كالجاري وادمنتون

[safar]

مبروك الوصول للأراضي الكندية، راجين أن تكون جميع الأمور لديكم ندية. والله يوفقكم دنيا ودينيا.

مع تحياتي للجميع

[Phizer]

حمدلله على السلامه يا صبررررررر

[الأهلاوي الأصيل]

حمدا لله على السلامة ... وإن شاء الله تكون نقلة موفقة

وربنا يكتبلك ولأسرتك سعادة الدارين الدنيا والآخرة

[poulaemad]

حمد الله على السلامه وان شاء الله تكونى مبسوطه ومتابعين يا افندم

[meyo]

حمد الله على السلامة انا اختك هنا في كلجاري لو اردتي التعارف اكتبي لى ايميلك وانا ارسل لكي عنواني

[forgiving lady]

السلام عليكم

حمد لله على السلامه

ربنا معاكو يا رب

و يا رب تكون بداية موفقة يا رب

أنا في شدة السعادة أن أخيرا بدء ألمصريون يقتنعوا أن كالجاري بداية جيدة إن شاء الله

على الرغم من إصابتي بلإحباط في هذه الفترة إلا أني سوف أتابع بكل إنصات و إهتمام إن شاء الله

خالص الدعاء بل توفيق يا رب

[Nassarlink]

الف حمد الله علي سلامة الوصول

و مبروك عليكي كندا

[hijaz]

فينك يا مدام صبررر فتحت موضوع جديد بمداخله واحده و بعدها اختفيت

ماشي ها نصبررررررررررر عليك يا صبررر :aslam: :waf: :bsmal:

[الصبررر]

السلام عليكم جميعا وباشكركم كثيرا على مشاعركم الطيبه وربنا يوفقكم وتنالوها يارب ،

اسفه لتأخري في الرد انشغلت في دوامه الاستمارات وحكاية استخراج بطاقة التأمين الصحي والبطاقه الشخصيه و social insurance number

المهم خلصنا من كل ده ،،

انا حاحاول اتكلم عن بعض الحاجات اللس شفتها هنا مثل نمط الحياة واهم الامور واي سؤال انا في الخدمة

[الصبررر]

السلام عليكم جميعا وباشكركم كثيرا على مشاعركم الطيبه وربنا يوفقكم وتنالوها يارب ،

اسفه لتأخري في الرد انشغلت في دوامه الاستمارات وحكاية استخراج بطاقة التأمين الصحي والبطاقه الشخصيه و social insurance number

المهم خلصنا من كل ده ،،

انا حاحاول اتكلم عن بعض الحاجات اللس شفتها هنا مثل نمط الحياة واهم الامور واي سؤال انا في الخدمة

ياجماعه الحياه هنا حلوة جدا والناس بيسلموا على بعض وبيبتسموا لبعض وفي ناس كثير بيعرفهم جوزي هم كنديين بيكونوا هم وزوجاتهم في مول او اي مطعم الست منهم بتبص لي وبتقولي الحجاب اللي لابساه حلو جدا شكله زي البرواز على وشك وفي نفس اليوم باألتقي بناس عرب مسلمين بيقولولي ايه يابنتي اللي انتي لابساه اتحضري (سبحان الله ) طبعا مش كل العرب كده بس انا بأحكيلكم عن اللي حصل معايا ،، النظام هنا روعه والطابور حتى على كوب كافي ،

كالجاري حلوة بس الجو ملخبط مرة مطر ومرة مشمس بس الحاجه اللي تعبتني هي الشمس اللي مش بتغيب الا الساعه 10 مساء الاولاد مش بيرضوا يناموا بيقولولي ياماما لسه الصباح ،،

احب احكي عن نظام استقبال الضيوف وأداب الوقت والاكل ونوعه وطريقة تقديمه لأني اول ماوصلت كنت بأتعزم كل يوم عند اهل جوزي واصدقاءه ، بس ارتب الموضوع واطلعكم عليه ،،

الاخت ميا انتي قلتي انك ساكنة في الداون تاون بس الايجار غالي كثير في بيوت حلوة في المنطقة اللي انا فيها انا مقيمة في نورث ويست ايدجمونت وانتي ممكن تستأجري بيت حلو جدا ب 1500 دولار اما حكاية الترين في باص بيمر كل نص ساعه في كل منطقة وكل حي وبيأخذك عا محطة الترين

[Nassarlink]

السلام عليكم جميعا وباشكركم كثيرا على مشاعركم الطيبه وربنا يوفقكم وتنالوها يارب ،

اسفه لتأخري في الرد انشغلت في دوامه الاستمارات وحكاية استخراج بطاقة التأمين الصحي والبطاقه الشخصيه و social insurance number

المهم خلصنا من كل ده ،،

انا حاحاول اتكلم عن بعض الحاجات اللس شفتها هنا مثل نمط الحياة واهم الامور واي سؤال انا في الخدمة

ياجماعه الحياه هنا حلوة جدا والناس بيسلموا على بعض وبيبتسموا لبعض وفي ناس كثير بيعرفهم جوزي هم كنديين بيكونوا هم وزوجاتهم في مول او اي مطعم الست منهم بتبص لي وبتقولي الحجاب اللي لابساه حلو جدا شكله زي البرواز على وشك وفي نفس اليوم باألتقي بناس عرب مسلمين بيقولولي ايه يابنتي اللي انتي لابساه اتحضري (سبحان الله ) طبعا مش كل العرب كده بس انا بأحكيلكم عن اللي حصل معايا ،، النظام هنا روعه والطابور حتى على كوب كافي ،

كالجاري حلوة بس الجو ملخبط مرة مطر ومرة مشمس بس الحاجه اللي تعبتني هي الشمس اللي مش بتغيب الا الساعه 10 مساء الاولاد مش بيرضوا يناموا بيقولولي ياماما لسه الصباح ،،

احب احكي عن نظام استقبال الضيوف وأداب الوقت والاكل ونوعه وطريقة تقديمه لأني اول ماوصلت كنت بأتعزم كل يوم عند اهل جوزي واصدقاءه ، بس ارتب الموضوع واطلعكم عليه ،،

الاخت ميا انتي قلتي انك ساكنة في الداون تاون بس الايجار غالي كثير في بيوت حلوة في المنطقة اللي انا فيها انا مقيمة في نورث ويست ايدجمونت وانتي ممكن تستأجري بيت حلو جدا ب 1500 دولار اما حكاية الترين في باص بيمر كل نص ساعه في كل منطقة وكل حي وبيأخذك عا محطة الترين

إقامه سعيده في كالجاري

ومتقلقيش انا في انتظار التفاصيل لما بالك يروق

وتنظمي افكارك

و شكرا ليكي انك فاكرانا

نصّار

[umomar]

الف مبروك

[meyo]

الى اختي العزيزة (بلدياتي)

احنا فعلا شفنا بيوت كثيرة جميلة بس احنا كنا عايزيين نستأجر بسرعة لاننا كنا في فندق مكلف ومليش اي معارف لي هنا فأستأجرنا بسرعة لكن احنا عملنا العقد بست شهور بس وبعدين ندور براحتنا ويا ريت لما تخلصي اوراقك نتقابل

[الصبررر]

السلام عليكم ، عاوزه احكي لكم عن اول يوم رحنا فيه على كندا ، رحنا عا الخطوط اليمنية من مطار عدن الى مطار صنعاء وكانت رحلة قصيرة والاولاد فرحانين (عندي بنت 8 سنوات و ولد 4 سنوات ) وبعد كده ابتداء النكد خمس ساعات في مطار صنعاء ابتدوا الاولاد يزهقوا المهم الرحلة ابتدأت الساعه الثانية فجرا وطيران ثمان ساعات الى فرانكفورت وبعد كده سبع ساعات ترانزيت في المطار ويا أخواني الاعزاء انا انذليت ذل هناك عمري بحياتي ماحسيته ، ابني الصغير عمل لي مواقف رهيبة عمال يجري في المطار وانا واراه و ضعنا ويعدين رجعت للحته اللي كنت فيها بصعوبة المطار كبير جدا المهم كان بيشوف عربيات صغيره بتمشي تنقل المسافرين الكبار في السن وابني بيجري وراها والناس بتسرخ حاسبي الواد وهو ولا هامه وانا بااجري والشنطه معايا ثقيلة وبا أمسكه وباضربة على ايده قامت جاية لي وحده من بتوع الامن ووشها شايط وبوزها شبرين وبتقولي ماتعمليش كده تاني قصدها ما أضرب الولد والا حاتكوني في مشكلة كبيرة وعينكم ماتشوف الا النور بقى هو يجري وانا اجري وبنتي تجري وكل مرة تعالا يامحمد تعالا ياجبيبي وهو ولا هنا وبااقله بس نوصل حأوريك ولكن لا حياة لمن تنادي المهم مرت السبع ساعات وطيران الى كالجاري ثمان ساعات و وصلنا وروحي في جلقي وقدرت اشوف جوزي بالعافية كنت تعبانه جدا ،، وصلنا حوالي الساعه خمسة ونص مساء وبدأت حياتي الجديده في هذا البلد الجميل.

[الصبررر]

مساء الخير ، اخواني اعضاء المنتدى بأشكر كل اللي بيباركوا لي وبيدعوا لي وبااتمنى للجميع التوفيق ، حاأحكي لكم عن تاني يوم رحنا فيه لبيت اخته جوزي كانت عازمتنا عا العشاء وكان استقبال حافل وكل اهله موجودين وكان الكل ودودين معايا وكل حد منهم بيعرضوا خدماتهم اللي حاتعلمني قيادة السيارة واللي حاتسجلني في كلية لتقوية اللغه الانجليزية ،،، الخ ،،،، الحلو في كل بيت اتعزمت فية طريقة تقديم الطعام يعني على بال ماتحضر الاكل عا الطاولة بتقدم المقبلات على طاولة صغيرة امامك وكل واحد بيأخذ طبق ويأخذ اللي عاوزة وعلى قدر حاجته وبعد كده تروح تخدم نفسك وتحط اللي انت عاوزة والاكل متنوع مافيش حد بيضغط على حد تأكل براحتك شبعت مافيش لا والنبي الحتة دي كمان لحد نفسك ماتطلع ،،،، بس مهم جدا يا أخواني تنتبهوا للأكل الحلال خصوصا اللحم والدجاج لأن الاغلب هنا مش حلال يعني البقر والاغنام بيقتلوها بالرصاص وبعد كده بيقطعوها والحيوان اذا مات من القتل بالرصاص حايبقى مثل ماجاء بالأيه الكريمه لحم الميتة يعني مش بينفع ذبحهها والدجاج بيقتلوه بالكهرباء ويدخل في ذلك البرجر والكنتاكي و ،،،،،،، الخ بس في محلات عرب مسلمين تبيع اللحم الحلال وبرجر لحم ودجاج حلال والله اعلم ، والاصل أن نعمل بالاسباب ونتقي الله قدر الاستطاعه ومن يتقي الله يجعل له مخرج .

[الصبررر]

ياجماعه حد يقدر يساعدني في تغيير العنوان بالعربي؟؟؟؟

[dreamy]

مبروك اختي سلامة الوصول لكندا ونورتي كالجاري....نحنا بأذن اللله ناويين على كالجاري ولو عندك فكرة عن شركة عقارات كويسة لتأجير شقق في منطقة النورث ويست يكون كتر خيرك حبيبتي....ياريت تدينا معلومات أكتر عن الجو في كالجاري...

[الصبررر]

توصلي بالسلامة اخت دريم الجو اليوم 31 درجة بس دائما بيتغيير يعني الاسبوع الجاي ممكن يكون 22 ومطر ، بالنسبه لموضوع شركة العقارات والله ماعندي فكرة لأن زوجي عنده بيت ملك ولم يتعامل مع شركة العقارات

[الصبررر]

الاخت دريمي انا سألت عن مكتب تأجير العقارات ولقيت وحده اسمها jessica chan

وده الموقع بتاعها www.jessicachan.ca

ممكن يفيدك

[dreamy]

مشكورة اختى الصبر وربنا يوفقك في كالجاري يا رب...