الحمد لله اخذت التاشيرة ...

[aboroaa]

انا والحمد لله اخذت التاشيرة لي ولزوجتي وللبنت ابنتنا الصغيرة سنة ونصف سنعمل بشارع التحلية بالعليا

ممكن كل من لديه تجربة يضعها لنا ... على فكرة انا قررت السفر انا وزوجتي والبنت مع بعض لا رجعة في القرار بعد الاستخارة ....

النصائح بقى بالنسبة للسكن ؟؟؟؟ المكان ... الحضانات ... او الدور الحاضنة من المصرييات .... كل هذه الامور ... ظظظظظ شكرا

[mama nona]

مبرررررروك عليكم التأشيرة

وربنا يكمل لكم سفركم ع خير ان شاء الله

وهنرجع تانى نرد ع اسئلتكم

واحنا فالخدمة

بس عما توصلو هنكون فمصر

اهو نبقى نشاركم عالنت

[alex man]

شوف اى خدمة ممكن نقدمها لك اتصل نحن فى الخدمة

[aboroaa]

والله جزاكم الله خيرا

بس اذا ما حد يعرف يجيب لنا سكن حتى لو غرفة واحدة وحمام وصالة ومطبخ ( حتى لو ملحق ) بشارع التحلية ربنا يديكم الصحة يعرفني ......

[المخنوق دائما]

أولا تشرف الرياض انت والأسره الكريمه وان شاء الله تبقى رحله موفقه وسعيده

بص ياسيدى العليا دى تعتبر ارقى مكان فى الرياض يعنى من الاخر ارقى مكان فى السعوديه عموما وعشان كده بيسكن فيها اجانب كتير

فأكيد والله اعلم هيبقى السكن فيها غالى حتى لو أوضه متر فى مفيش!!!

بس انت لو معاك عربيه ودى أهم شىء فى السعوديه وخصوصا لو معاك أسره كمان لااااااااااااااااااااااااااااازم عربيه

ولو معاك عربيه يبقى مش لازم تسكن فى التحليه او فى العليا خالص

وهنا معظم الشركات بتوفر سكن خصوصا لو انت متجوز

هذا ما أعلم والله أعلى وأعلم

[aboroaa]

انا طبيب والكفيل مو موفر السكن معطيني بدل 20000 ريال

[rashed]

بدل السكن ده معقول بس نادر اما تلاقى فى العليا وشارع التحلية بالسعر ده وخصوصا زى ماقال الاخ مخنوق ان فيه اجانب كتير .

فى شمال الرياض شوية حى الملك فهد انا كنت لسه بدور من اسبوع ولاقيت كذا شقة هناك , والمسافة مش كبيرة عن شارع التحليه هى كام اشارة رخمة كده وخلاص,

وفى نصيحة قالهالى بتاع عقارات (سمسار شقق ) ان الشهر الجاى ده موسم بتفضى فيه شقق كتير وبتبقى اسعارها كويسة وده عشان فى ناس كتير مصريين وشاميين وغيرهم بيرجعوا لبلادهم فى الفترة دى بعد انتهاء المدارس , فلو قدرت تظبط شقه فندقية محندقة كده الشهر ده وتبدأتدور يبقى تمام , وربنا يعترنا انا وانت فى حاجة كويسة ان شاء الله قريب .

وبالنسبة لموضوع العربية طبعا علشان انت جديد ولسه قدامك شوية ورق وحركات على ماتطلع الرخصة السعودى هيبقى قدامك حل من اتنين يااما تأجر عربية بالرخصة الدولى (لازم تطلعها الاول من مصر) وتقضى بيها الفترة دى , يا اما لو مش معاك رخصة زى حالاتى اول ماجيت قضيها ليموزيييييييين (تاكسى ياعنى هنا ) وربنا يعينك , واى استفسار انا فى الخدمة

أخوك محمد راشد

[Alrefaey]

اهلا بحضرتك فى العاصمة السعودية

مبدئيا كان يفضل انك تسبق اهلك فى السفر ولو لمدة شهر على ما تدور على شقة مناسبة وتفرشها وطلع رخصة قيادة وتظبط امورك

ولكن لو انت استخرت وتوكلت وجيت انت واهلك يبقا هتعمل الاتى

هتنزل من المطار على شقق فندقية ودى كتيرة طبعا هتنزل فى العليا فى منطقة العروبة مثلا او السليمانية او المربع

الشقق هتبدا من 200 الى 350 ريال فى اليوم على حسب عدد الغرف وخلافة

هتنزل شغلك عادى تعرف المكان فى اى مستشفى او مستوصف فى التحلية وتبدأ تدور على شقة او ملحق للايجار السنوى

صعب انك تجد فى التحلية اى حاجة الا بالصدفة ولا انصحك بالسكن هناك هو مكان راقى اه لكنه غالى ومزعج وتجارى وليس سكنى

ابدأ دور فى نواحى العليا فاذا لم تجد اطلع شوية على الشمال فيه شقق فى حى المصيف او الورود او الملك فهد اوالمروج

الشقق فى تلك المناطق ممكن تحصل غرفتين ب 20 او 22 الف سنويا والدفع نصف سنوى

ممكن ايضا جنوب العليا زى المربع والوشم حتى ممكن تبعد شوية وتدور فى الملز

المهم بعد ما بتحصل شقة تبدا مرحلة العفش وده بأءة عليك بالحراج مخرج 21 هتلاقى كل شىء سواء مستعمل او جديد

من اثاث الى كل الاجهزة الكهربائية

لو غرفتين وهتفرشهم مستعمل ممكن يكلفوك من 6 الى 7 الف ريال

لو جديد اضرب الرقم فى 2 او 3 على حسب النوع والعدد

حاول تشوف سواق بسيارة يوديك ويجيبك ويخلص المشاوير فى الاول لحد ماتعرف الشوارع مبدئيا وطلع رخصة

واى اساءلة اخرى احنا فى الخدمة

[aboroaa]

انا وزوجتي هنشتغل في اي مشكلة بالنسبة للأمان بالنسبة لليموزين والافضل ان احنا نتفق مع واحد معين ولا ناخذ كل يوم واحد شكل ؟؟؟؟ وهل في حد يعرف مربيات او حاضنات اطفال في العليا بالقرب من العمل فاتحة بيتها دوامين ص و م وكام تاخد بالشهر ؟؟؟

[Alrefaey]

انا وزوجتي هنشتغل في اي مشكلة بالنسبة للأمان بالنسبة لليموزين والافضل ان احنا نتفق مع واحد معين ولا ناخذ كل يوم واحد شكل ؟؟؟؟ وهل في حد يعرف مربيات او حاضنات اطفال في العليا بالقرب من العمل فاتحة بيتها دوامين ص و م وكام تاخد بالشهر ؟؟؟

ان شاء الله الامان موجود وخصوصا فى قلب الرياض

طبعا هتحصص سواق معين بترشيح احد الاخوان له او انت بتجرب لحد ما بتحصل واحد كويس وبتاخد صورة من اقامتة ورخصة ورخص السيارة

طبعا جنسية السواق هتكون بنجالى او هندى او باكستانى لأنهم اللى شبة مسيطرين على هذا المجال والسيارة غالبا بتكون ملاكى مش ليموزين

او بتتفق مع احد الشركات اللى لها مجال فى التوصيل بالسواق بس بتكون اكثر تكلفة من الاتفاق الفردى

غالبا كل مستوصف او مستشفى بيكون فية حضانه تابعه له او بتخدم موظفينة

[أسد]

المسألة صعبة شويتين .. لكن مفيش مشكلة .. إن شاء الله يكون هناك مخرج ..

نبدأ واحدة واحدة ..

بالنسبة للسكن ..

تقدر تسكن في شقة مفروشة .. متوافر الشقق المفروشة في كل أحياء الرياض .. السعر حسب المستوى .. ممكن تلاقس شقة كويسة بثلاثة آلاف ريال في الشهر .. في مكان قريب..

ابحث هنا عن شقق مفروشة ..

http://www.arriyadh.com/ar/cgi-bin/Service...t3.aspx?Type=01

بالنسبة للطفلة .. هذا هو الأمر الأكثر تعقيداً ..

قد تجد شخص يعتني بطفلتك خصوصاً في تلك المنطقة ..

هناك العديد من الفلبينيات يقومون بهذا العمل ..

ولكن الأمر يحتاج لبعض الوقت ..

قد تتعرف على أحدهم عن طريق زملاءك في العمل .. ولكن الأمر يحتاج لبعض الوقت ..

بعد فترة قد تتمكن من إستقدام خادمة للعمل لديك في المنزل وتقوم برعاية الطفلة ..

[aboroaa]

شكرا لكم لكن بالنسبة للسكن انا سمعت ان الايام الجاية ناس كتير هتنزل والشقق هتكتر وترخص صح الكلام ده ولا ايه؟؟؟ وبعدين ..... في مشكلة لو لقيت ملحق بالتحلية ويكون رخيص شوية يعني الجو فوق حار قوي؟؟؟؟

[أسد]

أخي الفاضل .. شارع التحلية .. هو شارع تجاري أساسً .. يعني السكن على الشارع محدود جداً ... وإذا أتيح فهو غالي ..

والشوارع الخلفية في تلكالمنطقة كلها فيلات .. والعمارات هناك قليلة جداً ..

لا اعتقد أنك ستتمكن من الحصول على سكن تصل به لعملك مشياً على الأقدام ..

بالنسبة لأن الناس بتترك السكن في الصيف .. فهذا الأمر ليس قاعدة .... فالمسألة ليست تغيير الناس لأماكن إقامتهم مع الصيف أو مغادرتهم البلد ...

أعتقد أنك قد تجد سكن مناسب في المنطقة الواقعة مابين شارع التحلية وشارع ثلاثين العليا ... ولكن بعد بحث وتعب شوية ..

موضوع الملحق .. هو أمر غير متاح بشكل مستمر .. ووجوده يكون بالصدفة البحتة .. لأن العمارة قد يكون فيها عدد من الشقق .. ولكن بها ملحق واحد .. أضف إلى أن كثير من العمارات (كثير جداً) ليس بها ملحق صالح للسكن أعلاها .. وبالتالي طبقاً لنظرية الإحتمالات .. فهذا إحتمال ضعيف .. لا تحاول أن ترتب أفكارك عليه لأنه سيضعك في مأزق ..

تلك المنطقة الإيجارات فيها مرتفعة ... إضافة إلى أن حركة دوران الشقق فيها بطيئة .. بمعنى أن نوعية السكان في تلك المنطقة أغلبهم مستقروا الأوضاع .. وبالتالي لا يغيرون السكن باستمرار .. مثلاً .. أغلب الفلسطينيين يسكنون في العليا ومنطقة مجاورة لها تسمى السليمانية .. وهم طبعاً أوضاعهم مستقرة .. وبالتالي السكن لا يفرغ بسهولة .. والأسعار مرتفعة ..

حتى ثلاث سنوات مضت .. كنت من سكان تلك المنطقة .. ولكن مالك العمارة التي كنت أسكن بها .. أفرغ العمارة بالكامل لتحويلها إلى مكاتب ومقرات تجارية .. هذا أربح بكثير .. خاصة أن المنطقة هناك تجارية أكثر منها سكنية ..

أتصور أن الرأي الذي إقترحته عليك في مداخلتي السابقة .. هو الأقرب للواقعية ..

[aboroaa]

نعم اخي اسد كلامك صحيح لكن اعتقد ان ايجار الشقق المفروشة كتير علينا انت عارف ان احنا جيين من مصر طفحنينوووووووووووووووووووووووووا

وموضوع السكن ممكن يطول شوية ... لكن اللي انا اقدر اقوله ان ربنا هو الميسير لما في جميع الاكوان ...

[أسد]

نعم اخي اسد كلامك صحيح لكن اعتقد ان ايجار الشقق المفروشة كتير علينا انت عارف ان احنا جيين من مصر طفحنينوووووووووووووووووووووووووا

وموضوع السكن ممكن يطول شوية ... لكن اللي انا اقدر اقوله ان ربنا هو الميسير لما في جميع الاكوان ...

ما هو مفيش حل تاني إلا إذا كان لك حد قريب لك هنا .. وقريب جداً كمان .. يستأجر لك سكن قبل وصولك .. أو تنزل في ضيافته إذا كان من المقربين جداً ..