قصة الهروب الكبير

[المخنوق دائما]

شىء عجيب وغريب فعلا ؟؟

الواحد بقى بيعرف يتنبأ بأى حاجه فى مصر نظرا لتكرارها كثيرا

وندخل فى الموضوع على طول

خبر فى الصفحات الأولى للصحف اليوم وهو( إصابة هشام طلعت بوعكة صحية ونقله لمستشفى السجن) أظن بقى ان القصه وضحت كده وهى محاولة الحزب الوطنى لتهريب هشام طلعت مصطفى خارج البلاد عن طريق الأسلوب البدائى والطريقه الساذجه التى تناولتها أفلام الستينات والسبعينات كأفلام الفنانه الساقطه ناديه الجندى وغيرها

والسيناريو الذى اتوقعه هو الاتى:

وعكة صحية.....مستشفى ألسجن......طلب ألعلاج بالخارج.....موافقة الأمن.....موافقة ألنائب

ألعام.....أختفاء هشام طلعت مصطفى فى ظروف غامضة......مشاهدة هشام طلعت صدفة

مع ممدوح أسماعيل و.......

ورب صدفة خير من ألف ميعاد.........................

وكنت عايز من حضراتكم تخمنوا معايا البلد اللى ممكن يهرب ليها هشام طلعت؟

ممكن سويسرا او كندا او البرازيل او كوبا او اى بلد ليس معها اتفاقية تسليم مجرمين ولكن.................

ولكن الكل يفضلونها على الطريقه الانجليزيه لندن

هى دى مصر ...وهو ده الحزب الوطنى المعروف بإصالته لا يتخلى عن رجالته

تم تعديل 23 مايو 2009 بواسطة المخنوق دائما

[se_ Elsyed]

لأ .. ده كده فيلم بوليسي .. مستحيل يحصل طبعاً ..لإن ده هايبقى في وش السُلطة

ممدوح إسماعيل لم يهرب .. لإن ببساطة ما كانش عليه أحكام لسه ..

إنما هشام مهبود حكم بالفعل ...

فصعب قوي قوي قوي يحصل السيناريو ده يا ريس ...

بالمنظر ده هشام مش هايكمل لحد الإعدام وممكن السر الإلهي يطلع لإنه مريض جداً من قبل ذلك بالقلب وأرتفاع ضغط الدم والسكر ... أمراض العز بقى وضغوط العمل ... حتى شروط الإفراج الصحي لا تنطيق عليه لإن ده مش حكم مبدئي بالسجن .. لكن إعدام ..

[HDarwish]

النقض هيديله مؤبد بدل إعدام

وطالما مؤبد تبقى محلوله .. وهنقدر نظبطها ...

يقعد في السجن الخمس نجوم مدة سنة واحده وبعدها يبقى يجي يزوره كل عشر سنين مرة مش مشكلة ..

وبكره نشوف

[hanzalah]

هل هناك رابط بين تراجع مؤشر البورصة في مصر و بين حكم الاعدام لهشام

وهل يمكن ان تتراجع الاسعار في الرحاب وتجر من خلفها كل التجمع الخامس والشروق والعبور وغيرها

وهل يمكن ان يتم وقف البناء في مدينتي .. ليس بسبب الحكم بالاعدام ولكن بسبب تباطؤ الاقتصاد

سوق العقار الان متوقف تقريبا

لابيع لاشراء

حال ترقب من الطرفين

هل ستحدث انفراجه بنزل بعض المسافرين في الصيف لضخ اموال في السوق الراكد بشراء عقارات وشقق

الله اعلم

[التونسى]

لا يمكن ده يحصل طبعا ..لان من سوء حظ المجرم السفاح المفسد هشام طلعت ان قضيته متورط فيها دول اخرى ذات حيثيه زى الامارات ولبنان .. لو كان الموضوع فى مصر .. كان ممكن اقولك فيه تدليس ولعب ممكن يحصل .. وبرضه مش حتوصل لدرجة تهريبه .. وهو كده والا كده انتهى اصلا حتى لو اتهرب .. يعنى حيعيش ميت بالحيا خسر سمعته ونفوذه وواكتسب الاحتقار بين اهل وطنه

وبعدين شئ غريب فيه كل الامراض دى ورايح يدور على جواز من واحده اصغر منه بعشرين سنه .. دنأته وخسته هى ما اوصلته للمصير المزرى هذا .. ولا يستحق اى رحمه او شفقه .. صور له خياله ان نفوذه وماله يقدروا يخليه بحكم على انسان بالموت .. وعزرائيل بتاعه كان محسن السكرى .. استغفر الله العظيم

[walidfh]

بجد الواحد مش خايف ولا يهمه ما سيحصل لهشام

أنا قلبي على الراجل الشريف النزيه القاضي اللي حكم على هشام بالإعدام لأني حاسس أنه تعرض لضغوط ويمكن والله أعلم رشاوي علشان يخفف حكمه أو يطلع هشام براءة وبالرغم من كده حكم بما يمليه عليه ضميره والقسم الذي أقسمه لما عينوه قاضي ، هذا الرجل الشريف والذي ندر في هذا الزمن هو يحتاج منا الدعاء والمؤازرة وربنا يكثر أمثاله ويباركله في صحته وأهله وماله وولده ويصبره على اللي ممكن حيشوفه بعد كده لأن رجالة هشام وأعوانه أكيد مش حيسيبوه في حاله

وربنا يسترها معاه

[doha]

هتبقى اللعبه ملعوبه صح اوي ومفهومه لو تم الاعلان عن وفاة هشام في السجن .. كده تبقى الصورة وضحت

[المخنوق دائما]

طب ياريت كل واحد من حضراتكم يكتب السيناريو الذى يتوقعه بالتفصيل

والحكم المتوقع بعد الاستئناف

انا شخصيا اتوقع اعدام لمحسن السكرى ومؤبد لهشام طلعت ومن ثم هروبه فى ظروف غامضه

او كما تتوقع الاخت ضحى وهو خبر موت هشام داخل السجن لتكون طريقه اخرى لتهريبه

وكان عندى سؤال للأستاذ walidfh

انت ليه خايف على القاضى اوى كده العالم دى بتبقى محميه كويس حتى من ذوى النفوذ

تم تعديل 24 مايو 2009 بواسطة المخنوق دائما

[التونسى]

حصل عندك لبس اخى الكريم مخنوق .. يمكن الاخ اللى بعدى هو اللى صرح بخوفه على القاضى

على العموم يا جماعه .. الراجل ده هشام وبعد ادانته والله الموت اكرم له .. حيعيش يعمل ايه .. بعد ما استقر فى ضمير الناس انه راجل فاسد مفسك محرض جبان .. معندوش مرؤه او نخوه انه يحرض على قتل امراءه ضعيفه لا حول لها ولا قوه((مهما كانت سلوكياتها فهو ليس اله ليقرر بازهاق روحها)) .. امراءه لا تستطيع بسبب طبيعتها التى خلقها الله عليها ان ترد العدوان عليها مثلما نستطيع نحن الرجال .. اى رجل هذا .. فبيدعوه يهرب وليحملوا معه وزره الى يوم القيامه .. ولكنه فى ضمير الناس قد ظهرت حقيقته .. فليذهب بعيد عنا .. ابو سبحه ومصحف .. بروح بقضى بقية حياته فى ذل ومهانه وعار وخزى

يا ريتهم يهربوه عشان يعيش فاقد لجاهه ونفوذه وسلطانه .. ويموت كل يوم الف مره

[walidfh]

وكان عندى سؤال للأستاذ walidfh

انت ليه خايف على القاضى اوى كده العالم دى بتبقى محميه كويس حتى من ذوى النفوذ

عزيزي (المخنوق دائما)

لما نلاقي واحد بيدفع 2 مليون دولار (دولار وليس جنيه) يعني أكثر من 11 مليون جنيه مصري ليقتل إمرأة ألا تعتقد انه ممكن يدفع نفس المبلغ او حتى جزء بسيط منه في سبيل الإنتقام من القاضي الذي حكم عليه بالإعدام

لو ذهب وطلب مثلا شخص محترف إجرام وطلب منه قتل القاضي لقاء عشرة الأف جنيه فسيجد الكثيرين ممن يتطوعون لهذا العمل من المجرمين إللي بيقتلوا علشان 10 جنيه وليس الف جنيه ، ولو زود المبلغ إلى 100 الف جنيه لتضاعف المتطوعين من المجرمين فكيف لو جعل المبلغ مليون جنيه وكيف لو جعل المبلغ خمسة ملايين جنيه (يعني حوالي مليون دولار) ساعتها حتلاقي طوابير واقفة

وهناك خبرا اليوم عن إلقاء عن تعرض ايمن نور لإعتداء على موقع مصراوي

http://www.masrawy.com/News/MidEast/BBC/20.../24/801273.aspx

أيمن نور يتعرض لاعتداء في القاهرة

ايمن نور

احفظ الخبر

اطبع

أضف تعليق ارسل

5/24/2009 12:48:46 AM

تعرض المعارض المصري وزعيم حزب الغد ايمن نور الى هجوم اسفر عن اصابته بحروق بينما كان يقود سيارته في القاهرة، حسبما ذكر نور لبي بي سي.

وقال نور ان مجهولا اطلق عليه غازا سائلا ثم اشعل فيه النيران مما أصابه بحروق من الدرجة الأولى.

واضاف نور في مقابلة مع تليفزيون بي بي سي العربي أن المهاجم نفذ اعتداءه بينما كان يقود دراجة نارية. ورجح نور أن يكون الهجوم له علاقة بإعلانه اعتزامه خوض انتخابات الرئاسة في عام ألفين وأحد عشر.

وردا على سؤال حول ما اذا كان وراء الاعتداء دوافع سياسية قال نور " الحقيقة ان بعض المحللين في مصر وبعض الزملاء في العمل السياسي والحزبي يربطون بين الحادث الذي وقع امس في الساعة الثامنة والنصف مساء وبين اعلاني مساء اول امس في مؤتمر جماهيري في مدينة بورسعيد عزم حزب الغد خوض الانتخابات الرئاسية القادمة".

أليس من السهل دفع مبلغ لأي مجرم وطلب منه ان يفعل نفس الشىء مع القاضي او اي واحد من بيته وبذلك تكون النتيجة الإنتقام منه وبث الرعب في القاضي الذي سيحكم في الإستئناف والمعارضة للحكم الأول وسهل جدا ان المجرم يهرب على دراجة نارية مثل حادثة اليوم

وايضا يكون هذا عبرة لمن يحاول ان يتجرأ على الكبار او الحكم عليهم

صدقني قوة المال اصبحت تحكم وليست قوة القانون وربنا يلطف بالجميع

[المخنوق دائما]

بالذمه حد يجيله قلب يقتل البراءه والجمال ده ؟؟؟؟؟؟؟

لأ وايه ويدبحها كمان !!!!!!!!

ولا بد من يوم معلوم تترد فيه المظالم

أبيض على كل مظلوم وأسود على كل ظالم

[المخنوق دائما]

بص يا أستاذ وليد ان شاء الله لو أخد اعدام مش هيبقى فى باله هوه او عيلته ان ينتقم من القاضى

لأنهم بإختصار هيتلهوا فى مصيبتهم

ده غير ان الدوله وأجهزة الأمن (المفروض) تكون عامله حسابها ومتوقعه اللى ممكن يحصل للقاضى زى ماسيادتك بتقول

وغير كده وكده اللى اتلسع من الشوربه ينفخ فى الأيس كريم (أو الزبادى)

اذا كان التحريض على قتل فنانه ممكن يتهبد فيها اعدام فلازم يفكر كويس جداااااا قبل مايتورط فى التحريض على قتل قاضى

[walidfh]

يا عزيزي أنا لسه بقلب في النت دلوقتي

شوف انا كنت بقول إيه وشوف إيه اللي مكتوب دلوقتي في المصري اليوم

http://www.almasry-alyoum.com/

خاص اطبع الصفحة ارسل لصديق اضافة تعليق

--------------------------------------------------------------------------------

«الداخلية» تشدد إجراءات الحماية على «قنصوة».. ودفاع «هشام» يؤكد بطلان الحكم

كتب يسرى البدرى وشيماء القرنشاوى وفاروق الدسوقى ٢٤/ ٥/ ٢٠٠٩

قنصوة

شددت وزارة الداخلية إجراءاتها لحماية المستشارين الثلاثة فى هيئة المحكمة، التى أحالت أوراق رجل الأعمال هشام طلعت مصطفى، ومحسن السكرى، إلى المفتى، وحددت جلسة ٢٥ يونيو المقبل للنطق بالحكم. وبررت مصادر فى الوزارة إجراءاتها بأنها طبيعية، لأن الحكم لم يصدر بعد، وغياب أى عضو من أعضاء الدائرة فى الجلسة المقبلة يستوجب إعادة نظر القضية من جديد.

كلفت الوزارة ٤ من أفراد الحراسة بتأمين المستشار محمد جاد عبدالباسط، عضو اليمين، والمستشار عبدالعال سلامة، عضو اليسار بالمحكمة، وكلفت الحارسين الخاصين بالمستشار محمدى قنصوة بضرورة تأمينه فى جميع تنقلاته فى طريقه إلى المحكمة والبيت أو إلى أى أماكن أخرى، وينطبق الأمر نفسه على عضوى اليمين واليسار.

فى سياق متصل، أثار دفاع هشام طلعت مصطفى، رجل الأعمال المتهم بالتحريض على قتل المطربة اللبنانية سوزان تميم، جدلاً واسعًا حول نص قرار الإحالة إلى المفتى،

مؤكدًا أن القرار باطل، على اعتبار أن المستشار قنصوة لم يضمّنه عبارة «بإجماع الآراء» التى تقضى بأن يكون حكم الإعدام مستندًا إلى إجماع آراء المستشارين الثلاثة فى هيئة المحكمة، كما أكد دفاع هشام أنه متمسك ببطلان المادة ٣٨١ من قانون الإجراءات الجنائية التى ورد ذكرها فى قرار الإحالة، رغم صدور حكمين من محكمة النقض يقضيان بأن ذكر العبارة ليس وجوبيًا.

وقالت مصادر قضائية لـ«المصرى اليوم» إن حكم الإعدام نص عليه القانون كعقوبة للمتهمين فى الجرائم الأشد قسوة وعنفًا، وتحيطه ضمانات عديدة، إذ لا يجوز إصدار القرار إلا بإجماع الآراء.

وشوف حضرتك بجاحة المحامي وهو بيقول

( مؤكدًا أن القرار باطل، على اعتبار أن المستشار قنصوة لم يضمّنه عبارة «بإجماع الآراء» التى تقضى بأن يكون حكم الإعدام مستندًا إلى إجماع آراء المستشارين الثلاثة فى هيئة المحكمة، )

يعني قمة الأستقصاد وزي ما بقول لسيادتك البلد دي الناس بتتكلم بفلوسها ومش لاقية حد يقف في وشها

أما هشام فسهل جدا يخرجوه زي كأنك بتتفرج على فيلم من أفلام عادل امام وسعيد صالح

عربية تقف امام عربية الترحيلات ورصاصتين في الهواء وهوب يطلعوا هشام وعلى المطار وعلى طيارته الخاصة وهوب يظهر بعد كام شهر في بلد اجنبي والفاعل مجهول

[walidfh]

بالذمه حد يجيله قلب يقتل البراءه والجمال ده ؟؟؟؟؟؟؟

لأ وايه ويدبحها كمان !!!!!!!!

لو عايز الحق اي واحد ثاني مكانه كان ودى مراته تندبح بدالها وخلى معاه سوزان تميم :closedeyes:

[المخنوق دائما]

عموما أتوقع ان الأيام القادمه ستكون مليئه بالأحداث المثيره المتعلقه بهذه القضيه

بس الظاهر ان الحكايه دى بقت موضه يعنى لو ملاحظين أغلب الفنانات اللى بيتجوزوا رجال أعمال مصريين بيتقتلوا

زى ذكرى وسوزان تميم وإن شاء الله الدور الجاى على الفنانه القديره هيفاء وهبى وزى ماهى بتقول فى كليبها الأخير :closedeyes:

سنـــــــــرى سنـــــــــــــــــــــــــــــــــــــــــرى :rolleyes:

وخلى الفن ينضف شويه على أيدى رجال الأعمال المصريين :unsure:

[خالد عبد السميع]

تحياتى ولو ان الامر ابسط مما يتخيل احد الا اننى اذكر اخونا واخوتنا ان الرئيس لازم يصدق على الحكم حتى ينفذ , طلعت مصطفى ابن عمت سوزان مبارك, وشركته جزء من شركات بن لادن !! عشتم احرارا ودئما

[Sherief AbdelWahab]

وهل لو كان هشام لسة ما اتحرقش ككارت كان حيتساب يتحكم عليه؟

وهل هشام أغلى من وزير القتل الأسبق لما تم التلاعب في قطار كامل علشان يتبرأ شوية العمال وعلشان ما يتصيحش عليه في الجرايد؟

خلص الكلام

[قديم]

اضن الجرائم بتختلف بين مالك العباره وحوادث القطارات وبين قضيه هشام

هناك قتل مباشر وهناك تساهل وتكاسل واخلال بواجبات وظيفه

قضيه هشام وصلت لاروقه المحاكم . وصدر حكم مبدءي فيها . هذا شي يدل على الن القضيه ستاخذ المجري الطبيعي لكل القضايا

ولو كانت هناك رغبه في الافراج عنه او براءته لما وصل به الحال الي هنا.

بالنسبه لعلاقاته مع الاثريائ العرب الاخرين . تبقي علاقه مال ومصالح . فيتغير هشام لطارق والشركه قائمه

وقد يتغير رئيس مجلس الاداره لشركه طلعت . فالشركه الان ليست شركه عائليه اوخاصه شركه مساهمه ليها مساهمين ..الخ

اعتقد تخفيف الحكم الي المؤبد زي زي اي قضيه اخــرى .

وسيان لما ينحكم عليه مؤبد يبات بالسجن ولا في منزله الخاص الفايف ستار .او في مستشفي خاص .. فحريته الشخصيـه مقيده

سؤال حيرني كثيرا . . هل له سوابق . .؟؟؟