علاج السرطان بالسرطان

[عنبو]

اولا السلام عليكم ورحمة الله وبركاته

كنا وانا فى البكالوريوس المفروض نعمل مشروع تخرج وكان فيه دكتور عندنا لسه جاى من اليابان كان فى بعثه هناك وهو دكتور لسه شباب يعنى يعمله بتاع 35 سنه بس بجد حاجه تفرح الدكتور ده كان اخد برأة اختراع وهو فى اليابان فى حاجه اسمها علاج السرطان بالسرطان

وطبعا لما رحت للدكتور على مكتبه لقيته اقلى على الموضوع ده وطبعا كانت حاجه اول مره اسمعها مع انى تقريبا واهم نفسى انى متابع اخر الابحاث على العموم الدكتور اقعد معايا وبدا يشرحلى فى الليله هو يشرح وانا استغرب هو يشرح وانا استغرب طبعا بيشرح ليه علشان استغرب طبعا اشتغرابى كان من بساطة الفكره اللى هو توصل ليها

الفكره فى ايه

ان المشكله بتعة السرطان ان الجهاز المناعى مش بيقدر يشوف الخلايا السرطانيه على انها خلايا ممرضه وبذالك لا يتخذ ضدها اى اكشن

طيب الدكتور ده عمل ايه اقال لو اقدرنا ان احنا نخلى ان الجهاز المناعى يشوف هذه الخلايا على انها خلايا ضاره يبقى هو تلاقيئا هيقوم بمهجمتها ويخلص عليه ويبقى كله تمام

وبعدين اقعد يفكر فى مكتبه اللى فى اليابان تعمل ايه ياعلى تعمل ايه ياعلى هو اساسا اسمه الدكتور على الديب

توصل اخيرا انه يعمل ايه ياخد بيوبسى من المنطقه اللى فيها السرطان ويقوم بقتلها عن طريق استخدام الاشعه فتموت الخلايا ولكن تبقى الانتيجين ""antigen "" موجوده على سطح هذه الخلايا ثم بعد ذالك يقوم بحقنها داخل جسم المريض مره اخرى فيتعرف الجهاز المناعى على الانتى جين الموجود على سطح الخلايا ويقوم بتكوين الانتى بودى antibodies لهذه الخلايا ومن ثم تهاجم هذه الانتى بودى اى خليه فى الجسم تحمل هذه الانتى جين وتقوم بتدميرها وهكذا

شكرا خاص للاستاذ الدكتور على الديب الاستاذ بقسم الكيمياء الحيوى كلية العلوم جامعة الزقازيق

وطبعا ولله الحمد عملت مشروع التخرج واخدت فيه امتياز

والى لقاء اخر فى لقاحات السرطان

[المخنوق دائما]

مشكور على هذا الموضوع ولكن

هل تم تجريب هذه الطريقه وأثبتت فاعليه وللا لسه كلام وأبحاث وورق وخلاص

وربنا يوفق العلماء لاكتشاف علاج ناجع للسرطان

[الجدار]

سؤال كده معلش من واحد جاهل

هو ايه هو الأنتيجين ؟؟

[عنبو]

مشكور على هذا الموضوع ولكن

هل تم تجريب هذه الطريقه وأثبتت فاعليه وللا لسه كلام وأبحاث وورق وخلاص

وربنا يوفق العلماء لاكتشاف علاج ناجع للسرطان

والله انا معرفش اذا كان اطبق ولا لا بس اللى انا اعرفه انه طريقه من الطرق العلاج الناجح

سؤال كده معلش من واحد جاهل

هو ايه هو الأنتيجين ؟؟

الانتيجين antigen دى بالعربى متغيرات بتكون موجوده على السطحى الخارجى لاى ميكروب بيسبب امراض ومن خلالها يتم الارتباط بين الانتى بودى والجسم الممرض يعنى من الاخر دى اللى من خلالها بيقدر الجهاز المناعى يعرف اذا كان الجسم ده معاه ؟؟

[ذهبية]

و الله ياريت يا دكتور محمد الحل دة ينفع لان الوراثة عندنا فى العيلة فى اعلى مستوياتها وانا فى انتظار فى اى وقت من الان لوجود السرطان ياريت تقولى الطريقة دى بالفعل طبقت ولا مجرد كلام بدون دليل علمى

و ياريت سؤال فى حالة الوراثة العالية جدا يعنى حوالى اربع اشخاص من الدرجة الاولى ومعظمهم ثدى هل ممكن يكون فية امل انة ما يجى ليا مع ان عارفة انها مسالة وقت فقط طيب ممكن اعمل اية تانى غير المامو جرام

و السونار على الثدى وهل سونار الثدى كفاية ولا لابد معة المامو فى كل مرة

اسفة على الاطالة ولك منى الف تحية شفانا الله جميعا

[عنبو]

اولا السلام عليكم ورحمة الله وبركاته

و الله ياريت يا دكتور محمد الحل دة ينفع لان الوراثة عندنا فى العيلة فى اعلى مستوياتها وانا فى انتظار فى اى وقت من الان لوجود السرطان ياريت تقولى الطريقة دى بالفعل طبقت ولا مجرد كلام بدون دليل علمى

اولا انا مش طبيب انا كيميائى "" بكالوريوس علوم قسم كيمياء ..... دراسات عليا فى الكيمياء الحيوى والفسيولوجى

لا مش مجرد كلام هو بحث وناجح لكن طبق ولا مش طبق انا معرفش ممكن يكون مطبق بره لكن مصر لا لان مش شرط كل حاجه جديده نتوصل ليها تتطبق لان تطبيقها بيكون له ابعاد تانيه غير انه علاج ناجح ولا مش ناجح وحضرتك ممكن تدخلى على النت وتتاكدى بنفسك

و ياريت سؤال فى حالة الوراثة العالية جدا يعنى حوالى اربع اشخاص من الدرجة الاولى ومعظمهم ثدى هل ممكن يكون فية امل انة ما يجى ليا مع ان عارفة انها مسالة وقت فقط طيب ممكن اعمل اية تانى غير المامو جرام

و السونار على الثدى وهل سونار الثدى كفاية ولا لابد معة المامو فى كل مرة

بالنسبه لسرطان الثدى اذا كان منتشر فى العيله اولا لابد من عمل الفحص الذاتى الثدى والتاكد من عدم وجود اى تجمعات خلويه او اى منطقه تميل الى الصلابه وعمل فحص المامو جرام بصفه دوريه للتاكد من عدم وجود اى اورام سرطانيه

ثانيا انه يجى ولا ما يجيش دى حاجه بتعت ربنا وبعدين مش تحط فى دماغك انه هيجيلك لانه فى نوع من الامراض اسمه autoimmunodisease او امراض المناعه الذاتيه ولحد دلوقتى مش عارفين ليها سبب كانوا بيكتبوا فى الكتب ""with unknown reasons" لكن كل اعتقادهم انها تنتج من الجانب النفسى يعنى اللى بيخاف من عفريت بيطلع له فانتى مش تحطى فى دماغك موضوع انه يجيلك خالص واللى انتى بتعمليه من فحص الماموجرام ده اساسا ده مجرد التاكد انه مافيش والمفروض ان اى سيده عدت سن الاربعين تعمل الفحص ده باستمرار حتى لو مكنش ظهر فى العيله

وربنا يشفى جميع مرضانا

[زعلان]

وهل فعلا حصل تجارب الفكرة نظريا مقنعه جدا

[عنبو]

وهل فعلا حصل تجارب الفكرة نظريا مقنعه جدا

ياجماعه الموضوع نظريا وعمليا ناجح لكن طبق كعلاج او مطبقش انا معرفش ؟؟؟ لان دى ليها حاجات تانيه ؟؟

[abouali]

في خبر منشور علي موقع ياهو بتاريخ 31 مايو - أنه في المؤتمر الطبي لأبحاث السرطان المنعقد في مدينة أورلاندو بفلوريدا أجمع علماء الأبحاث علي اضافة العلاج المعروف ب "مصل المناعة" الي قائمة العلاجات الثلاثة الأخري المعروفة وهي الجراحة والكيمو والأشعاع . ورغم التسمية والتي قد توحي بأنه " مصل " يقي من مرض السرطان فهذا غير صحيح واستخدامه حتي الآن كان للعلاج وليس للوقاية - وقد تمت تجربته علي 3 شرائح من المرضي بأخطر أنواع السرطان وأ ثبتت فعاليتها في ابطاء مفعول المرض - و الحالات االتي كانت في مرحلة متأخرة وعولجت بهذا المصل عاشوا في المتوسط ضعف المدة المتوقعة مقارنة بزملائهم المرضي الذين لم يعالجوا بهذا المصل . و من المينتظر أن يتم اقرار العلاج بهذه الطريقة بعد ثبوت فعاليتها وتجربنها علي نماذج بشرية.وذلك بعد التغلب علي الصعاب الفنية لانتاج هذا المصل وارتفاع التكلفة لأن المصل يستخرج وينم اعداده من نفس المريض ...

دي كانت ترجمة لجزء من المقالة المنشورة - وأدرجتها لأني وجدت فيها أجابة للأسئلة التي أثارها بعض الأعضاء بخصوص هذا الموضوع .

ويمكن استخدم الرابط التالي لقراءة الموضوع بالكامل -

http://health.yahoo.com/news/ap/us_med_cancer_vaccines.html

[dona]

المفروض ان هذا العلاج يطبق مهما كان تكلفته مع اني اعتقد ان التكلفة مش زي 3 علاجات الاخرى حتى ولو كانت اغلي حياة انسان و ازالة الامه شيء مهم في كل بلاد الدنيا عقبالنا .