عض رغيفي ولكن ... (حول رفع الدعم عن الخبز نتحدث)

[سهل جدا]

*

*

نعم إنني أتحدث عن رغيف العيش إياه

الرغيف البلدي أبو شلن (خمسة قروش)

هذا الرغيف الذي يكلف الدولة قرابة التسعة مليارات جنيه في كل عام

المشكلة الكبيرة أننا نعلم , والحكومة كذلك تعلم أن هذا الدعم لا يصل جميعه إلي مستحقيه..

وكلنا يعلم والحكومة كذلك تعلم أن كثيرا من معدومي الضمير من أصحاب المخابز يبيعون الدقيق المدعوم في السوق السوداء، ويحققون أرباحاً خيالية على حساب الفقراء..

وكلنا يعلم والحكومة كذلك تعلم أن كثيرا من أبناء الشعب المصري الغير واعي يشترون هذا الخبز بكميات كبيرة ثم يجعلونه علفاً للدواجن والحيوانات، بدلاً من أن يأكله البشر!!

وللأسف فإن كثيرا من المصريين غير المثقفين كذلك يشترون هذا الخبر المدعم بكميات كبيرة أكثر مما يستهلكون؛ ومن ثم لا يبالون برمي ما تبقى منه في صناديق القمامة بحجة أن أبو بلاش كثّر منه..

وكلنا يعلم والحكومة كذلك تعلم أن ميزانية الدولة دائما ما تكون أقل من النفقات المطلوبة في المجالات الأخرى الهامة كالصحة والتعليم وغيرهما .. وأن المليارات التي تخصص لدعم الخبز تذهب هباء منثورا؛ فتؤثر بطريقة غير مباشرة على هذه المجالات الهامة..

وتتافقم المشكلة حينما نعلم أن إنتاج مصر من القمح لا يفي بنصف احتياجاتها, فتضطر الحكومة لاستيراد القمح مع ما في ذلك من مشكلات كإخراج العملة الصعبة لخارج البلاد..

وما شحنة القمح المسرطن عنا ببعيد..

نشرت صحف اليوم خبرا بعنوان:

الحكومة تدرس تحويل دعم الخبز إلى «نقدى» وبيع الرغيف بسعر التكلفة الفعلى

إضغط هنا

طبعا مسألة الدعم النقدي هذه صعب تصديقها؛ ولكنها ربما تكون خطوة تمهيدية لرفع الدعم عن الخبز مطلقا سواء كان دعما عينيا أو نقديا..

لكن الحقيقة من يجرأ على اتخاذ مثل هذا القرار؟!

[أحمد سيف]

للأسف موضوع الدعم في الخبز وغيره أصبح أحد الأبقار المقدسة التي لا يجرؤ أحد على الاقتراب منها ... وطالما الحكومه ماشيه بطريقة مش عايزيين وجع دماغ يبقى ما فيش حاجه هاتتصلح في البلد

[سهل جدا]

وطالما الحكومه ماشيه بطريقة مش عايزيين وجع دماغ يبقى ما فيش حاجه هاتتصلح في البلد

حقا إن فتنة الكرسي فتنة عظيمة

واتخاذ قرار مثل هذا سيؤدي غالبا إلى بلبلة واعتراضات واسعة

لكن القضية , إن المسئول هل يجب عليه أن يختار القرار الأنفع للمواطنين وليس له أن يختار القرار اللي يريح بيه دماغه

في إجازتي الأخيرة لمصر ذهبت مع جار لي فقير إلى معهد القلب (التابع للحكومة) لكي يعمل عملية قلب مفتوح لأن حالته كانت حرجة جدا

المهم وجدنا إن عدد عمليات القلب المفتوح اللي المفروض تتعمل في المستشفى كانت محجوزة لمدة 6 شهور قدام .. تخيل

يعني لو في واحد محتاج لعملية قلب مفتوح بشكل عاجل , ممكن نقول عليه الله يرحمه

وبالفعل كان في ناس بتموت بسبب إن دورها فاضل له كثير

أنا لا أبالغ, هذا كلام ناس عاصروا الموضوع فعليا

لدرجة إني أعرف واحد باع شقته اللي هو ساكن فيها عشان يعمل عملية لوالدته (قلب مفتوح) في مستشفيات خاصة , لأنه لو انتظر , والدته في الغالب هاتموت

فيها إيه بقى لو أخذنا مليار ولا مليارين من دعم الخبز اللي عمّال يترمي ويتسرق, وحطناهم في مستشفيات القلب ولا السرطان

[~Heba~]

افضل حل لمشكلة الخبز فى نظرى ان يكون مثل السلع التموينية و يضاف للبطاقة

وكما هو معروف ان السلع التموينية توزع على اساس عدد افراد الأسرة و مدى حاجتهم و بسعر اقل من خارج البطاقة و فى نفس الوقت مش رخيص اوى لدرجة الاستهتار وشراء بكميات كبيرة لاستهلاكها بشكل آخر

و هذا النظام كان معمول به فى اسيوط و افترض انه تم تعميمه..

الجانب الايجابى الوحيد لازمة الخبز هذه ان الناس اخير عرفت اهمية فلا اعتقد انه يوجد من يشتريه بكميات كبيرة و فوق حاجته ليغذى به الدواجن التى يربيها

اما الجانب السلبى و الأشد سلبية هو مسألة تسريب الدقيق و هذه مشكلة ضمير حلها ليس فى القوانين لان القوانين لا تسلم من خرقها

حلها فى عقوبات رادعة و توعية و ايقاظ روح الضمير لدى الناس ككل<<<و ده ان شاء الله يحصل فى مييييييية سنة جاية

[سهل جدا]

افضل حل لمشكلة الخبز فى نظرى ان يكون مثل السلع التموينية و يضاف للبطاقة

وكما هو معروف ان السلع التموينية توزع على اساس عدد افراد الأسرة و مدى حاجتهم و بسعر اقل من خارج البطاقة و فى نفس الوقت مش رخيص اوى لدرجة الاستهتار وشراء بكميات كبيرة لاستهلاكها بشكل آخر

و هذا النظام كان معمول به فى اسيوط و افترض انه تم تعميمه..

الجانب الايجابى الوحيد لازمة الخبز هذه ان الناس اخير عرفت اهمية فلا اعتقد انه يوجد من يشتريه بكميات كبيرة و فوق حاجته ليغذى به الدواجن التى يربيها

اما الجانب السلبى و الأشد سلبية هو مسألة تسريب الدقيق و هذه مشكلة ضمير حلها ليس فى القوانين لان القوانين لا تسلم من خرقها

حلها فى عقوبات رادعة و توعية و ايقاظ روح الضمير لدى الناس ككل<<<و ده ان شاء الله يحصل فى مييييييية سنة جاية

كلام جيد , لكن المشكلة كيف هايتم توزيعه بناء على هذه الطريقة ؟!!

ليتك تخبرينا بما يتم في أسيوط ..

أسيوط يعني الصعيد .. يعني أجدع ناس.. يعين المرجلة كلها

(معليش أصلي أنا أصولي من الصعيد)

[أحمد سيف]

أي سلعة بتتباع بأقل من قيمتها الحقيقية لازم يكون فيه اسراف في استهلاكها ... وأي سلعة بيكون لها أكثر من سعر واحد بينشأ على الفور ليها سوق سوداء

دي قوانين اقتصادية الناس فهمتها وطبقتها في معظم دول العالم إلا عندنا ... والنتيجه ما نراه من أزمات ومشكلات وفوضي في كل شئ من رغيف الخبز الى المواصلات الى التعليم

الحل بسيط جدا ... خلي الناس تدفع الثمن الحقيقي لكل ما تستهلكه ... والفلوس اللي بتصرفها على الدعم اديها لهم في ايديهم على صورة زيادة في المرتبات أو على شكل خدمات عامه (تعليم - صحه - بنيه أساسية - مرافق)

افضل حل لمشكلة الخبز فى نظرى ان يكون مثل السلع التموينية و يضاف للبطاقة

البطاقات التموينية من أساسها فكره غلط وهي جزء من المشكله مش جزء من الحل ... دي حاجه تنفع في وقت الحرب ولا المجاعات ... إنما في الأوضاع الطبيعية لازم أسعار كل السلع والخدمات تحكمها قوانين العرض والطلب ... غير كده يبقى احنا بنخلق لنفسنا مشاكل وأزمات بدون داعي

تم تعديل 20 مايو 2009 بواسطة أحمد سيف

[doha]

مظنش هيلغوا دعم الخبز في القريب العاجل ببساطه لان الدعم ده هو ( الحصوة ) الي حاطينها في عينينا لغايه دلوقت وذالينا بيها صبح وليل وقال يعني عاملين الي عليهم ..

نفسي افهم ايه المشكلة لما ( ضعاف النفوس ) يأكلوا الخبز لطيورهم .. طيب ماهي الطيور دي هنرجع ناكلها احنا تاني بعدين خاصه وان في بعض الاسر في الريف مورد رزقهم شبه الوحيد هو تربيه الطيور المنزلية ولا عندهم فلوس يشتروا بيها علف او غذاء للطيور دي غير هو الخبز المدعم ده..

واساسا مش هيربي طيور في بيته محتاجه تاكل عيش من ابو شلن ده غير واحد فعلا مش لاقي يعني كده الدعم فعلا وصل لمستحقيه فواجعين دماغنا ليه؟

صدعونا بقالهم كام سنة هنلغي الدعم ونوصله لمستحقيه .. ياخوفي ليكون مستحقيه دول هم نفسهم الي مستحقين كل حاجه في البلد ونطلع كلنا كما العاده من المولد بلا حمص ولا فول ..

[~Heba~]

كلام جيد , لكن المشكلة كيف هايتم توزيعه بناء على هذه الطريقة ؟!!

ليتك تخبرينا بما يتم في أسيوط ..

أسيوط يعني الصعيد .. يعني أجدع ناس.. يعين المرجلة كلها

اللى كان بيحصل فى اسيوط ان كل واحد يدفع اشتراك شهرى قدره خمس جنيهات و يوميا يصله الى المنزل بجنيه عيش

و طبعا يدفع الجنيه

و المفروض ان ده يكفى الاسرة

و لورغب فى الزيادة يبقى ياخد بجنيه زيادة لكن كان فيه قيود قوية تمنع ان الواحد يشترى بأكتر من كدة

عشان كله ياخد

ولوتشوفوا العيش كان نضيف و متغلف ازاى لأ وبيوصل لحد البيت

وكان فيه عمال توصيل بيشيلوا الاكياس على عجل و يوصلوها لغاية البيت

بس طبعا كان فيه بعض الافران مش بتوصل للبيت

بس على الأقل الواحد ينزل و معاه الكوبون اللى حيصرف بيه (الكويون دلالة على انه مشترك) و ياخد العيش بتاع فى التو واللحظة و لا انتظار و لا حاجة

بس انا لانى مش من البلد و مليش بطاقة تموينية عندهم مكنش ينفع اشتراك و كل صديقاتى المغترابت بالشكل ده و كنا بنقضيها عيش فينو و عيش سياحى

السياحى ده الخمسة منه بـ جنيه و نصف....مش بطال

افضل حل لمشكلة الخبز فى نظرى ان يكون مثل السلع التموينية و يضاف للبطاقة

البطاقات التموينية من أساسها فكره غلط وهي جزء من المشكله مش جزء من الحل ... دي حاجه تنفع في وقت الحرب ولا المجاعات ... إنما في الأوضاع الطبيعية لازم أسعار كل السلع والخدمات تحكمها قوانين العرض والطلب ... غير كده يبقى احنا بنخلق لنفسنا مشاكل وأزمات بدون داعي

لا اتفق معك

البطاقات التموينية جزء من نظام المعونة الاجتماعية و دى موجودة فى كل بلاد العالم

يعنى هى اتعملت لحل مشاكل شريحة من الناس ستظل موجودة مهما كانت الدولة متقدمة

لكن المشكلة عندنا ان هذه الشريحة كبيرة شوية و يقع تحت مظلتها قطاع كبير من المصريين

طبعا انا شبه متفقه معك ان المفروض ان اغلب الناس يكون عندنا المقدرة على شراء المنتج بسعر تكلفته...على الأقل السلع الأساسية و ليس التكميلية

وفعلا ارى انه يجب العمل ببطء على توفير هذه المقدرة للناس و هذا لن يعنى التخلى عن الدعم تماما لانى كما قلت لك سيظل هناك شريحة من الناس تحتاجها

بالنسبة لمسألة اكثر من سعر و السوق السوادء

اولا من المنطقى جدا وجود تعدد الاسعار لسلعة غذائية يستهلكها جميع الناس فقيرهم و غنيهم و مع تعدد طبقات المجتمع لكن لابد منوجود نوع افضل يقدم بسعر اغلى هذا منطقى جدا

[~Heba~]

نفسي افهم ايه المشكلة لما ( ضعاف النفوس ) يأكلوا الخبز لطيورهم .. طيب ماهي الطيور دي هنرجع ناكلها احنا تاني بعدين خاصه وان في بعض الاسر في الريف مورد رزقهم شبه الوحيد هو تربيه الطيور المنزلية ولا عندهم فلوس يشتروا بيها علف او غذاء للطيور دي غير هو الخبز المدعم ده..

فعلا فيه ناس كتيرة فاهمة هذه الجزئية خطأ

اولا اكيد الناس بتأكل الزائد عن حاجتها و التالف من الخبز لطيورهم

و مش ممكن الواحد حيشترى عيش على قدر حاجته بالضبط اكيد فيه زيادة

و كمان محدش يعرف عن الكم الكبير من التالف من الخبز....تلف اثناء تصنيعه و ده محدش بيرضى يشتريه و غالبا الفرن بيبيعه مخصوص لاستهلاك الطيور التربية المنزلية

على فكرة احنا هنا فى الارياف طبعا فيه تربية الطيور بأنواعها و دول بياكلوا قمح برضو التالف و الزائد عن الحاجة

و احنا بنشتريه مخصوص و بيكون ارخص من القمح لزوم الأكل

و طبعا بعد الغلو الملحوظ للحوم لم يبقى سوى هذا البديل...فمحدش يفتكر انه افتراء و استهلاك النعمة بتبذير

تم تعديل 20 مايو 2009 بواسطة ~Heba~

[أحمد سيف]

البطاقات التموينية جزء من نظام المعونة الاجتماعية و دى موجودة فى كل بلاد العالم

يعنى هى اتعملت لحل مشاكل شريحة من الناس ستظل موجودة مهما كانت الدولة متقدمة

طيب ممكن تقوليلي اسم دوله متقدمه -ولا متخلفه - واحده العيش فيها بيتوزع ببطاقة التموين (ده إذا كان عندهم حاجه أساسا اسمها بطاقات التموين)

لا اعتراض على المعونات الاجتماعية ولا على الدعم ولكن على العشوائية في توزيعه على من يستحق ومن لا يستحق

بالنسبة لمسألة اكثر من سعر و السوق السوادء

اولا من المنطقى جدا وجود تعدد الاسعار لسلعة غذائية يستهلكها جميع الناس فقيرهم و غنيهم و مع تعدد طبقات المجتمع لكن لابد منوجود نوع افضل يقدم بسعر اغلى هذا منطقى جدا

أنا هنا مش باتكلم عن تعدد الأسعار بسبب الفرق في الجوده ... أنا كلامي عن وجود أكثر من سعر للسلعة الواحدة مثل الدقيق ... وهذا هو السبب في نشؤء سوق سوداء له يتم فيها بيع الدقيق المدعم بسعر السوق لتحقيق مكسب غير قانوني من فرق السعر

[سهل جدا]

نفسي افهم ايه المشكلة لما ( ضعاف النفوس ) يأكلوا الخبز لطيورهم .. طيب ماهي الطيور دي هنرجع ناكلها احنا تاني بعدين خاصه وان في بعض الاسر في الريف مورد رزقهم شبه الوحيد هو تربيه الطيور المنزلية ولا عندهم فلوس يشتروا بيها علف او غذاء للطيور دي غير هو الخبز المدعم ده..

فعلا فيه ناس كتيرة فاهمة هذه الجزئية خطأ

اولا اكيد الناس بتأكل الزائد عن حاجتها و التالف من الخبز لطيورهم

و مش ممكن الواحد حيشترى عيش على قدر حاجته بالضبط اكيد فيه زيادة

و كمان محدش يعرف عن الكم الكبير من التالف من الخبز....تلف اثناء تصنيعه و ده محدش بيرضى يشتريه و غالبا الفرن بيبيعه مخصوص لاستهلاك الطيور التربية المنزلية

على فكرة احنا هنا فى الارياف طبعا فيه تربية الطيور بأنواعها و دول بياكلوا قمح برضو التالف و الزائد عن الحاجة

و احنا بنشتريه مخصوص و بيكون ارخص من القمح لزوم الأكل

و طبعا بعد الغلو الملحوظ للحوم لم يبقى سوى هذا البديل...فمحدش يفتكر انه افتراء و استهلاك النعمة بتبذير

عفوا ... المليارات المخصصة لدعم الخبز هدفها هو توفير اللقمة الرئيسية للمواطنين الفقراء ((العيش))

فلما تروح لعلف الحيوانات يبقى الدعم صرف في غير محله , وأصبح علف الحيوانات والطيور هذه بيدفعه الشعب كله

[~Heba~]

طيب ممكن تقوليلي اسم دوله متقدمه -ولا متخلفه - واحده العيش فيها بيتوزع ببطاقة التموين (ده إذا كان عندهم حاجه أساسا اسمها بطاقات التموين)

لا اعتراض على المعونات الاجتماعية ولا على الدعم ولكن على العشوائية في توزيعه على من يستحق ومن لا يستحق

يا استاذ احمد بعض البلدان تقدم المعونة فى صورة مال

و هنا فى مصر تقدم على هيئة سلع غذائية بالاضافة للمال

اما اضافة الخبز اليها ده كان اقتراح شخصى من اختك الغلبانة واقترحته لمنع التلاعب و ليصل الى مستحقيه بالفعل

و كما سبق و وضحت ان البطاقة التموينية ارى انها توصل السلع الى مستحقيها بالفعل لانها حسب افراد العائلة و الحاجة الفعليه

أنا هنا مش باتكلم عن تعدد الأسعار بسبب الفرق في الجوده ... أنا كلامي عن وجود أكثر من سعر للسلعة الواحدة مثل الدقيق ... وهذا هو السبب في نشؤء سوق سوداء له يتم فيها بيع الدقيق المدعم بسعر السوق لتحقيق مكسب غير قانوني من فرق السعر

الدقيق ايضا فيه اختلاف للسعر حسب الجودة

و الا هو الدقيق اللى بيتعمل بيه العيش المدعم هو نفسه الدقيق اللى بيتعمل منه العيش السياحى و الفينو...طبعا لأ

اما تهريب الدقيق للسوق السوداء نشأ لصعوبة الحصول على العيش فلجات الناس كلٌ على حسب مقدرته الى شراء اعلى سعرا (زيادة بسيطة) مقابل الراحة فى الحصول عليه

و ده انا لمسته بنفسى حتى فى الأفران التابعة للرقابة لكنه فى اول فرصة يتحايلوا على هذه الرقابة فتلاقيهم يبيعوا مثلا الرغيف بضعف تمنه فتخف الزحمة و اللى مقتدر بيشترى

و بنفس الطريقة المطاعم بقت تاخد العيس بسعر اعلى فى مقابل انها تحفظ حصتها و تاخدها باستمرار

[~Heba~]

عفوا ... المليارات المخصصة لدعم الخبز هدفها هو توفير اللقمة الرئيسية للمواطنين الفقراء ((العيش))

فلما تروح لعلف الحيوانات يبقى الدعم صرف في غير محله , وأصبح علف الحيوانات والطيور هذه بيدفعه الشعب كله

يا فندم احنا بنتكلم عن الزائد عن الحاجة و التالف

مش بنتكلم على اللى بيشترى العيش مخصوص ليستخدمه كعلف فهذا مرفوض

ثم انك ألا تسأل نفسك لماذا يشترى الناس الخبز بصفة يوميا

ببساطة لانه سريع التلف

نهاية اليوم بينشف

و اليوم التالى يصيبه الفطر و العفن...ده يحصل فيه ايه يترمى فى الزبالة؟؟؟!!!!

[MZohairy]

فعلا زي احمد ما قال

اقتصاديا

اي حاجه لها سعرين ستخلق سوق سوداء فورا

و نرجع لنقطة الصفر

[سهل جدا]

يا فندم احنا بنتكلم عن الزائد عن الحاجة و التالف

مش بنتكلم على اللى بيشترى العيش مخصوص ليستخدمه كعلف فهذا مرفوض

ثم انك ألا تسأل نفسك لماذا يشترى الناس الخبز بصفة يوميا

ببساطة لانه سريع التلف

نهاية اليوم بينشف

و اليوم التالى يصيبه الفطر و العفن...ده يحصل فيه ايه يترمى فى الزبالة؟؟؟!!!!

ما هو الزائد عن الحاجة ده بييجي لأن الناس بتشتري بأكثر مما يكفيها

زي ما قولت في البداية: إن كثير من المصريين عايشين على مبدأ أبو بلاش كثر منه

وعفوا , الشلن في الوقت ده ما يعتبرش فلوس , فيعتبر العيش كأنه يباع ببلاش

لكن لو العيش بيتباع بسعره الحقيقي هاتلاقي في حفاظ عليه , ومش هانلاقي البواقي دي كلها

فعلا زي احمد ما قال

اقتصاديا

اي حاجه لها سعرين ستخلق سوق سوداء فورا

للأسف هي ديه الحقيقة , وصعب تعمل رقابة على كل تاجر دقيق أو كل مخبز ..

[~Heba~]

استاذ سهل ...الزائد الطبيعى بيكون ثلاثة اربع ارغفة فى اليوم

مش بتكلم عن كمية كبيرة من العيش

وبعدين الفاقد لابد منه

الواحد مش هيوزن بالجرام مقدار حاجته من العيش؟؟؟

زوهيرى..اختلاف السعر نشأ بسبب اختلاف حاجات الناس

فيه ناس قادرة تشترى راحتها و تشترى الأغلى سعرا والأفضل جودة

و فيه ناس لأ

تصور اسورة مكونة قول من اربع افراد تعيش بأقل من 5 جنيهات يوميا..الأب ارزقى بقى و يا تيجى و يا متجيش معاه

لو فرضنا انهم هيشتروا عيش بعيد عن الدعم على فرضا مثلا الرغيف بضعف ثمنه شوف بقى العيش لوحده حياخد قد ايه من ميزانية الأسرة اليومية

طب هنا مفيش مصاريف تانية!!!!

طبعا حتقولوا لى مفيش حد بيعيش بأقل من 5 جنيهات ف اليوم

حقول لأو يمكن اقل من كدة كمان

الخلاصة يعنى الغاء الدعم فكرة مش كويسة على الأقل فى الوقت الحالى

تم تعديل 20 مايو 2009 بواسطة ~Heba~

[أحمد سيف]

استاذ سهل ...الزائد الطبيعى بيكون ثلاثة اربع ارغفة فى اليوم

مش بتكلم عن كمية كبيرة من العيش

وبعدين الفاقد لابد منه

الواحد مش هيوزن بالجرام مقدار حاجته من اليش؟؟؟

زوهيرى..اختلاف السعر نشأ بسبب اختلاف حاجات الناس

فيه ناس قادرة تشترى راحتها و تشترى الأغلى سعرا والأفضل جودة

و فيه ناس لأ

تصور اسورة مكونة قول من اربع افراد تعيش بأقل من 5 جنيهات يوميا..الأب ارزقى بقى و يا تيجى و يا متجيش معاه

لو فرضنا انهم هيشتروا عيش بعيد عن الدعم على فرضا مثلا الرغيف بضعف ثمنه شوف بقى العيش لوحده حياخد قد ايه من ميزانية الأسرة اليومية

طب هنا مفيش مصاريف تانية!!!!

طبعا حتقولوا لى مفيش حد بيعيش بأقل من 5 جنيهات ف اليوم

حقول لأو يمكن اقل من كدة كمان

الخلاصة يعنى الغاء الدعم فكرة مش كويسة على الأقل فى الوقت الحالى

مره ثانيه هاوضح فكره تعدد الأسعار ... احنا هنا مش بنتكلم على سلع مختلفة في الجوده ... احنا بنتكلم على نفس السلعة ... زي حكاية الدولار زمان كان له سعر رسمي وسعر سوق سوداء وهوا نفس الدولار ... نفس الحكايه مع دقيق التموين ... فيه أصحاب مخابز بتهرب الدقيق بره وتبيعه في السوق بأضعاف سعره الرسمي علشان كده في ناس اسمهم مفتشين التموين الدوله معيناهم علشان يراقبوا السلع المدعمه

طيب ايه رأيك بدل ما الحكومه تدعم العيش لكل الناس على اختلاف مستوياتها تاخذ فلوس الدعم وتفرقها على الناس المحتاجه زي أخينا اللي بتقولي عليه ... وممكن تعمل الحكايه دي بأسلوب يخدم أكثر من هدف ... يعني مثلا ممكن تقوله احنا هنديلك 100 جنيه في الشهر على كل ابن بشرط انك ما تطلعوش من المدرسه إلا لما يخلص إعداديه ... أو تاخذ الفلوس دي وتفتح بيها مصنع وتشغله بمرتب معقول وآهو منها تزيد انتاجيته وينفع نفسه وبلده أكثر ... فيه ميت طريقه نقدر نستغل بيها المليارات دي بشكل أفضل من انها في الآخر تروح طعام للحيوانات والطيور

الفكره مش اننا نلغي الدعم ونحط الفلوس في جيوبنا ... الفكره ان الفلوس دي ممكن نستغلها بشكل أكثر كفاءه وبطريقة تحقق منفعه أكبر للوطن والمواطنين، بس المهم نتحرر من القيود والأفكار الموروثه من عهود الاشتراكية البائدة

[~Heba~]

طيب ايه رأيك بدل ما الحكومه تدعم العيش لكل الناس على اختلاف مستوياتها تاخذ فلوس الدعم وتفرقها على الناس المحتاجه زي أخينا اللي بتقولي عليه ... وممكن تعمل الحكايه دي بأسلوب يخدم أكثر من هدف ... يعني مثلا ممكن تقوله احنا هنديلك 100 جنيه في الشهر على كل ابن بشرط انك ما تطلعوش من المدرسه إلا لما يخلص إعداديه ... أو تاخذ الفلوس دي وتفتح بيها مصنع وتشغله بمرتب معقول وآهو منها تزيد انتاجيته وينفع نفسه وبلده أكثر ...

مينفعش يا فندم لان قطاع كبير من المستفيدين من الدعم لن يحصلوا على زيادة مباشرة و فورية فى الأجور فى حالة رفع الدعم احنا مش بنتكلم عن الموظفين و لا الفلاحين و لا عمال احنا بنتكلم عن ناس مطحونة مصدر الرزق غير مستقر و غير ثابت و هما كتير فى البلد و الدعم هو املهم الوحيد و حضرتك الـ 100 جنيه كزيادة هتعمل ايه....ده على كدة الحكومة مستفيدة من الدعم لو طلبنا انها تزيله و تزود الأجور هو ده المأزق الحقيقى لاننا هنحتاج زيادة اضعاف اضعاف و احنا طالبين الزيادة حتى مع وجود دعم يا اخى اذا كان الدكاترة اللى اسمهم دكاترة مش عجباهم اجورهم فهل يعقل ان الزيادة المطلوبة تكون من قوت البسطاء

الفكره مش اننا نلغي الدعم ونحط الفلوس في جيوبنا ... الفكره ان الفلوس دي ممكن نستغلها بشكل أكثر كفاءه وبطريقة تحقق منفعه أكبر للوطن والمواطنين، بس المهم نتحرر من القيود والأفكار الموروثه من عهود الاشتراكية البائدة

طيب احنا بقالنا سنين مطبقين الرأسماليه وتيار الخصخصة جرف الكثير من الكيانات الاقتصادية فى البلد و ادينا بنعانى من الاحتكار و انهيار الطبقة المتوسطة و اتساع دائرة الفقر يعنى هو ده اللى عملته لنا الرأسمالية

مينفعش ناخد منها التنافسية المحترمة و جديتها فى العمل الحر بدون قيود و روتين و بيروقراطية و فى نفس الوقت تظل السلطة مكفولة لولى الأمر انه يأخذ بيد الضعيف و يوفر له الأساسياااااااااااات و القوى لانه قوى يشوف حاله بنفسه

اظن ده قمة العدل

تم تعديل 20 مايو 2009 بواسطة ~Heba~

[أحمد سيف]

مينفعش يا فندم لان قطاع كبير من المستفيدين من الدعم لن يحصلوا على زيادة مباشرة و فورية فى الأجور فى حالة رفع الدعم احنا مش بنتكلم عن الموظفين و لا الفلاحين و لا عمال احنا بنتكلم عن ناس مطحونة مصدر الرزق غير مستقر و غير ثابت و هما كتير فى البلد و الدعم هو املهم الوحيد و حضرتك الـ 100 جنيه كزيادة هتعمل ايه....ده على كدة الحكومة مستفيدة من الدعم لو طلبنا انها تزيله و تزود الأجور هو ده المأزق الحقيقى لاننا هنحتاج زيادة اضعاف اضعاف و احنا طالبين الزيادة حتى مع وجود دعم يا اخى اذا كان الدكاترة اللى اسمهم دكاترة مش عجباهم اجورهم فهل يعقل ان الزيادة المطلوبة تكون من قوت البسطاء

مين قال إن الدعم هايتوزع على الموظفين ... أنا قلت كده فين؟ ... الدعم النقدي يوزع على الجميع حسب احتياجهم زي ما بيحصل في كندا مثلا (ولو إني عارف إن ذكر كندا بيسبب لك مشكله) ... لو واحد بيعيش بأقل من 5 جنيه في اليوم يعني 150 جنيه في الشهر وعنده ولدين يبقى 200 جنيه زياده في الشهر تفرق معاه كثييييييييير ... كلنا ممكن نطالب بزيادات ودعم للصبح بس في النهاية الحكومه مش بتخلق فلوس من الهوا ... الحكومه عندها موارد محدوده في الميزانية العامه ولازم توزعها بطريقة تحقق أكبر فائدة ممكنه ... وطبعا فيه وسائل كثير غير اللي أنا ذكرتها لتحقيق ذلك وما اقترحته كان مجرد مثال

طيب احنا بقالنا سنين مطبقين الرأسماليه وتيار الخصخصة جرف الكثير من الكيانات الاقتصادية فى البلد و ادينا بنعانى من الاحتكار و انهيار الطبقة المتوسطة و اتساع دائرة الفقر يعنى هو ده اللى عملته لنا الرأسمالية

مينفعش ناخد منها التنافسية المحترمة و جديتها فى العمل الحر بدون قيود و روتين و بيروقراطية و فى نفس الوقت تظل السلطة مكفولة لولى الأمر انه يأخذ بيد الضعيف و يوفر له الأساسياااااااااااات و القوى لانه قوى يشوف حاله بنفسه

اظن ده قمة العدل

مش عايز أدخل في جدال حول الرأسمالية والاشتراكية ومزايا وعيوب كل منهما ،الفكره اللي عاوز أوصلها إن التغيير مطلوب لتصحيح أوضاع خاطئة توارثناها وأصبحت أبقارا مقدسه لا يجرؤ أحد عن الاقتراب منها مثل الدعم العشوائي والايجارات القديمة والقطاع العام وغيرها

العدل هو حصول كل واحد على ما يستحقه بناء على عمله واجتهاده وعلمه واتخاذه للقرارات الصحيحة ... العدالة لا تعني دوما المساواة

تم تعديل 21 مايو 2009 بواسطة أحمد سيف