طبيب نفسي !!

[alsaher]

أعتقد فكره زيارة طبيب نفسي في مجتمعاتنا بتبقى غريبه نوعا ما

لكن أحيانا بتبقى شبه ضرورة في بعض الظروف

بعد حادثة ما ، وصدمات حاده ، وقلق وأرق مستمر ، وأعراض إكتئاب حقيقي ، ربما يكون الأمر لازما

عموما ..

لا أعرف كيف أستدل على عيادة طبيب نفسي في القاهرة أو حتى الإسكندريه ، موثوق به وبعلمه

....

[fatfouta]

نفسى بجد نغير ثقافتنا وكفاية اوى كده لان الواحد يبقى تعبان ومش عارف تعبان من ايه ويطلع فى الاخر ممكن تكون حاجة نفسية بسيطة وحلها بسيط جدااا وهو بزيارة للطبيب النفسى

وده مش عيب لان العيب اننا نترك المشاعر اللى جوانا تتراكم الى ان تصل الى حد الحالة النفسية ونقول لا اذاى اروح لطبيب نفسى والناس هتقول عليا ايه وكده وماتسمع كلام حد اسمع صوت نفسك وبس ولو لقيت نفسك من جواك محتاجه لكده اعمل كده

انا بقولك بجد يا ساهر لو محتاج لطبيب نفسى روح وماتترددش عشان كل ماهتترك نفسك كل ما الاكتئاب والقلق والتوتر هيزيدوا جدااااا

ربنا معاك ويسمعنا عنك خير يا رب

فتفوته

[ozoozo]

اي الفاضل

من عشر سنين كده كنت في الثانويه العامه وكنت اعاني من بعض الواساوس القهريه والقلق المرضي جراء الضغوط النفسيه للمذاكره المهم لا اخجل ان اقول لك اني كنت اتردد علي طبيب نفسي من عائله جمال ماضي ابو العزايم وكان بسعر رمزي (30 جنيه للجلسه)

هاتلاقيه في مستوصف مسجد ابو العزم (جد د.جمال) اول شارع مجلس الشعب من ناحيه شارع بور سعيد السيده زينب

وعندك برضه د.وائل ابوهندي ومحمد مهدي ولهم موقع رائع علي النت متخصص في الطب النفسي هما ونخبه ممتازه من الاطباء

WWW.maganin.com

[alsaher]

فتفوته : شكرا جزيلا لحضرتك

ozoozo

أشكرك عزيزي لتجاوبك

تقبلوا إحترامي ومودتي

[alsaher]

أشكر كل من إهتم في الأمر وأرسل لي على الخاص بهذا الخصوص

بجد أشكركم على شعوركم النبيل ، ومشاعر الأخوه التي في داخلكم

خالص تحياتي وإحترامي

[اميره]

عمر المرض ماكان عيب بس المشكله فى التفكير فى المجتمعات الشرقيه الى بتنظر للمريض النفسى على انو مختل عقليا وده بياخرنا زياده لان الانسان ممكن يكون مريض ومحتاج يروح لدكتور نفسى ويتردد ويفكر الف مره بس ياساهر لوتسمح لى ان اقول لك وجهة نظرى باعتبارى دارسه علم نفس انك فعلا ممكن تمر بازمه اومشكله وتشعر وقتها ان الدنيا ظلمه ومفيش امل واكتئاب واهو بنقول كلام كبير وامراض غريبه بعيده كل البعد على الى بنحس بيه ياجماعه مش معنى ان صحيت من النوم مزاجى مثلا مش رايق اومتعكر حبتين ان كده اكون مريض بالاكتئاب طبعا غلط دى بتبقا حاجه تبع المزاج المود يعنى ساعات زفت وساعات مية فل وعشره زى حال المجتمع المصرى دائما حبه فوق وحبه تحت واهى ماشيه وبتعدى ... لاكن يااخى لو حاسس بجد انك محتاج تروح لطبيب لاتتردد نهائيا والله المستعان :blink:

[وليد أهلاوى مصراوى]

بصراحه السؤال اللى دايما يجى على بالى لما أسمع "طبيب نفسى" .... هو ممكن يعمل أيه ؟!!!

هل معقول هيعالحنى علشان بيسمع مشاكلى ؟!!! طب أيه فايده الأصدقاء ؟؟ أو حتى برامج المشاكل

هل العلاج أنه يفهمنى أنى غلطان والدنيا مش صعبه كده وكل حاجه هتبقى تمام ؟!!!

أيه اللى ممكن يعمله ؟؟؟؟

هل المشاكل بتتحل بس بالكلام ؟!

أعتقد أن عدم أنتشار مفهوم الطبيب النفسى فى مجتمعنا مش بسبب عدم فهم دوره

لكن بسبب أن عندنا حاجه أحسن بكتير من أى طبيب نفسى

عندنا الثقه فى رينا ....... مهما حصل عندنا ربنا نشكيله ..... ونثق أنه هيحل مشاكلنا وأنو شايفلنا الأصلح

الطبيب النفسى منتشر فى الغرب لأن العلاقه دى "بين الأنسان وربه" مش موجوده

مهما كنا عاصيين .... وبنعمل بلاوى فى الدنيا

لكن فى جزء فى قلبنا عارف أن ربنا موجود .... وأن ربنا مش هيسبنا

لو أتحطت كل الهموم على راسنا ..... كفايه الواحد يسمع قرأن ويبكى .....ويحس أن ربنا معاه

أنا مش بقلل من دور الطبيب النفسى ... لأنى بصراحه ماعرفش أيه هو الدور أصلا !!

حد يفهمنى

[ام بودى]

السلام عليكم.. اتفق فى الرأى مع وليد تماما وازيد من الشعر بيتا ان اهم تخصص طبى فى الغرب هو الطب النفسى لماذا؟

اولا لانهم مجتمع علمانى بعيدون كل البعد عن اللة فلا يلجأ او حتى يفكر فى اللجوء الى اللة هذا فى حد ذاتة سببا فى كثرة وانتشار الامراض النفسية والسلوكيات الغير سوية والغريبة التى نسمع عنها عندهم و بالتالى كثرة الذهاب للاطباء النفسيين والنتيجة صفر هذا ما تؤكدة الاحصائيات التى تقول ان اغلب الحالات وجلها التى تتردد على اطباء نفسيين فى الغرب تنتهى بالانتحار لانة ببساطة يفشل معها وهذا الكلام سمعتة من استاذ جامعى مرموق ان الطبيب النفسى المنتشر فى الغرب اكذوبة .

ثانيا انهم مجتمع مفكك تكاد تنعدم فية العلاقات الانسانية علاقة الابناء والاباء علاقة الصداقة الخ..

نحن كمجتمعات شرقية سواء مسلمين او مسيحيين فالوضع مختلف نحن مجتمع مترابط يقدس العلاقات الاسرية والانسانية ويحترمها وصوت الضمير الدينى لدينا عالى وقوى ففى اى محنة نقول بتلقائية يارب وما اجملها من كلمة

وانا كمسلمة ارى الحل لكل ما يواجهنا من متاعب وضغوط فى اللجوء لرب العالمين فى التمسك باسلامنا الجميل والرائع

اذا ضاقت بك الدنيا و حاصرتك الضغوط فاقرأ القران( شفاء لما فى الصدور) توضأ وصلى ركعتين فى جوف الليل واطل السجود وادعو ربك خاشعا وتضرع الية ان يكشف الغمة ويزيل همك ..اكثر الدعاء ..راجع حساباتك وحاسب نفسك فمن اسباب عدم اجابة الدعوة تراكم الذنوب والاصرار عليها..قوى علاقتك بربك وتودد الية بكثرة الدعاء و صلاة النوافل وصيام التطوع و قراءة القران فهو طبيبك النفسى الحقيقى وهو الاولى ان تذهب الية وتشكو الية .اقول هذا الكلام لنفسى قبل غيرى

تحياتى للجميع

[وليد أهلاوى مصراوى]

السلام عليكم.. اتفق فى الرأى مع وليد تماما وازيد من الشعر بيتا ان اهم تخصص طبى فى الغرب هو الطب النفسى لماذا؟

اولا لانهم مجتمع علمانى بعيدون كل البعد عن اللة فلا يلجأ او حتى يفكر فى اللجوء الى اللة هذا فى حد ذاتة سببا فى كثرة وانتشار الامراض النفسية والسلوكيات الغير سوية والغريبة التى نسمع عنها عندهم و بالتالى كثرة الذهاب للاطباء النفسيين والنتيجة صفر هذا ما تؤكدة الاحصائيات التى تقول ان اغلب الحالات وجلها التى تتردد على اطباء نفسيين فى الغرب تنتهى بالانتحار لانة ببساطة يفشل معها وهذا الكلام سمعتة من استاذ جامعى مرموق ان الطبيب النفسى المنتشر فى الغرب اكذوبة .

ثانيا انهم مجتمع مفكك تكاد تنعدم فية العلاقات الانسانية علاقة الابناء والاباء علاقة الصداقة الخ..

نحن كمجتمعات شرقية سواء مسلمين او مسيحيين فالوضع مختلف نحن مجتمع مترابط يقدس العلاقات الاسرية والانسانية ويحترمها وصوت الضمير الدينى لدينا عالى وقوى ففى اى محنة نقول بتلقائية يارب وما اجملها من كلمة

وانا كمسلمة ارى الحل لكل ما يواجهنا من متاعب وضغوط فى اللجوء لرب العالمين فى التمسك باسلامنا الجميل والرائع

اذا ضاقت بك الدنيا و حاصرتك الضغوط فاقرأ القران( شفاء لما فى الصدور) توضأ وصلى ركعتين فى جوف الليل واطل السجود وادعو ربك خاشعا وتضرع الية ان يكشف الغمة ويزيل همك ..اكثر الدعاء ..راجع حساباتك وحاسب نفسك فمن اسباب عدم اجابة الدعوة تراكم الذنوب والاصرار عليها..قوى علاقتك بربك وتودد الية بكثرة الدعاء و صلاة النوافل وصيام التطوع و قراءة القران فهو طبيبك النفسى الحقيقى وهو الاولى ان تذهب الية وتشكو الية .اقول هذا الكلام لنفسى قبل غيرى

تحياتى للجميع

ياااه يا أم بوده ... انت عبرتى عن اللى عايز أقوله بطريقه هايله .... تسلم يداكى

[اميره]

وليد .... وام بودى..... انا والله متفقه تماما مع الكلام الجميل ده ان اللجوء لله فى الشده خير طريق وافضل طبيب بس فى حاجه حابه اضيفها ان ربنا سبحانه وتعالى سخر جنود له فى الارض كل فرد يؤدى وظيفته يعنى كل شئ على الارض خلق لسبب ودى حكمة الله يعنى الدكتور النفسى له دور اكتر من اى شخص اخر هوصحيح ياوليد الكلام مش بيشفى بس بيخفف يعنى مثلا انا اوقات احس انى متضايقه وزهقانه جدا ولم اتكلم مع حد من اصدقائى ويكلمنى باسلوب منطقى بحس انها هانت اوى ودى مش نهاية الكون وده الى بيحاول يعملو الدكتور النفسى انو بيحاول يعرف سبب المشكله ونوع المرض ويبدا بالعلاج سواء بمنهج معين او احيانا بالكلام... تحياااااااااااتى للجميع :lol: