موهوبون فى المنتدى ‍‍‍!!! ‍‍‍

[DARWEEN]

zamalkawy wrote :

انا عايز اللبس الطقم المقلم بالعرض ابيض و اسود اشيك بكتير

ياسلام ياخويا هو بمزاجك .. ماتخليه أبيض مخطط أحمر وتتحبس في الأستاد بالمره

[se_ Elsyed]

يا ولاد الذين من اول قلم إعترفتوا وقريتوا بكل حاجة ... وأنا عمال أقول ثورة على الأوضاع وثورة على الظلم ... بس ولــــو برضوا أنا فداكي يا مصر .. انا فداكي يا مصر

أفندينا كتب

أنت تيجى القصر مع داروين

آسف يا باشا ...... أنا لا أنفع أغا ولا أنفع أراجوز ( وش يوسف وهبي مش فاكر أسم الفيلم )

انا يا أشتغل وزير يا إما بلاش

س س ش ( سي السيد شركس )

[هشام عبد الوهاب]

كلكم اونطجيه .......مممممم ..لكن احنا بنحب الأونطة قوى ..بتخلينا كده ..هاهاها ..نحس اننا تمام .. حتى سمير بيه رجب انا مبسوط منه كتير ..

(بتقول ايه ولد .. مم ..احممممم .. ايوه عارف ياغبى انه مش فى المنتدى انا قصدى واحد تانى لسه هايشترك ..ولد غبى صحيح.)

عفارم داروين عفارم ..شغلك عاجبنى وبافكر اديلك هديه انا المرة دى ..ابقى فكرنى بعدين.

بس لسه مافهمتش موضوع الجمل ومين اخده لحسابه . بعدين كمان شوف حكاية بنت فيروز دى بتقول ممثلين و اراجوزات . والولد التانى ده لانسلوت بيضحك على ايه .هو فاكر نفسه قاعد على ترابيزة مدورة . وبالمرة شوف ايه حكاية الفلفل الأسود والحبهان .

حشيش بك انت طلعت حفيد يكن باشا .. معقققققققوووووووووووول.

مش كنت تقول من الأول يا .. لأ لأ من غير كلام وحش انت حفيد يكن باشا حبيبى .( انت ياغبى هو يكن باشا ده كان حبيبى ولا عدوى ...بتقول ايه ..انا عارف .. خلاص اخرس)

حشيش تعالى السرايا نشوف موضوع الوزارة دى .اكيد انت احسن من ولد غراب باشا .

افندى سى السيد .. انت طالع فيها قوى ..عاوز تعمل زعيم .

انا مش محتاج اغا ولا اراجوز عندى كتير منهم..

عاوز تبقى وزير وكاتبهالى بخط صغير ..انا باشوف النملة وهى بتحلق يا ولد .مممممممم .

طيب تعالى القصر ومعاك حاجة حلوة وانا اخليك وزير .

[se_ Elsyed]

انا مش محتاج اغا ولا اراجوز عندى كتير منهم..

 

طيب تعالى القصر ومعاك حاجة حلوة وانا اخليك وزير .

لأ في عرضك يا باشا فسر كلامك إلا الناس تفهمنا غلط !!!!

تقصد أيه بالحاجة حلوه .. هريسه ، كنافة ولا عيش السرايا ... ؟

أحسن فيه ناس نيتها وحشه وهاتفهم الحاجه الحلوه دي بمعنى تاني ( والناس دي انا عارفهم واحد واحد وأولهم حشيش وهاندي كرافت )

بس عندي سؤال

هو حشيش يكن أخو هشام يكن ؟

[Scorpion]

حشيش كتب :

سكوربيون برلسكوني

ليه بس يا حشيش يا عسل... ده انا بره الموضوع خالص..و لا عايز وزارات و لا ديواله.. ليه جر الشكل ده... مش عشان حاطتني مع المعارضة لا سمح الله... ده انا اللي كنت بقود المظاهرات بتاعت 1919 ( بعد ما مسكوا البولشوي سي السيد )و كنت بصرخ بأعلي حسي : بالطول .. بالعرض... هنجيب مولانا الأرض...

استني.. انت فاكرني بتكلم عن مولانا مين...لأ لأ... يا عم أنا بتكلم عن مولانا التاني.. مش ملكنا المعظم هشام باشا سموكينج...

انا بس واخد علي خاطري أكمنك لبستني في برلسكوني.. ده هو اللي علم مولانا الهبر...

[DARWEEN]

أحلام عظمتك أوامر يا أفندينا ...

أنت ياسي السيد قوم معايا ياللي فدا مصر .... يالله يافيروز معانا .... هما سؤالين في خمس دقايق وحترجعوا على طول ...

أنت يابني ياللي أسمك لانس ما أسمعش صوتك بتضحك تاني أحسن حنسوك الضحك من أساسه

يالله ياحلوين على البوكس الأزرق ربنا يعدي أيامكم على خير مش كنتم خدتوا بالكو من مذاكرتكم وقريتولكوا كتاب ولا درس ينفعوكوا

عاملي فيها زعين يابوالسيد وفي الآخر أتاريك بترسم عالوزاره ومجرجر العيال الغلابه دول وراك ياولداه .. أهم راحو في أبونكله على أيدك ...

شوفت الوله حشيش جاب واسطه ولهفها مقشره أبن الأيه

تمام ياأفندينا ... المطلوب جاهز عظمتك .. تحب فخامتك نعلقوهم من رجليهم ولا نسلخهم الأول أحسن ؟؟؟

أنا بقى ياأفندينا لابتاع وزاره ولا كلام فارغ من ده ... بس كنت كلمت عظمتك قبل كده على موضوع الألف فدان اللي على الحوامديه

والنبي مايساتهلوا وحنتعبوا فيهم عالآخر ... وغلاوتك ياأفندينا دول بور ولا ليهم أيها أستعمال .... وحياة غلاوة البرنسات الزغننين ماترجعلي كلام

ماشي ياأفندينا ... أقول لنفسي مبروك ... والنبي لاتورينا الضحكه الحلوه وتقول مبروك عليك ياداروين ... داأني محسوب أفندينا طول عمري .... ربنا يخليك لينا ياأفندينا ياحلو .... ربنا يبارك لنا في عظمتك

[se_ Elsyed]

أنت ياسي السيد قوم معايا ياللي فدا مصر .... يالله يافيروز معانا .... هما سؤالين في خمس دقايق وحترجعوا على طول ...

أوعي تصدقي يا فيروز ... في إنتفاضة1979 اللي سموها إنتفاضة الحرامية قالوا لي كده برضوا عايزينك في سؤالين لمدة 5 دقايق ورموني في معتقل المغول سنتين .... ( أصل دقيقة الحكومة فيها بركه )

... بس كنت كلمت عظمتك قبل كده على موضوع الألف فدان اللي على الحوامديه

والنبي مايساتهلوا وحنتعبوا فيهم عالآخر ... وغلاوتك ياأفندينا دول بور ولا ليهم أيها أستعمال ....

الف فدان يا ظلمه !!!!!!!! ولما هما بور عايزهم في أيه يا إقطاعي .. هاتدخلهم كردون المباني وتعمل عليهم مدينة سكنية ؟ .....

إنت القوي على كل قوي يارب ... الله يرحمك يابا مات وهو بيحلم إنه يبقى عنده قيراطين ....

على فكره الموقع التالي ده فيه ثروة الملك فؤاد وإبنه الملك روقة وبناته الامامير الصغيرين

اللهم لا حسد .... يعيش مولانا وبطيخ مولانا

http://www.egypty.com/kan-zaman/zaman_malem.html

[mnman]

تقبر قلبي وحشتني ياحشيش.... يالة لبناني علشان خطرك......

انت في القلب يا سيادة الملك المعظم " طال عمرك" هشام باشا... هو احنا نجروء نهش ولا نش من غير مانشور سيادتك....انت التفاني و الاخلاص انت حبيب الملايين ... انت من جعلتنا احرار في الاستفتاء و جعلت لنا حرية الاختيار بين نعم و حاضر .... شلالايت سعادتك دفعة لنا للامام... شخبطة سعادتك تخطيط لمستقبلنا.... من صاحب الانجازات و التحديات من لولالة ما اجتاز ابنائنا الثانوية العامة و لا فاز فريق مصر لكرة القدم علي كولالامبور ... من صاحب تشكي المشروع العظيم العملاق الشاهق البراق .... من قاد بلادنا للرخاء الاقتصادي من غيرك يا ملك مصر العظيمة.... انت و انت فقط تملك القرار ياصاحب اول غطسة بحرية في تاريخ الامة فهنيئا لنا بك و هنيئا للإمة بأمثالك من المتواضعين العاملين في صمت....

منمان رجب....

[se_ Elsyed]

ياصاحب اول غطسة بحرية في تاريخ الامة ...

صح يا مانمان الله ينور عليك ... هو صاحب أول غطسة بحرية . والغطسة دي لها حكاية

أنا مره كنت راكب الجمل الفور باي فور اللي سلفه من داروين ومعدي جنب مزرعة جلالته في إنشاص وشوفت جلالته لابس المايوه الملوكي اللي مخطط بالعرض وراح مقرب على ترعة المحمودية وراح ناطط حطة نطه - عجبتني بصراحة - وتصور إني فضلت لابد جانب الترعة إنه يطلع أبداً يعني عمل رقم قياسي في الغطسة دي 3 أيام و5 ساعات يا سلام ده ولا مان فروم أتلانتك يا جدع ...

عاش مولانا كبير الغطاسين ... عاش الضفدع البشري

[هشام عبد الوهاب]

خلاص ياداروين ياحبيبى .

الألف فدان اعتبرهم بتوعك بس شوف الباشا بتاع الزراعة يطلعلك بيهم قانون علشان ماحدش يقول حاجه .

لحقت نفسك ياسكوربين كنت لسه هاكلم الباشا وزير الداخليه .

اهم حاجه ياولاد ان اللى يعمل حاجه كويسه يقول انها بتوجيهات من الملك شخصيا ... هو حد يعرف يعمل حاجه من غيرى .

سى السيد انت اتكلم كتير قوى ...حاجه حلوه دى يا ولد يعنى تشغل مخك ... هدية حلوة .. فلوس حلوة ( بس أخضر ياولد) ولو فقير يبقى باكو شيكولاته طريه علشان انا مابحبش حاجه تعمل نفسها جامده على حضرتنا .

فين ولد حفيد يكن باشا ....... أونطجى

[إبن مصر]

( وش واحد قاعد على كرسى بعجل وبيكتب على الكيبورد بطريقه برل ولابس نفس البجامه المخططه اياها ومزرق ومنفخ اه والله)

يا سلاااااااااااااااااااااااااااااااام

وانا من مؤعى هذا وبحالتى تلك اوئيد وابارك لمولانا المعظم نجاته

و و و و وكمان اطالب باعدام المنالبين على الحكم الملكوكى

وهانعمل مزاهررررررررره

ياللللللا قولوا معايا

يسقط الاستقلال

الاستعمار التام او المؤت الزؤام

صح كده؟؟؟؟؟؟

[zamalkawy]

zamalkawy wrote :

انا عايز اللبس الطقم المقلم بالعرض ابيض و اسود اشيك بكتير

ياسلام ياخويا هو بمزاجك .. ماتخليه أبيض مخطط أحمر وتتحبس في الأستاد بالمره

لا يعم داروين انا مقاطع استادات مصر اه ده الداخل الأستاد مفقود و الخارج منه مولود

البلد الوحيدة في العالم اللي فيها المشجع اللي رايح يشجع في الأستاد بيضرب بالشوم و الخرزانات صبح المعاملة الجاز

[Lancelot]

( وش واحد قاعد على كرسى بعجل وبيكتب على الكيبورد بطريقه برل ولابس نفس البجامه المخططه اياها ومزرق ومنفخ اه والله)

زمان كنت علشان تبقي أونطجي لازم تلبس و تتشيك و تروح لحد الملك علشان تبدأ الشغل التمام ... الراجل أهو بالبيجامة و عامل أحلي شغل ... فعلا تحيا التكنولوجيا ....

طبعا التكنولوجيا اللي داخلها مولانا المعظم لنا .... ربنا يخليك لنا يا مولانا ....

بأفهم في التكنولوجيا أهو .. ممكن أنفع وزير إتصالات ... أرد علي التليفون بتاع سيادتك و أمسك لك المحمول مثلا .. كده يعني ...

و ممكن نشغل المحمول الدقيقة بنص جنيه أو خمس و سبعين قرش .... بس يكون خط بيزنس .... عندكوا خطوط بيزنس في الثريا يا مولانا ...

[حشيش]

عقلى الباطن: أفندينا ده لا شغلة ولا مشغلة...طول اليوم مبلط فى جناح الحريم...يطلع من هناك على حمام البخار والتدليك...وبعد كده يلغ إشى بط وفراخ وعيش سرايا وبقلاوة...والمسكين حشيش باشا يكن شايل هموم وزارات على قفا حظرتنا... لازم أعمل على تأليب الجيش والعمال والفلاحين عليه...أيوه حضرة هشام باشا عبد الوهاب لازم يترحل على الأستانا فى أسرع وقت...

[هشام عبد الوهاب]

تمام ولد ابن مصر تمام .

عقلى الباطن : ولد حشيش مش جه السرايا ليه مممممم . لازم اخللى بالى منه كويس قوى . تلاقيه عمال يقر على حظرتنا . احسن حاجه نحطه تحت المراقبة .

ولد لانسلوت لما تعوز حاجه من مولاك تروح السرايا ومعاك هديه الأول ..بعدين نشوف حكاية الوزارة دى .

[afiona]

[quote=Mohammad Abouzied

معلشي مسامحك بس انا مش غاوي مراكز ومنظرا

أهلا بك يا جدو..............( وش واحد من جيل المنظرة والبيتش باجي مش قادر يفهم رجل من جيل قديم مش بيحب المنظرة).... :o

بس سيادتك كنت قولتلي إن القيصر هشام هو كبير القعدة و صاحب الفرح وأنا كنت قصرت في الحكي معاك و محرقتش الحتة بتاعة النسر المصري والبقين دول فيك.....أنا قعدت أقدح زناد فكري وأعمره وصدقني أبو سمرة ما يقدرش يجيب حتة زييها..

[afiona]

كلنا نعلم تمام العلم بتاريخ عائلة سلطاننا المحبوب ، ولكني أجد نفسي مدفوعا بقوة لا إرادية لسرد هدا التاريخ مرة تلو الأخري، وخصوصا في عيد تجليس مولانا ولي النعم التاسع والستين، وهو اليوم الدي قبل فيه بكل تواضع أن يتحمل قرفنا و بلاوينا ، وقبل التكليف بأن يتسلطن علينا. وتاريخ هده العائلة هو درس في الكفاح والنضال، وتوارثت العائلة هده الصفات الحميدة فتركزت في السلطان المفخم ، الدي نشكره علي إحتماله لريحتنا الوحشة......ربنا يصبرك علينا.........(يستكمل بعد الخروج من حالة الإنبهار بجمال مولانا)

[Mohammad Abouzied]

[quote=Mohammad Abouzied

معلشي مسامحك بس انا مش غاوي مراكز ومنظرا

أهلا بك يا جدو..............( وش واحد من جيل المنظرة والبيتش باجي مش قادر يفهم رجل من جيل قديم مش بيحب المنظرة).... :)

بس سيادتك كنت قولتلي إن القيصر هشام هو كبير القعدة و صاحب الفرح وأنا كنت قصرت في الحكي معاك و محرقتش الحتة بتاعة النسر المصري والبقين دول فيك.....أنا قعدت أقدح زناد فكري وأعمره وصدقني أبو سمرة ما يقدرش يجيب حتة زييها..

سيبك بقى من موضوع الوزارة وغيره ايه الي تقصده بالبيتش باجي

ويترى دا حبوب ولا كبسول ؟؟؟؟؟؟؟؟؟؟

[الأفوكاتو]

فوجئت بوجود إسمى فى فرمان تشكيل الحكومة السلطانية التى يرأسها ملك المخدرات المشهور " بالصنف"

و قد تم ترشيحى فى معية النظارة كقاضى القضاة للسلطنة ,

( وزير العدل بالعربى), و أنا هنا أعلن اآتى:

نحن حضرتنا نعلن الرفض التام لقبول هذا المنصب الذى لا يحقق مكاسب مادية, حيث أن قاضى القضاة ليست له سلطة مباشرة على بقية الأمعة, و بالتالى , فجميع المكاسب و الرشاوى لن تخضع لتفتيشى أو تهليبى, مما يجعل قبول المنصب غير جدير بالإعتبار.

و كنا نود من صاحب النيافة أن يرشحنا فى نظارة تزيد من الدخل و النفوذ, و سوف أعيد النظر إذا ما قام السلطان حشيش بعرض منصب آخر ذا فائدة عينية.

بعد تفكير طويل, قررت أن أقبل, إذا ما عُرض على , منصب:

وزير الدولة لشئون ركن السيارات فى شوارع العاصمة المحروسة

هذا لأن هذا المنصب يسمح لحضرتنا بالتحكم فى الأرباح الناتجة عن تقسيم القاهرة الى مناطق يخضع كل منها لأمين شرطة, الذى بالتالى يحصل الإتاوات من بلطجية ركن السيارات الذين يطلق عليم أسم " منادى سيارات"

بهذه الطريقة, سوف أتمكن من فرض أتاوة على كل قرش يدخل فى جيب هؤلاء البلطجية, و جميع أمناء شرطة المرور, و الضباط الذين يخنصرون دون دفع المعلوم, أو سداد ضرائب لبيت المال.

الرجا من السلطان ترشيحى لهذا المنصب, فقد تعبت من الرزق الحلال الذى لا يغنى من جوع.

( و لن أنسى السلطان حشيش و بطانته, حيث أنى سوف أقتطع النسب المقررة, و أودعها فى حسابه ببنك زيوريخ الدولى)

قاضى القضاة الرافض للمنصب

[SANAA]

الف شكر ياحشيش لانك بموضوعك رجعت عمنا الأفوكاتو

والافوكاتو له معزه خاصه عندنا

حمدلله علي السلامه ياافوكاتو

عقبال الطفشان