واحد من الناس - هل يستطيع أحدنا أن يقف جامدا هنا؟

[بندق أفندى]

من يستطع التحكم فى مشاعره فلينظر هذا

من منا يملك نفسه ولا يستطيع التأثر بشدة بحالة مثل تلك؟

[pink rose]

ايه داااااااااااااااااااااااااااااااااااااا

ايه الرضى دا ربنا يرضيكي و يرضى عنك

مش عارفه اقول ايه بجد مش لاقية كلمات بصراحة اكتبها

[الجدار]

يا الله

والله عمري ما شفت حد بالإيمان والرضا ده

أبكتني والله

كنت لسه واكل وبطني مليانه وحتى ماقلتش الحمد لله

وغيري عايش في الشهر ب 60 جنيه

دي مش انسانه دي لا يمكن دي تتحط فوق رؤوسنا كلها

كنت حكتب يا رب اكرمها بس لقيت ان احنا اللي محتاجين الدعوه دي مش هي

ازاي ابن ولا بنت يبقى عنده ام زي دي وماترماش تحت رجلها

لا حول ولا قوة الا بالله

[بركة]

الله يكرمك يا بندق أفندي

أنا بحب البرنامج ده بس عشان الفقرات اللي زي دي

واللي الواحد محتاج يشوفها دايما عشان قسوة القلوب التي نشعر بها

من حين لآخر وعشان الواحد يشكر نعم الله التي لا تعد ولا تحصى

والله أنا حاسسه أن الجنة خلقت لهكذا رضا

اللهم رضنا بقضائك وارض عنا آمين يارب العالمين

[fatfouta]

لا حول ولا قوة الا بالله

والله ماقادرة اتكلم ولا اكتب اى حاجة (استغفر الله العظيم) ربنا يرحمها برحمته بس فعلا ذى ما قال الجدار انها مش محتاجه دعوة ده احنا اللى مجتاجين دعوة ست راضية وطيبة وجميلة ذى دى ويا ريت نتعلم من رضاها ده

اللى اثر فيا اوى انها بتقوله على بناتها اللى سايبينها لوحدها وقاعدين ف مصر انهم غلابة .... وهما مش ممكن يكونوا اغلب منها وبتدعيلهم كمان

وكمان الست يا عينى لما سألها عاوزة حاجة مارضييتش تقوله عاوزة ودعتله وبس وماطلبتش اى حاجة هو ده الل خلانى بكيت والله

واحلى حاجة بجد الدعوة الاخيرة بتاعتها ( يارب انصر المسلمين على اليهود والكفار)

اللهم امين يارب

[بندق أفندى]

لم تتح لى الفرصة ان أرى الحوار كاملا حتى أرسلته لى احدى الزميلات وهى تنعى حالها مقارنة بهذه السيدة

فجيعة أن تكون بيننا وأن يكون لها ابن لم تتفوه بكلمة واحدة ضد عقوقه البين وأربعة بنات تأسى عليهم أكثر من حالهم

وهى الكفيفة التى فقدت بصرها بالمياة الزرقاء وهى مرض ارتفاع ضغط العين وهو مؤلم بشدة ..

حقيقة لم أتوقف عن الاعجاب بها وايمانها الشديد العميق ولم أتوقف عنه البكاء الا لحظة كنت أجهز الفرخة .. وكلما ذكرت السيدة

تغلبنى دموعى بشدة .. هى نموذج مطابق لأمى فى التسليم والرضى وانكار الذات لكنه مغاير فى بر الأبناء والظروف المادية ..

وأحيانا يكون لدى أمى الرغبة فى المعاملة بالمثل .. مثلا ذهبت لأعوجها مخصوص الأسبوع الماضى .. وسألتها عن خالاتى (سبعة ما شاء الله)

وانى أنوى زيارتهم جميعا .. فأشفقت على لأنى نازل 70 ساعة .. قالت لا أحد يلومك انت جاى تزور والدتك .. اتكل على الله اتحرك عشان ترتاح

أقسم انها لحظات قاتلة التأثير تقوم بجراحة عظمى فى النفس لتعيدها سيرتها الأولى التى خلقت عليها سليمة الفطرة ..

تحية لهذه الأم العظيمة دعواتنا لها ان يرتاح قلبها ببر ابنها التى كانت تريد أن تفخر به وبناتها وندعو الله ان ييسر أمرهم جميعا ..

وتحية لكل ذو نفس سوية سليمة الطوية

وحداد من المطبخ نص ساعة

[doudy]

الصراحة سيدة عظيمة

عندها رضا فظيع ما شفتش زيه قبل كدة

يا رب يكرمنا بشوية رضا و قناعة

بنتى كانت بتتفرج معايا ع الفيديو و سالتنى(( يا ماما مش بتخاف حرامى يجيلها و هى لوحدها؟))

قولتيلها ((يا كنزى انتى سامعاها بتقول معايا ربنا......مش هتخاف من حرامى يدخلها))

بجد احنا اللى محتاجين الدعاء لكن هية ربنا حاميها وواقف معاها

[nightmare]

الحمد لله الذي أكرمني بمشاهدة هذه الحلقة كاملة وكانت اول مرة اشاهد فيها هذا البرنامج

وبصراحة شديدة , عندما بدأ الحوار مع هذه الام العجوز لم اتمالك نفسي ووجدت نفسي أبكي بكاءاً شديداً لم ابكي مثله من سنوات طويلة

وسرحت بخاطري كثيراً وتقينت أننى فرطت كثيراً في أمر الله , واننا في نعمة كبيرة لا نحسن شكر نعمة الله عليها , فلم أري في حياتي رضا وقناعة بهذا الشكل , ولم أري في حياتي يقين بالله وإيمان به بهذا الشكل ولم أري حق التوكل علي الله بهذا الشكل , ولم أري صبراً كهذا , ووجدت نفسي كالمجنون ابحث في الإنترنت عن هذا الفيديو ولم يهدأ لي بال حتي قمت بتحميل هذا الفيديو , وانصحكم جميعاً بتحميله , وعندما تحس أن الدنيا وقرت في قلبك وان قلبك بدأ يقسو قعليك بسماع كلمات هذه الام .

فهذه الام الجليلة انعم الله عليها بالايمان وادعوا الله لها أن يمن الله عليها بالثبات وان يحشرها الله في زمرة الصابرين ومع حبيب رب العالمين وان بدخلها الله الجنة بدون حساب او سابقة عذاب وان يسقها من يد سيدنا محمد شربة هنيئة مريئة لا تظمأ بعدها أبداً.

آمين يارب العالمين

[أسد]

يوماً بعد يوم ..

أزداد يقيناً بأن أعظم نعمة ينعم الله بها على عبده ..

هي نعمة الرضى ..

شاهدت تلك الفقرة تحديداً ..

تأثرت بشكل كبير فعلاً .. وانفعلت جداً ..

ولا أدري كيف أصف مشاعري

[bentmasria]

لاشىء يصف مثل هذا الرضى

اللهم ارزقنا نعمة الرضا والصبر وسكينة القلب جميعا يارب

اللهم آمين يارب العالمين

[student]

ياااااااااااااااااااااااااااااااه

اد كده في ظلم من البشر

اد كده في قناعة

اد كده في حنية وعطف

ربنا يشفيها ويباركلها

[السويفي]

السلام عليكم:

والله والله ما رايتموه بسبب تقصيرنا ......

هناك حالات اقسي من حاله هذه المرأه ...وبفضل الله نملك ما نساعدهم به ولكننا نعشق الراحه

بعضنا يدفع الالاف لوجه الله ولا يتحري اين ذهبت ....ولو اتعب نفسه قليلا لوصلت لمن يحتاجونهم

كان صديقي يحب ان يوصل الصدقه بنفسه للمحتاجين ....

وذات يوم دخل غرفه لامراه عجوز ليعطيها الصدقه وجد الباب مفتوحا فدخل ومالبث ان خرج مسرعا لانه لم يتحمل رائحه الغرفه

وكاد يبكي مما راه

اللهم اغفر لنا تقصيرنا

[elfakhrany]

ولئن شكرتم لأزيدنكم

اللهم اجعلنا من الشاكرين

اللهم زدها ونحن معها شكرا و رضا لما أنعمت به علينا

"ربي إني لما أنزلت إلي من خير فقير"

[Om Zayd]

http://www.youtube.com/watch?v=0Ytf6aXp9Zg