مبروووووك كسبت 70 ألف دولار ...!!!!

[~Heba~]

انهاردة وصلتنى الرسالة السخيفة دى على الموبايل

مبروك فزت بصك رقم **** وقدره 70 ألف دولاء

اتصل بالرقم

****************

رقم تليفون من حوالى 15 رقم

ده و لا تليفون على المريخ حيكون رقمه كده

طبعا انا شبه واثقة انه مش رسالة من احد معارفى لانه مفيش رقم فيه اسم فقط

اسم :HURREY

انا عارفة انه بعض مواقع الانترنت بتدى خدمة ارسالة رسائل على الموبايل بدون اظهار رقم

بس برضوانا مستبعدة كدة

خصوصا انه فيه اشاعات عن رسائل غريبة زى دى بس الرسائل اياها بيقولوا بتسبب امراض للمخ و كلام فارغ من ده

انا عايزة اعرف اقتراحتكم

تفتكروا ده ايه

عملية نصب

او موقف هزار <<<<بس بايخ

و الا ايه بالضبط!!!!!

ويا ترى حد اتعرض لحاجة زى كدة

[سهل جدا]

عملية نصب معروفة وقديمة

خذي بالك

إوعي تتصلي بالرقم اللي بعتك الرسالة ده نهائيا , أو حتى تبعتيلهم رسالة

لأن الاتصال بيكون بأضعاف الاتصال العادي

[DrGM]

اتصلي بخدمه العملاء وقولي له انا وصلتني رساله مجهوله المصدر و عايز اعرف مصدرها و مدى مصداقيتها بتاريخ كذا الساعه كذا ونصها يحتوي على كذا وكذا

اذا حب يرخم ويقول ان مينفعش يبقا نتعامل باسلوب العين الحمرا وان انتم بتبيعوا ارقامنا لشركات نصب و كلام من دا ... هيتلم

نفس الكلام وصلني برضو من رقم اوله 003 وان انا كسبت معرفش كام دولار ...

طيب يعني هوا اللي يكسبي كام الف دولار مستخسر مكالمه بـ 20 دولار يقولي مبروك ... :roseop:

[~Heba~]

عملية نصب معروفة وقديمة

خذي بالك

إوعي تتصلي بالرقم اللي بعتك الرسالة ده نهائيا , أو حتى تبعتيلهم رسالة

لأن الاتصال بيكون بأضعاف الاتصال العادي

انا فعلا شكيت و كنت هحذف الرسالة مباشرة بس قلت اسأل و استفسر الأول وبالمرة اكتشف السبب

وطبعا انا اعرف انه على البريد الإلكترونى يصل العديد من هذه الرسائل و مثلها الدعائية

ده لان البريد الالكترونى ليس فيه خصوصية فإذا وضعته فى اى موقع لزوم النشرةالبريدية او التسجيل فيه تجد عنوانك لدى العديد من المواقع الأخرى التى تغرقك برسائل الـ spam

اما رقم المحمول فمش عارفة ازاى اتعرف !!!

اتصلي بخدمه العملاء وقولي له انا وصلتني رساله مجهوله المصدر و عايز اعرف مصدرها و مدى مصداقيتها بتاريخ كذا الساعه كذا ونصها يحتوي على كذا وكذا

اذا حب يرخم ويقول ان مينفعش يبقا نتعامل باسلوب العين الحمرا وان انتم بتبيعوا ارقامنا لشركات نصب و كلام من دا ... هيتلم

نفس الكلام وصلني برضو من رقم اوله 003 وان انا كسبت معرفش كام دولار ...

طيب يعني هوا اللي يكسبي كام الف دولار مستخسر مكالمه بـ 20 دولار يقولي مبروك ...

شكله نفس الرقم اللى بعتلى لانه بيبدأ بـ 003 بس تفتكر فعلا الشركات بتبيع ارقام عملاءها...طيب هتستفاد ايه؟!

بصراحة انا كفاية انى اعرف انها عمليه نصب و تجاهلها هو الحل المطروح دلوقتى خصوصا و انها رسالة واحدة اما لو زادت عن كده اكيد مفيش غير خدمة العملاء نعرف منهم ايه العبارة

تم تعديل 20 مايو 2009 بواسطة ~Heba~

[ghnammar]

انا اتعرضت لنفس الموقف وجالى رساله على البريد الالكترونى وكان المكسب حوالى 5 مليون دولار واتصلوا بيه من نيجيريا وقال لى انى اروح دبى استلم الشيك بس لازم ابعت له 6000 دولار على الوسترن يونيون بعت لشركة ميكروسوفت على الايميل بتاعهم ردوا وقالوا لى انهم لم يرلوا الى ايميل بهذا الشكل وحذرونى من النصب قمت اتصلت بشرطة دبى وبعد محاولات معاهم قالوا لى فى الاول يا اخى طالما لم تدفع اى فلوس خلاص كبر دماغك وبلاش وش ورجعوا تانى قالوا لى ممكن تيجى دبى علشان نمسك النصاب اللى طلب فى الاخر انى اقابله واخد معايا ال 6000 دولار المهم انا وجدت ان الموضوع طويل وانى هاخسر وقتى و فلوسى فى المكالمات الدولية وحتى مكافحة جرائم الانترنت بلغتهم ولم يردوا على فكل اللى قدرت عليه كل ما النصاب يكلمنى من نيجيريا افتح عليه الخط وماردش عليه لحد ماخلصت حقى منه فنصيحتى انك تكبر دماغك وتلغى الرساله وتنسى الموضوع

[aboamar]

نصب نصب نصب

[tarek hassan]

بالنسبة لي فالمكسب كان فقط رصيد 30 جنية

صديق مخلص اتصل بي وقال لي ارسل رسالة من فودافون على 6060 وضع رقم موبايلك وامسح 010 وحط مكانها 9 + الرقم من غير 010

وفعلا بعت ووصلتني رسالة

مبروك لقد ربحت رصيد من شاي لبتون سيصلك الرصيد خلال 48 ساعة وفاتت علينا جميعا 48 ساعة و 96 ساعة ومفيش

المهم انا كنت متأكد أن دا نصب وحدث معي مرتين من قبل مواقف مشابهة

بس اللي خلاني عرفت من إن الرسالة إنها نصب إن كلمة ليبتون مكتوبة غلط لبتون

وأن دايما بتكون الكذبة معايا مقرونة بـ 24 أو 48 ساعة

وصديقي هو أرسل لهم رسايل منه ومننا ب 30 جنيه بدل ما نكسب احنا 30 جنيه

فعلا تيجي تصيده يصيدك

تم تعديل 21 مايو 2009 بواسطة tarek hassan