر ان دول مش لهم أهل يزعلوا عليهم أصلهم غلابا مفيش قنوات تلفزيونيه تنعاهم وتقيم عليهم الحداد . حسبي الله ونعم الوكيل في سبب الفساد اللي احنا عايشين فيه.....

[msayed]

الحمد لله الولد توفاه الله فى سن لم يفعل ذنوب بعد فهو فى الجنة بإذن الله، وربنا يرزق أهله الصبر كأب وأم وكذلك يرزقهم من هذه المصيبة العبرة لتستشعر الأسرة كلها شعور أهالى الأسر التى فنيت عن آخرها فى حادث العبارة، ويستشعروا شعور أهالى الأسر التى دكتها صخرة جبل المقطم بالدويقة.

أدعو الله بتفاؤل مبالغ فيه ان تكون هذه الحادثة لها تأثير إيجابى على حياة المصريين بعد أن شعرت الأسرة المالكة ببعض ما يشعر به الشعب كل يوم.

أقسم بالله العظيم مش شمتان ولكن بأحاول أستخلص العبر.

وكلمة للإعلام المصرى

يعنى لما غرقت العبارة بأهلها ولما إنهار المقطم على الغلابة ما كانش الواجب برضه ولو حتى عشر ثوانى حداد، ولو حتى قل هو الله أحد؟ هو مش دول مواطنين زى ما المرحوم محمد مواطن ولا إيه؟

[fatfouta]

يا جماعة هدوا نفسكم شوية مافيش داعى للكلام ده

ده طفل صغير مالوش ذنب ولا ليه دعوة بللى بيعمله ابوه وجده وعيلته كلها

كفاية حسرة قلب امه عليه

الله يرحمه ويرحمها هى كمان

[se_ Elsyed]

وحدو الله

ما ينفعش أروح أعزي إنسان وأقوله شد حيلك .. بس خلب بالك إنت عملت كذا وكذا وظلمت فلان وعلان ...

ليس من اللياقة أو الشجاعة او أي أخلاق طيبة هذا الشيء ..

رحم الله الفقيد وبنا يلهم أهله الصبر والسلوان

والفتاوى الكاذبة اللي بتقول أنه أكل أكل فساد غير صحيحه بالمرة

فحسب كلام عمرو اديب في قناة أوربت بالأمس قبل أن يتوفى المرحوم . وهي معلومات صادرة من المستشفى التي نُقل إليها الطفل في باريس .. إن الولد كان عنده مرض خطير مولود به وكامن - الله أعلم يتعلق بالوراثة أو ما شابه - وهذا المرض يظهر في سن معين .. وعندما تم نقل الطفل بعد ما تعب إلى مستشفى القاهرة منذ يومين فقط .. تم إستدعاء طبيب مخ وأعصاب شهير من لندن على وجه السرعة .. ونصحهم بنقله إلى باريس .. وبالفعل تم نقله أمس .. لكن الأطباء الأوروبيين إنتو عارفينهم في جفاءهم وحدة مشاعرهم .. قالوا لهم : خلاص الوضع خطير وهي مسألة ساعات او دقائق ... وبالفعل توفي الطفل وأنتقل إلى جوار ربه ...

من فضلكم رجاء أخير ....

لا داعي لتصفية أي حسابات في هذه الموضوع ..

وبعد إذنكم سأنقله إلى باب الإجتماعيات لإنه ليس موضوعاً سياسياً ..

ومن ثم بعد كده اللي عايز يقول أو يكتب شيء .. عنده باب السياسة الداخلية ... لكن على الأقل إفترض إن الرئيس هايقرأ كلماتك هذه .. فهل تود أن يقرأها وهو في عزاء حفيده وقلبه مفطور عليه ؟

ضع نفسك مكانه يا أخي الكريم .

كلنا نُخطأ وكلنا لدينا مشاعر ...

ترضى حد يكلمك كلامي قاسي أو حتى ينصحك بشيء وإنت مكلوم في فقد عزيز لديك ؟

[زعلان]

يا عم سي السيد العزاء واجب صحيح بس الرئيس و اسرته فرضوا انفسهم لمدة 30 سنة على الشعب المصري و افتروا جامد سرطان و فساد و عبارات و قطارات الناس في مصر مش لاقيه تتعالج فطبيعي ان نظن انهم ممكن يتعظوا ويفكرهم الموت انهم مش مخلدين و ان الحياة زائلة نتمنى حقا ان يتعضوا ربنا يرحم الميت و يلهم امه و ابوه الصبر و يرحم كل المصريين

[بندق أفندى]

وحدو الله

ما ينفعش أروح أعزي إنسان وأقوله شد حيلك .. بس خلب بالك إنت عملت كذا وكذا وظلمت فلان وعلان ...

ليس من اللياقة أو الشجاعة او أي أخلاق طيبة هذا الشيء ..

رحم الله الفقيد وبنا يلهم أهله الصبر والسلوان

والفتاوى الكاذبة اللي بتقول أنه أكل أكل فساد غير صحيحه بالمرة

فحسب كلام عمرو اديب في قناة أوربت بالأمس قبل أن يتوفى المرحوم . وهي معلومات صادرة من المستشفى التي نُقل إليها الطفل في باريس .. إن الولد كان عنده مرض خطير مولود به وكامن - الله أعلم يتعلق بالوراثة أو ما شابه - وهذا المرض يظهر في سن معين .. وعندما تم نقل الطفل بعد ما تعب إلى مستشفى القاهرة منذ يومين فقط .. تم إستدعاء طبيب مخ وأعصاب شهير من لندن على وجه السرعة .. ونصحهم بنقله إلى باريس .. وبالفعل تم نقله أمس .. لكن الأطباء الأوروبيين إنتو عارفينهم في جفاءهم وحدة مشاعرهم .. قالوا لهم : خلاص الوضع خطير وهي مسألة ساعات او دقائق ... وبالفعل توفي الطفل وأنتقل إلى جوار ربه ...

من فضلكم رجاء أخير ....

لا داعي لتصفية أي حسابات في هذه الموضوع ..

وبعد إذنكم سأنقله إلى باب الإجتماعيات لإنه ليس موضوعاً سياسياً ..

ومن ثم بعد كده اللي عايز يقول أو يكتب شيء .. عنده باب السياسة الداخلية ... لكن على الأقل إفترض إن الرئيس هايقرأ كلماتك هذه .. فهل تود أن يقرأها وهو في عزاء حفيده وقلبه مفطور عليه ؟

ضع نفسك مكانه يا أخي الكريم .

كلنا نُخطأ وكلنا لدينا مشاعر ...

ترضى حد يكلمك كلامي قاسي أو حتى ينصحك بشيء وإنت مكلوم في فقد عزيز لديك ؟

مش هتفرق فين مكانه .. لكنى أعتقد انه سيكون مؤثر بشدة على مستقبل السياسة المصرية فى الفترة القادمة

الولد لا شك غير مكلف ولا يتحمل وزر أى أحد غيره .. ولا يجوز ان نؤول ونتكلم عن أشياء بعيدا عن الحدث ذاته ..

لكنى كلما أفكر فى القصة أضع نفسى محل والده أو جده فأجد الموضوع جد صعب ..

[Alshiekh]

بِسْمِ اللَّهِ الرَّحْمَنِ الرَّحِيمِ

الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ

إِنَّا لِلَّهِ وَإِنَّا إِلَيْهِ رَاجِعُونَ

رحم الله الفقيد ، وخالص العزاء للسيد رئيس الجمهورية والسيدة حرمه ولوالديه وللاهل ولهم جميعا الصبر والسلوان إن شاء الله.

[الكريم]

البقاء لله انا لله و انا اليه راجعون

[newcomer]

لا حول و لا قوة الا بالله العلى العظيم

كل نفس ذائقة الموت

ربنا يصبر اهله و يعوضهم و يأجرهم فى مصيبتهم

يا ريت نفتكر يا جماعة :

لا شماتة فى الموت

لكل مقام مقال

حب لأخيك ما تحب لنفسك

[pink rose]

قناة المحور فاتحين برنامج لتقبل العزاء على الهوا

بصراحة برنامج ينرفز اوي و التعليقات و الناس اللي بتتكلم تجيب شلل مش كلهم طبعا

ايه كمية النفاق دي واحد بيقول اللي مات دا كان مستقبل مصر لانه ان هايبقى رئيس مصر القادم

ايوة زعلانين و فعلا حاجه توجع القلب لما الواحد يحس ان الولد يا حبيب قلبي كان معاهم و في يومين اتنين راح منهم للابد طبعا فجيعة جامدة و ربنا يصبرهم و الواحد كل ما يشوف صور الولد قلبه يوجعه

يا حبيب قلبي طفل برئ ربنا يصبر امه و ابوه اللي كان منهار فعلا اثناء تأدية الصلاة و تلقى العزاء

لكن الناس اللي داخلة تقول اسمها و تقول الكلام اللي اقل وصف ليه انه كلام اهبل مش عارفه عاوزين ايه يعني

لا حول و لا قوة الا بالله

[enjisultan]

انا للة وانا الية لراجعون

ولا حول ولا قوة الا باللة

وسبحان اللة

والدوام للة

اللهم لا علم لنا الا ما علمتنا

مع كل الرعاية الصحية المتوفرة.......الا انة لا راد لقضاء اللة

يعنى سبب الوفاة مش مهم لانة امر اللة نافز

حاجة واللة تزعل اللهم ارزق اهلة واهل كل من توفى لهم عزيز الصبر

وارحمهم وارحمنا

واحسن ختامنا يا رب العالمين

[Ramii]

الله يرحمه ويصبر أهله

[لولا]

انا لله وانا اليه راجعون

اسأل لأهله الصبر والسلوان لأن المصاب جدا عظيم ومؤلم .