مظاهرات ميدان التحرير..!!

[Cleo]

حد فيكو سمع عن المظاهرات دى؟؟؟!!!!

================

فوجئت بأن الكثير من المصريين لم يعلموا شيئا عن مظاهرة ميدان التحرير يوم الأحد الماضي 28-9-2003

كنت هناك... و سمعت هتاف المصريين الغلابه و الذين لم يتخلوا حتى في محنتهم عن خفة الظل التي طالما اشتهرنا بها معشر المصريين....هتافات عجيبة لا تملك و أنت تسمعها الا ان تبتسم و تحزن في نفس الوقت... تبتسم من طرافتها و تحزن من مضمونها المرير

لم يقرب الأمن أي من المتظاهرين و لذلك حكمة...... فمؤتمر الحزب الوطني كان منعقدا في هذا اليوم و لا يريدون أن يظهروا بصورة الحكومة الديكتاتورية و يعتقلوا الجميع.... ( و بالمناسبة هذا المؤتمر لم يثمر شيئا سوى تأكيد الرئيس - مشكورا - انه سيحل اخيرا مشكلة جنسية ابناء المصرية المتزوجه من اجنبي ..و تفضل - غير مشكور - بتأكيد استمرار قانون الطوارئ اللعين !!!! )

و لهذا السبب - و بسبب كلاب السلطه الموجودين في المجموعة للأسف - فلن أذكر الأسماء التي ذكرت في الهتافات رغم أنها جزء من أمانة نقل الخبر !!

الهـتـافـات

البهوات يلبسوا عالموضه ..........و احنا نعيش العشرة في أوضة !

***

يا (فلان ) يا حبّـوب...........الشعب المصري بياكل طوب !

***

..أنور غلّا رغيف العيش....................جاتله رصاصه في وسط الجيش

يــالي بتـغلّي الأســعار.................بيننـا و بيـنك طلقـة نـار !!!!!!

***

عايزينها تبقى حرة..................دا العيشة بقت مرة

***

يا حرية فينك فينك ؟؟..............صف العسكر بيننا و بينك

يا حرية فينك فينك؟؟................أمن الدوله بيننا و بينك

يا حرية فينك فينك؟؟.................. الطوارئ بيننا و بينك

***

الـنهارده في العـراق............................ بكره يضربوا الورّاق ( حي شعبي في مصر)

الـنهارده في فلـسطين........................... بكره يضربوا التبّـيـن ( حي شعبي أيضا)

يا ( فلان ) اصحا اصحا............ بكره هايضربوا كفر مصيلحا !!!!!! ( مسقط رأس مبارك )

***

يا حاكمنا بالمباحث ..........كل الشعب بظلمك حاسس !!

***

يا جمال باقولها بجد ............بكره يبيعوا النيل و السد !!!!

***

احلف بسماها و بترابها..............الحزب الوطني الي خربها !

أحلف بسماها و بترابها............. ( فلان الفلاني ) الي خربها !!

***

و قف احدهم و سط المظاهره و امسك مكبر الصوت و قال :

ايها المواطنون..اثبتت الاحصائيات أن جرائم السرقة توقفت في مصر تماما في اليومين الماضيين ...عارفين ليه ؟؟؟؟

عشان الحراميه كلهم كانوا بيحضرا مؤتمر الحزب الوطني !!!!

***

عايزينها تبقى حرة .............. دا العيشه بقت مرة !!!!

*****

و الصور المرفقة لمظاهرة في التحرير حين لا يكون هناك مؤتمر للحزب الوطني !

د. شـريـف عــرفـة

( رسام كاريكاتور سياسي

وُ ضع قانون الطوارئ لأمثاله !!0)

========================

منقول عن بريدى الخاص

[فــيــروز]

سمعت ان من ضمن ما قيل فى المظاهره ايضا

يا حكومة هز الوسط .. كيلو اللحمه بقى بالقسط !!

ده هما اللى بيقولوا انا ماليش دعوه

[حشيش]

عقلى الباطن: كليو وفيروز واضح إنهم متورطين فى تنظيم إرهابى يهدف لقلب نظام الحكم...لازم أستغل الموقف ده لصالحى...حبعت أساميهم وبيانات عنهم لمباحث أمن الدولة...مش بعيد أتعين فى منصب كبير فى الحزب الوطنى بعد ما أقوم بتأكيد ولائى لمبارك وجمال...أيوه ده أحسن حل...

مساء الخير ياجماعة...هاى كليو...هاى فيروز...قلبت الدنيا عليكم يوم 28/09/ 2003 ...إنتم كنتوا فين...أنا طلعت فى مظاهرة وهتفت ضد الحكومة لحد ما أغمن عليه...بلاش نتكلم هنا...إبعتولى على الفاكس ده بالتفصيل عملتم إيه يوم 28 ومين من الشلة كان معاكم...وشكله إيه شريف عرفة ده...مستنيكم...باىىىىىىىىى

رقم الفاكس:

8888888

إديتهم رقم الفاكس بتاع حبيب العادلى...ها ها ها...وأدى إتنين من المنتدى راحوا ورا الشمس...ها ها هو هو  

[فــيــروز]

عقلى الباطن بيسال : فين جملة حشيش المعتاده "دلوقت البد و اشوف امن الدوله هييجوا ياخدوا كليو و فيروز امتى"

[Cleo]

عقلى الباطن: كليو وفيروز واضح إنهم متورطين فى تنظيم إرهابى يهدف لقلب نظام الحكم...لازم أستغل الموقف ده لصالحى...حبعت أساميهم وبيانات عنهم لمباحث أمن الدولة...مش بعيد أتعين فى منصب كبير فى الحزب الوطنى بعد ما أقوم بتأكيد ولائى لمبارك وجمال...أيوه ده أحسن حل...

مساء الخير ياجماعة...هاى كليو...هاى فيروز...قلبت الدنيا عليكم يوم 28/09/ 2003 ...إنتم كنتوا فين...أنا طلعت فى مظاهرة وهتفت ضد الحكومة لحد ما أغمن عليه...بلاش نتكلم هنا...إبعتولى على الفاكس ده بالتفصيل عملتم إيه يوم 28 ومين من الشلة كان معاكم...وشكله إيه شريف عرفة ده...مستنيكم...باىىىىىىىىى

رقم الفاكس:

8888888

إديتهم رقم الفاكس بتاع حبيب العادلى...ها ها ها...وأدى إتنين من المنتدى راحوا ورا الشمس...ها ها هو هو  

عقلى الباطن بيقوللى أستغل نمرة فاكس حبيب العادلى اللى بعتهالنا حشيش هدية من السما و أبعت عليها التشكيل الوزارى الجديد اللى بيقترحه حشيش و اللى عين نفسه فيه رئيس وزارة و عين هشام وزييييييييييييييييير دااااااااااااااااخلية.... و نبقى كدة خلصنا من "عقلية حشيش الباطنية" و نقلب عليه الترابيزة و نثيت احنا ولاءنا للحزب الوطنى و نكسب بونط عند الحكومة و نبقى من رجالتها (نضورجية يعنى) و نشوف بأة العزززززززززززززز.....[/

[Lancelot]

عقلى الباطن بيقوللى أستغل نمرة فاكس حبيب العادلى اللى بعتهالنا حشيش هدية من السما و أبعت عليها التشكيل الوزارى الجديد اللى بيقترحه حشيش و اللى عين نفسه فيه رئيس وزارة و عين هشام وزييييييييييييييييير دااااااااااااااااخلية.... و نبقى كدة خلصنا من "عقلية حشيش الباطنية" و نقلب عليه الترابيزة و نثيت احنا ولاءنا للحزب الوطنى و نكسب بونط عند الحكومة و نبقى من رجالتها (نضورجية يعنى) و نشوف بأة العزززززززززززززز.....[/

sorry .... سبقتك ...

سامحني يا حشيش يا أخويا ... بس الحالة ضنك اليومين دول ...

[Scorpion]

معلهش يا جماعة.. هزار علي جنب... الموضوع ده بجد.. يعني حصلت مظاهرات فعلآ يا كليو ؟

[Mohammad Abouzied]

هنتكلم جد ولا نحول الموضوع على باب الابتسام

[فــيــروز]

معلهش يا جماعة.. هزار علي جنب... الموضوع ده بجد.. يعني حصلت مظاهرات فعلآ يا كليو ؟

ايوه فى الغالب حصلت لانى قرات هذا الخبر فى اكثر من مجموعه بريديه ..

[afiona]

ماهو لازم هيجي يوم الشعب هينفجر فيه.......... أهلي في مصر بيقولولي ان رغيف العيش بقي عامل زي العيش الكايزر فى الحجم وبيتقدم علي فنجان قهوة (مع الإعتدار لعادل إمام)..........

[Scorpion]

أعزائي...

من بين جميع المواضيع المطروحة للنقاش الآن... في رأيي الشخصي هذا الموضوع هو اكثرها جميعآ أهمية علي الأطلاق..علي الأقل لأنه خرج عن أطار الكلام الذي نمارسه جميعآ.. الي أطار الفعل...

هو لمجموعة أخري مثلنا تجمعها مشاكل الوطن و لكنهم بدلآ من نقاشها... أعلنوا فعليآ عن رفضهم لها و .. له...

لو حدثت هذه الواقعة فعلآ.. لكانت أول خطوة أيجابية بالفعل منذ زمن طويل جدآ... جدآ...

اريد أن أكون متفائل و أصدق انها حدثت... و لكن تأكيد حدوثها حتي الآن ينحصر في روايتها علي صفحات المجموعات البريدية...

هل رأها شخصيآ أحدآ من الأعضاء.. أو حتي قرأ عنها في أي جريدة.. أو برنامج تليفزيوني.. أو من خلال أيلاف... برجاء الرد..

[Scorpion]

يا خسارة يا Ladys... الموضوع طلع تهجيص مجموعات بريدية.. خليتوني أصدقه زييكم.. معلهش ..

ياللا يا حشيش.. بلغ عن كليو و فيروز.. اهو يطلعلنا سبوبة...

[فــيــروز]

يا خسارة يا Ladys... الموضوع طلع تهجيص مجموعات بريدية.. خليتوني أصدقه زييكم.. معلهش .. 

ياللا يا حشيش.. بلغ عن كليو و فيروز.. اهو يطلعلنا سبوبة...

ليه تهجيص !! يعنى رقابينا هتروح بلاش ولا ايه

على العموم شريف عرفه رسام كاريكاتير فى مجلة روزاليوسف ولا اعتقد انه سيكتب رساله باسمه -انا شفت الرساله المرسله منه على فكره- ويكون الموضوع تهجيص