هل وزير الصحة محصن ضد انفلونزا الخنازير ؟!!

[لولا]

الجبلى يرفض الخضوع للفحص الطبى بمطار القاهرة !!!

هكذا كان نص الخبر المنشور فى "اليوم السابع " :

كشفت مصادر بالحجر الصحى بمطار القاهرة عن رفض وزير الصحة الدكتور حاتم الجبلى الخضوع لإجراءات الفحص الطبى بمطار القاهرة، عقب قدومه اليوم الثلاثاء من رحلته على متن خطوط الطيران السويسرية قادما من زيورخ.

قالت مصادر بالمطار، إنه عندما تقدم أطباء الحجر بالمطار لفحصه ضمن الركاب القادمين من سويسرا، خاصة أنها ضمن الدول التى حددتها منظمة الصحة العالمية ضمن دائرة الاشتباه، رفض بشده قائلا "وسعوا"، الجدير بالذكر أن الوفد المرافق للوزير رفض أيضا الخضوع للفحص الطبى.

قرأت الخبر ولا اعرف هل يجب ان اتوقف عن الشعور بالمفاجأة او الصدمه مع كثرة الأخبار التى تصيب بالتبلد الشعورى !!

هل من المقبول ان يصدر تصرف كهذا من سعادة وزير الصحة القائم على اعمال الصحة فى الدولة والمسؤول عنها فى المقام الأول

مع ما تواجهه البلد من كارثة انسانيه عظيمة فى حالة تسرب مرض انفلونزا الخنازير اليها ؟!

هل يفترض ان سعاده الوزير فوق الإجراءات الصحيه الإحتياطيه للكشف عن المرض والحد من انتشاره بشكل جاد بحيث انه صنف نفسه فوق مستوى المرض

الذى يفترض انه لن يصيب ابدا سوى الغلابه والمطحونين ؟

وماذا عن الوفد المرافق له الذى رفض الخضوع للفحص الطبى .؟!!!!

يعنى بصراحه مش فاهمه ... هى مصر جاده ياجماعه فعلا فى حمايه الدوله من دخول المرض ليها ولا التعامل مع الأزمه الحاليه هو صورى فقط

ونحن فقط كمن ينتظر قضاء الله بدخول المرض الينا لنخفف من الشعب !

الموضوع فعلا جاد جدا ولا استوعب ان يتم التعامل معه بهذا الشكل من وزير الصحة بالذات الذى يفترض ان يمثل قدوة للآخرين فى فهم اجراءات الكشف الوقائى فى المطارات.

اليكم رابط الخبر فى اليوم السابع

قد لا اجد تعبير اعمق مما قاله احد القراء الذين كتبوا ليتذكر سعاده الوزير ان المرض لن يفرق بين وزير وغفير !!

نحن معرضون لكارثه انسانيه فى حالة دخول المرض ورغم ذلك نقوم بمجامله سعاده الوزير ووفده المرافق ..

لابد من عدم المجاملة وخاصة فى جميع المطارات والموانى لجميع القادمين لمصر واعتقد ان الموقف لا يجب ان يمر هكذا دون رفض شعبى كامل

لهذا الأسلوب ومن يرفض الكشف الطبى فيجب منعه نهائيا من دخول البلد مهما كانت مكانته ومنصبه ..

هل يندرج ذلك ايضا فى دائرة اشياء مستحيلة فى مصر ؟!!!

اللهم احفظ اهل مصر من كل سوء .

لولا

[سهل جدا]

حاجة تنرفز صحيح

يعني حارس الصحة في مصر (إن صح التعبير) يرفض أن تمارس عليه ما يحفظ صحته وصحة 80 مليون مصري !!

[الباشمهندس ياسر]

المفروض رئيس الوزارة اللى عمله وزير يستقيل بعد ما يقيله و يحوله للتحقيق

بس هنقول ايه

ربنا يصبرنا

[Abu Reem]

- إذن الوباء ده إما مجرد تهويل من أمريكا لنشر المصل الخاص به والتابع لشركات الأدوية التي يمتكلها رامسفيلد وزير الدفاع الأسبق ولذلك هو غير مهتم ،،، وعارف أن المسألة كلها مجرد تهويل

- أو أن هذا الخبر غير صحيح لأن هناك أخبار كثيرة تنشر بغرض الفرقعة وبعدين يبدأوا في تكذيبها.

- أو أن الخبر صحيح وببساطه هذا لأننا دول عالم ثالث.

[msayed]

إللى حصل ده يوزن الدماغ ويثبت للواحد إن رأيه مظبوط إن الناس دى فسدانة وكمان فساد غبى

يعنى مثلاً لو الوزير ده عمل حركة تمثيلية كده ودخل غرفة الحجر الصحى وقفل الباب وراح لاهف الدكتور بالقلم علشان إتجرأ وطلب الطلب ده وبعدين خرج مبتسماً وقال إنه بالرغم من تأكده إن المرض لا يجروء على الإقتراب منه إلا أنه أصر بنفسه أن يتم الفحص عليه علشان يكون قدوة للناس، عارفين لو عمل كده كان برجل حسابات كثير عند الناس، الواحد كان ها تتتلخبط كل الأفكار التى أصبحت مبادىء عنه إن الناس دى ما عندهاش أى خوف على مصر ولا المصريين ومعتبرين مصر عزبة كبيرة بها ثمانين مليون نفر من العبيد بتجيبلهم وبتدخل لهم ريع كل سنة، ولو مات منها حتى عشرين مليون فمافيش أى مشكلة فالمتبقى لازال يكفى ويفيض.

تحية للدكتور الوزير الذى أثبت أن كل معتقداتى صحيحة.

[ssmaly]

طبعا الوزير محصن

مش معاه حصانة؟

[ابو محمد المصري]

طبعا عشان الوزير في العالم الرابع محصن

ونائب الوزير محصن

ومساعد نائب الوزير محصن

ووكيل الوزاره محصن

ومساعد وكيل الوزاره محصن

وفراش الوزير محصن

ووكيل فراش الوزير محصن

الناس دول فوق المحاسبه عشان احنا من دول العالم الرابع

[goodnewss]

فعلا كل الإجراءات صوريه عشان الأخبار وتعالوا شوفوا عندنا كل يوم تفتيش عالحضور والبلاطي وبس طيب ماتشوف المستشفي ناقصها إيه وكمله إذا كان أدويه او قسم العزل ناقص إيه أو دورات تدريبيه عشان نعرف نتصرف ازاي لمواجهه المرض لاقدر الله

[Amr Radwan]

انتو بتبصوا علي الوزير ؟؟؟!

طيب روحتو بعيد ليه .. شوفو عربية الشرطة اللي سايقها عسكري شرطة مش معاه مؤهل و سايق العربية عكس الاتجاه او كاسر اشارة ..

اذا كان العسكري ده بيعمل كده .. نستبعد علي الوزير انه يرفض الكشف ؟؟!؟!

ده غلطة الدكتور اللي حاول يكشف علي سعادت البيه الباشا الوزير ... لامواخده يا باشا اصل اللي ما يعرفك يجهلك .. و احنا اسفين .. احنا بتوعك يا باشا .. اللي يجي من عند سعادتك كويس ..

[goodnewss]

ياجماعه الحكومه اول حاجه فكرت فيها لما موضوع انفلونزا الخنازير كان لسه في بدايته إنها تجيب فتوي بتجهيز مقابر جماعيه بدل ما تفكر في توعيه الشعب وعلاجه افترضوا خلاص اننا متنا وبيدورولنا علي مقابر