دريم...!!

[بنت شعنونة]

منذ عشرة دقائق انتهى برنامج كان على قناة دريم

ناا والله ما عارفا هوا ايه

انما هوا كان شبة برنامج تسجيلي عن الحجاب في مصر!!!!!!!!!!!!!!

و والله ما عارفا هو كان عىل نظام يضع السم في العسل ام كان على نظام طباخ السم بيدوقه!!!!

فقد كان التصوير كله يدور في منطقة ريفيه حيث بدا التصوير في المولد " دا لما انا بديت اتابع" وناس بتلعب بمب ونشان بنات وصبيان ثم انتقل بعد كدا الى نقل حوار بين ناس من طبقة متوسطة شباب وانسات عن الحجاب ومن بينهم غير محجبات

دي تقول ان الحجاب فرض وصيانة من الفتنة والتانية تدافع هل كل اللي مش محجبات فيهم العبر كدا!!

ثم نعود الى الاسرة التى يتكلم عنها التصوير وكيف ان بنتهم المحجبة راحت تتصور بدون طرحة!!!

لآنها حبت تشوف نفسها بالمكياج

وبعدها تصوير في مدرسة تفصيل كلللللللل البنات فيها محجبات وازاي المدرسة عمالة تفهمهم ازاي هيا فرحانا بالحجاب

ثم يقول القاريء

انه وبعد التصوير بشهر رحنا نحضر دخلة ابله سناء ( المدرسة المحجبة اللي كانت تتكلم عن الحجاب)

وجايبنها بفستان فرح بدون حجااااااب والقاريء يسألها امال فين الطرحة؟؟؟؟؟؟

راحت ردت بضحكة " دي ليلة العمر بقى"

وجابوا الفرح والعروسة (اللي كانت محجبة) بترقص ومعاها العريس اللي قالت انها كانت طلبت منه تشيل الحجاب فقالها انتي من سكة وانا من سكة!!!!!!!!!!

واخيرا ينتهى البرنامج بتصوير رحلة

فيها محجبات متحزمين وبيرقصوا

وبعدهم فتيات غير محجبات برضه متحزمين وبترقص

!!!!!!!!!!!!!!!!!!!!!!!!!

والله انا ما فهمت البرنامج دا عاوز يقول ايه

غير اني ضغطي علي

ودعيت على كل من سمح لبرنامج كهذا انه يظهر على قناة كتلك

فلا هوا كان موضوعي عشان يقلنا عاوز ايه

ولا كان فضايحي عشان يفضح المحجبات

انما كان برنامج ثــــعـــــبــــــانــــــــــي

[فــيــروز]

طيب من غير زعل يا شانا ..

الا تحدث هذه الظواهر بالفعل؟

وهل نحتاج الى برنامج تليفزيونى كى يظهرها لنا رغم ان كلنا نراها وهى واضحه للعيان ..

بصرف النظر عن هدف البرنامج الم يسق البرنامج حقائق واقعه؟ لم لا نسال انفسنا عن هذا الازدواج الذى نحياه؟ انت بنفسك مش اتكلمتى عن البنت المحجبه اللى كانت لابسه الفستان اياه اللى سبب جدل بيننا هنا !!

الظريف ان البرنامج بدا فى مولد كما تقولين .. ولا ادرى لم اشعر ان الدين بالنسبه للكثيرين فى مصر اصبح مجرد شكل خارجى و مظهر فقط ولا يتسق اطلاقا مع الافعال او المبادئى التى نعتنقها فعلا خصوصا فى الريف .. عفوا لو قلت كده لكن لا ادرى لم اصبح هذا الاحساس يسيطر على بشده .. الدين اصبح مجرد ذهاب للمسجد يوم الجمعه للصلاه و نخرج بعدها ننم على خلق ربنا ونجيب فى سيرة ده و دى و فى الآخر نقول دع الخلق للخالق .. !! كثيرون منا الدين بالنسبه لهم طقوس خاليه من الروح او التفكر للاسف وانا لن ادعى انى افضل من اى حد .. كلنا نصاب بهذا من وقت لآخر و محتاجين حد يفوقنا من وقت لآخر ..

خدى عندك موضوع رقص العروسه فى الفرح ده !! دى بقت موضه ومن لا تفعلها تبقى معقده او على اقل تقدير هبله و عبيطه او حتى خام !! وبدل ما كانت الراقصه هى التى تحيى الفرح -ده مش تشجيع على الرقص على فكره- اصبح العروسان و اصدقاءهما هم من يحيون الفرح و غير كده تبقى الليله غم و نكد !! و التناقض الصارخ فى ان تبدا ليلة الفرح بالاغنيه الشهيره التى تردد اسماء الله الحسنى ليليها فاصل لا ينقطع من الرقص و الطرب !! طيب ايه العلاقه بين اسماء الله الحسنى وبين ما يليها !!

المشكله ليست فيمن سمح بعرض هذا البرنامج لان انكار الحقيقه لن يجعلها تختفى بل سيعطيها الفرصه لتنمو و تتضخم ونحن نظن انها غير موجوده .. زى موضوع الختان اللى ثار من فتره لقيام قناه بتصويره و بثه على الهواء !! وقامت الدنيا ولم تقعد .. ورغم اشمئزازى الشديد من الموضوع بالكامل وعدم تصورى لامكانية حدوث امر كهذا على الهواء الا ان المثير للغيظ هو استنكار المسئولين لاعلام العالم ان هذا الامر يحدث فى مصر و كان عدم اذاعته سيؤدى الى اختفائه زى اللى بيكنس تحت السجاده و متخيل كده انه نضف !! ورغم ان هذه القضيه جعلت المسئولين عن الصحه فى مصر يتنبهوا لخطورة الموضوع ويبدئوا على استحياء فى الكلام عنه .. ولكن هذا موضوع آخر

مشكلتنا ان اشياء كثيره فى حياتنا لا نقبل ان يواجهنا بها الآخرون صراحة .. ونظن انها مؤامره علينا لتشوبه صورتنا رغم ان ما قيل يراه الجميع و يعرفونه ولا يحتاجون اعلان عنه .. بل انى ارى اننا ينبغى ان نشكر من صنع هذا البرنامج لانه بمثابة صفعه نحتاجه لتفيقنا من ازدواحيه عميقه نعيشها فى اشياء كثيره فى حياتنا .. عذرا للاطاله :-(

[بنت شعنونة]

يا فيروز انا معاكي

وكلامك سليم

انما انا ليييييه ادي اعدائي مادة غنية وواضحة وضوح الشمس ممكن هما نفسهم اتعودوا عليها ومش واخدين بالهم منها

اروح انا اقدمهالهم على طبق من ذهب واقولهم اتفضلوا

ادي نقصي اهو اجلدوني بيه؟؟؟؟؟

بلاش

لو كنتي شفتي البرنامج نفسي تقوليلي اييييييه هدفه؟

دا متروك بدون تعليق وسداح مداح كدا

والله انا قلبي انفطر وانا بشوفه من الكمد

[فــيــروز]

يا شعنن انا لم اعطهم شئ لن يستطيعو الحصول عليه بسهوله

لو جلستى فى اى مكان يطل على النيل هتشوفى مراكب كتير جدا فيها بنات محجبات بيرقصوا على انغام حكيم و آه يا قلبى !!

ولو رحتى اى فرح هتلاقى نص اللى بيرقصوا محجبات و مش بعيد العروسه ايضا محجبه خلعت حجابها ليلة الفرح ..

يبقى ما نحتاجه ان نعالج نحن انفسنا حتى لا يجد غيرنا ما يجلدنا به من الاساس .. لم نهتم براى الآخرين فينا اكثر من اهتمامنا ان نصلح من شاننا !! ولم لا نحول هدف البرنامج -اذا كان غير نبيل- الى هدف نبيل نستفيد منه فى اصلاح انفسنا و نفوت الفرصه على غيرنا ان يعيرنا باى شئ نخجل منه !!

[Sherief AbdelWahab]

مع احترامي لوجهة نظر نونة الشعنونة فإني أميل إلى رأي فيروز بأن التدين صار أكثر مظهرية..وهذه تراكمات لقرون طويلة..عشنا فيها تحت تأثير التدين الصوفي الطقسي الذي أرجعنا قرونا للوراء، ولخطب الجمعة الملأى بقصص الصوفية و زهدهم و كأنما الإسلام ليس دينا يصب اهتمامه على الدنيا أيضا ...لا سيما لو كانت تلك تواكب ذكرى هؤلاء الأولياء..التدين صار في وجهة نظر البعض مجرد طقوس لا عبادات و لا معاملات ... وفي وجهة نظر البعض الآخر شيء أبعد من متناول اليد "ح اروح فين من فلان...و من علان"....وربما لا ننتبه له إلا إذا حدثت كارثة ، أو استشعرنا دنو الأجل...

المظهر و الجوهر مثل الاحتمالات في نظرية الاحتمالات الاحصائية...إذا جمعا فإن المجموع يساوي واحد...أي أنهما يكملان بعضهما البعض..

كل عام و أنتم بخير

خلص الكلام