هام : التأمين الصحي بالسعودية

[se_ Elsyed]

كتبت الخبر ده في موضوع صباح الخير يا سعودية

لكن والله العظيم عارف ان في ناس هاتدخل تسأل

يا ترى تقصد تأمين طبي يعني ميديكال انشورنس .. ولا تأمين طبي للعيانين .. ولا تأمين طبي على السيارات .. وانا لو سمحت يا سين سين مولود في بني سويف لكن وكتاب الله روحت القاهرة مرة او اتنين فيا ترى انا كده أُعتبر مصري ولا عابر سبيل ولا بدون ؟

وربنا يعيننا وانا لله وانا اليه راجعون

----------------

بُشرى سارة لابناء الدايرة الكرام

" نجحت قواتنا المصرية الباسلة متمثلةً في صندوق التكافل الاجتماعي بالسفارة المصرية بالسعودية في الاتفاق مع شركة التعاونية للتأمين في التأمين الصحي - الحقيقي مش الشكنوتي او بتاع فتح السيستم وخلاص - على ابناء الجالية المصرية وبسعر مغري وكمان ربط التأمين بإدارة الجوازات .. وكل ده بـ 730 ريال سنوياً .. مين قال هات ؟

كل اللي عليك تروح تدفع المعلوم وتديهم صورة اقامتك وسلامو عليكم

واحب انبه ان مافيش علاقة بين مدة التأمين ومدة تجديد الاقامة .. يعني لو مأمن طبي سنة فممكن تجدد الاقامة سنتين .. عادي يعني

بكره ممكن اجيب للأخوة الكرام اللي كوافلهم مغلبينهم ومش مأمنين عليهم . هاجيب تفاصيل اكتر ...

ولو اني بأرجح ان التأمين يبقى مع مجموعة من المستوصفات ويكون في مستشفى واحد للعمليات والتنويم وده شي مش بطال خصوصاً ان في مستوصفات هنا مستواها عالي بصراحة .

-----------

هاثبت الموضوع ده اسبوعين تلاتة كده عشان الناس كلها تقرأ الخبر المهم ده

[rewsha]

طيب ممكن يا س س تشرح لنا موضوع التاْمين ده بالتفصيل من طاْطاْ .....ل ....سلاموا عليكوا

عارفه ان ها تقول وعليكم السلام وتمشي

واحنا نرجع ونقول لك ....والتاْمين .....زي الاعلانات بتاعت زمان

او نقولك .....الو الو الشرق للتأمين

ايوه

من فضلك المسلسل هيجي امتى

حالا

???????????

[se_ Elsyed]

طيب ممكن يا س س تشرح لنا موضوع التاْمين ده بالتفصيل من طاْطاْ .....ل ....سلاموا عليكوا

عارفه ان ها تقول وعليكم السلام وتمشي

واحنا نرجع ونقول لك ....والتاْمين .....زي الاعلانات بتاعت زمان

او نقولك .....الو الو الشرق للتأمين

ايوه

من فضلك المسلسل هيجي امتى

حالا

???????????

لما تبقوا في السعودية أبقى أشرح لكم ...

سلامو عليكم

[jamalpody]

جزاك الله خير يا س س علي هذا الموضوع القيم

سؤالي هل لابد ان اكون مشترك في الصندوق علشان احصل علي الخصم ؟

اذا كانت الاجابة نعم رجاء شرح طريقة الاشتراك بالصندوق .

[se_ Elsyed]

جزاك الله خير يا س س علي هذا الموضوع القيم

سؤالي هل لابد ان اكون مشترك في الصندوق علشان احصل علي الخصم ؟

اذا كانت الاجابة نعم رجاء شرح طريقة الاشتراك بالصندوق .

حاولت النهاردة الإتصال بالقنصلية لكن الخط مشغول على طول ..

لأخوة المهتمين .. هذا هو التليفون للإستفسار ولمزيد من المعلومات

014831305

[aimen]

خبطة ممتازة يا سى السيد ...جزاك الله كل الخير

لو الصندوق اللى قصدك عليه هو رعاية المصريين يبقى المعلمومات دى مفيدة

صندوق رعاية المصريين

لمعلومات اكثر عن الموضوع .......

العرض محدود ب2500 شخص ...لماذا لا يتم عمل تبادل اعلانى بين المنتدين أو اضافة اعلان دائم ( فى شكل صورة ) عن هذا الموضوع لأهميته ل وكمان هناك عرض تأمين للسيارات ...يارب الموضوع يمشى ويتيسر لما فيه خير لنا كلنا

تم تعديل 23 مايو 2009 بواسطة aimen

[doha]

خبر ممتاز فعلا

بس بعد اذنك لو عندك فكرة التأمين ده فئته ايه ؟ يعني بي مثلا ولا اقل ؟

وهل عشان ننتفع بيه لازم برضه موافقة الكفيل والاوراق نفسها المطلوبة من الشخص العادي ولا مش لازم ؟ ( سؤال غبي انا عارفه بس من باب العلم بالشيء الواحد يسأل مفيهاش حاجه السؤال محرمش )

وسؤال برضه اخير شبه الي قبله .. دلوقت التأمين عادي بحوالي 1000 ريال يعني مفرقش كتير عن بتاع السفاره فهل في مميزات للاشتراك عن طريق السفاره غير مبلغ الميتين وخمسين ريال الفرق ؟

[se_ Elsyed]

تخيلي يا ضحى هانم ان عندي تأمين والحمد لله بقى لي 5 سنين او 6 مش فاكر

وتخيلي ان اول ما عرفت الخبر بتاع السفارة روحت نشرته على طول وادرجت تليفون القنصلية لأني تعبت وسيبت شغلي وعمال اتصل والتليفون كان مشغول يمكن عشان النهاردة اول الاسبوع

طب حد تاني يا جماعه من المهتمين يخطف رجله للقنصلية ويجيب تفاصيل

او يتصل بالتليفون

او

يالله حصل خير

وشكراً يا ايمن على الوصلة الهامة دي لعلها تنفع الزملاء هنا

[أسد]

معلومات الإتصال بصندوق رعاية المصريين بالسعودية

http://www.egybox.org/Sefara/page.php?contactus

[doha]

تخيلي يا ضحى هانم ان عندي تأمين والحمد لله بقى لي 5 سنين او 6 مش فاكر

وتخيلي ان اول ما عرفت الخبر بتاع السفارة روحت نشرته على طول وادرجت تليفون القنصلية لأني تعبت وسيبت شغلي وعمال اتصل والتليفون كان مشغول يمكن عشان النهاردة اول الاسبوع

طب حد تاني يا جماعه من المهتمين يخطف رجله للقنصلية ويجيب تفاصيل

او يتصل بالتليفون

او

يالله حصل خير

وشكراً يا ايمن على الوصلة الهامة دي لعلها تنفع الزملاء هنا

شكرا جزيلا ياعمونا ..

بالنسبة للتليفون مش هتصل لان في واحد هنا في المنتدى اعتقد اسمه سين سين قال ان التليفون مشغول على طول ومش بيرد مع انه عمال يطلبه طول النهار فالمنطق يقول ان التليفون مش هيجيب نتيجه ..

بس ان شاء الله وعد لما ربنا يكرمنا ويحنن قلب الكفيل علينا ويفك اسر الاقامه ونستلمها منه ويروح زوجي يعمل اختبار سواقه وتحصل المعجزه وينجح فيه وربنا يكرمنا كده اكتر ونلاقي عربية نص عمر محندقة على قدنا ونشتريها وبعدين نسأل ولاد الحلال الي زي حضرتك كده على مكان السفاره ويدلونا عليه هخطف رجلي على السريع قوام قوام كده واروح السفاره اجيب لك اخر الاخبار ..

بس انت قول يارب ..

[ramyayash]

مما اراه حاليا اشعر بانها خطوه ايجابيه وفي صالح المصريين بالسعوديه ولكن لي استفسارين

1/هل يشمل التامين الصحي كل العاملين بمختلف درجاتهم الوظيفيه بمجرد دفع المبلغ المذكور

2/ هل معني ذلك انه في حاله الاحتياج الطارئ للخدمه الصحيه في اي مستشفي او مركز طبي خاص او عام يمكن الدخول فورا بمعني اصح في حالات الجروح والطوارئ ادخل اقرب مستشفي ويعتبر التامين شاملا لي؟

وشكرا

[خالد شحاته]

الاخوه الافاضل

لايوجد تامين طبي تابع السفاره لان انا الان راجع من السفاره وسالت في صندوق الرعايه الموظف قال بحرف للان لم يصلنا اي شي عنه التامين

تم تعديل 14 يونيو 2009 بواسطة خالد شحاته

[se_ Elsyed]

الاخوه الافاضل

لايوجد تامين طبي تابع السفاره لان انا الان راجع من السفاره وسالت في صندوق الرعايه الموظف قال بحرف للان لم يصلنا اي شي عنه التامين

الكلام ده يا ريس قاله سكرتير الصندوق

يبقى بيكذب

وده طبعاً عيب جداً في حق السفارة كلها

[خالد شحاته]

الاخوه الافاضل

لايوجد تامين طبي تابع السفاره لان انا الان راجع من السفاره وسالت في صندوق الرعايه الموظف قال بحرف للان لم يصلنا اي شي عنه التامين

الكلام ده يا ريس قاله سكرتير الصندوق

يبقى بيكذب

وده طبعاً عيب جداً في حق السفارة كلها

انت عارف ان انتخابات الصندوق كانت الجمعه الا فاتت يوم 12/6/2009 واليوم انا كنت بستخراج جواز سفر جديد قولت اسال عن موضوع التاميت بالمره وانا موجود رد الموظف بكل اسف وقال نقس الكلام الا ذكر اعلاه

تم تعديل 14 يونيو 2009 بواسطة خالد شحاته

[هشام عبد العزيز]

التامين الطبي عن طريق الدكتور حمدي شعراوي عضو مجلس ادارة جمعية الاطباء المصريين بالسعودية

ويمكن السكرتير الاستاذ طه الفقي لا يعرف الكثير عن الموضوع لانشغاله بالانتخابات

--

بالامكان الاشتراك في الصندوق في عدة مقار :

جمعية المعلمين المصريين بالمربع يوميا وفترتين

جمعية التجاريين المصريين بالخزان يوميا وفترتين

جمعية التطوير المصرية شارع الضباب يوميا وفترتين

نادي المصريين بالسلي يوم الجمعة فقط

وان شاء الله اتصل علي الدكتور حمدى و اجيب منه اخر تفاصيل التامين الطبي

[aimen]

ياريت يا اخ هشام لإن المنتدى هناك حتى التسجيل الجديد فيه مشاكل وراسلنا الadmin و لا رد ....

كمان مش ممكن حضرتك تسيب لنا عناوين الأماكن دى بحيث نحاول نشترك

[هشام عبد العزيز]

اية مشكلة التسجيل

هو يشترط ان يكون باللغة العربية و تصل اليك رسالة علي ايميليك و يتم تفعيل الاشتراك

[هشام عبد العزيز]

تم الاتصال علي الدكتور حمدي شعراوي المنسق بين الصندوق وشركة التامين الذى افاد بان التوقيع حتى الان لم يتم لظروف الانتخابات لكن قريبا سيتم التوقيع وساخبركم عقب التوقيع مباشرة

[OmarBak]

هو التأمين بقا اجباري يعني مفيش معقب يقدر يخلص الورق من غير تأمين

طيب هو كمان لازم اعمل تامين للاسرة ولا دا مش ضروري

[هشام عبد العزيز]

نعم التامين الطبي اجباري