كالجاري وادمنتون

[norbakrahmed]

السلام عليكم...

سؤال الى الاخت نور... يا ترى ايه اخبار شغل البرمجة و تطوير المواقع... و الكمبيوتر عموما؟ علشان تقريبا حضرتك قلتى ان جوزك شغال فى مجال الكمبيوتر... هل المجال مفتوح؟ و هل موضوع الخبرة الكندية عامل مشكلة؟

و كمان عايز أسأل... لو حد حب يجرب حظه و يفتح مكتب برمجة و تصميم و تطوير مواقع... و يشتغل freelance... هل عندكم فكرة الموضوع ممكن يشتغل بسهولة؟ و هل الموضوع سهل.. يعنى زى هنا فى مصر... افتح مكتب و اشتغل على طول... ولا ممكن يكون فيه تراخيص؟

معلش عالاسئلة الكتير... و ان شاء الله ربنا ييسر لكم الحال و يوفقكم فى الحياة الجديدة..

و يا ريت لو حضرتك تخلى دى قهوتك... و تكتب لنا مواقف و انطباعات عن كالجارى... :)

أهلاً بحضرتك - أنا على حسب ما أسمع من مدام ميو ديماً تقولي إن مجال I T الطلب عليه كتيير - أنا زوجي بيشتغل في ORACLE DATABASE - كنت شركتو طالبة ناس في تخصصه - هما إستغنو عن الخبرة الكندي بسؤال مدرينو في مصر زي ما قلت قبل كدة

واللهي زوجي سمع عن موضوع ال-FREE LANCE وهيحاول يشوفو إنشاء الله - بالنسبة لموضوع التراخيص هما بحبو الورق جداً في كل حاجة

حضرتك ممكن لم تيجي تاخد كورسات في مجال تخصصك د هتساعد جداً - وممكن تشتغل PART TIME في أي STORE لحد ما تخلص

[dcfarouk]

السلام عليكم

مدام نور بجد مجهود جميل ومشكور لحضرتك

انا كنت عاوز اسال حضرتك بالنسبه لكالجاري هل الاسعار فيها غاليه بالنسبه للاكل

لان سمعت ان الاسعار فيها ضعف او تلات اضعاف كيبيك او تورنتو

ياريت حضرتك تفيدينا

وتذكري شويه اسعار وهل الايجارات كمان اغلي

وشكرا

[dcfarouk]

دكتور محمد الوزير ياريت حضرتك تطمنا عليك وايه اخبارك

[norbakrahmed]

الاخوة الافاضل كنت عايز استفسر عن فرص عمل الكيميائيين في كالجاري بعد المعادلة.شكرا

حضرتك ممكن تدخل على المواقع دي تضع ال-c v عليها وكمان تقدر تشوف الوظائف المطلوبة :

monster.ca

workopolis

careerbuilder.ca

[norbakrahmed]

السلام عليكم

مدام نور بجد مجهود جميل ومشكور لحضرتك

انا كنت عاوز اسال حضرتك بالنسبه لكالجاري هل الاسعار فيها غاليه بالنسبه للاكل

لان سمعت ان الاسعار فيها ضعف او تلات اضعاف كيبيك او تورنتو

ياريت حضرتك تفيدينا

وتذكري شويه اسعار وهل الايجارات كمان اغلي

وشكرا

أهلاً بيك يا دكتور :

الاسعار هنا متفركش كتير عن كيبيك أو تورنتو - يني فعلاً في فرق بس مش لدرجة ضعفين أو تلاتة - أنا هاكتب أسعار الاساسيات :

الفرخة توصل 8 دولار الكيلو - وممكن تجبها مشوية بردو من بعد المحلات ب 8 دولار

اللحوم بتختلف ممكن البقري هنا يوصل ل 11 الكيلو اللحمة القطاع الكويسة - كمان الضاني هنا يوصل l14 من الضلوع أو الفقرات

أما الاسماك والجمبري وكدة فلسعر حلوة جداً - يعني الجمبري متوسط الحجم مقشر الكيلو ب-10 دولار - كمان السلمون الفيلي 500 جرام ب-5 دولار

الخضار بيكون على حسب elstore - أرخص حاجة بتكون سي superstore

مثلاً الطماطم والخيار توصل ل-2 دولار الكيلو وممكن تلقيها في store تاني ب-4

الموز ممكن يوصل ل-80 سنت للباوند فقط

السكر 10 كيلو ب-12 دولار

الارز 18 كيلو ب-31

الزيت للقلية 20 لتر ب-20 دولار

اللبنبيوصل ال-4.50 ل 4 لتر

يتم إضافة 5 ٪ للفاتورة ضرائب - لكن في تورنتو بتكون الضرائب 12 ٪

هنا فعلاً الاجارات أعلى من كيبيك وتورونتو - ممكن حضرتك تقارن عن طريق kijiji toronto - kijiji calgary - المكان الكويس للسكن هنا هو في nw - downtown بتكون أعلى الاجارات فيهم

اي سؤال تاني أنا موجودة إنشاء الله  

[Lendo]

انا سامع ان كالجاري اكتر برودة و بيحكولي عن برودتها نوادر الكلام دة صحيح ولا مبالغة :wub:

[norbakrahmed]

انا سامع ان كالجاري اكتر برودة و بيحكولي عن برودتها نوادر الكلام دة صحيح ولا مبالغة :sad:

هو فعلا هنا البرودة جامدة - بس كالجري أكتر بلد مشمسة في كندا

[helisinki]

السلام عليكم وحمة الله وبركاته

جزا الله خيرا القائمين على الموضوع وانا بس مشاركتاً منى عاوز اضيف بعض المواقع المهمة جدا لو حد عاوز سكن فى كالجارى هوة انا جديد اوى هنا :sad: يس ممكن اكون عملت افادة لأى حد محتاج سكن

ودى بعض المواقع اللى ممكن نلاقى فيها بعض العروض الممتازة

http://www.rentfaster.ca

http://www.albertarent.com

http://www.hometrader.ca

يمكن حد يكون حط المواقع دى قبل كدة او يكوم الاعضاء عرفنها المهم ان احنا نستفاد جميعا وربنا يوفق الجميع وبعتذر لأنى من الممكن مابقاش موحود على الموقع هنا خلال الفترة دى وان شاء الله احاول انى اشارك معاكم قريب

جزاكم الله خيرا md2: