موهوبون فى المنتدى ‍‍‍!!! ‍‍‍

[afiona]

نظرا لإن الأفيون أقوى تأثيرا من الحشيش فأنا أقترح أن تتولى أختنا (أو يتولى أخونا) 

أفيونة

رئاسة الوزراء إعتبارا من سعت تاريخه.

توقبع: مسطول أول بالوزارة

قصدى... مسؤول أول بالوزارة

وطب تصدق بإيه إن المفهومية والمخمخة باينة في كل مداخلاتك وانت جدير برئاسة وزارة الشباب والرياضة عشان تهلب براحتك. وإبقي إدعي محسوبك أفيونة (مش محسوبتك)....

بس باين إن حشيش بطن نفسه وربط مع مراكز القوة فى المنتدي والإحسن إن إحنا نهدي اللعب واهو نطلعلنا لقمة طرية نمزمز فيها لحد ما يخبطوا في بعض

وفوق ده كله حيوصلك منى عشر بواكى أول ما تسحب مناقشة طرح الثقة فى حكومتى................. و 25 باكو وحتة صنف من اللي قلبك يحبها

شفت الفقر والعالم التعبانة؟ انا فاكر العملية فيها ارانب وفيلة وتماسيح، اتاري كل الأفلام والحبشتكانات دي علشان كام باكو .... وانا كنت محضر مقالة من بتوع ابو سمرة .... يا خسارة الحبر....

[Mohammad Abouzied]

وطب تصدق بإيه إن المفهومية والمخمخة باينة في كل مداخلاتك وانت جدير برئاسة وزارة الشباب والرياضة عشان تهلب براحتك. وإبقي إدعي محسوبك أفيونة (مش محسوبتك)....

كدا انت ضيعت نفسك ودخلت في الممنوع

[DARWEEN]

وطب تصدق بإيه إن المفهومية والمخمخة باينة في كل مداخلاتك وانت جدير برئاسة وزارة الشباب والرياضة عشان تهلب براحتك. وإبقي إدعي محسوبك أفيونة (مش محسوبتك)....

كدا انت ضيعت نفسك ودخلت في الممنوع

معلش يابو الكابتن .... ماهو باين من أسمه أنه مسكين مش مركز خالص .....معلش مش واخد باله أن دا اللعب مع الكبار

ياعم أفيونه بص للوجو بتاع محمد بك وماتضيعش نفسك

[afiona]

وطب تصدق بإيه إن المفهومية والمخمخة باينة في كل مداخلاتك وانت جدير برئاسة وزارة الشباب والرياضة عشان تهلب براحتك. وإبقي إدعي محسوبك أفيونة (مش محسوبتك)....

كدا انت ضيعت نفسك ودخلت في الممنوع

معلش يابو الكابتن .... ماهو باين من أسمه أنه مسكين مش مركز خالص .....معلش مش واخد باله أن دا اللعب مع الكبار

ياعم أفيونه بص للوجو بتاع محمد بك وماتضيعش نفسك

يا نهار أبيض......... يا محمد باشا أبو زيد اللي ما يعرفك يجهلك، بس تصدق بإيه إن بعد لما قرأت مداخلاتك أنا متمسك برأيي إن ابو الكباتن مش مكانه أبدا وزارة الشباب والرياضة، لأن الحكمة التى تنضح بها مقالاتك وبعد النظر الدي يتسم به رأيك الحر، وسعة صدرك التى تنم عن أخلاق رفيعة خليق بها أن تتولي شئوننا وتقودنا في طريق المستقبل وتتخطي بنا تحديات العصر وخطب الدنيا، أيها النسر المحلق في سماء مصر، تشق سماءها لتكشف لنا عن خطتك لنا....مكانك في قصر عابدين يا كبير.......

داروين.....مالك يا عم؟ ليه هارشنى دايما كده مع إني بحبك ودايما فاكرك بالخير........إمبارح في قعدة مزاج وصيت عليك عند سموه علشان يوجب معاك في مصلحة ولا أيتها وزارة تسلك لنفسك حتة أرنب يسد معاك

[هشام عبد الوهاب]

ايه اللى بيحصل هنا .. انتوا بتخرفوا ولا ايه ... جمهورية ايه ووزارة مين

ايه يا داروين بيه .. انت بتشارك فى انقلاب ضد الملك ولا دى خطه لمعرفة النتآمرون .....حدد موقفك بسرعة .

اما الأفندية حشيش و سى السيد وكل الأسماء اللى نفسهم يبقوا وزراء دول هاقطع رقابتهم بقرار ملكى .

داروين تحضر للقصر فورا لتوضيح الموقف كاملا .

( ماتنساش تجيبلى معاك حاجه حلوه )

التوقيع : الملك بنفسه.

[Mohammad Abouzied]

وطب تصدق بإيه إن المفهومية والمخمخة باينة في كل مداخلاتك وانت جدير برئاسة وزارة الشباب والرياضة عشان تهلب براحتك. وإبقي إدعي محسوبك أفيونة (مش محسوبتك)....

كدا انت ضيعت نفسك ودخلت في الممنوع

معلش يابو الكابتن .... ماهو باين من أسمه أنه مسكين مش مركز خالص .....معلش مش واخد باله أن دا اللعب مع الكبار

ياعم أفيونه بص للوجو بتاع محمد بك وماتضيعش نفسك

يا نهار أبيض......... يا محمد باشا أبو زيد اللي ما يعرفك يجهلك، بس تصدق بإيه إن بعد لما قرأت مداخلاتك أنا متمسك برأيي إن ابو الكباتن مش مكانه أبدا وزارة الشباب والرياضة، لأن الحكمة التى تنضح بها مقالاتك وبعد النظر الدي يتسم به رأيك الحر، وسعة صدرك التى تنم عن أخلاق رفيعة خليق بها أن تتولي شئوننا وتقودنا في طريق المستقبل وتتخطي بنا تحديات العصر وخطب الدنيا، أيها النسر المحلق في سماء مصر، تشق سماءها لتكشف لنا عن خطتك لنا....مكانك في قصر عابدين يا كبير.......

داروين.....مالك يا عم؟ ليه هارشنى دايما كده مع إني بحبك ودايما فاكرك بالخير........إمبارح في قعدة مزاج وصيت عليك عند سموه علشان يوجب معاك في مصلحة ولا أيتها وزارة تسلك لنفسك حتة أرنب يسد معاك

معلشي مسامحك بس انا مش غاوي مراكز ومنظرا

انا بس ببص للهبر وللبواكي والله المستعان

قول يارب

[se_ Elsyed]

ايه اللى بيحصل هنا .. انتوا بتخرفوا ولا ايه ... جمهورية ايه ووزارة مين 

ايه يا داروين بيه .. انت بتشارك فى انقلاب ضد الملك ولا دى خطه لمعرفة النتآمرون .....حدد موقفك بسرعة .

اما الأفندية حشيش و سى السيد وكل الأسماء اللى نفسهم يبقوا وزراء دول هاقطع رقابتهم بقرار ملكى .

داروين تحضر للقصر فورا لتوضيح الموقف كاملا .

( ماتنساش تجيبلى معاك حاجه حلوه )

التوقيع : الملك بنفسه.

وهاتقطع رقبتنا بتهمة أيه إن شاء الله يا ملك ... ؟!!!! يكونش علشان ظبطتنا بنحلم ...!!!

حتى الحلم ياربي ممنوعين منه .. مش كفاية سايبين لكم الجمل بما حمل - بالمناسبة انا عايز الجمل الفور باي فور بتاع سيادتك لفه عندي شوية حاجات عايز انقلها من الغيط بتاعي -

يسقط الإستبداد ... يسقط الظلم ... يسقط المطر شتاءً .. وعاشت مصر حلوه ومستقره ....

نداء إلى الرفيق داروين ..

مهما عذبوا فيك أو علقوك حتى ماتعترفش على اعضاء التنظيم التالي أسماءهم - حشيش ، س س ، هاندي كرافت ، مانمان ، لايت هاوس وسقراطيس والآخرون - وماتخافش إحنا معاك وولادك في عنيننا من جوه ... يالله إتكل عالله وروح القصر .

[فــيــروز]

فرصه للتوقيع بين س س و سقراطيس .. مين سقراطيس بقى !!

[Handicraft]

se_ Elsyed

مهما عذبوا فيك أو علقوك حتى ماتعترفش على اعضاء التنظيم التالي أسماءهم - حشيش ، س س ، هاندي كرافت ، مانمان ، لايت هاوس وسقراطيس والآخرون

جرى ايه يا كابتن انا اسمى مكتوب ؟؟؟؟

يا فرحتك فيا يا خالتى ام فيبكا وانا متعلق من رجليا ورا الشمس منك لله يال كنت السبب.

[maksoof]

[

وطب تصدق بإيه إن المفهومية والمخمخة باينة في كل مداخلاتك وانت جدير برئاسة وزارة الشباب والرياضة عشان تهلب براحتك. وإبقي إدعي محسوبك أفيونة (مش محسوبتك)....

شوف بقى يا أستاذنا:

أنا مش عايز وزارات و لا هم تقيل. الوزرا بييجوا و يروحوا و يهلبوا و لما الملك أو أصحابه يتقلبوا عليهم يتفقروا.

أنا كده كويس فى وظيفتى الميرى: مسطول أول بالوزارة. إسمى محدش يعرفه بس أنا اللى بحط الورق على مكتب الباشا الوزير. يعنى لو عاوز الطلب بتاعك يمشى ففتح عينك تاكل ملبن. لو حطيت المعلوم فى الدرج المفتوح بتاع مكتبى طلبك حيوصل لمكتبه زى الفل.

من غير المعلوم حاكل عليه فول و اخللى الملف مزيت عشان لما سعادته يشوفه عالصبح نفس سعادته تتغم و يرميه فى الزبالة.

و آهى الوزرا بتتغير و أنا ملبد فى وظيفتى و مكتبى مفتوح لخدمة المواطنين.

[هشام عبد الوهاب]

وهاتقطع رقبتنا بتهمة أيه إن شاء الله يا ملك ... ؟!!!! يكونش علشان ظبطتنا بنحلم ...!!!

افندى غريب والله .... الملك يقطع رقبات من دون اسباب .. مزاجات كلم انا يقطع رقبات يبقى نقطع رقبات .. بس انت ولد دمه خفيف خسارة فى مشانق .. انت تيجى القصر مع داروين . بينى وبينك ولد : اعضاء التنظيم دول اللى قلت اساميهم هانعمل فيهم عمايل كتير.

ولد مكسوف ....نااصح ولئيم اعرف ازاى اتكلم .. قال الملك يمشى الوزير يبقى اتكلم تمام.

افندى هاندى مين ست أم فيبكا دى ..دى فى التنظيم كمان ... نشوف ..نشوف الأول شكله ايه وبالمرة كمان هات معاك فيبكا .

فيروز هانم .. انت موقعاتى .. لكن احنا مش بنضرب سيدات محترمات ..خليك فى حالك أحسن .احنا عارفين مين سقراط ومين سقراطيس وهيركليز.....عارفين كله .

يا داروين لو مش هاتيجى القصر هانسجنك وابقى شوف مين أخد الجمل اللى بيقول عليه الأفندى س س .

(أوعى تنسى تجيبلى حاجه حلوه ... خليهم اتنين علشان مش تتأخر تانى)

[حشيش]

الملك يقطع رقبات من دون اسباب

مين ولد خرسيس مزعل أفندينا...دول فلاحين ولا يسووا عشرين خرده هشام باشا...حشيش باشا يكن أصدر مرسوم بالقبض على فيروز ولايت هاوس وإرسالهم فورا إلى جناح الحريم بقصر فخامتكم فى عابدين...أما ولد فلاح سى السيد...ولد مدمن أفيونة...ولد سمكرى هاندى كرافت...ولد تلميذ خايب سقراط...ولد عنده بلهارسيا منمان... ولد عنده إمساك دارون... فدول أشنق فورا بدون محاكمات

[حشيش]

من حشيش باشا يكن رئيس مجلس الوزراء إلى حضرة صاحب المقام العريض أفندينا المفدى هشام عبد الوهاب:

قام رجال سموكم المخلصين من البوليس السياسى بإلقاء القبض على عناصر مخربة تعمل على زعزعة عرش سموكم ومصه كما تمص زعزوعة القصب...وجارى تعذيبهم لحين صدور تعليماتكم الكريمة بشأنهم...وهذا بيان بأسمائهم:

مكسوف برعى مكسوف

سكوربيون برلسكونى

منمن السيد منمن

تشكرات مباراكات أفنظم

[سقراط المصري]

تمام افنظم تمام. إحنا روحنا فداك أفنظم ، سي السيد هنفرمه ونعمله شربة فراخ، فيروز في الحريم خلاص ، وايت هارت دا يا فنظم نعدمه أحسن ما فيش منه فايده، داروين ندفنه صاحي احسن، حشبش يا فندم هنحطه مع البط يعلمهم القراءه والحساب ولو فشل نعمله أغا (حشيش اوعى تزعل)، أخناتون يا فندم نحطه مع عبيد في اوده لوحدهم ودا يا فندم أكبر عقاب لأخناتون ، يافندم والبنت اللي اسمها شعنونه هنعمل فيها إيه اكتر من نقلها السلوم ، خلاص يا فندم نبعتها ليبيا احسن ، سعادتك راضي عن تلميذك الخايب افنظم.

[zamalkawy]

معلش افندم منه لله جمال عبد الناصر من يوم ما خد الأرض و وزعها على فلاحين و حال البلد باظ لازم ترجع الكورباج زي زمان يا افندم

و على رأي الست فلة

تشكرات افندم جروحي شوك و زال

تشكرات افندم حياتي صارت عال

تشكرات افندم تشكرات

[Lighthouse]

أمان ياربي أمان

المنتدى كله اتراك بقدرة قادر

سبحانك يارب

أمان امان امان

فلفل اسمر وحبهان

[فــيــروز]

رغم ان الموضوع كان عن الموهوبين فى المجالات السياسيه

الا انه الحمد لله كشف لنا عن وجود مواهب سينمائيه عظيمه

سيناريو على تمثيل علىاخراج

وشكلنا هنعمل اول فرقه مسرحيه فى تاريخ معتقلات مصر وممكن ننافس بتوع جوانتانامو فى مهرجان المعتقلات السينمائى الدولى .. وممكن كمان نعمل كورال فى السجن .. وفرقة كشافه :-) ايه رايكم؟

[zamalkawy]

رغم ان الموضوع كان عن الموهوبين فى المجالات السياسيه

الا انه الحمد لله كشف لنا عن وجود مواهب سينمائيه عظيمه

سيناريو على تمثيل علىاخراج

وشكلنا هنعمل اول فرقه مسرحيه فى تاريخ معتقلات مصر وممكن ننافس بتوع جوانتانامو فى مهرجان المعتقلات السينمائى الدولى .. وممكن كمان نعمل كورال فى السجن .. وفرقة كشافه :-) ايه رايكم؟

انا مش عايز البس البلدلة البرتقاني بتاعت جوانتانامو لانها مش على الموضة :(

انا عايز اللبس الطقم المقلم بالعرض ابيض و اسود اشيك بكتير

[DARWEEN]

أني جيت أهو جلالتك ....

شوف ياأفندينا ..أني حنحكي لك على الدور من أوله ... أيوه ماني لازم نوريك الإخلاص اللي على أصوله

ياأفندينا أني لقيت الجدع اللي أسمه حشيش ضارب له ولامواخذه حجرين ميه ميه ومصهلل وعمال يقولك حاشكل وزاره حاشكل وزاره

أني مسكته يافندينا وغلاوتك ... أقول ياوله لم الدور بلاش كلام من ده .. الكبارات يزعلوا ودا مفيش منه فايده

شويه ياأفندينا وإتلم عليه واحد تاني أسمه سي السيد وواحده صغار كده أسمها فيروز وصاحبتها بتقولها يا فيفي وكان فيه كمان واحده أسمها فناره الظاهر والله أعلم أنها من بحري شويه وجه واحد أسمه أفيونه وواحد تاني أسمه سقروط أو سقرط ربك العالم .. المهم يا أفندينا أني قعدت جنبهم في الغرزه وأديتهم ودني ودول نزلولك عك في الكلام وقعدوا يقسموا الحكومه عليهم هم وأصحابهم تقولش كانت طالعالهم في الورث ... الظاهر الصنف كان مضروب .. أيوووووه دول قالوا كلام يا أفندينا وقال أيه عاوزين يعملوا مقلب ولا ماني عارف أنقلاب

وغلاوة جلالتك محسوبك قعد يقولهم عيب ياجدعان دا الراجل الكبير

يرد عليا حشيش يوقلك مايهمناش دا مشغول ومش واخد باله

قوم لما طلبتني أجيلك يرد السيد يقولي روح ومايهمكش واحنا حنحموك ... هوا مش واخد باله أني حبيبك .. ربنا يخليك لينا يارب ويحفظك أنت والبرنسات الصغننين .. يارب يخلي

أنت أبعت معايا اتنين تلاته مخبرين من أمات بالطو أصفر وأنا أجيبلك العيال دول كلهم لحد عندك أهم قاعدين كلهم على غرزة أم قرقر ليل نهار لاشغله ولا مشغله ولاتعكر دم سعادتك ... الحاجه الحلوه ولامواخذه سلمتها للباشا اللي واقف عالباب بره .. على الله ننول الرضا ياأفندينا

[Lancelot]

أستاذ داروين .... مش ممكن ... أنا مش قادر أمسك نفسي من الضحك ... أنا صحيت الناس اللي نايمة بسبب الضحك ...

و كفاية تركي ... أنا نسيت العربي خلاص ...