مكافأه نهاية الخدمه

[عماد حمدي]

السلام عليكم ورحمة الله وبركاتة

بصوا يا جماعة دلوقتي سؤالي واضح جدا ً هل فية قانون في مكتب العمل بيجبر صاحب العمل بزيادة الراتب سواء بعد 3 شهور او سنة او غيرة ؟؟؟

ثانيا ً بالنسبة لمكافأه نهاية الخدمة هل هي إجبارية علي صاحب العمل ولا إختيارية حسب الكفاءة وبتكون نسبة قد اية من الراتب ؟؟

ثالثاًُ معلشي بقا أسئلة بالجملة ههههههه دلوقتي مر ثلاث شهور والكفيل معملشي الإقامة ليا ولا كارت العمل ؟؟ أعمل أنا اية بقا ؟؟ وهل فية ضرر عليا ؟؟ ياعني عايز أبعاد الموضوع دا

ودمتم سالمين

شاكرين حسن تعاونكم معي

تم تعديل 26 مايو 2009 بواسطة EMAD HAMDY

[MZohairy]

حجاوبك على اول سؤالين بس

الاول: لأ مفيش قانون بيجبر على الزياده الا لو الزياده دي مذكوره في العقد صراحة

الثاني: مكافأة نهاية الخدمه بتكون 15 يوم من الراتب على اول خمس سنوات خدمه = راتبك 15 يوم مضروب في 5

ابتداء من السنه السادسه بيبقى راتب شهر على كل سنه

اذا تركت العمل باختيارك قبل مرور 5 سنوات بيتخصملك تلتين المكافأه المستحقه

و لو اكتر من 5 و اقل من 10 سنوات بيتخصملك تلت المكافأه المستحقه فقط

من 10 سنين فيما فوق لا يخصم منك اي شيئ من مستحقات نهاية الخدمه في حالة استقالتك

[se_ Elsyed]

لو فات 3 شهور ولم يستخرج لك الحاكم بأمره إقامه ... يبقى كده دخلت في الغميق وعليك غرامة 1000 ريال ..

مكافأة نهاية الخدمة ليست إختيارية .. ولكنها بحكم قانون العمل ... حتى لو تم الإتفاق في عقد العمل على عدم دفعها فهو إتفاق باطل لإنه يخالف القانون .. وأي بند يخالف القانون لا يُعتد به ...

[بندق أفندى]

سؤالك غريب عن الزيادة .. بس بوضوح لا يوجد قانون يجبر صاجب العمل على الزيادة

مكافأة نهاية الخدمة اجبارية على صاحب العمل .. هى نصف شهر عن أول خمس سنوات من كل دخل يتقاضاه العامل يتكسب صفة الديمومة الشهرية.. يعنى الراتب الأساسى والبدلات كلها .. وفى المادة 86 أجاز استثناء العمولات من مكافأة نهاية الخدمة .. يعنى لو مفيش نص فى العقد يستثنيها يبقى تتحسب بس عرفا لا أحد يحسبها ..

عن الخمس سنوات التالية شهر عن كل سنة

فى حال هو انهى خدماتك بعد مرور الثلاثة أشهر تستحق راتب شهر انذار وكذلك كامل نهاية الخدمة

فى حال رغبت فى عدم تجديد العقد تستحق مكافأة نهاية الخدمة كاملة (لأنه يكون عقد محدد المدة)

اذا تحول العقد بالتجديد التلقائى الى عقد غير محدد المدة .. حال الاستقالة تستحق ثلث مكافة نهاية الخدمة فى أول خمس سنوات والثلثين فى ألخمس التالية وكاملة بعد عشر سنوات ..

أما الاقامة أعتقد انه سوف يدفع غرامة ويتحملها هو وليس انت ..

[se_ Elsyed]

منذ تعديل قانون العمل الجديد في يناير 2006

وجميع عقود العمل للأجانب هي عقود غير محددة المدة

وبالتالي لو إستقلت قبل نهاية عقدك بعد خدمة 20 سنة بيوم واحد ... لا تستحق مكافأة نهاية خدمة .. تخيلوا ؟

والشركة لو فصلتك في عقد مثلاً 3 سنوات بعد 6 شهور ... لازم تدفع لك تعويض أو راتب المدة المتبقية في عقدك

والعقود المحددة المدة اللي ينطبق عليها موضوع شهر الإنذار هي عقود السعوديين فقط ..

لكن حتى الأن الامور بتمشي بلدي ... وعُرف سائد وكل سنة وإنت طيب

تلت وتلتين ومش عارف إيه ... وتيجي لو الشركة فصلتك تطلب تعويض عن الضرر اللي وقع عليك ... يقوم مكتب العمل ولجان الفصل يردوا عليك بعد 3 سنين ويقول لك " مالكش حاجه لإن الاجر مقابل العمل .. وإنت ما اشتغلتش الفترة دي يا حبيبي عشان تطلب تعويض او راتب "

كل ده وإنت قاعد في بيتكم مستني الفصل في القضية ...

حد فهم حاجه ؟

بأحب جداً قانون العمل الإماراتي .. ما فيهوش تهريج .. فصل قبل نهاية الخدمة يبقى وإنت مغمض بتاخد راتبك المتبقي من عقدك أو 3 شهور تعويض أيهما أقل بالإضافة إلى مكافأة نهاية الخدمة

والشركة اللي بتحاول تتحايل على القانون أو تظلم عامل لديها ... بتروح ورا الشمس ..

[عماد حمدي]

جزاكم الله كل الخير , وجعلة في ميزان حسناتكم

أنا سالت السؤال بخصوص المكافأه لسبب انه قالي دا حسب الكفأئة في العمل , لو انا كفء هاخد مكافأه ترك خدمة مش كفءيبقي مفيش ,,, للأسف مفيش ........!!!!

طيب معلشي نسيت حاجة مهمة دلوقتي راتبي متقسم ( أساسي + بدل أخري ) هل المكافأه بتتاخد علي الأساسي ولا الأساسي والبدلات كذلك نقطة هامة الشهر الأجازة بعد السنتين مدفوع الأجر بالبدلات ولا الأساسي بس

[بندق أفندى]

جزاكم الله كل الخير , وجعلة في ميزان حسناتكم

أنا سالت السؤال بخصوص المكافأه لسبب انه قالي دا حسب الكفأئة في العمل , لو انا كفء هاخد مكافأه ترك خدمة مش كفءيبقي مفيش ,,, للأسف مفيش ........!!!!

طيب معلشي نسيت حاجة مهمة دلوقتي راتبي متقسم ( أساسي + بدل أخري ) هل المكافأه بتتاخد علي الأساسي ولا الأساسي والبدلات كذلك نقطة هامة الشهر الأجازة بعد السنتين مدفوع الأجر بالبدلات ولا الأساسي بس

الراتب الأساسى + بدل السكن .. لا بدل طعام ولا بدل مواصلات

المكافأة التى تقصدها هى البونص مش مكافأة نهاية الخدمة

تم تعديل 26 مايو 2009 بواسطة بندق أفندى

[rewsha]

جزاكم الله كل الخير , وجعلة في ميزان حسناتكم

أنا سالت السؤال بخصوص المكافأه لسبب انه قالي دا حسب الكفأئة في العمل , لو انا كفء هاخد مكافأه ترك خدمة مش كفءيبقي مفيش ,,, للأسف مفيش ........!!!!

طيب معلشي نسيت حاجة مهمة دلوقتي راتبي متقسم ( أساسي + بدل أخري ) هل المكافأه بتتاخد علي الأساسي ولا الأساسي والبدلات كذلك نقطة هامة الشهر الأجازة بعد السنتين مدفوع الأجر بالبدلات ولا الأساسي بس

[/qu

رساله الى س س

شوفت بعينك بنود العقد واتاْكدت ان الاجازه شهر بعد سنتين .يعني كل سنه 15 يوم فقط .صدقتني ؟

n2&(

[se_ Elsyed]

رساله الى س س

شوفت بعينك بنود العقد واتاْكدت ان الاجازه شهر بعد سنتين .يعني كل سنه 15 يوم فقط .صدقتني ؟

شوفت

روحي يا روشه هانم افطري الأول وتعالي نتجاذب أطراف الحديث عن قانون العمل اللي حافظه زي إسمي ..

مش معنى إن هناك ناس بتاخد 15 يوم سنوياً .. يبقى دي القاعدة الصحيحة

القانون بيقول الحد الأدنى للإجازة هو 21 يوم سنوياً مدفوعة الاجر ... ويمكن الإتفاق على أكثر من ذلك يعني في ناس بتاخد 30 يوم وناس ولاد عز بياخدوا 45 خصوصاً الحكومة .. وكله مدفوع

أما بتوع 15 سنوياً أو 30 كل سنتين فهي مخالفة صريحة لقانون العمل السعودي حتى لو إتفقت الشركة والعامل على ذلك ... ما ينفعش نقول " أبوها راضي وأنا راضي .. وسيبوني بقى عشان مش فاضي "

وأي واحد ضهره للحيطه وراضع لبن طبيعي وراح إشتكى شركته وقال إنهم بيخالفوا القانون في شروط التعاقد ... فبياخد حقه بس يصبر على طول الإجراءات .. وهو بكده هايفتح أبواب جهنم على شركته ومكتب العمل هايراجع جميع عقود الموظفين الأخرين عشان يشوفها مطابقة للقانون أم لا ..

[ozoozo]

طيب انا عندي في الشركه لاتاخذ مكافاه نهايه الخدمه علي الاساسي والبدلات(السكن والسياره) الا بعد عشر سنين وقبل كده بتاخد علي الاساسي بس هل ده قانوني ولا يمكن ده عشان الشركه اجنبيه (راتبي والبونص ياتي من الشركه الام) لكن الكفاله وعقد العمل من شركه سعوديه لكنها مالهاش اي علاقه خالص باموري الماليه

[rewsha]

100%100 يا س س انا بس كنت بامتحنك حافظ كويس وله لا

لان انا عن نفسي محمله قانون العمل السعودي عندي وكل يوم احفظ شويه

وبداْنا نتكلم في موضوع العقود والمرتبات على (مغترب طبيب صيدلي )اتفضل معانا

[زعلان]

n2&( الي اعرفه انه 21 يوم عمل عنكل سنة لاول خمس سنوات و 30 يوم عمل عن كل سنة لخمس سنوات و طالع

[arinymcse]

السلام عليكم..معلش يا ريس على الازعاج انا بس في سؤال محايرني: انا كافيلي جبني على زيارة عمل يوم 12/12/2005 و فضل يجدد زيارة العمل دي الى 6/2007 و ذلك عن طريق اني انزل مصر و يطلعلي زيارة عمل تانية وفي التاريخ 6/2007 طلعلي اقامة ..المهم انا عندي العقد مكتوب بتاريخ 12/12/2005 فالسؤال :

هل ينفع يكون تاريخ العقد قبل اصدار الاقامة؟ و السؤال الاهم

العقد اللي معايا سنوي و بيتجدد كل سنة في تاريخ 12/12 فالسؤال هل لو انا قدمت استقالتي في 12/12/2010 اخد مكافأتي كاملة على اساس اني في نهاية مدة من العقد و لا هيدوني 2/3 المكافأة على اساس إني كملت خمس سنوات و عقدي اصبح بعد ثلاث سنوات غير محدد المدة يعني يعتبروني استقلت و لا هيحسبولي المكافأة من اول اصدار الاقامة في 6/2007 يعني يدوني 1/3 المكافأة فقط عل اساس اني اشتغلت 3 سنوات و ثلاث اشهر فقط .معلش انا عارف انها فزورة بس هو ده الوضع الحالي.

ارجو الافادة و لو اي سؤال اتفضل اسأل

شكرا

[arinymcse]

؟؟؟؟